https://arm.sputniknews.ru/20240523/adrbejanci-sahmanapahnern-arden-kirancic-mvot-200-300-m-heravvorutjan-vra-en-ghazarjan-76155037.html
Ադրբեջանցի սահմանապահներն արդեն Կիրանցից մոտ 200-300 մ հեռավորության վրա են. Ղազարյան
Ադրբեջանցի սահմանապահներն արդեն Կիրանցից մոտ 200-300 մ հեռավորության վրա են. Ղազարյան
Sputnik Արմենիա
Անդրադառնալով կիրանցեցի Խանում Թամրազյանին, որի տունը սահմանազատման հետևանքով անցնելու է Ադրբեջանին, մեր զրուցակիցը նշեց` նա չի պատրաստվում ո՛չ քանդել իր... 23.05.2024, Sputnik Արմենիա
2024-05-23T19:30+0400
2024-05-23T19:30+0400
2024-05-23T19:34+0400
կիրանց
սահմանապահ
հայ-ադրբեջանական
ադրբեջան
դելիմիտացիա
տավուշ
https://cdn.am.sputniknews.ru/img/07e8/04/14/74788386_0:150:1600:1050_1920x0_80_0_0_a27520cdb4f8bf01a15302bcef0d2a56.jpg
ԵՐԵՎԱՆ, 23 մայիսի – Sputnik. ՀՀ Տավուշի մարզի Կիրանց գյուղի բնակիչները, որոնց անշարժ գույքն ու հողամասերը սահմանազատման հետևանքով անցնելու են Ադրբեջանին, արդեն դատարկում են իրենց տներն ու այգիները։ Այս մասին Sputnik Արմենիայի հետ զրույցում ասաց Աճարկուտի ավագանու անդամ Կարեն Ղազարյանը։Խանում Թամրազյանը մեկն է այն բնակիչներից, որոնց տները սահմանազատման հետևանքով անցնելու են Ադրբեջանին։ Կարեն Ղազարյանն ասաց, որ տիկին Խանումը չի պատրաստվում ո՛չ քանդել իր տունը, ո՛չ էլ դուրս գալ այնտեղից։ Չնայած նրա վճռական տրամադրվածությանը, ոստիկանությունն ասել է, որ ուժով էլ լինի` կնոջը կհանեն տնից։Ղազարյանը նաև նշեց, որ արդեն երրորդ օրն է, ինչ 30 տարի առաջ կառուցված բնագիծը տեխնիկայով ամբողջությամբ քանդել են։ Ասաց` իրեն թույլ չեն տվել առաջ գնալ, բայց տեղեկություններ ունի, որ ադրբեջանցի սահմանապահներն առաջ են եկել ու արդեն գյուղից մոտ 200-300 մ հեռավորության վրա են գտնվում։Այս պահին ոստիկանության ծառայողները թույլ չեն տալիս գյուղի բնակիչներին մոտենալ այն հատվածներին, որոնք շուտով անցնելու են թշնամուն։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։Կիրանցի բնակիչները մայիսի 16-ին փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։
կիրանց
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիրանց, սահմանապահ, հայ-ադրբեջանական, ադրբեջան, դելիմիտացիա, տավուշ
կիրանց, սահմանապահ, հայ-ադրբեջանական, ադրբեջան, դելիմիտացիա, տավուշ
Ադրբեջանցի սահմանապահներն արդեն Կիրանցից մոտ 200-300 մ հեռավորության վրա են. Ղազարյան
19:30 23.05.2024 (Թարմացված է: 19:34 23.05.2024) Անդրադառնալով կիրանցեցի Խանում Թամրազյանին, որի տունը սահմանազատման հետևանքով անցնելու է Ադրբեջանին, մեր զրուցակիցը նշեց` նա չի պատրաստվում ո՛չ քանդել իր տունը, ո՛չ էլ առհասարակ դուրս գալ այնտեղից։
ԵՐԵՎԱՆ, 23 մայիսի – Sputnik. ՀՀ Տավուշի մարզի Կիրանց գյուղի բնակիչները, որոնց անշարժ գույքն ու հողամասերը սահմանազատման հետևանքով անցնելու են Ադրբեջանին, արդեն դատարկում են իրենց տներն ու այգիները։ Այս մասին
Sputnik Արմենիայի հետ զրույցում ասաց Աճարկուտի ավագանու անդամ Կարեն Ղազարյանը։
«Այս պահին բնակելի տուն դեռ չի քանդվել, բայց բնակիչներն առավոտյան պատրաստվում են այդ տները քանդել։ Ասում են` ուզում են քանդել, որ թշնամուն չմնա, քանի որ արդեն չեն կարողանում պահել։ Տեխնիկայի խնդիր է եղել այսօր»,– ասաց Ղազարյանը։
Խանում Թամրազյանը մեկն է այն բնակիչներից, որոնց տները սահմանազատման հետևանքով անցնելու են Ադրբեջանին։ Կարեն Ղազարյանն ասաց, որ տիկին Խանումը չի պատրաստվում ո՛չ քանդել իր տունը, ո՛չ էլ դուրս գալ այնտեղից։ Չնայած նրա վճռական տրամադրվածությանը, ոստիկանությունն ասել է, որ ուժով էլ լինի` կնոջը կհանեն տնից։
Ղազարյանը նաև նշեց, որ արդեն երրորդ օրն է, ինչ 30 տարի առաջ կառուցված բնագիծը տեխնիկայով ամբողջությամբ քանդել են։ Ասաց` իրեն թույլ չեն տվել առաջ գնալ, բայց տեղեկություններ ունի, որ ադրբեջանցի սահմանապահներն առաջ են եկել ու արդեն գյուղից մոտ 200-300 մ հեռավորության վրա են գտնվում։
Այս պահին ոստիկանության ծառայողները թույլ չեն տալիս գյուղի բնակիչներին մոտենալ այն հատվածներին, որոնք շուտով անցնելու են թշնամուն։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։
ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։
Կիրանցի բնակիչները մայիսի 16-ին
փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո
բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։
