https://arm.sputniknews.ru/20231213/sevan-hrazdan-kaskady-2024-2033-tt-himnanvorvogman-hamar-shurj-137-mln-dvolar-knerdni-70015244.html
Սևան-Հրազդան կասկադը 2024-2033 թթ. հիմնանորոգման համար շուրջ 137 մլն դոլար կներդնի
Սևան-Հրազդան կասկադը 2024-2033 թթ. հիմնանորոգման համար շուրջ 137 մլն դոլար կներդնի
Sputnik Արմենիա
Կասկադի մի քանի կայաններում կփոխարինեն կամ կթարմացնեն հիդրոագրեգատները։ Կվերանորոգվեն նաև դերիվացիոն ջրանցքների առավել մաշված հատվածները, որոնցով Հրազդանի... 13.12.2023, Sputnik Արմենիա
2023-12-13T21:54+0400
2023-12-13T21:54+0400
2023-12-13T21:54+0400
հայաստան
հրազդան
սևան–հրազդան կասկադ
հիդրոէլեկտրակայան (հէկ)
https://cdn.am.sputniknews.ru/img/2011/71/20117151_0:0:1001:563_1920x0_80_0_0_9f4c523bbde64cc4a8ff235df11a43bd.jpg
ԵՐԵՎԱՆ, 13 դեկտեմբերի – Sputnik. Սևան-Հրազդան ՀԷԿ-երի կասկադը 2024-2033 թվականներին հիմնանորոգման համար շուրջ 55 մլրդ դրամ (մոտ 137 մլն դոլար) կներդնի։ Տեղեկությունը Sputnik Արմենիայի հետ զրույցում հայտնեց ընկերության ֆինանսների, էկոնոմիկայի և ներդրումների վարչության պետ Սերգեյ Բալասանյանը։Մասնավորապես Արգելի ՀԷԿ-ում (կասկադի յոթ էլեկտրակայաններից ամենահզորը) ամբողջությամբ կփոխարինվեն չորս ագրեգատներից երկուսը, Արզնիում՝ երեքը (մյուսում կփոխարինվեն աշխատանքային հանգույցները): Կթարմացվեն նաև Սևանի և Հրազդանի ՀԷԿ-երի մեկական ագրեգատներ։Երևանում տեղակայված երեք ՀԷԿ-երը (Քանաքեռ, Երևան-1 և Երևան-3) ծրագրում չեն ընդգրկվի: Նախորդ ներդրումային ծրագրի միջոցներով (2015-2016 թթ.) Երևան-1 ՀԷԿ-ում (որը մատակարարում է Երևանի կենտրոնը) ագրեգատներն ամբողջությամբ փոխվել են:Այս աշխատանքները թույլ կտան կայանն անվտանգ շահագործել առաջիկա 25-30 տարիների ընթացքում, իսկ դրանց ավարտից հետո կայանում մուտքային ջրի նույն ծավալի դեպքում հնարավոր կլինի տարեկան 7-8%- ով (այսինքն՝ մոտ 30 մլն կՎտ/ժ) ավելի շատ էլեկտրաէներգիա արտադրել:Հիշեցնենք` Սևան-Հրազդան Կասկադն ընդգրկված է ռուսաստանաբնակ հայազգի խոշոր գործարար Սամվել Կարապետյանին պատկանող «Տաշիր» ընկերությունների խմբում: Կասկադի էլեկտրակայանները տարեկան արտադրում են 350-400 մլն կՎտ/ժ կամ Հայաստանում էլեկտրաէներգիայի 4-4,5%-ը։Սարի գլխին էլ կունենաս լույս ու լիցքավորված հեռախոս․ Փոքր Մանթաշի «արմաթցիների» նոր սարքը
հրազդան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հրազդան, սևան–հրազդան կասկադ, հիդրոէլեկտրակայան (հէկ)
հայաստան, հրազդան, սևան–հրազդան կասկադ, հիդրոէլեկտրակայան (հէկ)
Սևան-Հրազդան կասկադը 2024-2033 թթ. հիմնանորոգման համար շուրջ 137 մլն դոլար կներդնի
Կասկադի մի քանի կայաններում կփոխարինեն կամ կթարմացնեն հիդրոագրեգատները։ Կվերանորոգվեն նաև դերիվացիոն ջրանցքների առավել մաշված հատվածները, որոնցով Հրազդանի ջուրը մատակարարվում է տուրբիններին:
ԵՐԵՎԱՆ, 13 դեկտեմբերի – Sputnik. Սևան-Հրազդան ՀԷԿ-երի կասկադը 2024-2033 թվականներին հիմնանորոգման համար շուրջ 55 մլրդ դրամ (մոտ 137 մլն դոլար) կներդնի։ Տեղեկությունը
Sputnik Արմենիայի հետ զրույցում հայտնեց ընկերության ֆինանսների, էկոնոմիկայի և ներդրումների վարչության պետ Սերգեյ Բալասանյանը։
Մասնավորապես Արգելի ՀԷԿ-ում (կասկադի յոթ էլեկտրակայաններից ամենահզորը) ամբողջությամբ կփոխարինվեն չորս ագրեգատներից երկուսը, Արզնիում՝ երեքը (մյուսում կփոխարինվեն աշխատանքային հանգույցները): Կթարմացվեն նաև Սևանի և Հրազդանի ՀԷԿ-երի մեկական ագրեգատներ։
Երևանում տեղակայված երեք ՀԷԿ-երը (Քանաքեռ, Երևան-1 և Երևան-3) ծրագրում չեն ընդգրկվի: Նախորդ ներդրումային ծրագրի միջոցներով (2015-2016 թթ.) Երևան-1 ՀԷԿ-ում (որը մատակարարում է Երևանի կենտրոնը) ագրեգատներն ամբողջությամբ փոխվել են:
Բացի այդ, ապագա ծրագրի շրջանակում նախատեսվում է վերանորոգել դերիվացիոն ջրանցքների և թունելների 65–կիլոմետրանոց ցանցի ամենախնդրահարույց հատվածները (որոնցով ջուրը վերցնում են Հրազդան գետից, մատակարարում տուրբիններին և վերադարձնում գետ): Սա կայանի աշխատանքի անվտանգության բարձրացման հետ մեկտեղ կնվազեցնի նաև ջրի կորուստները։
Այս աշխատանքները թույլ կտան կայանն անվտանգ շահագործել առաջիկա 25-30 տարիների ընթացքում, իսկ դրանց ավարտից հետո կայանում մուտքային ջրի նույն ծավալի դեպքում հնարավոր կլինի տարեկան 7-8%- ով (այսինքն՝ մոտ 30 մլն կՎտ/ժ) ավելի շատ էլեկտրաէներգիա արտադրել:
Հիշեցնենք` Սևան-Հրազդան Կասկադն ընդգրկված է ռուսաստանաբնակ հայազգի խոշոր գործարար Սամվել Կարապետյանին պատկանող «Տաշիր» ընկերությունների խմբում: Կասկադի էլեկտրակայանները տարեկան արտադրում են 350-400 մլն կՎտ/ժ կամ Հայաստանում էլեկտրաէներգիայի 4-4,5%-ը։
