https://arm.sputniknews.ru/20240505/aranc-amenajn-hajvoc-katvoghikvosi-orhnutjan-menq-chenq-gvortsum-bagrat-srbazan-75286700.html
Առանց Ամենայն հայոց կաթողիկոսի օրհնության մենք չենք գործում. Բագրատ սրբազան
Առանց Ամենայն հայոց կաթողիկոսի օրհնության մենք չենք գործում. Բագրատ սրբազան
Sputnik Արմենիա
Արքեպիսկոպոսը ժողովրդին հայտնեց, որ չի ասելու, թե նրանց սիրում է կամ խոնհարվում է նրանց առջև, այլ միայն ասելու է, որ նրանք ամենա- ամենա-ամենան են։ 05.05.2024, Sputnik Արմենիա
2024-05-05T18:59+0400
2024-05-05T18:59+0400
2024-05-05T19:23+0400
կիրանց
երթ
տեր բագրատ գալստանյան
https://cdn.am.sputniknews.ru/img/07e8/05/05/75286557_0:0:1080:608_1920x0_80_0_0_073724fe2ee73d556f05aa249d3f8fcc.jpg
ԵՐԵՎԱՆ, 5 մայիսի – Sputnik. Մայր աթոռն ու Ամենայն հայոց կաթողիկոս Գարեգին Երկրորդը կանգնած են Բագրատ արքեպիսկոպոս Գալստանյանի գլխավորած շարժման կողքին։ Այս մասին Սրբազանը հայտարարեց հասնելով Գեղարքունիքի մարզի Ծովագյուղ համայնք։Երեկ սահմանազատման դեմ պայքարողները Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ Կիրանցից երթով շարժվեցին դեպի Երևան` միակողմանի սահմանազատման գործընթացը կասեցնելու նպատակով։ Նրանք գիշերել են Հաղարծինում ու առավոտյան մասնակցել պատարագի։Դիմելով իր շուրջ հավաքված մարդկանց, որոնք վանկարկում էին` սրբազան, սրբազան, Գալստանյան խնդրեց, որ դադարեցնեն վանկարկումները ու մեկ մարդու հետ չկապեն ոչ մի բան։Ի դեպ, երթի մասնակիցներին Գեղարքունիքում դիմավորեցին զուռնա-դհոլով։ Հավաքվածները քոչարի ու յարխուշտա պարեցին ու շարժվեցին դեպի Սևան քաղաք։Հիշեցնենք, որ Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։Չնայած այդ ամենին` հայ–ադրբեջանական սահմանին արդեն 35 սահմանային սյուն է տեղադրվել։Երկու օր շարունակ Կիրանցի մուտքն արգելափակված էր, միայն գյուղի բնակիչներին էին թույլ տալիս ելումուտ անել, ընդ որում` անձնագրով։ Կիրանց չէին թողնում անգամ Տավուշի թեմի առաջնորդ Բագրատ սրբազանին, «Հայաստան» խմբակցության պատգամավոր Գառնիկ Դանիելյանին և լրագրողներին։ Ոստիկանությունը մեծաքանակ ուժեր էր կենտրոնացրել այդ հատվածում։Կիրանց տանող ճանապարհը բացվեց մայիսի 3-ին։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիրանց, երթ, տեր բագրատ գալստանյան
կիրանց, երթ, տեր բագրատ գալստանյան
Առանց Ամենայն հայոց կաթողիկոսի օրհնության մենք չենք գործում. Բագրատ սրբազան
18:59 05.05.2024 (Թարմացված է: 19:23 05.05.2024) Արքեպիսկոպոսը ժողովրդին հայտնեց, որ չի ասելու, թե նրանց սիրում է կամ խոնհարվում է նրանց առջև, այլ միայն ասելու է, որ նրանք ամենա- ամենա-ամենան են։
ԵՐԵՎԱՆ, 5 մայիսի – Sputnik. Մայր աթոռն ու Ամենայն հայոց կաթողիկոս Գարեգին Երկրորդը կանգնած են Բագրատ արքեպիսկոպոս Գալստանյանի գլխավորած շարժման կողքին։ Այս մասին Սրբազանը հայտարարեց հասնելով Գեղարքունիքի մարզի Ծովագյուղ համայնք։
«Մայր Աթոռը միացած է մեզ միշտ։ Առանց Վեհափառ հայրապետի օրհնության մենք չենք գործում։ Հայոց հայրապետը ինքն է մեր հայրը, մեզ օրհնողը, մեզ առաջնորդողը»,– ասաց նա։
Երեկ սահմանազատման դեմ պայքարողները Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ
Կիրանցից երթով շարժվեցին դեպի Երևան` միակողմանի սահմանազատման գործընթացը կասեցնելու նպատակով։ Նրանք գիշերել են Հաղարծինում ու առավոտյան մասնակցել պատարագի։
Դիմելով իր շուրջ հավաքված մարդկանց, որոնք վանկարկում էին` սրբազան, սրբազան, Գալստանյան խնդրեց, որ դադարեցնեն վանկարկումները ու մեկ մարդու հետ չկապեն ոչ մի բան։
«Սխալվել ենք, դրա համար էլ այս օրն ենք ընկել։ Ժողովուրդ ջան, սրբազանն էլ եք դուք , հոգին էլ դուք, կյանքն էլ դուք, գիտակցությունն էլ եք դուք, ես ձեզ չեմ ասելու, որ ձեզ սիրում եմ կամ խոնարհվում եմ, ես ձեզ ասում եմ, որ դուք ամենա-ամենա-ամենան եք»,– ասաց նա։
Ի դեպ, երթի մասնակիցներին Գեղարքունիքում դիմավորեցին զուռնա-դհոլով։ Հավաքվածները քոչարի ու յարխուշտա պարեցին ու շարժվեցին դեպի Սևան քաղաք։
Հիշեցնենք, որ Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Չնայած այդ ամենին` հայ–ադրբեջանական սահմանին արդեն 35 սահմանային սյուն է տեղադրվել։
Երկու օր շարունակ
Կիրանցի մուտքն արգելափակված էր, միայն գյուղի բնակիչներին էին թույլ տալիս ելումուտ անել, ընդ որում` անձնագրով։ Կիրանց չէին թողնում անգամ Տավուշի թեմի առաջնորդ Բագրատ սրբազանին, «Հայաստան» խմբակցության պատգամավոր Գառնիկ Դանիելյանին և լրագրողներին։ Ոստիկանությունը մեծաքանակ ուժեր էր կենտրոնացրել այդ հատվածում։
Կիրանց տանող ճանապարհը բացվեց մայիսի 3-ին։
