https://arm.sputniknews.ru/20240518/larvats-iravitshak-kirancum-bnakichnery-tujl-chen-tvel-sahmanazatman-ashkhatanqner-irakanacnel-75935883.html
Լարված իրավիճակ Կիրանցում. բնակիչները թույլ չեն տվել սահմանազատման աշխատանքներ իրականացնել
Լարված իրավիճակ Կիրանցում. բնակիչները թույլ չեն տվել սահմանազատման աշխատանքներ իրականացնել
Sputnik Արմենիա
Մարզպետը չի կարողացել համոզել գյուղացիներին, նրանից հետո եկել է Գնել Սանոսյանը: 18.05.2024, Sputnik Արմենիա
2024-05-18T12:12+0400
2024-05-18T12:12+0400
2024-05-18T13:15+0400
հայաստան
կիրանց
գնել սանոսյան
https://cdn.am.sputniknews.ru/img/07e8/05/12/75936947_0:0:1281:720_1920x0_80_0_0_2cad0416398a934ea77df0d4c1650175.jpg
ԵՐԵՎԱՆ, 18 մայիսի – Sputnik. Առավոտյան լարված իրավիճակ է եղել Տավուշի մարզի Կիրանց գյուղում։ Կիրանցեցի Խանում Թամրազյանը, որի տան մի հատվածը սահմանազատումից հետո անցնելու է Ադրբեջանի վերահսկողության տակ, Sputnik Արմենիային պատմեց, որ մարզպետ Հայկ Ղալումյանը Կիրանց է գնացել սահմանապահ զորքերի հետ։«Եկել էին, որ դելիմիտացիայի աշխատանքներ անեն, բայց գյուղացիները չթողեցին»,– ասաց Խանում Թամրազյանը` նշելով, որ ինքն ու հարևանը հրաժարվել են լքել իրենց տները։Մարզպետից հետո Կիրանց է գնացել ՀՀ տարածքային և ենթակառուցվածքների նախարար Գնել Սանոսյանը, փորձել է զրուցել բնակիչների հետ, ներկա է եղել նաև Կիրանցի վարչական ղեկավար Կամո Շահինյանը։ Վերջինս գյուղացիներին հայտնել է, որ ըստ իր տեղեկությունների` ադրբեջանցիները նոր գծվող սահմանից 10 մ հեռավորության վրա են կանգնելու։Նախարարը NewDay.am կայքի հետ զրույցում ասել է, որ այդ հարցերը դեռ հստակ չեն, ու պետք է երկու կողմն էլ պայմանավորվեն, քանի որ ռելիեֆի հարց էլ կա։ Նրա խոսքով` իրենք մարդկանց հետ խոսում են ու նկարագրում, թե նոր ճանապարհն ինչպես է անցնելու։Հարցին, թե ինչու են հիմա գալիս ու հանձնաժողովների համատեղ հանդիպումից ու պայմանավորվածություններից հետո միայն փորձում հասկանալ՝ որ տունն է մնալու ՀՀ տարածքում, որը` ոչ, նախարարն ընդգծել է, որ ինքը շատ լավ գիտի` ինչ է լինելու։Հիշեցնենք` ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։ ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։Կիրանցի բնակիչները մայիսի 16-ին փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Լարված իրավիճակ Կիրանցում
Sputnik Արմենիա
Լարված իրավիճակ Կիրանցում
2024-05-18T12:12+0400
true
PT1M49S
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, կիրանց, գնել սանոսյան , видео
հայաստան, կիրանց, գնել սանոսյան , видео
Լարված իրավիճակ Կիրանցում. բնակիչները թույլ չեն տվել սահմանազատման աշխատանքներ իրականացնել
12:12 18.05.2024 (Թարմացված է: 13:15 18.05.2024) Մարզպետը չի կարողացել համոզել գյուղացիներին, նրանից հետո եկել է Գնել Սանոսյանը:
ԵՐԵՎԱՆ, 18 մայիսի – Sputnik. Առավոտյան լարված իրավիճակ է եղել Տավուշի մարզի Կիրանց գյուղում։ Կիրանցեցի Խանում Թամրազյանը, որի
տան մի հատվածը սահմանազատումից հետո անցնելու է Ադրբեջանի վերահսկողության տակ,
Sputnik Արմենիային պատմեց, որ մարզպետ Հայկ Ղալումյանը Կիրանց է գնացել սահմանապահ զորքերի հետ։
«Եկել էին, որ դելիմիտացիայի աշխատանքներ անեն, բայց գյուղացիները չթողեցին»,– ասաց Խանում Թամրազյանը` նշելով, որ ինքն ու հարևանը հրաժարվել են լքել իրենց տները։
Մարզպետից հետո Կիրանց է գնացել ՀՀ տարածքային և ենթակառուցվածքների նախարար Գնել Սանոսյանը, փորձել է զրուցել բնակիչների հետ, ներկա է եղել նաև Կիրանցի վարչական ղեկավար Կամո Շահինյանը։ Վերջինս գյուղացիներին հայտնել է, որ ըստ իր տեղեկությունների` ադրբեջանցիները նոր գծվող սահմանից 10 մ հեռավորության վրա են կանգնելու։
Նախարարը NewDay.am կայքի հետ զրույցում ասել է, որ այդ հարցերը դեռ հստակ չեն, ու պետք է երկու կողմն էլ պայմանավորվեն, քանի որ ռելիեֆի հարց էլ կա։ Նրա խոսքով` իրենք մարդկանց հետ խոսում են ու նկարագրում, թե նոր ճանապարհն ինչպես է անցնելու։
«Մասնագետները կգան ու կհասկանան։ Ճանապարհը կկառուցենք, ու ինքն իրենով արդեն անվտանգություն կլինի։ Մենք միասին փորձում ենք ստեղծված իրավիճակը կառավարել»,- ասել է Սանոսյանը։
Հարցին, թե ինչու են հիմա գալիս ու հանձնաժողովների համատեղ հանդիպումից ու պայմանավորվածություններից հետո միայն փորձում հասկանալ՝ որ տունն է մնալու ՀՀ տարածքում, որը` ոչ, նախարարն ընդգծել է, որ ինքը շատ լավ գիտի` ինչ է լինելու։
Հիշեցնենք`
ՀՀ ԱԳՆ–ն մայիսի 15-ին հայտնեց, որ Հայաստանի և Ադրբեջանի սահմանազատման հանձնաժողովները նոր պայմանավորվածություններ են ձեռք բերել։
ՀՀ վարչապետի աշխատակազմը պարզաբանեց, որ, ըստ այդ պայմանավորվածությունների, Կիրանցում ճանապարհի տեղափոխման ու գույքային խնդիր է առաջանալու, և կառավարության ներկայացուցիչները գույքագրելու են հնարավոր խնդիրները, որպեսզի փոխհատուցեն քաղաքացիների կրած վնասները։
Կիրանցի բնակիչները մայիսի 16-ին
փակեցին Հայաստան–Վրաստան միջպետական ճանապարհը` դժգոհելով հայ–ադրբեջանական պայմանավորվածություններից։ Սակայն հաջորդ օրը Տավուշի մարզպետ Հայկ Ղալումյանի հետ հանդիպումից հետո
բացեցին ճանապարհը։ Ըստ գյուղացիների` մարզպետն ասել է, որ սահմանազատումն անխուսափելի է, և եթե պետք լինի, պատ կշարեն սահմանի ողջ երկայնքով, որ չտեսնեն ադրբեջանցի սահմանապահներին։
