https://arm.sputniknews.ru/20240111/vernvoj-te-malaqjan-inchpes-majrik-filmy-ognec-rezhisvorin-havatarim-mnal-ir-armatnerin-71014868.html

Վերնոյ, թե Մալաքյան. ինչպես «Մայրիկ» ֆիլմը օգնեց ռեժիսորին հավատարիմ մնալ իր արմատներին

Վերնոյ, թե Մալաքյան. ինչպես «Մայրիկ» ֆիլմը օգնեց ռեժիսորին հավատարիմ մնալ իր արմատներին

Sputnik Արմենիա

Ֆրանսահայ հայտնի ռեժիսորի «Մայրիկ» ֆիլը խոր անձնական է ինչպես իր, այնպես էլ ամեն հայի համար։ Այն օգնեց նրան «հաղթել» Անրի Վերնոյին և հավատարիմ մնալ Աշոտ... 11.01.2024, Sputnik Արմենիա

2024-01-11T08:55+0400

2024-01-11T08:55+0400

2024-01-11T10:29+0400

անրի վեռնոյ

հայ

ռեժիսոր

մահ

https://cdn.am.sputniknews.ru/img/07e8/01/0b/71030280_0:8:1600:908_1920x0_80_0_0_ff45fcda3e17b73f08511caccff19978.jpg

«Մայրիկ» ֆիլմի «հայրիկի»` Անրի Վերնոյի մահվան օրը հիշենք ականավոր ռեժիսորին, ով փորձեց ողջ աշխարհին ցույց տալ, որ «Մայրիկն» ավելին է, քան «մայրը»։Հազիվ գտնվի մեկ հայ, որն այդ կինոնկարը դիտած չլինի։ Ավելին, շատերն այն թեև տխրությամբ, սակայն վերանայել են բազմիցս. չէ՞ որ այդ օջախի ջերմ ու քնքուշ մթնոլորտի միջով անցնում է յուրաքանչյուր հայ ընտանիքի ծանոթ ցավը։Դեռ մանկուց Վերնոյի ճանապարհին հանդիպում էին մարդիկ, ովքեր այս կամ այն կերպ փոխում էին նրա կյանքը։Այսպես, Մարսելի դպրոցում համադասարանցին հարցրեց Աշոտին, թե ինչպես է նրա անունը, և լսելով «Աշոտ Մալաքյան» անունը` բարձրաձայն ծիծաղեց ողջ դասարանով մեկ։ Տղայի հետ միասին ծիծաղում էին նաև մյուսները, և միայն Աշոտն էր ցանկանում այդ պահին լաց լինել (այս տեսարանը հավերժացավ «Մայրիկ» ֆիլմի դրվագներից մեկում)։ Այդ նույն «վատ տղան» հետագայում կծիծաղեցնի մի շարք սերունդների ու կընկերանա Վերնոյի հետ, նրա անունն էր Լուի դե Ֆյունես։Ավելի ուշ Աշոտը հետաքրքրվեց հրապարակախոսությամբ, բազմաթիվ հոդվածներ գրեց «Հայկական հարցի» վերաբերյալ։ Մի անգամ հրատարակչությունը հրաժարվեց տպագրել գրվածքը նրա հայկական անունով, և զարմանալի պատահականությամբ հրատարակչության սեղանին հայտնվեց ոմն Անրի Վերնոյի նամակը։Այդ օրվանից էլ Աշոտը ստացավ իր նոր անունը, որը նրան հայտնի դարձրեց, որով նա համաշխարհային ֆիլմի պատմության մեջ մտավ։ Այդ պահից նրա ներսում անդադար պայքար սկսվեց Անրի Վերնոյի (ապագա ֆրանսիացի հրապարակախոս, լրագրող, սցենարիստ և ռեժիսոր) ու Աշոտ Մալաքյանի (հայ, փախստական, Հայոց ցեղասպանությունը վերապրած` մշտնջենական ցավը սրտում) միջև։Ականավոր կատակերգուներից մեկը` Ֆերնանդելը այն հռչակավոր դերասանների (Դելոն, Բելմոնդո, Մոնտան, Կուին, Շարիֆ, Կարդինալե) շարքից էր, որոնց հետ Վերնոյը լավ ստեղծագործական տանդեմ ստեղծեց։Մի շարք ֆիլմերից, պարգևներից ու անվանակարգերից հետո Վերնոյը 1985 թվականին գրեց իր «Մայրիկ» բեսթսելերը։ Եվ դրա համար մենք պարտական ենք մեկ այլ ֆրանսիացու` գրող Անրի Թրուայային, ով համոզել էր Վերնոյին գրել այն։«Քո հուշերն ու մանկական հիշողություններն ավելի մեծ ուշադրության կարժանանան, քան բոլոր ահաբեկիչների ռումբերը», — ասել է Թրուայան։«Մայրիկը» դարձավ Վերնոյի ոչ միայն ամենաքնարական, այլև ամենաանձնական կինոժապավենը, ինչպես Կուստուրիցայի համար «Ընդհատակը» կամ Էլիա Կազանի համար «Ամերիկա-Ամերիկան», սակայն ի տարբերություն նույն «Ընդհատակի», «Շինդլերի ցուցակի» կամ «Դաշնակահարի», ցավոք, այդքան մեծ ճանաչում չունեցավ։Կինոժապավենը գրեթե ոչ մի հեղինակավոր մրցանակի ու համաշխարհային ճանաչման չարժանացավ, նույնիսկ անկախ նրանից, որ ֆիլմում այնպիսի մեծության աստղեր էին խաղում, ինչպես Կլաուդիա Կարդինալեն ու Օմար Շարիֆը։ Սակայն հայերի համար այն շատ կարևոր դարձավ, նույնքան խոր անձնական, որքան և Աշոտ Մալաքյանի համար, որը կյանքի վերջում վերջնականապես հաղթեց Անրի Վերնոյին ու հավատարիմ մնաց ինքն իրեն։

2024

Լուրեր

am_HY

անրի վեռնոյ, հայ, ռեժիսոր, մահ