https://arm.sputniknews.ru/20240408/ruben-vardanjany-nerkajacvel-e-2024-ti-khaghaghutjan-nvobeljan-mrcanaki-74316723.html
Ռուբեն Վարդանյանը ներկայացվել է 2024 թ.–ի Խաղաղության Նոբելյան մրցանակի
Ռուբեն Վարդանյանը ներկայացվել է 2024 թ.–ի Խաղաղության Նոբելյան մրցանակի
Sputnik Արմենիա
Առաջադրողները հիշատակել են, որ նա շուրջ հինգ տասնյակ տարի օժանդակել է կրթական, բարեգործական, գիտական և մարդասիրական կառույցների ստեղծմանը ոչ միայն Հայաստանում... 08.04.2024, Sputnik Արմենիա
2024-04-08T11:39+0400
2024-04-08T11:39+0400
2024-04-08T12:20+0400
ռուբեն վարդանյան
նոբելյան մրցանակ
բարերար
խաղաղություն
https://cdn.am.sputniknews.ru/img/07e5/09/13/33435922_0:113:1600:1013_1920x0_80_0_0_495076707a209f6c35701046eb979ca2.jpg
ԵՐԵՎԱՆ, 8 ապրիլի – Sputnik. Արցախի նախկին պետնախարար, «Ավրորա» մարդասիրական նախաձեռնության համահիմնադիր Ռուբեն Վարդանյանը ներկայացվել է 2024 թ.–ի Խաղաղության Նոբելյան մրցանակի։ Այս մասին Sputnik Արմենիային հայտնեցին Ռուբեն Վարդանյանի գրասենյակից։Նրա թեկնածությունն առաջադրել են մի շարք հեղինակավոր անձինք, որոնցից թվում նաև Խաղաղության Նոբելյան մրցանակի դափնեկիր կա:Առաջադրողները հիշատակել են նրա գործունեությունը շրջափակված Արցախում, որտեղ Ռուբեն Վարդանյանը մեծ ջանքեր է ներդրել ՝ փորձելով ոչ միայն մեղմել մարդասիրական ծանր կարիքները, այլև դժվարին վիճակում հայտնված մարդկանց ու երեխաների կենսական պայմանների բարելավման հնարավորություններ ստեղծել:«Գնահատելի է համարվել այն, որ Ռուբեն Վարդանյանի բարեգործությունն ընդգրկում է ոչ միայն ազգային, այլև միջազգային մակարդակները, և գլոբալ ազդեցություն ու նշանակություն ունի: Նրա հեղինակային խոշոր նախագծերից մեկը՝ «Ավրորա» մարդասիրական նախաձեռնությունը, ուղղված է աշխարհի բոլոր անկյուններում, բոլոր մայրցամաքներում օգնելու և ձեռք մեկնելու բոլոր նրանց, ովքեր վտանգելով սեփական կյանքը բարիք են գործում: Վարդանյանին առաջադրման ներկայացված հարգարժան անձանց նամակում կարևոր է համարվում նաև այն, որ նա հարգալից է եղել ոչ միայն իր ժողովրդի, կրոնի, այլև այլոց ժառանգության նկատմամբ. որպես դրա վառ օրինակ նշվում է Ռուբեն Վարդանյանի նախաձեռնությամբ վերանորոգված Շուշիի իրանական մզկիթը»,- հայտնում են Վարդանյանի գրասենյակից:ՀՀ իշխանությունն անբարոյական դիրքորոշում է որդեգրել Ռուբեն Վարդանյանի նկատմամբ. ԶուրաբյանՆշվում է, որ Ռուբեն Վարդանյանը, իր գործընկերների հետ համատեղ, ընդհանուր առմամբ շուրջ 700 նախագիծ է իրականացրել Հայաստանում, Արցախում և հայկական աշխարհում` ներդրումներ անելով մարդասիրության, կրթության, պատմամշակութային ժառանգության պահպանության, զբոսաշրջության ու ենթակառուցվածքների զարգացման և մի շարք այլ ոլորտներում:Հիշեցնենք, որ 2022 թվականի սեպտեմբերին Ռուբեն Վարդանյանը հայտարարեց Արցախի Հանրապետություն տեղափոխվելու մասին։ Որոշ ժամանակ անց՝ 2022թ. նոյեմբերի 4-ին,նա ստանձնեց Արցախի Հանրապետության պետնախարարի պաշտոնը:2023թ. փետրվարի 23 -ին Ռուբեն Վարդանյանին ազատեցին պետնախարարի պաշտոնից, բայց նա շարունակեց մնալ Արցախում։ 2023 թվականի սեպտեմբերի 27-ին Հայաստանի սահմանի մոտ`Հակարի կամրջի անցակետում, Վարդանյանն ապօրինաբար կալանավորվեց Ադրբեջանի կողմից և մինչ օրս գտնվում է Բաքվի բանտում: Նրան սպառնում է մինչև 14 տարվա ազատազրկում:
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ռուբեն վարդանյան, նոբելյան մրցանակ, բարերար, խաղաղություն
ռուբեն վարդանյան, նոբելյան մրցանակ, բարերար, խաղաղություն
Ռուբեն Վարդանյանը ներկայացվել է 2024 թ.–ի Խաղաղության Նոբելյան մրցանակի
11:39 08.04.2024 (Թարմացված է: 12:20 08.04.2024) Առաջադրողները հիշատակել են, որ նա շուրջ հինգ տասնյակ տարի օժանդակել է կրթական, բարեգործական, գիտական և մարդասիրական կառույցների ստեղծմանը ոչ միայն Հայաստանում, այլև մի շարք այլ երկրներում։
ԵՐԵՎԱՆ, 8 ապրիլի – Sputnik. Արցախի նախկին պետնախարար, «Ավրորա» մարդասիրական նախաձեռնության համահիմնադիր Ռուբեն Վարդանյանը ներկայացվել է 2024 թ.–ի Խաղաղության Նոբելյան մրցանակի։ Այս մասին
Sputnik Արմենիային հայտնեցին Ռուբեն Վարդանյանի գրասենյակից։
Նրա թեկնածությունն առաջադրել են մի շարք հեղինակավոր անձինք, որոնցից թվում նաև Խաղաղության Նոբելյան մրցանակի դափնեկիր կա:
«Հեղինակավոր անձանց կողմից Ռուբեն Վարդանյանը ներկայացվել է այդ բարձր մրցանակին՝ շուրջ հինգ տասնյակի հասնող նոր և աննախադեպ կրթական, բարեգործական, գիտական և մարդասիրական կառույցների ստեղծման ու օժանդակման համար ոչ միայն Հայաստանում, այլև մի շարք երկրներում»,– նշեցին գրասենյակից։
Առաջադրողները հիշատակել են նրա գործունեությունը շրջափակված Արցախում, որտեղ Ռուբեն Վարդանյանը մեծ ջանքեր է ներդրել ՝ փորձելով ոչ միայն մեղմել մարդասիրական ծանր կարիքները, այլև դժվարին վիճակում հայտնված մարդկանց ու երեխաների կենսական պայմանների բարելավման հնարավորություններ ստեղծել:
«Գնահատելի է համարվել այն, որ Ռուբեն Վարդանյանի բարեգործությունն ընդգրկում է ոչ միայն ազգային, այլև միջազգային մակարդակները, և գլոբալ ազդեցություն ու նշանակություն ունի: Նրա հեղինակային խոշոր նախագծերից մեկը՝ «Ավրորա» մարդասիրական նախաձեռնությունը, ուղղված է աշխարհի բոլոր անկյուններում, բոլոր մայրցամաքներում օգնելու և ձեռք մեկնելու բոլոր նրանց, ովքեր վտանգելով սեփական կյանքը բարիք են գործում: Վարդանյանին առաջադրման ներկայացված հարգարժան անձանց նամակում կարևոր է համարվում նաև այն, որ նա հարգալից է եղել ոչ միայն իր ժողովրդի, կրոնի, այլև այլոց ժառանգության նկատմամբ. որպես դրա վառ օրինակ նշվում է Ռուբեն Վարդանյանի նախաձեռնությամբ վերանորոգված Շուշիի իրանական մզկիթը»,- հայտնում են Վարդանյանի գրասենյակից:
Նշվում է, որ Ռուբեն Վարդանյանը, իր գործընկերների հետ համատեղ, ընդհանուր առմամբ շուրջ 700 նախագիծ է իրականացրել Հայաստանում, Արցախում և հայկական աշխարհում` ներդրումներ անելով մարդասիրության, կրթության, պատմամշակութային ժառանգության պահպանության, զբոսաշրջության ու ենթակառուցվածքների զարգացման և մի շարք այլ ոլորտներում:
Հիշեցնենք, որ 2022 թվականի սեպտեմբերին Ռուբեն Վարդանյանը հայտարարեց Արցախի Հանրապետություն տեղափոխվելու մասին։ Որոշ ժամանակ անց՝ 2022թ. նոյեմբերի 4-ին,նա ստանձնեց Արցախի Հանրապետության պետնախարարի պաշտոնը:
2023թ. փետրվարի 23 -ին Ռուբեն Վարդանյանին ազատեցին պետնախարարի պաշտոնից, բայց նա շարունակեց մնալ Արցախում։ 2023 թվականի սեպտեմբերի 27-ին Հայաստանի սահմանի մոտ`Հակարի կամրջի անցակետում, Վարդանյանն ապօրինաբար կալանավորվեց Ադրբեջանի կողմից և մինչ օրս գտնվում է Բաքվի բանտում: Նրան սպառնում է մինչև 14 տարվա ազատազրկում:
