https://arm.sputniknews.ru/20240427/dseghi-mvot-hrelvov-getnin-en-gcel-lragrvoghin-hzhmn-datapartum-e-brnutjan-hertakan-depqy-75088799.html
Դսեղի մոտ հրելով գետնին են գցել լրագրողին. ՀԺՄ–ն դատապարտում է բռնության հերթական դեպքը
Դսեղի մոտ հրելով գետնին են գցել լրագրողին. ՀԺՄ–ն դատապարտում է բռնության հերթական դեպքը
Sputnik Արմենիա
Հրելով գետնին են գցել լրագրող Անի Ներկարարյանին, որը ոտքի շրջանում վնասվածք է ստացել։ 27.04.2024, Sputnik Արմենիա
2024-04-27T21:36+0400
2024-04-27T21:36+0400
2024-04-27T22:16+0400
լրագրող
բռնություն
ժուռնալիստների միություն
տավուշ
բողոքի ակցիա
լոռի
դսեղ
https://cdn.am.sputniknews.ru/img/1128/68/11286845_0:0:1280:720_1920x0_80_0_0_63e2c124630f92257b8a2d91185c48b8.jpg
ԵՐԵՎԱՆ, 27 ապրիլի – Sputnik. Լոռու մարզի Դսեղի հատվածում ակցիայի ժամանակ Oragir.News կայքի լրագրողը և օպերատորը բռնության են ենթարկվել ոստիկանների կողմից։ Հայաստանի ժուռնալիստների միությունն այդ մասին հայտարարություն է տարածել` դատապարտելով տեղի ունեցածը։Նշվում է, որ դեպքը տեղի է ունեցել այսօր, երբ ի աջակցություն Տավուշի` Դսեղի հատվածում քաղաքացիները փակել են Երևան–Թբիլիսի ճանապարհը և խաղաղ ակցիա իրականացրել։ Համազգեստով, ինչպես նաև քաղաքացիական հագուստով ոստիկանները ակցիայի մասնակիցներին հորդորել էին բացել ճանապարհը, ապա ուժ գործադրել քաղաքացիների, այդ թվում՝ լրատվամիջոցի ներկայացուցիչների նկատմամբ։Միությունից մարդու իրավունքների պաշտպանին, համապատասխան բոլոր կառույցներին կոչ են արել քննության առարկա դարձնել կատարվածը, լրագրողների, ԶԼՄ ներկայացուցիչների դեմ տեղի ունեցող բռնության դեպքերը, իսկ ՀՀ–ում ժողովրդավարության իրավիճակով, մարդու իրավունքների ու խոսքի ազատության հարցերով զբաղվող տեղական ու միջազգային կազմակերպություններին` աչք չփակել մամուլի, ազատ խոսքի, լրագրողների մասնագիտական աշխատանքի դեմ ուղղված խայտառակ գործողությունների վրա։Հիշեցնենք, որ այսօր Տավուշի մարզում ևս մեկ միջադեպ էր տեղի ունեցել, երբ բռնություն էր կիրառվել լրագրողի և օպերատորի նկատմամբ։ Բողոքի ակցիան լուսաբանող լրագրող, NewDay.am կայքի խմբագիր, լրագրող Անի Գևորգյանի և նրա հետ իր մասնագիտական աշխատանքը կատարող օպերատոր Ջանիբեկ Խաչատրյանի նկատմամբ ոստիկանության ծառայողները բռնություն են գործադրել։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
լոռի
դսեղ
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լրագրող, բռնություն, ժուռնալիստների միություն, տավուշ, բողոքի ակցիա, լոռի, դսեղ
լրագրող, բռնություն, ժուռնալիստների միություն, տավուշ, բողոքի ակցիա, լոռի, դսեղ
Դսեղի մոտ հրելով գետնին են գցել լրագրողին. ՀԺՄ–ն դատապարտում է բռնության հերթական դեպքը
21:36 27.04.2024 (Թարմացված է: 22:16 27.04.2024) Հրելով գետնին են գցել լրագրող Անի Ներկարարյանին, որը ոտքի շրջանում վնասվածք է ստացել։
ԵՐԵՎԱՆ, 27 ապրիլի – Sputnik. Լոռու մարզի Դսեղի հատվածում ակցիայի ժամանակ Oragir.News կայքի լրագրողը և օպերատորը բռնության են ենթարկվել ոստիկանների կողմից։ Հայաստանի ժուռնալիստների միությունն այդ մասին
հայտարարություն է տարածել` դատապարտելով տեղի ունեցածը։
Նշվում է, որ դեպքը տեղի է ունեցել այսօր, երբ ի աջակցություն Տավուշի` Դսեղի հատվածում քաղաքացիները փակել են Երևան–Թբիլիսի ճանապարհը և խաղաղ ակցիա իրականացրել։ Համազգեստով, ինչպես նաև քաղաքացիական հագուստով ոստիկանները ակցիայի մասնակիցներին հորդորել էին բացել ճանապարհը, ապա ուժ գործադրել քաղաքացիների, այդ թվում՝ լրատվամիջոցի ներկայացուցիչների նկատմամբ։
«Ոստիկանները խոչընդոտել են Oragir.News կայքի լրագրողի և օպերատորի աշխատանքը, ապա հրելով գետնին են գցել լրագրող Անի Ներկարարյանին, որը ոտքի շրջանում վնասվածք է ստացել։ Հայաստանի Ժուռնալիստների միությունը խստորեն դատապարտում է լրագրողների նկատմամբ իշխանությունների կողմից կիրառվող անթույլատրելի, լրագրողի մասնագիտական գործունեությունը խոչընդոտող բռնության քրեորեն պատժելի արարքները, դեպքերը»,– նշված է հաղորդագրության մեջ:
Միությունից մարդու իրավունքների պաշտպանին, համապատասխան բոլոր կառույցներին կոչ են արել քննության առարկա դարձնել կատարվածը, լրագրողների, ԶԼՄ ներկայացուցիչների դեմ տեղի ունեցող բռնության դեպքերը, իսկ ՀՀ–ում ժողովրդավարության իրավիճակով, մարդու իրավունքների ու խոսքի ազատության հարցերով զբաղվող տեղական ու միջազգային կազմակերպություններին` աչք չփակել մամուլի, ազատ խոսքի, լրագրողների մասնագիտական աշխատանքի դեմ ուղղված խայտառակ գործողությունների վրա։
Հիշեցնենք, որ այսօր Տավուշի մարզում
ևս մեկ միջադեպ էր տեղի ունեցել, երբ բռնություն էր կիրառվել լրագրողի և օպերատորի նկատմամբ։ Բողոքի ակցիան լուսաբանող լրագրող, NewDay.am կայքի խմբագիր, լրագրող Անի Գևորգյանի և նրա հետ իր մասնագիտական աշխատանքը կատարող օպերատոր Ջանիբեկ Խաչատրյանի նկատմամբ ոստիկանության ծառայողները բռնություն են գործադրել։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
