https://arm.sputniknews.ru/20240520/kiranci-skzbnamasic-14-qaghaqacu-en-tarel-vostikanutjun-76008496.html
Կիրանցի սկզբնամասից 14 քաղաքացու են տարել ոստիկանություն
Կիրանցի սկզբնամասից 14 քաղաքացու են տարել ոստիկանություն
Sputnik Արմենիա
Կիրան գյուղի մոտ հավաքված քաղաքացիների ու իրավապահների միջև պարբերաբար վիճաբանություն է լինում։ 20.05.2024, Sputnik Արմենիա
2024-05-20T17:09+0400
2024-05-20T17:09+0400
2024-05-20T17:20+0400
հայաստան
կիրանց
հհ ոստիկանություն
https://cdn.am.sputniknews.ru/img/07e8/05/14/76005025_0:0:1600:901_1920x0_80_0_0_9b3fc2eee8b7357a27c5dda12f9cf8dc.jpg
ԵՐԵՎԱՆ, 20 մայիսի – Sputnik. ՀՀ Տավուշի մարզի Կիրանց գյուղի սկզբնամասից 14 անձ է բերվել ոստիկանություն։ Տեղեկությունը Sputnik Արմենիային հայտնեց ՀՀ ՆԳ նախարարի մամուլի խոսնակ Նարեկ Սարգսյանը։Նշենք, որ ոստիկանները մայիսի 19-ից սահմանափակել են մարդկանց տեղաշարժը, և միայն Կիրանցի բնակիչներին են թույլ տալիս մտնել գյուղ։ «Տավուշը հանուն հայրենիքի» շարժման անդամները, նրանց աջակիցներն ու ԱԺ ընդդիմադիր պատգամավորներն այս պահին Կիրանցի սկզբնամասում են, բայց նրանց նույնպես թույլ չեն տալիս մուտք գործել գյուղ։ Արդյունքում պարբերաբար վիճաբանություն է լինում քաղաքացիների և իրավապահների միջև։ Քիչ առաջ ոստիկանությունը քաղաքացիներին հորդորեց հեռանալ ճանապարհից, բայց նրանք պնդեցին, որ իրենք ոչ թե ճանապարհն են փակել կամ հավաք են իրականացնում, այլ ուղղակի փորձում են գնալ Կիրանց։ Ոստիկանության ծառայողները որոշ ժամանակ անց սկսեցին բերման ենթարկել մարդկանց։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։Կիրանցի բնակիչները մայիսի 16-ին փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։ԱԱԾ–ն մայիսի 19-ին հայտարարեց, որ սահմանապահ զորքերը Տավուշի մարզի Կիրանց գյուղի հատվածում իրականացնում են ՀՀ պետական սահմանի պահպանությունը ստանձնելուն ուղղված նախապատրաստական աշխատանքներ, և ելնելով անվտանգային և օպերատիվ անհրաժեշտությունից` Կիրանց բնակավայրում հաշվառում չունեցող քաղաքացիների մուտքը բնակավայր ժամանակավորապես սահմանափակվել է։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կիրանց, հհ ոստիկանություն
հայաստան, կիրանց, հհ ոստիկանություն
Կիրանցի սկզբնամասից 14 քաղաքացու են տարել ոստիկանություն
17:09 20.05.2024 (Թարմացված է: 17:20 20.05.2024) Կիրան գյուղի մոտ հավաքված քաղաքացիների ու իրավապահների միջև պարբերաբար վիճաբանություն է լինում։
ԵՐԵՎԱՆ, 20 մայիսի – Sputnik. ՀՀ Տավուշի մարզի Կիրանց գյուղի սկզբնամասից 14 անձ է բերվել ոստիկանություն։ Տեղեկությունը
Sputnik Արմենիային հայտնեց ՀՀ ՆԳ նախարարի մամուլի խոսնակ Նարեկ Սարգսյանը։
Նշենք, որ ոստիկանները մայիսի 19-ից սահմանափակել են մարդկանց տեղաշարժը, և միայն Կիրանցի բնակիչներին են թույլ տալիս մտնել գյուղ։ «Տավուշը հանուն հայրենիքի» շարժման անդամները, նրանց աջակիցներն ու ԱԺ ընդդիմադիր պատգամավորներն այս պահին Կիրանցի սկզբնամասում են, բայց նրանց նույնպես թույլ չեն տալիս մուտք գործել գյուղ։ Արդյունքում պարբերաբար վիճաբանություն է լինում քաղաքացիների և իրավապահների միջև։
Քիչ առաջ ոստիկանությունը քաղաքացիներին հորդորեց հեռանալ ճանապարհից, բայց նրանք պնդեցին, որ իրենք ոչ թե ճանապարհն են փակել կամ հավաք են իրականացնում, այլ ուղղակի փորձում են գնալ Կիրանց։ Ոստիկանության ծառայողները որոշ ժամանակ անց սկսեցին
բերման ենթարկել մարդկանց։
«14 անձ ոստիկանություն է բերվել վարչական իրավախախտումների օրենսգրքի 182–րդ հոդվածով (ոստիկանության ծառայողի օրինական պահանջը չկատարելը)»,– ասաց Սարգսյանը։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվեցին սահմանազատումը սկսել Տավուշի մարզից։ Հայտարարվեց, որ սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։
ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։
Կիրանցի բնակիչները մայիսի 16-ին
փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո
բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։
ԱԱԾ–ն մայիսի 19-ին հայտարարեց, որ սահմանապահ զորքերը Տավուշի մարզի Կիրանց գյուղի հատվածում իրականացնում են ՀՀ պետական սահմանի պահպանությունը ստանձնելուն ուղղված նախապատրաստական աշխատանքներ, և ելնելով անվտանգային և օպերատիվ անհրաժեշտությունից` Կիրանց բնակավայրում հաշվառում չունեցող քաղաքացիների մուտքը բնակավայր ժամանակավորապես սահմանափակվել է։
