https://arm.sputniknews.ru/20240412/ukrainaji-gvojatevumy-kakhvats-e-mi-marduc-ev-ajd-mardy-trampn-e-74484371.html

Ուկրաինայի գոյատևումը կախված է մի մարդուց, և այդ մարդը… Թրամփն է

Ուկրաինայի գոյատևումը կախված է մի մարդուց, և այդ մարդը… Թրամփն է

Sputnik Արմենիա

Վերջին երկու տարվա ընթացքում Արևմուտքը խոստացել է Ուկրաինային որպես օգնություն հատկացնել ֆանտաստիկ մի գումար՝ 250 միլիարդ եվրո։ Համեմատեք օրերս Հայաստանին... 12.04.2024, Sputnik Արմենիա

2024-04-12T21:30+0400

2024-04-12T21:30+0400

2024-08-19T15:56+0400

արմեն դուլյան

5 րոպե դուլյանի հետ

ուկրաինա

ամն

դոնբասի պաշտպանություն. ռդ–ի ռազմական հատուկ գործողությունը ուկրաինայում

https://cdn.am.sputniknews.ru/img/07e5/01/0c/26070339_0:149:2151:1359_1920x0_80_0_0_700184abfc6dfafddf4c2be0490a5532.jpg

Մեզ այդ փողը կփոխանցվի առաջիկա 4 տարիների ընթացքում, այնինչ, գերմանական Քիլ քաղաքում գտնվող Համաշխարհային տնտեսության ինստիտուտի տվյալներով, Կիևին խոստացված այդ հսկայական գումարի երեք քառորդը արդեն հատկացվել է։ Փողի մի մասը ռազմական գործողությունների հետ ընդհանրապես շատ քիչ առնչություն ունի և նախատեսված է աշխատավարձերի, կենսաթոշակների և սոցիալական նպաստների վճարման համար, քանզի երկրի տնտեսությունը, մեղմ ասած, դժվարությամբ է աշխատում, ինչի հետևանքով հարկահավաքման գործն էլ է մեծ պրոբլեմ դարձել։ Վերջապես պարզվեց՝ ով է մեղավոր գլոբալ ջերմացման համար. ըստ դատարանի` ՇվեյցարիանԱյսինքն, ինչպես նշում են արևմտյան լրատվամիջոցները, ուկրաինացի չինովնիկը, որի աշխատավարձը փաստորեն գալիս է Վաշինգտոնից, այժմ սրտատրոփ սպասում է, թե երբ ամերիկյան Կոնգրեսը վերջապես կհաստատի այս տարվա համար նախատեսված ավելի քան 60 միլիարդ դոլարի ռազմական օգնությունը։ Եվ այդ չինովնիկի մտահոգությունը լիովին հասկանալի է՝ եթե ամերիկյան զենքը երկար ժամանակ ուշանա, կառավարությունը ստիպված է լինելու կտրուկ ավելացնել պետական բյուջեի ռազմական ծախսերը։ Ի՞նչի հաշվին։ Հենց այդ չինովնիկի աշխատավարձի հաշվին։ Թոշակառուների ստացած խղճուկ գումարների մասին էլ չեմ խոսում. իջեցնելու տեղ էլ չկա։Առաջին հայացքից թվում է, թե Ամերիկան արտառոց գումարներ է հատկացնում Ուկրաինային ռազմական օգնություն ցուցաբերելու նպատակով։ Բայց համեմատեք՝ մի բուռ էստոնիան այդ նպատակին Ուկնաինային է հատկացնում իր համախառն ներքին արդյունքի 4 տոկոսը, մինչդեռ Ամերիկայի ներդրումը ավելի քան 10 անգամ պակաս է՝ ընդամենը 0,3 տոկոս։ Ավելին, Վաշինգտոնի հատկացրած գումարի մի զգալի մասը Կիև չի էլ հասնում, այլ տրամադրվում է հենց ամերիկյան զենք արտադրողներին, այսինքն, օգտագործվում է սեփական տնտեսությունը զարգացնելու համար։Ե՞րբ է ամերիկյան Կոնգրեսի ստորին պալատն ի վերջո հաստատելու այդ 60 միլիարդի ռազմական օգնությունն Ուկրաինային։ Ամեն ինչ կախված է մի մարդուց, և այդ մարդը… Դոնալդ Թրամփն է, փաստում է ԲիԲիՍի-ն՝ մանրամասնելով. թեև Ներկայացուցիչների պալատում մեծամասնություն է կազմում, այսպես ասենք, ընդդիմությունը, այսինքն, հանրապետականները, նրանցից շատերը, ինչպես ցույց տվեց քվեարկությունը վերին պալատում՝ Սենատում, լիովին պատրաստ են հավանություն տալ այդ 60 միլիարդին, բայց հանրապետականների շարքերում կա արմատական մի խումբ, որը անշեղորեն հետևելով նախկին նախագահի՝ Թրամփի ցուցումներին, երկու ոտքը դրել է մի կոշիկի մեջ և համառորեն պնդում է՝ չէ′ ու չէ′, 60 միլիարդի մասին որոշումը չպետք է քննարկվի։Ի՜նչ պատրվակ ասես բերում են։ Սկզբից ասում էին՝ նախ, ամրացրեք Մեքսիկայի հետ սահմանները, թե չէ՝ անհեթեթ բան է ստացվում. հոգ ենք տանում հեռավոր եվրոպական մի երկրի սահմանների անձեռնմխելիության մասին, այնինչ, մեր սեփական սահմանները լայնորեն բացել ենք անօրինական ներգաղթյալների առջև։ Հետո սկսեցին խոսել հեղուկ գազի արտահանման հետ կապված ֆինանսական պրոբլեմների մասին։ Հիմա էլ առաջարկում են ոչ թե պարզապես նվիրել Կիևին այդ 60 միլիարդը, այլ ձևակերպել այն որպես վարկ, թեև դա շատերի կարծիքով պարզապես ծիծաղելի է՝ բոլորն էլ նախօրոք գիտեն՝ ինչ ելք էլ ունենան ռազմական գործողություններն Ուկրաինայում, Կիևը մոտ ապագայում ֆիզիկապես ի վիճակի չի լինելու վերադարձնել այդ հսկայական գումարը, Ամերիկան էլ, բնականաբար, ներելու է։ Դեմոկրատներն այդ տարբերակին էլ են համաձայն, բայց Թրամփի կողմնակիցները շարունակում են պահպանել իրենց անզիջում դիրքորոշումը։ Եվ հիմա արդեն երևի ոչ ոք չի համարձակվի ստույգ կանխատեսել, թե երբ է վերջապես հարցը քննարկվելու։Ուկրաինացիներն էլ անհամբեր սպասում են, որովհետև փամփուշտները, արկերն ու հրթիռները սպառվում են։ Իսկ Եվրոպայում ՆԱՏՕ-ի միավորված զինված ուժերի հրամանատար Քրիսթոֆեր Քավոլին, ելույթ ունենալով կոնգրեսականների առջև, փաստել է. «Եթե մի կողմը կրակում է, իսկ մյուս կողմը պատասխան չի տալիս, հաղթում է նա, ով կրակում է»։

https://arm.sputniknews.ru/20240409/menq-menak-chenq-menak-chenq-menak-chenq-bargavatsh-amerikacinern-el-en-khist-dzhgvoh-kjanqic-74371821.html

ուկրաինա

ամն

2024

Լուրեր

am_HY

արմեն դուլյան, 5 րոպե դուլյանի հետ, ուկրաինա, ամն