https://arm.sputniknews.ru/20240503/kiberarshav-germaniajum-rd-despanatan-gvortseri-havatarmatarin-agn-en-kanchel--75245190.html
Կիբեռարշավ Գերմանիայում. ՌԴ դեսպանատան գործերի հավատարմատարին ԱԳՆ են կանչել
Կիբեռարշավ Գերմանիայում. ՌԴ դեսպանատան գործերի հավատարմատարին ԱԳՆ են կանչել
Sputnik Արմենիա
APT-28-ը, գերմանական հատուկ ծառայությունների տվյալներով, «կապված է ռուսական ռազմական հետախուզության հետ»: 03.05.2024, Sputnik Արմենիա
2024-05-03T15:53+0400
2024-05-03T15:53+0400
2024-05-03T16:01+0400
գերմանիա
կիբեռհանցագործություն
ռուսաստան
արտաքին գործերի նախարարություն (ագն)
https://cdn.am.sputniknews.ru/img/07e8/05/03/75245327_0:13:1600:913_1920x0_80_0_0_cc66ccb2e0413d8e80e1178cd20adc71.jpg
ԵՐԵՎԱՆ, 3 մայիսի - Sputnik. Գերմանիայի ԱԳՆ-ն կանչել է ԳԴՀ-ում ՌԴ դեսպանատան գործերի ժամանակավոր հավատարմատարին՝ կապված Գերմանիայի Սոցիալ-դեմոկրատական կուսակցության վարչության անդամների էլեկտրոնային փոստի հաշիվների ենթադրյալ կոտրման հետ, ինչի համար Բեռլինը ավելի վաղ ռուսական կողմին էր մեղադրել: Այս մասին հայտնում է ՏԱՍՍ-ը։Իր հերթին Գերմանիայի նախարարների կաբինետի ներկայացուցիչ Վոլֆգանգ Բյուխները հայտարարել է, որ «դաշնային կառավարությունը և միջազգային գործընկերները վճռականորեն դատապարտում են APT-28 խմբավորման կողմից Գերմանիայի Սոցիալ-դեմոկրատական կուսակցության կառավարման դեմ իրականացվող արշավը»:Նրա խոսքով՝ կիբերհանցագործները «երկար ժամանակ շահագործել են այդ պահին անհայտ կրիտիկական խոցելիությունը Microsoft Outlook-ում և այդպիսով բացահայտել են էլեկտրոնային փոստի մի քանի հաշիվներ»: Նա պնդել է, որ APT-28-ը, ըստ գերմանական հատուկ ծառայությունների, «կապված է ռուսական ռազմական հետախուզության հետ»: Արշավն, իբր, ուղղված է եղել նաև լոգիստիկայի, սպառազինությունների, օդատիեզերական արդյունաբերության, ՏՏ ծառայությունների, ինչպես նաև հիմնադրամների և ասոցիացիաների ոլորտում պետական հաստատությունների և ընկերությունների դեմ։Ռուսաստանի վրա կիբեռհարձակումների թիվն ավելացել է 80 տոկոսով. ՌԴ փոխարտգործնախարարԳերմանիայի ԱԳ նախարար Անալենա Բերբոկն այսօր հայտարարել է` Գերմանիայի կառավարությունը կարծում է, որ Ռուսաստանն է կանգնած այդ հաքերային հարձակման հետևում: Նրա խոսքով՝ ԱԳՆ ղեկավար դերին կից նախարարների կաբինետի կողմից անցկացված հետաքննության ընթացքում, իբր, պարզվել է, որ «անցյալ տարի տեղի ունեցած այս հարձակման պատասխանատվությունը կրում է APT28 խմբավորումը»: Բերբոքը նաև սպառնացել է, որ հետևանքներ կլինեն, սակայն չի հստակեցրել, թե ինչ գործողությունների մասին կարող է լինել խոսքը:
գերմանիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գերմանիա, կիբեռհանցագործություն, ռուսաստան, արտաքին գործերի նախարարություն (ագն)
գերմանիա, կիբեռհանցագործություն, ռուսաստան, արտաքին գործերի նախարարություն (ագն)
Կիբեռարշավ Գերմանիայում. ՌԴ դեսպանատան գործերի հավատարմատարին ԱԳՆ են կանչել
15:53 03.05.2024 (Թարմացված է: 16:01 03.05.2024) APT-28-ը, գերմանական հատուկ ծառայությունների տվյալներով, «կապված է ռուսական ռազմական հետախուզության հետ»:
ԵՐԵՎԱՆ, 3 մայիսի - Sputnik. Գերմանիայի ԱԳՆ-ն կանչել է ԳԴՀ-ում ՌԴ դեսպանատան գործերի ժամանակավոր հավատարմատարին՝ կապված Գերմանիայի Սոցիալ-դեմոկրատական կուսակցության վարչության անդամների էլեկտրոնային փոստի հաշիվների ենթադրյալ կոտրման հետ, ինչի համար Բեռլինը ավելի վաղ ռուսական կողմին էր մեղադրել: Այս մասին հայտնում է
ՏԱՍՍ-ը։
«Կարող եմ ձեզ տեղեկացնել, որ այսօր մենք ԱԳՆ ենք կանչել Ռուսաստանի դեսպանատան գործերի ժամանակավոր հավատարմատարին, որպեսզի հստակ շարադրենք դաշնային կառավարության դիրքորոշումը»,- լրագրողների հետ ճեպազրույցում ասել է Գերմանիայի արտաքին քաղաքական գերատեսչության ներկայացուցիչ Քրիստիան Վագները:
Իր հերթին Գերմանիայի նախարարների կաբինետի ներկայացուցիչ Վոլֆգանգ Բյուխները հայտարարել է, որ «դաշնային կառավարությունը և միջազգային գործընկերները վճռականորեն դատապարտում են APT-28 խմբավորման կողմից Գերմանիայի Սոցիալ-դեմոկրատական կուսակցության կառավարման դեմ իրականացվող արշավը»:
Նրա խոսքով՝ կիբերհանցագործները «երկար ժամանակ շահագործել են այդ պահին անհայտ կրիտիկական խոցելիությունը Microsoft Outlook-ում և այդպիսով բացահայտել են էլեկտրոնային փոստի մի քանի հաշիվներ»: Նա պնդել է, որ APT-28-ը, ըստ գերմանական հատուկ ծառայությունների, «կապված է ռուսական ռազմական հետախուզության հետ»: Արշավն, իբր, ուղղված է եղել նաև լոգիստիկայի, սպառազինությունների, օդատիեզերական արդյունաբերության, ՏՏ ծառայությունների, ինչպես նաև հիմնադրամների և ասոցիացիաների ոլորտում պետական հաստատությունների և ընկերությունների դեմ։
Գերմանիայի ԱԳ նախարար Անալենա Բերբոկն այսօր հայտարարել է` Գերմանիայի կառավարությունը կարծում է, որ Ռուսաստանն է կանգնած այդ հաքերային հարձակման հետևում: Նրա խոսքով՝ ԱԳՆ ղեկավար դերին կից նախարարների կաբինետի կողմից անցկացված հետաքննության ընթացքում, իբր, պարզվել է, որ «անցյալ տարի տեղի ունեցած այս հարձակման պատասխանատվությունը կրում է APT28 խմբավորումը»: Բերբոքը նաև սպառնացել է, որ հետևանքներ կլինեն, սակայն չի հստակեցրել, թե ինչ գործողությունների մասին կարող է լինել խոսքը:
