https://arm.sputniknews.ru/20240330/16-kilvogramanvoc-ishkhan-khvosvogh-sev-agrav-anhetacats-zubr-inch-gitenq-kam-chgitenq-sevani-masin-73524176.html

16-կիլոգրամանոց իշխան, խոսող սև ագռավ, անհետացած զուբր․ ինչ գիտենք կամ չգիտենք Սևանի մասին

Sputnik Արմենիա

«Սևան» ազգային պարկի այցելուների կենտրոնում ներկայացված կենդանատեսակների հետ մեկտեղ ներկայացված է նաև քաղաքի հետաքրքիր պատմությունը` թե ինչպես ստացվեց, որ... 30.03.2024, Sputnik Արմենիա

2024-03-30T21:14+0400

սևան

թանգարան

ձուկ

ագռավ

իշխան

https://cdn.am.sputniknews.ru/img/07e8/03/14/73569957_0:83:1600:983_1920x0_80_0_0_9996402c27dbf854c160a943a3a34bf0.jpg

Խոսող սև ագռավներ կան, որոնք ապրում են ոչ թե հեքիաթային աշխարհում, այլ Սևանում։ Հաստատ փորձում եք հասկանալ՝ որքան սթափ է լրագրողն այս տողերը գրելիս։ Եթե երբևէ լինեք «Սևան» ազգային պարկի այցելուների կենտրոնում, ոչ միայն ձեր ականջներով կլսեք ու աչքերով կտեսնեք հայտնի սև ագռավին (առնվազն նրա խրտվիլակին), այլև զարմանալու այլ փաստեր ու պատմություններ էլ կլսեք։«Սևան» ազգային պարկի այցելուների կենտրոնը բացվել է 1996 թվականին, սակայն ցուցանմուշների հավաքագրումը սկսվել է դեռ 1980-ականներին։ Այստեղ ոչ միայն ներկայացված է պարկի կենդանական, բուսական աշխարհը, այլև Սևան քաղաքի հետաքրքիր պատմությունը։Պարզվում է՝ քաղաքը 1840-ականներին հիմնել են ռուսները, որոնք աքսորվել էին ցարի կողմից աղանդավորական շարժումներին (մոլոկաններ, դուխաբորներ, պրիգուններ, սուբոտնիկներ) հարելու համար։ Բնակավայրը որպես աքսորավայր էր ընտրվել խիստ, ցուրտ կլիմայի պատճառով։ Քաղաքն այդ ժամանակ ցարի դստեր պատվին Ելենովկա են կոչել (Սևան է անվանվել հետագայում, ըստ մի վարկածի՝ Արևմտյան Հայաստանից գաղթականները լիճը Վանա լճին են նմանեցրել, իսկ երբ կարկուտը բերքը փչացրել է, ասել են՝ «Սև Վան եկավ մեր գլխին»)։Կենտրոնի տեղեկատվության ավագ մասնագետ Թամարա Կիրակոսյանը ցույց է տալիս քաղաքի առաջին տան մանրակերտը։ Այն մինչև այսօր էլ կանգուն է։ Բայց 1840-ականներին, երբ այն կառուցվում էր, անմիջապես լճափին էր, հիմա արդեն՝ ափից շատ հեռու։ Ի դեպ, այնտեղ, որտեղ այսօր այցելուների կենտրոնն է, այդ ժամանակներում ևս ոչ թե ցամաք էր, այլ ջուր։«Սևան» ազգային պարկի տարածքում 267 տեսակի թռչուն է ապրում, որից 39-ը Կարմիր գրքում են գրանցված։ Պարկի և մարզի խորհրդանիշը հայկական որորն է, մյուս կարևոր հերոսի մասին սկզբում էլ ասացի՝ սև ագռավն է, որը սովորական մոխրագույն ագռավից տարբերվում է ոչ միայն չափերով, այլև խելացիությամբ ու խոսքով։Կենտրոնի գանձերից է 10 տարեկան, 95 սմ երկարություն ունեցող 16-կիլոգրամանոց իշխանը, որին որսացել են 1970-ականներին։ Թամարան ասում է՝ այդ տարիներին անգամ 22, 24 կգ կշռող ձկներ էլ են բռնվել, սակայն թանգարան չեն հասել։ Ի դեպ, ըստ մասնագետի՝ տարիներ առաջ Սևանա լճում 12 տեսակի ձկներ են ապրել, հիմա միայն 5-ն է մնացել՝ իշխանը, բեղլուն, սիգը, լճածածանը, կողակը։Ջրի մակարդակի նվազելը Սևանի էկոհամակարգի վրա բացասական ազդեց, բայց երբ ջրերը հետ գնացին, բազմաթիվ պատմահնագիտական նյութեր գտնվեցին։ Օրինակ` հայտնաբերվեց Լճաշենի հսկայական դամբարանադաշտը, նաև մարդկանց ու կենդանիների ոսկորներ։ Թամարա Կիրակոսյանն առանձնացնում է հատկապես մեկը՝ զուբրի գանգը։«Այս ոսկորները գրեթե 2500 տարի ջրի տակ են եղել։ Փաստորեն այն ժամանակ այստեղ զուբրեր են ապրել, որոնք Հայաստանում հիմա ընդհանրապես չկան, անհետացել են»,- նշում է մասնագետը։Սրահի մի անկյուն էլ հատկացված է «Արևավանի»` 40 տարի առաջ ստեղծված էկոլոգիապես մաքուր էներգիա ստանալու վահանակի մակետին։ Թամարան հպարտությամբ է այն ցույց տալիս ու ասում` Սևանը փոքրիկ, բայց առաջադեմ քաղաք է եղել միշտ։«Սա 1985 թվականին Մոսկվայում ցուցահանդեսում երրորդ բրոնզի է արժանացել՝ որպես էկոլոգիապես մաքուր էլեկտրաէներգիա ստանալու համար ավանի մակետ։ Մի քանի տարի է, ինչ մեզ մոտ արևային վահանակները կան, բայց մոտ 40 տարի առաջ Սևանում արդեն նման բան է մշակվել։ Ի դեպ, Սևանում արևաշատությունը շատ մոտ է Եգիպտոսին, ճիշտ է, մեզ մոտ ցուրտ է, բայց արևոտ»,- ասում է Թամարան։Արևային վահանակներից բացի մակետի վրա նաև հողմաղացներ են, մեծ տարաներ գոմաղբ այրելու համար, կարճ ասած՝ տարբեր հնարավորություններ են մշակվել՝ էկոլոգիապես մաքուր էներգիա ստանալու նպատակով։ Բայց Խորհրդային Միությունը փլուզվեց, ու մակետն էլ միայն թանգարանային ցուցանմուշ մնաց։

սևան

Sputnik Արմենիա

media@sputniknews.com

+74956456601

MIA „Rossiya Segodnya“

252

2024

Մարիաննա Փայտյան

https://cdn.am.sputniknews.ru/img/1585/58/15855895_411:130:1006:725_100x100_80_0_0_442e081f9161f2ad71020e5a428a7f3b.jpg

Մարիաննա Փայտյան

https://cdn.am.sputniknews.ru/img/1585/58/15855895_411:130:1006:725_100x100_80_0_0_442e081f9161f2ad71020e5a428a7f3b.jpg

Լուրեր

am_HY

Sputnik Արմենիա

media@sputniknews.com

+74956456601

MIA „Rossiya Segodnya“

252

1920

1080

true

1920

1440

true

https://cdn.am.sputniknews.ru/img/07e8/03/14/73569957_90:0:1510:1065_1920x0_80_0_0_63d58fdf2128ca004ff124e685440fba.jpg

1920

true

Sputnik Արմենիա

media@sputniknews.com

+74956456601

MIA „Rossiya Segodnya“

252

Մարիաննա Փայտյան

https://cdn.am.sputniknews.ru/img/1585/58/15855895_411:130:1006:725_100x100_80_0_0_442e081f9161f2ad71020e5a428a7f3b.jpg

սևան, թանգարան, ձուկ, ագռավ, իշխան

16-կիլոգրամանոց իշխան, խոսող սև ագռավ, անհետացած զուբր․ ինչ գիտենք կամ չգիտենք Սևանի մասին

21:14 30.03.2024

16–կիլոգրամանոց իշխանը «Սևան» ազգային պարկում

Մարիաննա Փայտյան

Հոդված

«Սևան» ազգային պարկի այցելուների կենտրոնում ներկայացված կենդանատեսակների հետ մեկտեղ ներկայացված է նաև քաղաքի հետաքրքիր պատմությունը` թե ինչպես ստացվեց, որ ռուսները քաղաքի, այսպես ասած, հիմնադիրները դարձան։

Черный ворон в туристическом центре Севанского национального парка - Sputnik Արմենիա, 1920, 21.03.2024

Սև ագռավները «Սևան» ազգային պարկում

«Սևան» ազգային պարկի այցելուների կենտրոնը բացվել է 1996 թվականին, սակայն ցուցանմուշների հավաքագրումը սկսվել է դեռ 1980-ականներին։ Այստեղ ոչ միայն ներկայացված է պարկի կենդանական, բուսական աշխարհը, այլև Սևան քաղաքի հետաքրքիր պատմությունը։

Պարզվում է՝ քաղաքը 1840-ականներին հիմնել են ռուսները, որոնք աքսորվել էին ցարի կողմից աղանդավորական շարժումներին (մոլոկաններ, դուխաբորներ, պրիգուններ, սուբոտնիկներ) հարելու համար։ Բնակավայրը որպես աքսորավայր էր ընտրվել խիստ, ցուրտ կլիմայի պատճառով։ Քաղաքն այդ ժամանակ ցարի դստեր պատվին Ելենովկա են կոչել (Սևան է անվանվել հետագայում, ըստ մի վարկածի՝ Արևմտյան Հայաստանից գաղթականները լիճը Վանա լճին են նմանեցրել, իսկ երբ կարկուտը բերքը փչացրել է, ասել են՝ «Սև Վան եկավ մեր գլխին»)։

Старший специалист по информации Туристического центра Севанского национального парка Тамара Киракосян - Sputnik Արմենիա, 1920, 21.03.2024

Թամարա Կիրակոսյանը

Կենտրոնի տեղեկատվության ավագ մասնագետ Թամարա Կիրակոսյանը ցույց է տալիս քաղաքի առաջին տան մանրակերտը։ Այն մինչև այսօր էլ կանգուն է։ Բայց 1840-ականներին, երբ այն կառուցվում էր, անմիջապես լճափին էր, հիմա արդեն՝ ափից շատ հեռու։ Ի դեպ, այնտեղ, որտեղ այսօր այցելուների կենտրոնն է, այդ ժամանակներում ևս ոչ թե ցամաք էր, այլ ջուր։

Макет первого дома города Севан - Sputnik Արմենիա, 1920, 21.03.2024

Սևանի առաջին տան մակետը

«Սևան» ազգային պարկի տարածքում 267 տեսակի թռչուն է ապրում, որից 39-ը Կարմիր գրքում են գրանցված։ Պարկի և մարզի խորհրդանիշը հայկական որորն է, մյուս կարևոր հերոսի մասին սկզբում էլ ասացի՝ սև ագռավն է, որը սովորական մոխրագույն ագռավից տարբերվում է ոչ միայն չափերով, այլև խելացիությամբ ու խոսքով։

Կենտրոնի գանձերից է 10 տարեկան, 95 սմ երկարություն ունեցող 16-կիլոգրամանոց իշխանը, որին որսացել են 1970-ականներին։ Թամարան ասում է՝ այդ տարիներին անգամ 22, 24 կգ կշռող ձկներ էլ են բռնվել, սակայն թանգարան չեն հասել։ Ի դեպ, ըստ մասնագետի՝ տարիներ առաջ Սևանա լճում 12 տեսակի ձկներ են ապրել, հիմա միայն 5-ն է մնացել՝ իշխանը, բեղլուն, սիգը, լճածածանը, կողակը։

Tуристический центр Севанского национального парка - Sputnik Արմենիա, 1920, 21.03.2024

«Սևան» ազգային պարկը

Ջրի մակարդակի նվազելը Սևանի էկոհամակարգի վրա բացասական ազդեց, բայց երբ ջրերը հետ գնացին, բազմաթիվ պատմահնագիտական նյութեր գտնվեցին։ Օրինակ` հայտնաբերվեց Լճաշենի հսկայական դամբարանադաշտը, նաև մարդկանց ու կենդանիների ոսկորներ։ Թամարա Կիրակոսյանն առանձնացնում է հատկապես մեկը՝ զուբրի գանգը։

Черепа буйвола и бизона, находившихся под водой 2500 лет, в туристическом центре Севанского национального парка - Sputnik Արմենիա, 1920, 21.03.2024

Գոմեշի գլուխը «Սևան» ազգային պարկում

«Այս ոսկորները գրեթե 2500 տարի ջրի տակ են եղել։ Փաստորեն այն ժամանակ այստեղ զուբրեր են ապրել, որոնք Հայաստանում հիմա ընդհանրապես չկան, անհետացել են»,- նշում է մասնագետը։

Սրահի մի անկյուն էլ հատկացված է «Արևավանի»` 40 տարի առաջ ստեղծված էկոլոգիապես մաքուր էներգիա ստանալու վահանակի մակետին։ Թամարան հպարտությամբ է այն ցույց տալիս ու ասում` Սևանը փոքրիկ, բայց առաջադեմ քաղաք է եղել միշտ։