https://arm.sputniknews.ru/20240513/vrastanum-sharunakum-en-bvoghvoqel-aktivistnery-gishern-anckacrel-en-khvorhrdarani-mvot-75655446.html
Վրաստանում շարունակում են բողոքել. ակտիվիստները գիշերն անցկացրել են խորհրդարանի մոտ
Վրաստանում շարունակում են բողոքել. ակտիվիստները գիշերն անցկացրել են խորհրդարանի մոտ
Sputnik Արմենիա
Այսօր խորհրդարանում կվերսկսվի վիճահարույց օրինագծի քննարկումը, հենց այդ պատճառով էլ ցուցարարները երեկոյան չեն ցրվել և մնացել են մինչև առավոտ, որպեսզի փակեն... 13.05.2024, Sputnik Արմենիա
2024-05-13T10:52+0400
2024-05-13T10:52+0400
2024-05-13T13:22+0400
վրաստանի հանրապետություն
բողոքի ակցիա
տեսանյութեր
տեսանյութ
https://cdn.am.sputniknews.ru/img/07e8/05/0d/75650815_0:0:1920:1080_1920x0_80_0_0_d44577b7255bf936b5acfaec686aa84f.jpg
Թբիլիսիում, չնայած անձրևին, շարունակվում են «Օտարերկրյա ազդեցության թափանցիկության մասին» օրինագծի դեմ բողոքի ակցիաները․ օրինագիծն այսօր պետք է քննարկվի երկրի խորհրդարանում, իսկ մայիսի 14-ին արդեն կընդունվի վերջնական՝ երրորդ ընթերցմամբ:Ակցիայի մասնակիցները, այդ թվում՝ ընդդիմադիր քաղաքական գործիչները, ուժայինների գործողություններն անօրինական են համարում և պահանջում են հետ կանչել, այսպես կոչված, «Օտարերկրյա գործակալների»մասին օրենքը: Ցուցարարները պարբերաբար վանկարկում են «ստրուկներ»։Ինչպես հայտնում է Sputnik Գրուզիան, ՆԳՆ ուժերը տեղում հայտնվել են ժամը 05:00-ի սահմաններում և ցուցարարներին կոչ են արել ազատել խորհրդարանի մուտքերին կից տարածքը։ Դրանից հետո նրանք դուրս են մղել գիշերվանից այստեղ գտնվող ցուցարարներին:Երեկոյան ցուցարարների և ոստիկանության միջև պարբերաբար բախումներ էին տեղի ունենում։ ՆԳՆ ղեկավար Վախթանգ Գոմելաուրին ցուցարարներին կոչ է արել պահպանել օրենքը՝ չարգելափակել խորհրդարանի մուտքերն ու ելքերը, հակառակ դեպքում օրինախախտները կպատժվեն քրեական կարգով:Ջրցան մեքենաներն ամբողջ գիշեր գտնվել են Թբիլիսիի Ազատության հրապարակում, սակայն չեն կիրառվել։Վիճահարույց օրինագծի դեմ բողոքի ակցիաներ Թբիլիսիում անցկացվում են ապրիլի 15-ից: Ապրիլի 30-ին և մայիսի 1-ին՝ երկրորդ ընթերցմամբ քննարկման օրերին, դրանք անկանխատեսելի բնույթ ստացան։ Անկարգությունների ընթացքում ցուցարարները քարեր, շշեր, ինչպես նաև ծխանռնակներ են նետել ոստիկանների և խորհրդարանի շենքի վրա, խարույկներ են վառել, իսկ ոստիկանությունն օգտագործել է արցունքաբեր գազ, պղպեղով ցողիչ և ջրցան մեքենա: Վրաստանի խորհրդարանը 2-րդ ընթերցմամբ ընդունել է «Օտարերկրյա գործակալների մասին» օրինագիծըԸնդդիմադիրները, ՀԿ-ների ներկայացուցիչներն ու քաղաքացիական ակտիվիստները, որոնք դեմ են «Օտարերկրյա ազդեցության թափանցիկության մասին» օրինագծի ընդունմանը, պնդում են, որ այն նույն շարքում է դնում Վրաստանի բարեկամներին և թշնամիներին, պիտակավորում է մարդկանց և խոչընդոտում է ԵՄ-ին երկրի ինտեգրմանը:Վրաստանի իշխանություններն ընդգծում են, որ օտարերկրյա ֆինանսավորման թափանցիկության մասին օրենքներ արդեն ունեն ԱՄՆ-ն, Իսրայելը և Ավստրալիան, իսկ Եվրամիությունում և Ֆրանսիայում նման օրինագծերը քննարկման փուլում են: Մինչդեռ Վրաստանին այս օրինագծի ընդունումից հրաժարվելու կոչ են արել Եվրամիությունն ու ԵՄ առանձին երկրներ, ԱՄՆ-ն, ՄԱԿ-ը, ՆԱՏՕ-ն ու Եվրոպայի խորհուրդը:«Օտարերկրյա ազդեցության թափանցիկության մասին» օրինագիծը ենթադրում է հասարակական կազմակերպությունների և ԶԼՄ-ների գրանցում օտարերկրյա ուժի շահեր իրականացնող կազմակերպությունների ռեեստրում, եթե նրանց տարեկան եկամտի 20 (ու ավելի) տոկոսը արտասահմանյան ֆինանսավորումն է: Տարին մեկ անգամ նրանք պետք է հայտարարագիր լրացնեն։
վրաստանի հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
https://cdn.am.sputniknews.ru/img/07e8/05/0d/75650815_205:0:1645:1080_1920x0_80_0_0_bb627febb6cba857a829137086be8d0d.jpgSputnik Արմենիա
media@sputniknews.com
+74956456601
MIA „Rossiya Segodnya“
վրաստանի հանրապետություն, բողոքի ակցիա, տեսանյութեր, տեսանյութ, видео
վրաստանի հանրապետություն, բողոքի ակցիա, տեսանյութեր, տեսանյութ, видео
Վրաստանում շարունակում են բողոքել. ակտիվիստները գիշերն անցկացրել են խորհրդարանի մոտ
10:52 13.05.2024 (Թարմացված է: 13:22 13.05.2024) Այսօր խորհրդարանում կվերսկսվի վիճահարույց օրինագծի քննարկումը, հենց այդ պատճառով էլ ցուցարարները երեկոյան չեն ցրվել և մնացել են մինչև առավոտ, որպեսզի փակեն շենքի մուտքերը և պատգամավորներին ներս չթողնեն:
Թբիլիսիում, չնայած անձրևին, շարունակվում են «Օտարերկրյա ազդեցության թափանցիկության մասին» օրինագծի դեմ բողոքի ակցիաները․ օրինագիծն այսօր պետք է քննարկվի երկրի խորհրդարանում, իսկ մայիսի 14-ին արդեն կընդունվի վերջնական՝ երրորդ ընթերցմամբ:
Ակցիայի մասնակիցները, այդ թվում՝ ընդդիմադիր քաղաքական գործիչները, ուժայինների գործողություններն անօրինական են համարում և պահանջում են հետ կանչել, այսպես կոչված, «Օտարերկրյա գործակալների»մասին օրենքը: Ցուցարարները պարբերաբար վանկարկում են «ստրուկներ»։
Այս գիշեր Թբիլիսիում բողոքի ցույցի ժամանակ 20 մարդ է ձերբակալվել։ Նրանց թվում երեք օտարերկրացի կա՝ Ռուսաստանի մեկ և ԱՄՆ երկու քաղաքացի։ Վրաստանի ՆԳՆ-ի հաղորդմամաբ՝ բոլորը ձերբակալվել են վարչական օրենսգրքի հոդվածներով՝ մանր խուլիգանության և ոստիկանությանը չենթարկվելու համար։
Ինչպես հայտնում է Sputnik Գրուզիան, ՆԳՆ ուժերը տեղում հայտնվել են ժամը 05:00-ի սահմաններում և ցուցարարներին կոչ են արել ազատել խորհրդարանի մուտքերին կից տարածքը։ Դրանից հետո նրանք դուրս են մղել գիշերվանից այստեղ գտնվող ցուցարարներին:
Երեկոյան ցուցարարների և ոստիկանության միջև պարբերաբար բախումներ էին տեղի ունենում։ ՆԳՆ ղեկավար Վախթանգ Գոմելաուրին ցուցարարներին կոչ է արել պահպանել օրենքը՝ չարգելափակել խորհրդարանի մուտքերն ու ելքերը, հակառակ դեպքում օրինախախտները կպատժվեն քրեական կարգով:
Ջրցան մեքենաներն ամբողջ գիշեր գտնվել են Թբիլիսիի Ազատության հրապարակում, սակայն չեն կիրառվել։
Վիճահարույց օրինագծի դեմ բողոքի ակցիաներ Թբիլիսիում անցկացվում են ապրիլի 15-ից: Ապրիլի 30-ին և մայիսի 1-ին՝ երկրորդ ընթերցմամբ քննարկման օրերին, դրանք անկանխատեսելի բնույթ ստացան։ Անկարգությունների ընթացքում ցուցարարները քարեր, շշեր, ինչպես նաև ծխանռնակներ են նետել ոստիկանների և խորհրդարանի շենքի վրա, խարույկներ են վառել, իսկ ոստիկանությունն օգտագործել է արցունքաբեր գազ, պղպեղով ցողիչ և ջրցան մեքենա:
Ընդդիմադիրները, ՀԿ-ների ներկայացուցիչներն ու քաղաքացիական ակտիվիստները, որոնք դեմ են «Օտարերկրյա ազդեցության թափանցիկության մասին» օրինագծի ընդունմանը, պնդում են, որ այն նույն շարքում է դնում Վրաստանի բարեկամներին և թշնամիներին, պիտակավորում է մարդկանց և խոչընդոտում է ԵՄ-ին երկրի ինտեգրմանը:
Վրաստանի իշխանություններն ընդգծում են, որ օտարերկրյա ֆինանսավորման թափանցիկության մասին օրենքներ արդեն ունեն ԱՄՆ-ն, Իսրայելը և Ավստրալիան, իսկ Եվրամիությունում և Ֆրանսիայում նման օրինագծերը քննարկման փուլում են: Մինչդեռ Վրաստանին այս օրինագծի ընդունումից հրաժարվելու կոչ են արել Եվրամիությունն ու ԵՄ առանձին երկրներ, ԱՄՆ-ն, ՄԱԿ-ը, ՆԱՏՕ-ն ու Եվրոպայի խորհուրդը:
«Օտարերկրյա ազդեցության թափանցիկության մասին» օրինագիծը ենթադրում է հասարակական կազմակերպությունների և ԶԼՄ-ների գրանցում օտարերկրյա ուժի շահեր իրականացնող կազմակերպությունների ռեեստրում, եթե նրանց տարեկան եկամտի 20 (ու ավելի) տոկոսը արտասահմանյան ֆինանսավորումն է: Տարին մեկ անգամ նրանք պետք է հայտարարագիր լրացնեն։