https://arm.sputniknews.ru/20240507/khvostanum-en-tsanramarti-2027-t-aa-n-erevanum-linelu-e-amenatpavvorichneric-meky-75350720.html
Խոստանում են՝ Ծանրամարտի 2027 թ. ԱԱ-ն Երևանում լինելու է ամենատպավորիչներից մեկը
Խոստանում են՝ Ծանրամարտի 2027 թ. ԱԱ-ն Երևանում լինելու է ամենատպավորիչներից մեկը
Sputnik Արմենիա
Դա լինելու է առաջին դեպքը, երբ օլիմպիական մարզաձևի աշխարհի առաջնությունը անցկացվելու է Հայաստանում 07.05.2024, Sputnik Արմենիա
2024-05-07T13:03+0400
2024-05-07T13:03+0400
2024-05-07T13:37+0400
ծանրամարտ
երևան
ծանրամատի աշխարհի առաջնություն
https://cdn.am.sputniknews.ru/img/07e8/05/07/75354052_0:75:1601:975_1920x0_80_0_0_2521e38133c028069c875dd3f748dc64.jpg
ԵՐԵՎԱՆ, 7 մայիսի, Sputnik - Խաչիկ Չախոյան. Երևանը պատվով դուրս կգա հերթական խոշոր մրցաշար կազմակերպելուց ու անցկացնելուց։ Հայտարարել են ՄՀՀ-ում հրավիրված ասուլիսի ժամանակ ծանրամարտի միջազգային ֆեդերացիայի ղեկավարներն ու հայկական կողմը՝ որպես կազմակերպիչ։Ծանրամարտի միջազգային ֆեդերացիայի նախագահ Մոհամեդ Ջալուդը չի էլ կասկածում, որ Երևանը տպավորիչ մրցաշար է անցկացնելու։«Այն, ինչ ես տեսա Երևանում անցկացված Եվրոպայի առաջնության ժամանակ, միանշանակ ցույց տվեց, որ նման բարձր կարգի մրցումների անցկացման և կազմակերպելու առումով Հայաստանը շատ ուժեղ երկիր է։ Եվ կարծում եմ, որ դա պատահական չէ, քանի որ ծանրամարտը Հայաստանում ընդունված և սիրված մարզաձև է. օլիմպիական խաղերի և աշխարհի ու Եվրոպայի առաջնություններում բազմաթիվ մեդալները դրա վառ ապացույցն են։ Ծանրամարտի միջազգային ֆեդերացիան բոլոր առումներով կաջակցի Հայաստանին աշխարհի առաջնությունը բարձր մակարդակով կազմակերպելու ու անցկացնելու համար»- նշել է Ջալուդը։ԿԳՄՍ նախարար Ժաննա Անդրեասյանն էլ իր հերթին վստահեցրել է, որ փորձը կօգնի ևս մեկ հիշարժան մրցաշար անցկացնելու․ Ծանրամարտի միջազգային ֆեդերացիայի գլխավոր քարտուղար Անտոնիո Ուրսոն նույնպես կիսվել է իր տպավորություններով Երևանում անցկացված ծանրամարտի Եվրոպայի առաջնությունից, ու ըստ դրա Երևանը համարել է հիանալի մրցատեղի աշխարհի առաջնության համար․ «2027 թվականի ծանրամարտի աշխարհի առաջնությունը լինելու է 2028 թվականին Լոս Անջելեսում կայանալիք օլիմպիական խաղերի որակավորման գլխավոր մրցաշարը, և ես հավատում եմ, որ Հայաստանում նման կարգի մրցաշարը կանցկացվի բարձր մակարդակով։ Արդեն տեսել եմ, թե ինչպիսի աշխատանք է կատարվում Երևանում և չեմ էլ կասկածում, որ աշխարհի առաջնությունը Երևանում լինլեու է ամենատպավորիչ մրցաշարերից մեկը ծանրամարտում», - ընդգծել է Ուրսոն։Ծանրամարտի Հայաստանի հավաքականի գլխավոր մարզիչ Փաշիկ Ալավերդյանը հույս է հայտնել, որ Հայաստանի հավաքականը ևս մեկ անգամ կուրախացնի իր երկրպագուներին։«Եվրոպայի առաջնությունը, որը անցկացվեց Երևանում, շատ դժվար էր մասնավորապես ինձ համար։ Բայց ամեն ինչ շատ լավ ստացվեց, ու հրաշալի մրցաշար կազմակերպեցինք ու անցկացրինք։ Հուսով եմ, որ Երևանում անցկացվելիք աշխարհի առաջնության ընթացքում էլ կուրախացնենք մեր երկրպագուներին մեր նվաճումներով», - ասել է Ալավերդյանը։ Ավելի քան 50 մեդալ. Հայաստանի ծանրամարտի հավաքականի գլխավոր մարզիչն ամփոփեց տարինՀավելենք՝ Հայաստանում վերջին տարիներին անցկացվել են բռնցքամարտի և ծանրամարտի Եվրոպայի առաջնությունները, սամբո ըմբշամարտի աշխարհի առաջնությունը, ՈւԵՖԱ ֆուտզալի Չեմպիոնների լիգայի եզրափակիչ փուլը։ 2027 թվականին էլ Երևանում անցկացվելու է ծանրամարտի աշխարհի առաջնությունը և մարմնամարզության Եվրոպայի առաջնությունը։Հիշեցնենք՝ Երևանում անցկացված ծանրամարտի Եվրոպայի 2023 թ. առաջնության (ապրիլի 15-ից մինչև 23-ը) մեդալային հաշվարկում հաղթել է Հայաստանի հավաքականը՝ երկամարտում, պոկում և հրում վարժություններում նվաճելով ընդհանուր առմամբ 36 մեդալ: Եվրոպայի չեմպիոնի տիտղոսը երկամարտում նվաճել են Գարիկ Կարապետյանը (102 կգ), Սամվել Գասպարյանը (109 կգ), Գոռ Սահակյանը (67 կգ) և Դավիթ Հովհաննիսյանը (92 կգ): Տաթև Հակոբյանը (76 կգ), Անդրանիկ Կարապետյանը (89 կգ), Արա Աղանյանը (92 կգ) և Վարազդատ Լալայանը (+109 կգ) դարձել են արծաթեմեդալակիր, իսկ Հռիփսիմե Խուրշուդյանը (87 կգ), Պետրոս Պետրոսյանը (109 կգ), Ռաֆիկ Հարությունյանը (81 կգ), Իզաբելա Յայլյանը (55 կգ) և Սիմոն Մարտիրոսյանը (+109 կգ)՝ բրոնզե մեդալակիր:
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծանրամարտ, երևան, ծանրամատի աշխարհի առաջնություն
ծանրամարտ, երևան, ծանրամատի աշխարհի առաջնություն
Խոստանում են՝ Ծանրամարտի 2027 թ. ԱԱ-ն Երևանում լինելու է ամենատպավորիչներից մեկը
13:03 07.05.2024 (Թարմացված է: 13:37 07.05.2024) Դա լինելու է առաջին դեպքը, երբ օլիմպիական մարզաձևի աշխարհի առաջնությունը անցկացվելու է Հայաստանում
ԵՐԵՎԱՆ, 7 մայիսի, Sputnik - Խաչիկ Չախոյան. Երևանը պատվով դուրս կգա հերթական խոշոր մրցաշար կազմակերպելուց ու անցկացնելուց։ Հայտարարել են ՄՀՀ-ում հրավիրված ասուլիսի ժամանակ ծանրամարտի միջազգային ֆեդերացիայի ղեկավարներն ու հայկական կողմը՝ որպես կազմակերպիչ։
Ծանրամարտի միջազգային ֆեդերացիայի նախագահ Մոհամեդ Ջալուդը չի էլ կասկածում, որ Երևանը տպավորիչ մրցաշար է անցկացնելու։
«Այն, ինչ ես տեսա Երևանում անցկացված Եվրոպայի առաջնության ժամանակ, միանշանակ ցույց տվեց, որ նման բարձր կարգի մրցումների անցկացման և կազմակերպելու առումով Հայաստանը շատ ուժեղ երկիր է։ Եվ կարծում եմ, որ դա պատահական չէ, քանի որ ծանրամարտը Հայաստանում ընդունված և սիրված մարզաձև է. օլիմպիական խաղերի և աշխարհի ու Եվրոպայի առաջնություններում բազմաթիվ մեդալները դրա վառ ապացույցն են։ Ծանրամարտի միջազգային ֆեդերացիան բոլոր առումներով կաջակցի Հայաստանին աշխարհի առաջնությունը բարձր մակարդակով կազմակերպելու ու անցկացնելու համար»- նշել է Ջալուդը։
ԿԳՄՍ նախարար Ժաննա Անդրեասյանն էլ իր հերթին վստահեցրել է, որ փորձը կօգնի ևս մեկ հիշարժան մրցաշար անցկացնելու․
«Երևանում առաջին անգամ անցկացվելու է օլիմպիական մարզաձևի աշխարհի առաջնություն, և մենք արդեն մեր կուտակած փորձի շնորհիվ կանենք հնարավորինը ևս մեկ անգամ հիանալի մրցաշար կազմակերպելու ու անցկացնելու համար։ Մեծ աշխատանք ունենք կատարելու, բայց պատրաստ ենք դրան»,- նշել է ԿԳՄՍ նախարարը։
Ծանրամարտի միջազգային ֆեդերացիայի գլխավոր քարտուղար Անտոնիո Ուրսոն նույնպես կիսվել է իր տպավորություններով Երևանում անցկացված ծանրամարտի Եվրոպայի առաջնությունից, ու ըստ դրա Երևանը համարել է հիանալի մրցատեղի աշխարհի առաջնության համար․
«2027 թվականի ծանրամարտի աշխարհի առաջնությունը լինելու է 2028 թվականին Լոս Անջելեսում կայանալիք օլիմպիական խաղերի որակավորման գլխավոր մրցաշարը, և ես հավատում եմ, որ Հայաստանում նման կարգի մրցաշարը կանցկացվի բարձր մակարդակով։ Արդեն տեսել եմ, թե ինչպիսի աշխատանք է կատարվում Երևանում և չեմ էլ կասկածում, որ աշխարհի առաջնությունը Երևանում լինլեու է ամենատպավորիչ մրցաշարերից մեկը ծանրամարտում», - ընդգծել է Ուրսոն։
Ծանրամարտի Հայաստանի հավաքականի գլխավոր մարզիչ Փաշիկ Ալավերդյանը հույս է հայտնել, որ Հայաստանի հավաքականը ևս մեկ անգամ կուրախացնի իր երկրպագուներին։
«Եվրոպայի առաջնությունը, որը անցկացվեց Երևանում, շատ դժվար էր մասնավորապես ինձ համար։ Բայց ամեն ինչ շատ լավ ստացվեց, ու հրաշալի մրցաշար կազմակերպեցինք ու անցկացրինք։ Հուսով եմ, որ Երևանում անցկացվելիք աշխարհի առաջնության ընթացքում էլ կուրախացնենք մեր երկրպագուներին մեր նվաճումներով», - ասել է Ալավերդյանը։
Հավելենք՝ Հայաստանում վերջին տարիներին անցկացվել են բռնցքամարտի և ծանրամարտի Եվրոպայի առաջնությունները, սամբո ըմբշամարտի աշխարհի առաջնությունը, ՈւԵՖԱ ֆուտզալի Չեմպիոնների լիգայի եզրափակիչ փուլը։ 2027 թվականին էլ Երևանում անցկացվելու է ծանրամարտի աշխարհի առաջնությունը և մարմնամարզության Եվրոպայի առաջնությունը։
Հիշեցնենք՝ Երևանում անցկացված ծանրամարտի Եվրոպայի 2023 թ. առաջնության (ապրիլի 15-ից մինչև 23-ը) մեդալային հաշվարկում հաղթել է Հայաստանի հավաքականը՝ երկամարտում, պոկում և հրում վարժություններում նվաճելով ընդհանուր առմամբ 36 մեդալ: Եվրոպայի չեմպիոնի տիտղոսը երկամարտում նվաճել են Գարիկ Կարապետյանը (102 կգ), Սամվել Գասպարյանը (109 կգ), Գոռ Սահակյանը (67 կգ) և Դավիթ Հովհաննիսյանը (92 կգ): Տաթև Հակոբյանը (76 կգ), Անդրանիկ Կարապետյանը (89 կգ), Արա Աղանյանը (92 կգ) և Վարազդատ Լալայանը (+109 կգ) դարձել են արծաթեմեդալակիր, իսկ Հռիփսիմե Խուրշուդյանը (87 կգ), Պետրոս Պետրոսյանը (109 կգ), Ռաֆիկ Հարությունյանը (81 կգ), Իզաբելա Յայլյանը (55 կգ) և Սիմոն Մարտիրոսյանը (+109 կգ)՝ բրոնզե մեդալակիր:
