https://arm.sputniknews.ru/20231109/yntanum-e-pemzashenum-spanutjan-gvortsvov-arajin-nisty-zlmnerin-tujlatrecin-nkarahanel-68408061.html
Ընթանում է Պեմզաշենում սպանության գործով առաջին նիստը. ԶԼՄ–ներին թույլատրեցին նկարահանել
Ընթանում է Պեմզաշենում սպանության գործով առաջին նիստը. ԶԼՄ–ներին թույլատրեցին նկարահանել
Sputnik Արմենիա
Նիստի ընթացքում սպանության մեջ մեղադրվողի փաստաբանը միջնորդեց գործը դռնփակ քննել, քանի որ քննվելու են անչափահասներին և անձի մասնավոր կյանքին առնչվող հարցեր։ 09.11.2023, Sputnik Արմենիա
2023-11-09T13:28+0400
2023-11-09T13:28+0400
2023-11-09T14:13+0400
պեմզաշեն
դատ
սպանություն
անչափահաս
հանրային պաշտպան
https://cdn.am.sputniknews.ru/img/07e6/0b/0e/51272986_0:141:1500:985_1920x0_80_0_0_986ac0536ec70828661c859e7b02898e.jpg
ԵՐԵՎԱՆ, 9 նոյեմբերի – Sputnik. Երևան քաղաքի ընդհանուր իրավասության դատարանում գլխավորությամբ դատավոր Արտուշ Գաբրիելյանի ընթանում է Պեմզաշենում սահմռկեցուցիչ սպանության գործով առաջին դատական նիստը։Գործով մեղադրյալներ Արկադի Բարսեղյանն ու Վրույր Բարսեղյանը ներկա են դատական նիստին։Մեղադրող կողմի փաստաբան Գարիկ Գալիկյանն էլ ընդգծեց` մամուլի ներկայացուցիչները պետք է ներկա լինեն նիստին, որպեսզի արձանագրվի այն ինչ տեղի է ունենում։Դատավորն էլ նշեց` այս պահին նիստը տեղի կունենա դռնբաց և հետագայում, երբ քննարկվեն այնպիսի հարցեր, որոնց դեպքում դռնփակ քննելու անհրաժեշտություն կլինի, դատարանը կլսի կողմերի կարծիքը։Գործի քննության ընթացքում դատավորն օրենքով սահմանված որոշ հարցեր ուղղեց մեղադրվող Արկադի Բարսեղյանին և Վրույր Բարսեղյանին, հետաքրքրվեց` ազգության, բնակության, կրթության մասին և արդյոք ծանոթացել են մեղադրական եզրակացությանը։Վրույր Բարսեղյանն էլ նշեց, որ իր խնամքի տակ ունի 1 անչափահաս երեխա` 5 տարեկան, նույնպես նախկինում դատապարտված չի եղել։Դատավոր Արտուշ Գաբրիելյանը նշեց` քանի որ դեպքը տեղի է ունեցել Պեմզաշեն բնակավայրում, հետևաբար մեղադրական եզրակացությունում դատակոչված 25 վկայից 21-22-ը հենց այնտեղ են բնակվում։ Հաշվի առնելով գործի քննության արագ իրականացման խնդիրը` նա առաջարկեց պարզաբանել հարցը։«Եթե տարածքային հարց կա, ապա կողմերի կարծիքը լսելուց հետո դատարանը համապատասխան որոշում կկայանացվի գործի քննությունն ըստ տարածքային ընթացության Շիրակի ընդհանուր իրավասության դատարան ուղարկելու վերաբերյալ»,– ասաց դատավորը։Շիրակի մարզի դատախազի տեղակալ Արեգ Խաչատրյանը շեշտեց` նպատակահարմար կլինի, որպեսզի գործն ուղարկվի Շիրակի մարզ, և ինքը չի առարկում։ Փաստաբան Գարիկ Գալիկյանն էլ ընդգծեց` իր և տուժողի համար էական տարբերություն չկա, թե գործը որտեղ կքննվի, կարևոր է, որ արդարադատություն իրականացվի։Որոշվեց դատական նիստը չտեղափոխել, քանի որ կար մեկ առարկություն, հետևաբար գործի քննությունը կշարունակի ընթանալ Երևան քաղաքի ընդհանուր իրավասության քրեական դատարանում։Հիշեցնենք` Պեմզաշեն գյուղի 31-ամյա բնակչի ու նրա 12 և 8 տարեկան երեխաների դիերը հայտնաբերվել էին 2022 թվականի նոյեմբերի 9-ին։ Արկադի Բարսեղյանը, 2022 թ.–ի հոկտեմբերին վերադառնալով ՌԴ–ից, անպարկեշտ առաջարկ է արել իր մտերիմ ընկերոջ կնոջը` Զարինե Մելիքսեթյանին, ու մերժում ստացել ։ Դրանից հետո նա տեղեկացել է, որ Զարինեն նպատակադրվել է այդ մասին տեղեկացնել իր ամուսնուն: Մտավախություն ունենալով, որ ամուսինը կիմանա իր անպարկեշտ առաջարկի մասին, քաջ գիտակցելով դրա հետևանքով իրենց համայնքում իր հեղինակազրկումը` Արկադի Բարսեղյանը որոշել է սպանել Զարինե Մելիքսեթյանին։Ինչո՞ւ էին դաժանաբար սպանել Պեմզաշենում բնակվող կնոջն ու նրա 2 երեխաներին. նոր մանրամասներ
պեմզաշեն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պեմզաշեն, դատ, սպանություն, անչափահաս, հանրային պաշտպան
պեմզաշեն, դատ, սպանություն, անչափահաս, հանրային պաշտպան
Ընթանում է Պեմզաշենում սպանության գործով առաջին նիստը. ԶԼՄ–ներին թույլատրեցին նկարահանել
13:28 09.11.2023 (Թարմացված է: 14:13 09.11.2023) Նիստի ընթացքում սպանության մեջ մեղադրվողի փաստաբանը միջնորդեց գործը դռնփակ քննել, քանի որ քննվելու են անչափահասներին և անձի մասնավոր կյանքին առնչվող հարցեր։
ԵՐԵՎԱՆ, 9 նոյեմբերի – Sputnik. Երևան քաղաքի ընդհանուր իրավասության դատարանում գլխավորությամբ դատավոր Արտուշ Գաբրիելյանի ընթանում է Պեմզաշենում սահմռկեցուցիչ սպանության գործով առաջին դատական նիստը։
Գործով մեղադրյալներ Արկադի Բարսեղյանն ու Վրույր Բարսեղյանը ներկա են դատական նիստին։
Սպանության մեջ մեղադրվող Վրույր Բարսեղյանի փաստաբան Էդուարդ Աղաջանյանը միջնորդեց գործը քննել դռնփակ, քանի որ իր կարծիքով, հնարավոր է շոշափվեն այնպիսի հարցեր, որոնք վերաբերեն անչափահասներին, անձի մասնավոր կյանքին և այլն։
Մեղադրող կողմի փաստաբան Գարիկ Գալիկյանն էլ ընդգծեց` մամուլի ներկայացուցիչները պետք է ներկա լինեն նիստին, որպեսզի արձանագրվի այն ինչ տեղի է ունենում։
Դատավորն էլ նշեց` այս պահին նիստը տեղի կունենա դռնբաց և հետագայում, երբ քննարկվեն այնպիսի հարցեր, որոնց դեպքում դռնփակ քննելու անհրաժեշտություն կլինի, դատարանը կլսի կողմերի կարծիքը։
Գործի քննության ընթացքում դատավորն օրենքով սահմանված որոշ հարցեր ուղղեց մեղադրվող Արկադի Բարսեղյանին և Վրույր Բարսեղյանին, հետաքրքրվեց` ազգության, բնակության, կրթության մասին և արդյոք ծանոթացել են մեղադրական եզրակացությանը։
Արկադի Բարսեղյանը նշեց, որ ինքը 6-րդ դասարանի կրթություն ունի, հայերեն տառերին էլ չի տիրապետում, հետևաբար չի կարողացել կարդացել իրեն տրամադրված մեղադրական եզրակացությունը և վարույթի հուշաթերթիկը։ Նա հրաժարվեց թարգմանչի ծառայությունից, քանի որ նշեց, որ բանավոր խոսքին տիրապետում է։ Վերջինս իր խնամքի տակ ունի 3 անչափահաս երեխա` 6, 4 և 1 տարեկան։ Նախկինում էլ դատապարտված չի եղել։
Վրույր Բարսեղյանն էլ նշեց, որ իր խնամքի տակ ունի 1 անչափահաս երեխա` 5 տարեկան, նույնպես նախկինում դատապարտված չի եղել։
Դատավոր Արտուշ Գաբրիելյանը նշեց` քանի որ դեպքը տեղի է ունեցել Պեմզաշեն բնակավայրում, հետևաբար մեղադրական եզրակացությունում դատակոչված 25 վկայից 21-22-ը հենց այնտեղ են բնակվում։ Հաշվի առնելով գործի քննության արագ իրականացման խնդիրը` նա առաջարկեց պարզաբանել հարցը։
«Եթե տարածքային հարց կա, ապա կողմերի կարծիքը լսելուց հետո դատարանը համապատասխան որոշում կկայանացվի գործի քննությունն ըստ տարածքային ընթացության Շիրակի ընդհանուր իրավասության դատարան ուղարկելու վերաբերյալ»,– ասաց դատավորը։
Շիրակի մարզի դատախազի տեղակալ Արեգ Խաչատրյանը շեշտեց` նպատակահարմար կլինի, որպեսզի գործն ուղարկվի Շիրակի մարզ, և ինքը չի առարկում։ Փաստաբան Գարիկ Գալիկյանն էլ ընդգծեց` իր և տուժողի համար էական տարբերություն չկա, թե գործը որտեղ կքննվի, կարևոր է, որ արդարադատություն իրականացվի։
Մեղադրյալ Վրույր Բարսեղյանն առարկեց, որպեսզի գործն ուղարկվի Շիրակի ընդհանուր իրավասության դատարան, իսկ Արկադի Բարսեղյանը հայտնեց` իր համար միևնույնն է, միայն ամեն ինչ արդար լինի։
Որոշվեց դատական նիստը չտեղափոխել, քանի որ կար մեկ առարկություն, հետևաբար գործի քննությունը կշարունակի ընթանալ Երևան քաղաքի ընդհանուր իրավասության քրեական դատարանում։
Հիշեցնենք` Պեմզաշեն գյուղի 31-ամյա բնակչի ու նրա 12 և 8 տարեկան երեխաների դիերը հայտնաբերվել էին 2022 թվականի նոյեմբերի 9-ին։
Արկադի Բարսեղյանը, 2022 թ.–ի հոկտեմբերին վերադառնալով ՌԴ–ից, անպարկեշտ առաջարկ է արել իր մտերիմ ընկերոջ կնոջը` Զարինե Մելիքսեթյանին, ու մերժում ստացել ։ Դրանից հետո նա տեղեկացել է, որ Զարինեն նպատակադրվել է այդ մասին տեղեկացնել իր ամուսնուն: Մտավախություն ունենալով, որ ամուսինը կիմանա իր անպարկեշտ առաջարկի մասին, քաջ գիտակցելով դրա հետևանքով իրենց համայնքում իր հեղինակազրկումը` Արկադի Բարսեղյանը որոշել է սպանել Զարինե Մելիքսեթյանին։
