https://arm.sputniknews.ru/20240127/senati-kvomitei-ghekavary-hajtararel-e-vor-tujl-kta-f-16-kvortsanichneri-vatsharqy-turqiajin-71600857.html
Սենատի կոմիտեի ղեկավարը հայտարարել է, որ թույլ կտա F-16 կործանիչների վաճառքը Թուրքիային
Սենատի կոմիտեի ղեկավարը հայտարարել է, որ թույլ կտա F-16 կործանիչների վաճառքը Թուրքիային
Sputnik Արմենիա
Սենատի կոմիտեի ղեկավարը նշել է, որ Անկարայի հետ զենքի գործարքի վերաբերյալ որոշումն իրեն հեշտ չի տրվել։ 27.01.2024, Sputnik Արմենիա
2024-01-27T13:45+0400
2024-01-27T13:45+0400
2024-01-27T14:02+0400
սենատ
կործանիչ
թուրքիա
շվեդիա
ամն
f-16 կործանիչ
https://cdn.am.sputniknews.ru/img/07e7/0c/06/69692878_0:0:1600:901_1920x0_80_0_0_a5dcb8338dca36430cd08f5e4d448a4e.jpg
ԵՐԵՎԱՆ, 27 հունվարի – Sputnik. ԱՄՆ Սենատի արտաքին հարաբերությունների հանձնաժողովի նախագահ, սենատոր Բեն Քարդինը (դեմոկրատ) հանդես է եկել հայտարարությամբ, որում ողջունել է Թուրքիայի կողմից ՆԱՏՕ-ին Շվեդիայի անդամակցության վավերացումը և նշել, որ այժմ թույլ կտա Անկարային F-16 կործանիչների վաճառքը:Հունվարի 24-ին Թուրքիայի խորհրդարանը քվեարկել է ՆԱՏՕ-ին Շվեդիայի անդամակցության վավերացման օգտին: Հունվարի 25-ին Թուրքիայի նախագահ Ռեջեփ Թայիփ Էրդողանը պաշտոնապես հաստատել է Թուրքիայի կողմից Շվեդիայի անդամակցությունը դաշինքին: Ինչպես հաղորդում է Reuters գործակալությունը, ԱՄՆ նախագահ Ջո Բայդենը նամակ է հղել Կոնգրեսի առանցքային կոմիտեների առաջնորդներին՝ տեղեկացնելով նրանց Թուրքիային F-16 ինքնաթիռների վաճառքը սկսելու մտադրության մասին: Բայդենը Կոնգրեսին կոչ է արել «առանց հապաղելու» հաստատել վաճառքը:Թուրքիայի քայլը կմեծացնի անկայունությունը․ փորձագետը` Շվեդիայի հետ կապված որոշման մասին«Երախտագիտություն եմ հայտնում Թուրքիայի խորհրդարանին՝ ՆԱՏՕ-ին Շվեդիայի անդամակցության արձանագրության հաստատման օգտին կարևոր քվեարկության համար, իսկ նախագահ Էրդողանին՝ այն ստորագրելու համար։ Շվեդիան արդեն վաղուց համապատասխանում է բոլոր պահանջներին, որոնք անհրաժեշտ են Հյուսիսատլանտյան դաշինքին անդամակցելու համար, և այդ քայլը զգալի առաջընթաց է ներկայացնում մեր եվրաատլանտյան համայնքի ամրապնդման գործում», - նշված է Քարդինի հայտարարության մեջ:Կոմիտեի ղեկավարը նշել է, որ F-16 ինքնաթիռներ գնելու` Թուրքիայի խնդրանքին հավանություն տալը կախված էր Թուրքիայի կողմից ՆԱՏՕ-ին Շվեդիայի անդամակցության հավանությունից:«Բայց մի խաբվեք. այդ որոշմանը հեշտ չեմ եկել։ Թեև Թուրքիան կարևոր դեր է խաղում տարածաշրջանում որպես ՆԱՏՕ-ի դաշնակից, մարդու իրավունքների ոլորտում դրա վիճակի բարելավման հրատապ անհրաժեշտություն կա», - նշել է սենատորը։Զիջումներ կորզելու նուրբ արվեստը. Թուրքիան Շվեդիային թույլ տվեց միանալ ՆԱՏՕ-ինՆշենք, որ կոմիտեի ղեկավարի պաշտոնում Քարդինի նախորդը՝ սենատոր Բոբ Մենենդեսը, հետևողականորեն խոչընդոտել է Թուրքիային F-16 կործանիչների վաճառքի գործարքի առաջխաղացմանը:
թուրքիա
շվեդիա
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սենատ, կործանիչ, թուրքիա, շվեդիա, ամն, f-16 կործանիչ
սենատ, կործանիչ, թուրքիա, շվեդիա, ամն, f-16 կործանիչ
Սենատի կոմիտեի ղեկավարը հայտարարել է, որ թույլ կտա F-16 կործանիչների վաճառքը Թուրքիային
13:45 27.01.2024 (Թարմացված է: 14:02 27.01.2024) Սենատի կոմիտեի ղեկավարը նշել է, որ Անկարայի հետ զենքի գործարքի վերաբերյալ որոշումն իրեն հեշտ չի տրվել։
ԵՐԵՎԱՆ, 27 հունվարի – Sputnik. ԱՄՆ Սենատի արտաքին հարաբերությունների հանձնաժողովի նախագահ, սենատոր Բեն Քարդինը (դեմոկրատ) հանդես է եկել հայտարարությամբ, որում ողջունել է Թուրքիայի կողմից ՆԱՏՕ-ին Շվեդիայի անդամակցության վավերացումը և նշել, որ այժմ թույլ կտա Անկարային F-16 կործանիչների վաճառքը:
Հունվարի 24-ին Թուրքիայի խորհրդարանը քվեարկել է ՆԱՏՕ-ին Շվեդիայի անդամակցության վավերացման օգտին: Հունվարի 25-ին Թուրքիայի նախագահ Ռեջեփ Թայիփ Էրդողանը պաշտոնապես հաստատել է Թուրքիայի կողմից Շվեդիայի անդամակցությունը դաշինքին: Ինչպես հաղորդում է Reuters գործակալությունը, ԱՄՆ նախագահ Ջո Բայդենը նամակ է հղել Կոնգրեսի առանցքային կոմիտեների առաջնորդներին՝ տեղեկացնելով նրանց Թուրքիային F-16 ինքնաթիռների վաճառքը սկսելու մտադրության մասին: Բայդենը Կոնգրեսին կոչ է արել «առանց հապաղելու» հաստատել վաճառքը:
«Երախտագիտություն եմ հայտնում Թուրքիայի խորհրդարանին՝ ՆԱՏՕ-ին Շվեդիայի անդամակցության արձանագրության հաստատման օգտին կարևոր քվեարկության համար, իսկ նախագահ Էրդողանին՝ այն ստորագրելու համար։ Շվեդիան արդեն վաղուց համապատասխանում է բոլոր պահանջներին, որոնք անհրաժեշտ են Հյուսիսատլանտյան դաշինքին անդամակցելու համար, և այդ քայլը զգալի առաջընթաց է ներկայացնում մեր եվրաատլանտյան համայնքի ամրապնդման գործում», - նշված է Քարդինի հայտարարության մեջ:
Կոմիտեի ղեկավարը նշել է, որ F-16 ինքնաթիռներ գնելու` Թուրքիայի խնդրանքին հավանություն տալը կախված էր Թուրքիայի կողմից ՆԱՏՕ-ին Շվեդիայի անդամակցության հավանությունից:
«Բայց մի խաբվեք. այդ որոշմանը հեշտ չեմ եկել։ Թեև Թուրքիան կարևոր դեր է խաղում տարածաշրջանում որպես ՆԱՏՕ-ի դաշնակից, մարդու իրավունքների ոլորտում դրա վիճակի բարելավման հրատապ անհրաժեշտություն կա», - նշել է սենատորը։
Նշենք, որ կոմիտեի ղեկավարի պաշտոնում Քարդինի նախորդը՝ սենատոր Բոբ Մենենդեսը, հետևողականորեն խոչընդոտել է Թուրքիային F-16 կործանիչների վաճառքի գործարքի առաջխաղացմանը:
