https://arm.sputniknews.ru/20240524/amnn-sksel-e-veranajel-vrastani-het-erkkvoghm-hamagvortsakcutjuny-blinken-76174647.html
ԱՄՆ–ն Վրաստանի համար վիզային սահմանափակումների նոր քաղաքականություն կմտցնի. Բլինկեն
ԱՄՆ–ն Վրաստանի համար վիզային սահմանափակումների նոր քաղաքականություն կմտցնի. Բլինկեն
Sputnik Արմենիա
Պաշտոնական Վաշինգտոնը հույս ունի, որ Վրաստանի առաջնորդները կվերանայեն օտարերկրյա գործակալների մասին օրենքը, որպեսզի «առաջ տանեն ժողովրդավարական և եվրատլանտյան... 24.05.2024, Sputnik Արմենիա
2024-05-24T12:21+0400
2024-05-24T12:21+0400
2024-07-31T19:15+0400
էնթոնի բլինկեն
վրաստանի հանրապետություն
ամն
գործակալ
օրենք
https://cdn.am.sputniknews.ru/img/07e8/04/05/74222730_0:0:1600:901_1920x0_80_0_0_adef64c29b0add1a538df9ba620cff3f.jpg
ԵՐԵՎԱՆ, 24 մայիսի – Sputnik․ ԱՄՆ–ն հայտարարում է Վրաստանի հետ երկկողմ համագործակցության համակողմանի վերանայման մասին, որը կապված է «Օտարերկրյա գործակալների մասին» օրենքի հետ: Ինչպես հայտնում է ԱՄՆ Պետական դեպարտամենտի մամուլի ծառայությունը, այս մասին հայտարարել է ԱՄՆ պետքարտուղար Էնթոնի Բլինկենը:Ավելի վաղ հայտնել էինք, որ Վրաստանի խորհրդարանը մեկ ամիս շարունակվող բողոքի ակցիաների ֆոնին մայիսի 14–ին 3–րդ և վերջնական ընթերցմամբ ընդունել է «Օտարերկրյա ազդեցության թափանցիկության մասին» օրինագիծը: Նախագահ Սալոմե Զուրաբիշվիլին մայիսի 18–ին օգտվել է վետոյի իր իրավունքից, սակայն իշխող «Վրացական երազանք» կուսակցությունը հայտարարել է, որ կհաղթահարի այն, քանի որ դա երկրում լարվածությունը թուլացնելու միակ հնարավորությունն է:Պետդեպարտամենտի հայտարարության մեջ նշվում է, որ ի պատասխան Վրաստանի իշխանությունների գործողությունների` որոշվել է Վրաստանի համար վիզային սահմանափակումների նոր քաղաքականություն մտցնել, որը կկիրառվի «Վրաստանում ժողովրդավարության խաթարման համար պատասխանատու անձանց կամ հանցակիցների, ինչպես նաև նրանց ընտանիքի անդամների նկատմամբ»:«Սա ներառում է այն անձանց, որոնք պատասխանատու են Վրաստանում քաղաքացիական հասարակության և խաղաղ հավաքների ազատության ճնշման համար՝ բռնության կամ ահաբեկման միջոցով»,– հավելել է Բլինկենը:Նա նաև զգուշացրել է` յուրաքանչյուր ոք, որը խաթարում է ժողովրդավարական գործընթացները Վրաստանում, այդ թվում՝ 2024 թ. հոկտեմբերին երկրում կայանալիք ընտրությունների նախաշեմին, կարող է դիտվել որպես այդ քաղաքականությանը կողմնակից և զրկվել Միացյալ Նահանգներ մուտք գործելու հնարավորությունից: Այդ սահմանափակումները կտարածվեն նաև այդ անձանց մերձավոր հարազատների նկատմամբ:Հիշեցնենք` Վրաստանի խորհրդարանը մայիսի 14-ին երրորդ և վերջնական ընթերցմամբ ընդունեց «Օտարերկրյա ազդեցության թափանցիկության մասին» աղմկահարույց օրինագիծը, որը տևական ժամանակ փոթորկել էր Վրաստանը:Այդ օրենքը նախատեսում է առանձին ռեեստրում գրանցել այն ոչ առևտրային իրավաբանական անձանց և ԶԼՄ-ներին, որոնց եկամուտների ավելի քան 20%-ը ստացվել է արտերկրից:Վրաստանի իշխանությունները պնդում են, որ օրենքը լիովին համապատասխանում է իրավական բոլոր հիմնական սկզբունքներին և մեկ նպատակ ունի՝ բացահայտել ոչ կառավարական կազմակերպությունների և ԶԼՄ-ների ֆինանսական աղբյուրները։Ընդդիմադիրները, հասարակական կազմակերպությունների ներկայացուցիչները և քաղաքացիական ակտիվիստները, որոնք դեմ են «Օտարերկրյա ազդեցության թափանցիկության մասին» օրինագծի ընդունմանը, պնդում են, որ այդ օրենքը նույն հարթության մեջ է դնում Վրաստանի բարեկամներին և թշնամիներին, պիտակավորում է և խանգարում երկրի ինտեգրմանը ԵՄ-ին։Վրաստանի իշխանություններն ընդգծում են, որ օտարերկրյա ֆինանսավորման թափանցիկության մասին օրենքներ արդեն ունեն ԱՄՆ-ն, Իսրայելը և Ավստրալիան, իսկ Եվրամիությունում և Ֆրանսիայում նման օրինագծերը քննարկման փուլում են: Միաժամանակ Վրաստանին այս օրինագծի ընդունումից հրաժարվելու կոչ են արել Եվրամիությունն ու ԵՄ առանձին երկրներ, ԱՄՆ-ն, ՄԱԿ-ը, ՆԱՏՕ-ն ու Եվրոպայի խորհուրդը:
վրաստանի հանրապետություն
ամն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
էնթոնի բլինկեն, վրաստանի հանրապետություն, ամն, գործակալ, օրենք
էնթոնի բլինկեն, վրաստանի հանրապետություն, ամն, գործակալ, օրենք
ԱՄՆ–ն Վրաստանի համար վիզային սահմանափակումների նոր քաղաքականություն կմտցնի. Բլինկեն
12:21 24.05.2024 (Թարմացված է: 19:15 31.07.2024) Պաշտոնական Վաշինգտոնը հույս ունի, որ Վրաստանի առաջնորդները կվերանայեն օտարերկրյա գործակալների մասին օրենքը, որպեսզի «առաջ տանեն ժողովրդավարական և եվրատլանտյան ձգտումները»։
ԵՐԵՎԱՆ, 24 մայիսի – Sputnik․ ԱՄՆ–ն հայտարարում է Վրաստանի հետ երկկողմ համագործակցության համակողմանի վերանայման մասին, որը կապված է «Օտարերկրյա գործակալների մասին» օրենքի հետ: Ինչպես հայտնում է
ԱՄՆ Պետական դեպարտամենտի մամուլի ծառայությունը, այս մասին հայտարարել է ԱՄՆ պետքարտուղար Էնթոնի Բլինկենը:
Ավելի վաղ հայտնել էինք, որ Վրաստանի խորհրդարանը մեկ ամիս շարունակվող բողոքի ակցիաների ֆոնին մայիսի 14–ին 3–րդ և վերջնական ընթերցմամբ ընդունել է «Օտարերկրյա ազդեցության թափանցիկության մասին» օրինագիծը: Նախագահ Սալոմե Զուրաբիշվիլին մայիսի 18–ին օգտվել է
վետոյի իր իրավունքից, սակայն իշխող «Վրացական երազանք» կուսակցությունը հայտարարել է, որ
կհաղթահարի այն, քանի որ դա երկրում լարվածությունը թուլացնելու միակ հնարավորությունն է:
«Այսօր ես սկսում եմ Միացյալ Նահանգների և Վրաստանի միջև երկկողմ համագործակցության համակողմանի վերանայում»,– ասված է Պետդեպարտամենտի ղեկավարի տարածած հայտարարության մեջ:
Պետդեպարտամենտի հայտարարության մեջ նշվում է, որ ի պատասխան Վրաստանի իշխանությունների գործողությունների` որոշվել է Վրաստանի համար վիզային սահմանափակումների նոր քաղաքականություն մտցնել, որը կկիրառվի «Վրաստանում ժողովրդավարության խաթարման համար պատասխանատու անձանց կամ հանցակիցների, ինչպես նաև նրանց ընտանիքի անդամների նկատմամբ»:
«Սա ներառում է այն անձանց, որոնք պատասխանատու են Վրաստանում քաղաքացիական հասարակության և խաղաղ հավաքների ազատության ճնշման համար՝ բռնության կամ ահաբեկման միջոցով»,– հավելել է Բլինկենը:
Նա նաև զգուշացրել է` յուրաքանչյուր ոք, որը խաթարում է ժողովրդավարական գործընթացները Վրաստանում, այդ թվում՝ 2024 թ. հոկտեմբերին երկրում կայանալիք ընտրությունների նախաշեմին, կարող է դիտվել որպես այդ քաղաքականությանը կողմնակից և զրկվել Միացյալ Նահանգներ մուտք գործելու հնարավորությունից: Այդ սահմանափակումները կտարածվեն նաև այդ անձանց մերձավոր հարազատների նկատմամբ:
Հիշեցնենք` Վրաստանի խորհրդարանը մայիսի 14-ին երրորդ և վերջնական ընթերցմամբ
ընդունեց «Օտարերկրյա ազդեցության թափանցիկության մասին» աղմկահարույց օրինագիծը, որը տևական ժամանակ
փոթորկել էր Վրաստանը:
Այդ օրենքը նախատեսում է առանձին ռեեստրում գրանցել այն ոչ առևտրային իրավաբանական անձանց և ԶԼՄ-ներին, որոնց եկամուտների ավելի քան 20%-ը ստացվել է արտերկրից:
Վրաստանի իշխանությունները պնդում են, որ օրենքը լիովին համապատասխանում է իրավական բոլոր հիմնական սկզբունքներին և մեկ նպատակ ունի՝ բացահայտել ոչ կառավարական կազմակերպությունների և ԶԼՄ-ների ֆինանսական աղբյուրները։
Ընդդիմադիրները, հասարակական կազմակերպությունների ներկայացուցիչները և քաղաքացիական ակտիվիստները, որոնք դեմ են «Օտարերկրյա ազդեցության թափանցիկության մասին» օրինագծի ընդունմանը, պնդում են, որ այդ օրենքը նույն հարթության մեջ է դնում Վրաստանի բարեկամներին և թշնամիներին, պիտակավորում է և խանգարում երկրի ինտեգրմանը ԵՄ-ին։
Վրաստանի իշխանություններն ընդգծում են, որ օտարերկրյա ֆինանսավորման թափանցիկության մասին օրենքներ արդեն ունեն ԱՄՆ-ն, Իսրայելը և Ավստրալիան, իսկ Եվրամիությունում և Ֆրանսիայում նման օրինագծերը քննարկման փուլում են: Միաժամանակ Վրաստանին այս օրինագծի ընդունումից հրաժարվելու կոչ են արել Եվրամիությունն ու ԵՄ առանձին երկրներ, ԱՄՆ-ն, ՄԱԿ-ը, ՆԱՏՕ-ն ու Եվրոպայի խորհուրդը:
