https://arm.sputniknews.ru/20240223/khvopanchineri-bvoghvoqy-meghmelu-hamar-harkman-pulajin-tarberak-e-nakhatesvum-72616551.html
«Խոպանչիների» բողոքը մեղմելու համար հարկման փուլային տարբերակ է նախատեսվում
«Խոպանչիների» բողոքը մեղմելու համար հարկման փուլային տարբերակ է նախատեսվում
Sputnik Արմենիա
ՀՀ վարչապետ Նիկոլ Փաշինյանը հայտարարեց, որ Հարկ վճարելու նկատմամբ վերաբերմունքը պետք է փոխվի։ 23.02.2024, Sputnik Արմենիա
2024-02-23T11:13+0400
2024-02-23T11:13+0400
2024-02-23T11:14+0400
հայաստան
խոպանչի
պետական եկամուտների կոմիտե (պեկ)
https://cdn.am.sputniknews.ru/img/1149/92/11499241_0:19:1600:919_1920x0_80_0_0_60a6189ef3a6773f30bf3c19e1ef3a2e.jpg
ԵՐԵՎԱՆ, 23 փետրվարի – Sputnik. ՀՀ–ից արտագնա աշխատանքի մեկնողների բողոքի բողոքը մեղմելու համար ՀՀ պետական եկամուտների կոմիտեն նախատեսում է գնալ հարկման փուլային տարբերակի։ ՀՀ կառավարության նիստի ժամանակ այս հայտարարությունն արեց ՀՀ պետական եկամուտների կոմիտեի նախագահ Ռուստամ Բադասյանը։ՀՀ վարչապետ Նիկոլ Փաշինյանն անդրադարձավ Գեղարքունիքի մարզից արտագնա աշխատանքի մեկնողների դժգոհություններին։«Հարկ վճարելու նկատմամբ մեր վերաբերմունքը պետք է փոխենք։ Ամեն իրավիճակում կարող են լինել օբյեկտիվ բողոքներ, ու մենք պարտավոր ենք այդ օբյեկտիվ դժգոհություններին արձագանքել։ Երբ նույն Գեղարքունիքի մարզից արտագնա աշխատանքի մեկնած մեր հայրենակիցները վերադառնում են, տեսնում են` ինչ լավ վիճակում են իրենց մարզի ճանապարհները։ 2018 թվականից մինչ օրս 452 կմ ճանապարհահատված է վերանորոգվել այս մարզում։ Մեր այդ հայրենակիցները արդյոք հաշվե՞լ են, թե այս ճանապարհների կառուցման արդյունքում ինչքան պակաս գումար են իրենք տալիս ավտոտեխսպասարկման համար, ինչքան պակաս ավտոպահեստամաս են ձեռք բերում և այլն»,– հայտարարեց նա։Հիշեցնենք, որ արտագնա աշխատանքի մեկնողները փետրվարի 21-ին փակել էին Երևան–Մարտունի ճանապարհը` բողոքելով ՀՀ պետական եկամուտների կոմիտեի օրենսդրական փոփոխությունների դեմ։ Համաձայն այդ փոփոխությունների` արտագնա աշխատանքի մեկնողներն այլ պետություններում ստացած եկամտից պետք է Հայաստանում եկամտային հարկ վճարեն։Նշենք, որ եթե ՀՀ քաղաքացին ԱՊՀ տարածքում է գտնվել ու աշխատել 183 և ավելի օր, դառնում է այդ երկրի ռեզիդենտ ու կատարած աշխատանքի շահույթից վճարում 13 տոկոս եկամտահարկ։ Ու քանի որ ՀՀ–ում եկամտահարկն ավելի բարձր է, քան 13 տոկոսը (այժմ այն 20 տոկոս է. խմբ.), նվազագույն եկամուտների դրական տարբերությունը կազմում է 7 տոկոս, ու ՀՀ ՊԵԿ–ն այն հաշվարկել է ԱՊՀ երկրներ աշխատանքի մեկնած մեր քաղաքացիների համար որպես չվճարված հարկ։ Եթե աշխատանքային միգրանտը 183 օրից պակաս է գտնվել ԱՊՀ այլ երկրում, նա այլևս այդ երկրի ռեզիդենտ չէ և վճարում է 30 տոկոս եկամտահարկ ու հետևաբար ՀՀ–ում ազատվում հարկերից։ ՊԵԿ-ը մշակում է նոր նախագիծ, որ «խոպանչիները» ՀՀ–ում եկամտային հարկ չվճարեն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, խոպանչի, պետական եկամուտների կոմիտե (պեկ)
հայաստան, խոպանչի, պետական եկամուտների կոմիտե (պեկ)
«Խոպանչիների» բողոքը մեղմելու համար հարկման փուլային տարբերակ է նախատեսվում
11:13 23.02.2024 (Թարմացված է: 11:14 23.02.2024) ՀՀ վարչապետ Նիկոլ Փաշինյանը հայտարարեց, որ Հարկ վճարելու նկատմամբ վերաբերմունքը պետք է փոխվի։
ԵՐԵՎԱՆ, 23 փետրվարի – Sputnik. ՀՀ–ից արտագնա աշխատանքի մեկնողների բողոքի բողոքը մեղմելու համար ՀՀ պետական եկամուտների կոմիտեն նախատեսում է գնալ հարկման փուլային տարբերակի։ ՀՀ կառավարության նիստի ժամանակ այս հայտարարությունն արեց ՀՀ պետական եկամուտների կոմիտեի նախագահ Ռուստամ Բադասյանը։
«Որոշակի օրենսդրական փոփոխություններով մենք կմեղմենք այս ազդեցությունները ու կգնանք փուլային տարբերակով հայտարարագրման համակարգի սահուն ներդրման ուղղությամբ։ Կառավարության գործընկերների հետ քննարկումների արդյունքում եկել ենք այն եզրահանգման, որ այս փուլում, եթե մենք ստանում ենք տեղեկություն օտարերկրյա երկրում ստացած եկամտի և վճարված եկամտահարկի մասին, ապա տարբերությունն առնվազն որոշ ժամանակով ՀՀ–ում չենք հարկի` արձագանքելով նաև այս դժգոհությունների օբյեկտիվ հատվածին»,– ասաց Բադասյանը։
ՀՀ վարչապետ Նիկոլ Փաշինյանն անդրադարձավ Գեղարքունիքի մարզից արտագնա աշխատանքի մեկնողների դժգոհություններին։
«Հարկ վճարելու նկատմամբ մեր վերաբերմունքը պետք է փոխենք։ Ամեն իրավիճակում կարող են լինել օբյեկտիվ բողոքներ, ու մենք պարտավոր ենք այդ օբյեկտիվ դժգոհություններին արձագանքել։ Երբ նույն Գեղարքունիքի մարզից արտագնա աշխատանքի մեկնած մեր հայրենակիցները վերադառնում են, տեսնում են` ինչ լավ վիճակում են իրենց մարզի ճանապարհները։ 2018 թվականից մինչ օրս 452 կմ ճանապարհահատված է վերանորոգվել այս մարզում։ Մեր այդ հայրենակիցները արդյոք հաշվե՞լ են, թե այս ճանապարհների կառուցման արդյունքում ինչքան պակաս գումար են իրենք տալիս ավտոտեխսպասարկման համար, ինչքան պակաս ավտոպահեստամաս են ձեռք բերում և այլն»,– հայտարարեց նա։
Հիշեցնենք, որ արտագնա աշխատանքի մեկնողները
փետրվարի 21-ին փակել էին Երևան–Մարտունի ճանապարհը` բողոքելով ՀՀ պետական եկամուտների կոմիտեի օրենսդրական փոփոխությունների դեմ։ Համաձայն այդ փոփոխությունների` արտագնա աշխատանքի մեկնողներն այլ պետություններում ստացած եկամտից պետք է Հայաստանում եկամտային հարկ վճարեն։
Նշենք, որ եթե ՀՀ քաղաքացին ԱՊՀ տարածքում է գտնվել ու աշխատել 183 և ավելի օր, դառնում է այդ երկրի ռեզիդենտ ու կատարած աշխատանքի շահույթից վճարում 13 տոկոս եկամտահարկ։ Ու քանի որ ՀՀ–ում եկամտահարկն ավելի բարձր է, քան 13 տոկոսը (այժմ այն 20 տոկոս է. խմբ.), նվազագույն եկամուտների դրական տարբերությունը կազմում է 7 տոկոս, ու ՀՀ ՊԵԿ–ն այն հաշվարկել է ԱՊՀ երկրներ աշխատանքի մեկնած մեր քաղաքացիների համար որպես չվճարված հարկ։ Եթե աշխատանքային միգրանտը 183 օրից պակաս է գտնվել ԱՊՀ այլ երկրում, նա այլևս այդ երկրի ռեզիդենտ չէ և վճարում է 30 տոկոս եկամտահարկ ու հետևաբար ՀՀ–ում ազատվում հարկերից։
