https://arm.sputniknews.ru/20240523/erevanum-transpvorty-bnakanvon-ashkhatum-e-kvostanjany-gvortsadul-anvogh-varvordneri-masin-76122783.html
Երևանում տրանսպորտը բնականոն աշխատում է. Կոստանյանը` գործադուլ անող վարորդների մասին
Երևանում տրանսպորտը բնականոն աշխատում է. Կոստանյանը` գործադուլ անող վարորդների մասին
Sputnik Արմենիա
Երևանի քաղաքապետը պարբերաբար հանդիպելու է «Երևանի ավտոբուս» ՓԲԸ–ի վարորդների և աշխատակազմի, ղեկավարության հետ։ 23.05.2024, Sputnik Արմենիա
2024-05-23T11:21+0400
2024-05-23T11:21+0400
2024-05-23T12:52+0400
ավտոբուս
երևան
գործադուլ
https://cdn.am.sputniknews.ru/img/07e7/09/19/66447778_0:28:811:484_1920x0_80_0_0_8e4c0777bbaaf23df82ea8e08e79ff86.jpg
ԵՐԵՎԱՆ, 23 մայիսի – Sputnik. Երևանի հանրային տրանսպորտը վաղ առավոտից աշխատում է բնականոն հունով։ Այս մասին Sputnik Արմենիայի հետ զրույցում ասաց Երևանի քաղաքապետի մամուլի խոսնակ Հայկ Կոստանյանը։Ավելի վաղ հայտնել էինք, որ մայիսի 22-ին «Երևանի ավտոբուս» ՓԲԸ–ի ենթակայության տակ գործող Zhong Tong, HIGER, MAN և «Գազել» մակնիշի ավտոբուսների վարորդները, ինչպես նաև ընկերության մնացած աշխատակազմը գործադուլ էին հայտարարել։ Նրանք բողոքում էին նորանշանակ տնօրենի դեմ, ինչպես նաև այն հանգամանքից, որ վերջինիս օրոք 1,5 ամսում երկարամյա աշխատակիցներ են ազատվել աշխատանքից։ Պահանջում էին ՓԲԸ–ի գլխավոր ինժեներ Անդրանիկ Մարգարյանին վերականգնել իր պաշտոնում։ Արդյունքում մայրաքաղաքի հազարավոր բնակիչներ ստիպված էին ժամերով կանգառներում տրանսպորտի սպասել։ Երեկոյան քաղաքապետ Տիգրան Ավինյանը հանդիպեց «Երևան ավտոբուսի» դժգոհող աշխատակիցներին։Ներկա պահին քաղաքապետարանից դժվարացան հստակ թիվ նշել այն վարորդների, որոնք երեկ գործադուլ էին հայտարարել` նշելով, որ, այնուամենայնիվ, որոշ շարժակազմեր շարունակել են աշխատել։Նա ընդգծեց, որ Երևանի քաղաքապետը պարբերաբար հանդիպումներ է ունենալու «Երևանի ավտոբուս» ՓԲԸ-ի ղեկավարության և աշխատակիցների հետ` իրավիճակը պարզաբանելու համար: Ստուգումներից հետո եթե պարզվի, որ ընկերության գլխավոր ինժեներ Անդրանիկ Մանուկյանը և պաշտոնից ազատված մյուս անձինք անմեղ են, այդ մարդիկ կվերականգնվեն իրենց աշխատանքում:Եթե չարաշահումներ եմ թույլ տվել, թող գան, կալանավորեն. «Երևանի ավտոբուսի» գլխավոր ինժեներԿոստանյանի խոսքով` «Երևանի ավտոբուս» ՓԲԸ-ի նոր տնօրենի նշանակումից հետո չարաշահումներ են հայտնաբերվել: Մասնավորապես, մարտին օրական հասույթը միջինը 20 մլն 500 հազար դրամ է կազմել, ապրիլին` 24 մլն 500 հազար դրամ։ Այսինքն` պակասուրդը կազմել է օրական 4,5 մլն դրամ։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ավտոբուս, երևան, գործադուլ
ավտոբուս, երևան, գործադուլ
Երևանում տրանսպորտը բնականոն աշխատում է. Կոստանյանը` գործադուլ անող վարորդների մասին
11:21 23.05.2024 (Թարմացված է: 12:52 23.05.2024) Երևանի քաղաքապետը պարբերաբար հանդիպելու է «Երևանի ավտոբուս» ՓԲԸ–ի վարորդների և աշխատակազմի, ղեկավարության հետ։
ԵՐԵՎԱՆ, 23 մայիսի – Sputnik. Երևանի հանրային տրանսպորտը վաղ առավոտից աշխատում է բնականոն հունով։ Այս մասին Sputnik Արմենիայի հետ զրույցում ասաց Երևանի քաղաքապետի մամուլի խոսնակ Հայկ Կոստանյանը։
Ավելի վաղ հայտնել էինք, որ մայիսի 22-ին «Երևանի ավտոբուս» ՓԲԸ–ի ենթակայության տակ գործող Zhong Tong, HIGER, MAN և «Գազել» մակնիշի ավտոբուսների վարորդները, ինչպես նաև ընկերության մնացած աշխատակազմը
գործադուլ էին հայտարարել։ Նրանք
բողոքում էին նորանշանակ տնօրենի դեմ, ինչպես նաև այն հանգամանքից, որ վերջինիս օրոք 1,5 ամսում երկարամյա աշխատակիցներ են ազատվել աշխատանքից։ Պահանջում էին ՓԲԸ–ի գլխավոր ինժեներ Անդրանիկ Մարգարյանին վերականգնել իր պաշտոնում։ Արդյունքում մայրաքաղաքի հազարավոր բնակիչներ ստիպված էին ժամերով կանգառներում տրանսպորտի սպասել։ Երեկոյան քաղաքապետ
Տիգրան Ավինյանը հանդիպեց «Երևան ավտոբուսի» դժգոհող աշխատակիցներին։
Ներկա պահին քաղաքապետարանից դժվարացան հստակ թիվ նշել այն վարորդների, որոնք երեկ գործադուլ էին հայտարարել` նշելով, որ, այնուամենայնիվ, որոշ շարժակազմեր շարունակել են աշխատել։
««Երևանի ավտոբուս» ՓԲԸ-ի վարորդների և ղեկավարության հետ քաղաքապետի հանդիպմանը քննարկվել են տարբեր բնույթի հարցեր, որոնք մտահոգում են նրանց: Մասնավորապես, վարորդները բողոքում էին նոր տնօրենից, սակայն նա էլ իր հակափաստարկները ներկայացրեց»,– ասաց Կոստանյանը։
Նա ընդգծեց, որ Երևանի քաղաքապետը պարբերաբար հանդիպումներ է ունենալու «Երևանի ավտոբուս» ՓԲԸ-ի ղեկավարության և աշխատակիցների հետ` իրավիճակը պարզաբանելու համար: Ստուգումներից հետո եթե պարզվի, որ ընկերության գլխավոր ինժեներ Անդրանիկ Մանուկյանը և պաշտոնից ազատված մյուս անձինք անմեղ են, այդ մարդիկ կվերականգնվեն իրենց աշխատանքում:
Կոստանյանի խոսքով` «Երևանի ավտոբուս» ՓԲԸ-ի նոր տնօրենի նշանակումից հետո չարաշահումներ են հայտնաբերվել: Մասնավորապես, մարտին օրական հասույթը միջինը 20 մլն 500 հազար դրամ է կազմել, ապրիլին` 24 մլն 500 հազար դրամ։ Այսինքն` պակասուրդը կազմել է օրական 4,5 մլն դրամ։
