https://arm.sputniknews.ru/20240308/frvojd-amenamets-harcy-vorin-minchev-hima-chem-karvoghacel-pataskhanel-sa-e-inch-e-uzum-kiny-73184291.html

Ֆրոյդ. Ամենամեծ հարցը, որին մինչև հիմա չեմ կարողացել պատասխանել, սա է՝ ի՞նչ է ուզում կինը

Ֆրոյդ. Ամենամեծ հարցը, որին մինչև հիմա չեմ կարողացել պատասխանել, սա է՝ ի՞նչ է ուզում կինը

Sputnik Արմենիա

Կինն ու տղամարդը երկու աշխարհ են, երկու բևեռ, ինչպես հողն ու անձրևը, գիշերն ու ցերեկը, նյութականն ու ոգեղենը։ 08.03.2024, Sputnik Արմենիա

2024-03-08T22:00+0400

2024-03-08T22:00+0400

2024-03-08T22:40+0400

կին

զիգմունդ ֆրոյդ

արմեն դուլյան

5 րոպե դուլյանի հետ

https://cdn.am.sputniknews.ru/img/07e8/03/08/73185269_0:0:1600:901_1920x0_80_0_0_05ece38146bd675064c04ceeeb71b249.jpg

Մեր օրերի ամենազարմանալի պարադոքսներից մեկը սա է՝ հենց այն ժամանակ, երբ, կարծես թե հաջողությամբ պսակվեց կանանց հավասարության համար պայքարը, գիտնականները պարզեցին, որ կինը տղամարդուց բոլորովին տարբեր է, և երկուսին միավորում է ընդամենը մի բան՝ թե′ կինը, թե′ տղամարդը այս մոլորակում են ապրում։ Ուրիշ ընդհանուր բան չկա։ Նույնիսկ վերարկուն հագնելիս տղամարդը աջ ձեռքից է սկսում, կինը՝ ձախից։ Դա ուղեղի առանձնահատկություններից է գալիս։ Հո գաղտնի՞ք չէ, որ մեր՝ տղամարդկանց, ուղեղն ավելի մեծ է, քան ձերը, սիրելի′ կանայք։ Բայց ընդունում ենք՝ դա ոչինչ չի նշանակում, որովհետև, օրինակ, կետի ուղեղը մարդկայինից մի քանի անգամ ավելի մեծ է, սակայն այդ կաթնասունը իսկի Նյուտոնի երրորդ օրենքն էլ չգիտի։ Ջեֆ Բեզոսի տարին. աշխարհի ամենահարուստ մարդու հաջողության գաղտնիքըԴուք, ավելի լավ է՝ Սթենֆորդի համալսարանի մասնագետներին լսեք, որոնք վերջերս ոչ միայն ապացուցել են, որ կանանց հիշողությունն է զարգացած և օտար լեզուներին տիրապետելու ունակությունը, իսկ տղամարդիկ հումորից և տեղանքում կողմնորոշվելուց են ուժեղ, այլև բացատրել են, թե ինչու է դա այդպես։ Անկեղծ խոստովանենք՝ մեր հումորի զգացումը կանանց շնորհիվ է զարգացել։ Ինչպե՞ս։ Սիրամարգի նման միշտ ձգտել ենք դուր գալ գեղեցիկ սեռի ներկայացուցիչներին և գրավել նրանց ուշադրությունը։ Իսկ դրա լավագույն ձևը սրամտություններն են։ Այնինչ կինը, կներե′ք, իր հումորով չէ, որ պիտի գայթակղի մեզ։ Լիքը այլ գայթակղիչ գործոններ կան. չմանրամասնեմ։Կինը իր հերթին պիտի անպայման լավ հիշողություն ունենա, որպեսզի առանց դժվարության մտաբերի, թե որտեղ է տղամարդը գիշերը պառկելուց առաջ դրել իր ակնոցը կամ գուլպաները։ Եվ ընդհանրապես հենց կիննն է միշտ պատասխանատու եղել ընտանիքի ներքին և արտաքին շփումների համար. դրա համար էլ լեզուներ է սովորել ու հմտացել այդ գործում։ Ավելին, եթե մենք նույնիսկ տիեզերքի խորքերում այլմոլորակայինների հայտնաբերենք, վստահ եմ՝ կինը հսկայական դեր կարող է խաղալ նաև մարդկության միջմոլորակային շփումների բնագավառում։ Դրանում ևս մեկ անգամ համոզվեցի, երբ տարիներ առաջ կարդացի մի ֆանտաստիկ պատմվածք։Հեղինակին չեմ հիշում, երևի նրանից է, որ կին չեմ, բայց սյուժեն այսպիսին էր։ Մի աստղագետ հանկարծ ազդանշան է որսում, որը գալիս է հեռավոր գալակտիկայից։ Սկզբից շատ է ուրախանում, բայց հետո հաշվարկում է, որ այլմոլորակայիններն այնքան հեռու են, որ նրանց արձակած ազդանշանը Երկրին է հասնում միայն 20 տարի անց։ Ուրեմն երկու տասնամյակ էլ պահանջվելու է, որպեսզի իրենց մոլորակին հասնի մեր պատասխանը։ Այսինքն, 40 տարի կպահանջվի տեղեկություններ փոխանակելու համար։ Այս ամենը խոհանոցում պատմում է կնոջը, որը միանգամից զարմանում է. Հիմա հասկացա՞ք, թե որքան տարբեր մտածողություն ունեն տղամարդիկ և կանայք։ Այդ տարբերությունն, ի դեպ, շատ վառ կերպով արտահայտվում է նաև միմանց նկատմամբ վերաբերմունքում։ Ավստրիացի հայտնի գիտնական, հոգեվերլուծության հիմնադիր Զիգմունդ Ֆրոյդը, օրինակ, անկեղծորեն խոստովանել է. «Ամենամեծ հարցը, որին մինչև հիմա չեմ կարողացել պատասխանել, սա է՝ ի՞նչ է ուզում կինը»։ Իսկ հիմա տեսեք, թե ինչ է ասել մեր մասին Մերիլին Մոնրոն. «Բոլոր տղամարդիկ միատեսակ են, իսկ տարբեր դեմքեր ունեն միայն նրա համար, որ կանայք կարողանան նրանց զանազանել միմյանցից»։ Նման հեգնական խայթոցներին մենք էլ պատասխանում ենք շիկահերների մասին անեկդոտներ պատմելով՝ չգիտակցելով, որ մազերի բաց գույնը պայմանավորված է էստրոգեն կոչվող հորմոնների բարձր մակարդակով, իսկ այդ հորմոնները ընդգծում են կանացիությունը, որն էլ գրավում է տղամարդուն։ Մանավանդ՝ հայ տղամարդուն։ Համենայնդեպս երևի հենց այդպես են կարծում այն բազմաթիվ հայ կանայք, որոնք որոշել են շիկահեր դառնալ։Իսկ ընդհանուր առմամբ, նկատել է գերմանացի փիլիսոփա Էրիխ Ֆրոմը, կինն ու տղամարդը երկու աշխարհ են, երկու բևեռ, ինչպես հողն ու անձրևը, գիշերն ու ցերեկը, նյութականն ու ոգեղենը։ Եվ միմյանց նկատմամբ գերիշխելու բոլոր փորձերն անիմաստ են այն պարզ պատճառով, որ նույն գետի ափերից մեկը չի կարող իշխել մյուսի վրա։ Սա մանավանդ մեզ՝ տղամարդկանց է վերաբերում, քանզի, ինչպես ասել է իմաստուն մարդկանցից մեկը, կանանց հանդեպ իշխելու ընդամենը երկու եղանակ կա։ Բայց դրանցից ոչ մեկը մարդկությանը հայտնի չէ։ Շնորհավո′ր։

https://arm.sputniknews.ru/20240219/shat-kuzei-mi-or-handipel-harri-pvoterin-ev-nervoghutjun-khndrel-nranic-jvoan-rvouling-72445055.html

2024

Լուրեր

am_HY

կին, զիգմունդ ֆրոյդ, արմեն դուլյան, 5 րոպե դուլյանի հետ