https://arm.sputniknews.ru/20240415/nvor-pvordzutjun-merdzavvor-arevelqum-vorvosh-havatacjalner-kpvordzen-iragvortsel-hin-kankhatesumy-74568147.html

Նոր փորձություն Մերձավոր Արևելքում. որոշ հավատացյալներ կփորձեն իրագործել հին կանխատեսումը

Նոր փորձություն Մերձավոր Արևելքում. որոշ հավատացյալներ կփորձեն իրագործել հին կանխատեսումը

Sputnik Արմենիա

Եթե հրեա հավատացյալները այս ամսվա վերջին փորձեն իրականացնել մոտ երկու հազար տարի առաջ արված կանխատեսումը, իրավիճակը Մերձավոր Արևելքում, որն առանց այն էլ... 15.04.2024, Sputnik Արմենիա

2024-04-15T20:40+0400

2024-04-15T20:40+0400

2024-04-15T21:04+0400

արմեն դուլյան

5 րոպե դուլյանի հետ

իսրայել

երուսաղեմ

աստվածաշունչ

հրեա

https://cdn.am.sputniknews.ru/img/80/90/809032_0:98:3046:1811_1920x0_80_0_0_f2083ae7788b93981d43bac507d4175f.jpg

Միանգամից ասեմ, որ կանխատեսումը, որը նկարագրված է նաև Հին կտակարանում, այնքան անորոշ է, որ, ըստ տարբեր աղբյուրների, նույնիսկ Սողոմոն թագավորը ժամանակին չի կարողացել հասկանալ, թե ինչ պետք է արվի Օծյալի, այսինքն՝ Մեսիայի գալստյան համար։ Սակայն կրոնական որոշ կազմակերպություններ համոզված են՝ Սուրբ գրքերում ամեն ինչ հստակ ասված է։ Մեսիան կհայտնվի այն ժամանակ, երբ կկատարվեն երեք պայմանները։ Առաջին՝ Իսրայելը կվերածնվի, երկրորդ՝ Երուսաղեմը կրկին հրեական քաղաք կդառնա, և երրորդ՝ նոր տաճար կկառուցվի Տաճարի լեռան վրա։ «Այլմոլորակայիններ, որտե՞ղ եք», հարցնում ենք. պատասխան չկա, բոլորը թաքնվել են անտառումԱյս տեսակետն է արտահայտում, մասնավորապես, «Տաճարի ինստիտուտ» իսրայելական կազմակերպությունը, որը շատերը ծայրահեղական են համարում։ Ժամանակին The New Yorker ամերիկյան հանդեսը այն նույնիսկ «հրեական Թալիբան» էր անվանել։ Այս կազմակերպության անդամները համոզված են, որ առաջին երկու պայմանները կատարված են՝ Իսրայելը հազարամյա փորձություններից հետո վերականգնվել է, այսինքն, մոտ 80 տարի առաջ ստեղծվել է Իսրայել պետությունը, Երուսաղեմն էլ հրեական քաղաք է դարձել, ավելին, դեռ այն ժամանակ, երբ մեզ դպրոցում սովորեցնում էին, թե Իսրայելի մայրաքաղաքը Թել Ավիվն է, հրեաները համոզված էին, որ իրականում իրենց մայրաքաղաքը Երուսաղեմն է։ Եվ ուրեմն, Մեսիայի երկրորդ գալուստն ապահովելու համար մնում է ընդամենը կատարել վերջին պայմանը՝ նոր տաճար կառուցել Երուսաղեմում գտնվող Տաճարի լեռան վրա։ Բայց ամենադժվարն էլ հենց սա է։Ինչո՞ւ են հրեաները միշտ այնքան մեծ նշանակություն տվել տաճարի կառուցմանը։ Որովհետև ի սկզբանե տաճարը եղել է ազգի միասնականության և հզորության խորհրդանիշը։ Առաջին տաճարը մեր թվարկությունից առաջ 900-ական թվականներին սկսել է կառուցել առասպելական Դավիթ թագավորը։ Նրա գործը շարունակել է Սողոմոն իմաստունը։ Դա իրոք Իսրայելի ծաղկման դարաշրջանն էր։ Իսկ դարեր անց Իսահակ Նյուտոնը պնդում էր, թե Սողոմոնի տաճարն իրականում Տիեզերքի հատակագիծն էր, որում կոդավորված էին ոչ միայն բնության բոլոր օրենքները, այլև աստվածային ճշմարտությունը։ Եվ ամենևին պարզ չէ, թե ինչպես են պատրաստվում հրեաները կառուցել երրորդ տաճարն այն տեղում, որտեղ հիմա հառնում է Ալ Աքսա մզկիթը՝ մահմեդականների երրորդ կարևորագույն սրբավայրը Մեքքայից և Մեդինայից հետո։ Ավելին, Ալ Աքսայի հետ մեկ միասնական համալիր է կազմում Ժայռի գմբեթը, որը հաստատ տեսել եք Երուսաղեմի գրեթե բոլոր լուսանկարներում և որը ներառված է համաշխարհային մշակութային ժառանգության ցուցակում։ Պատկերացրե′ք, թե ինչ է կատարվելու ողջ մահմեդական աշխարհում, եթե հանկարծ Իսրայելի կառավարությունը հայտարարի՝ անկախ ամեն ինչից, մենք այստեղ կառուցելու ենք մեր երրորդ տաճարը։Բայց սա միակ դժվարությունը չէ։ Սուրբ գրքերի համաձայն, երրորդ տաճարը կառուցելուց առաջ Երուսաղեմում պետք է կատարվի հնուց եկող մի արարողություն՝ շեկ կովերի զոհաբերություն։ Առաջին հայացքից՝ պրոբլեմ չկա։ Այնինչ, վերջին 40 տարվա ընթացքում «Տաճարի ինստիտուտը» համապատասխան կովեր էր որոնում աշխարհով մեկ ու չէր գտնում։ Խնդիրն այն է, որ այդ շեկ կովերը այլ գույնի մի մազ անգամ չպիտի ունենան։ Ավելին, պիտի երբեք կթված չլինեն, մի խոսքով, լրիվ անարատ։ Ի վերջո, երկու տարի առաջ տեխասցի ֆերմերներից մեկը հայտարարեց, որ 5 նման կով ունի։ Ռաբբիների կողմից կովերի անարատությունը հաստատելուց հետո նրանք ինքնաթիռով բերվեցին Իսրայել։ Բեն Գուրիոնի անվան օդակայանում կովերին դիմավորեց իսրայելցի բարձրաստիճան պաշտոնյաներից մեկը, իսկ ակտիվիստները հայտարարեցին, որ մտադիր են իրականացնել զոհաբերության արարողությունը Փեսախից, այսինքն, հրեական Զատկից հետո։Հրեական Զատիկը, որը մեկ շաբաթ է տոնվում, այս տարի սկսվելու է առաջիկա կիրակի օրը և տևելու է մինչև ապրիլի վերջը։ Պաղեստինցիների առաջնորդներն արդեն հայտարարել են. «Հրեաները մտադիր են վերակենդանացնել անընդունելի կրոնական միֆը՝ մի ողջ ազգի զգացմունքները վիրավորելու համար»։

https://arm.sputniknews.ru/20240402/hajastan-israjel-zarmanalivoren-nman-iravitshak-miangamajn-tarber-erkrnerum-74098006.html

իսրայել

երուսաղեմ

2024

Լուրեր

am_HY

արմեն դուլյան, 5 րոպե դուլյանի հետ, իսրայել, երուսաղեմ, աստվածաշունչ, հրեա