https://arm.sputniknews.ru/20231109/pentagvony-sharunakum-e-pajqarel-ajlmvolvorakajinneri-dem-68438121.html
Պենտագոնը շարունակում է պայքարել այլմոլորակայինների դեմ
Պենտագոնը շարունակում է պայքարել այլմոլորակայինների դեմ
Sputnik Արմենիա
Այլմոլորակայինների դեմ լուրջ պայքարը զգալի բյուջետային ֆինանսավորում է պահանջում և շարունակում է շահութաբեր «բիզնես» լինել Պենտագոնի ՉԹՕ-դեպարտամենտի... 09.11.2023, Sputnik Արմենիա
2023-11-09T21:38+0400
2023-11-09T21:38+0400
2023-11-09T21:40+0400
ամն
այլմոլորակային
չբացահայտված թռչող օբյեկտ (չթօ)
պենտագոն
https://cdn.am.sputniknews.ru/img/07e5/05/19/27674696_0:8:1600:908_1920x0_80_0_0_a0cd0b7922de5af520a33d4a44dd9fc0.jpg
Ալեքսանդր Խրոլենկո, ռազմական վերլուծաբանՊաշտպանության նախարարի` չբացահայտված թռչող օբյեկտների հարցերով տեղակալ, ֆիզիկոս-գիտնական և ԱՄՆ հետախուզական համայնքի վետերան Շոն Քիրկպատրիկը 2023 թվականի դեկտեմբերին կլքի պաշտոնը։ Նա կհեռանա բավարարվածության զգացումով. 18 ամսվա ընթացքում նրա ղեկավարությամբ հետաքննվել է ավելի քան 800 այլմոլորակային գործ: Պենտագոնը գաղտնազերծված տեղեկատվության հիման վրա օգոստոսին ՉԹՕ-ների մասին նոր կայք է գործարկել։ Գարնանը Քիրկպատրիկը չբացահայտված օբյեկտների վերաբերյալ աղմկահարույց ուսումնասիրության համահեղինակ է դարձել։ Այդ ՉԹՕ-ները «մարտահրավեր են նետում ամբողջ ֆիզիկային» և, հնարավոր է, «Երկիրը ուսումնասիրելու համար ուղարկված նավի այլմոլորակային զոնդերն են»:Պենտագոնն ապրիլին Սենատի զինված ուժերի կոմիտեին զեկուցել էր իր «Բոլոր ոլորտներում անոմալիաների ուսումնասիրման վարչության» աշխատանքի մասին։ Սակայն ԱՄՆ կոնգրեսականները, հասարակությունն ու էնտուզիաստները շարունակում են կառավարությանը քննադատել ՉԹՕ-ների և այլմոլորակային տեխնոլոգիաների օգտագործմամբ «երկարամյա հակադարձ նախագծման ծրագրի» վերաբերյալ թափանցիկության բացակայության համար: Հետախուզության նախկին աշխատակից Դևիդ Գրուշը Ներկայացուցիչների պալատում լսումների ժամանակ ուղղակիորեն հայտարարել է, որ Պենտագոնը թաքցնում է այլմոլորակային սարքերի և կյանքի ձևերի մասին տեղեկատվությունը:Ինչևէ, ԱՄՆ-ում այլմոլորակայինների որոնումներն ու չեզոքացումը շարունակվում է։ NASA-ն սեպտեմբերին ամերիկյան հանրությանը կոչ էր արել օգնել ՉԹՕ-ների որսի հարցում։ Ավելի վաղ Ալյասկայի, Հարավային և Հյուսիսային Կարոլինայի ափերի մոտ՝ Հուրոն լճի վրա (Միչիգան նահանգ), ԱՄՆ ՌՕՈւ կործանիչները ութ օրվա ընթացքում չորս անհայտ օբյեկտ էին խոցել, որոնք չէին պայթել, և բեկորները չէին հայտնաբերվել։ Հյուսիսային Ամերիկայի օդատիեզերական պաշտպանության հրամանատարության (NORAD) և ԱՄՆ-ի Հյուսիսային հրամանատարության (NORTHCOM) ղեկավար, գեներալ Գլեն Վանհերկը չի բացառել փետրվարի 10-12-ին խոցված գլանաձև, մետաղական փայլով անհայտ թռչող սարքերի այլմոլորակային ծագումը:ՉԹՕ-ի գաղտնիքները բացահայտված չենԱմեն դեպքում Պենտագոնը տիեզերքի դեմ պայքարելու համար ավելի քան 10 միլիարդ դոլար է խնդրել։ «Այլմոլորակային» վարչությունը գիտական և հետախուզական տեղեկատվությունը վերլուծում է «ՉԹՕ-ները ճիշտ հասկանալու և արձագանքելու համար»:Վերադառնանք Քիրկպատրիկի գաղափարախոսությանը՝ «Լավագույնը, որ կարող է պարզվել այս աշխատանքից, այլմոլորակայինների գոյության ապացույցն է», քանի որ այլընտրանքը հավանական հակառակորդի անհավանական սարքերն են ԱՄՆ-ի «հետնաբակում», որը ազգային անվտանգության շատ ավելի լուրջ խնդիր է։Ինչ է նշանակում ռուսական նորագույն «Սուպերջեթի» առաջին թռիչքըԱՄՆ–ի պաշտպանության նախարարությունը համառորեն փորձում է բացահայտել տիեզերական գաղտնիքները և հոկտեմբերի վերջին հրապարակել է անցյալ տարվա հաշվետվությունը: Փաստաթուղթը հաստատում է ՉԹՕ-ների (UAP) լայն տարածումը և դրանց բնույթի, տեխնոլոգիայի, նպատակի ընկալման բացակայությունը: Ըստ էության, Պենտագոնը նախկինում էր արձանագրել, որ անհայտ օբյեկտները պարբերաբար հայտնվում են տիեզերքում, օդում, ցամաքում, ջրում և ջրի տակ՝ վտանգ ներկայացնելով ռազմական օբյեկտների համար: Սպառնալիքի բնույթն ու ծավալները պարզ չեն։ «Անկախ հետազոտական թիմը... չի գտել որևէ ապացույց, որ UAP-ները արտերկրյա ծագում ունեն, բայց մենք չգիտենք, թե ինչ է իրենից ներկայացնում UAP-ը»:ԱՄՆ ազգային հետախուզական վարչության գաղտնի ուղեծրային համակարգը 2021 թվականի մայիսին ջրի մակերևույթից մոտ 10 մետր բարձրության վրա ՉԹՕ է հայտնաբերել, և այս «անոմալիան» ավելի շատ է մտահոգել հետազոտողներին: Ակնհայտ է, որ դիտարկվող օբյեկտներն ավելի բարդ և կատարյալ են, քան հետազոտողների գործիքները:Ռուսական Սու-57-ի հրթիռային սպառազինության գաղտնիքներըՀավայան կղզիներում գտնվող PanSTARRS աստղադիտակը 2017-ի հոկտեմբերին նկատել է Oumuamua օբյեկտը, որը այնպիսի արագությամբ է շարժվել, որ որոշ գիտնականներ ենթադրել են, թե այն առաջացել է այլ աստղային համակարգում: Օբյեկտի ուղեծիրը ցույց է տվել, որ արևի գրավիտացիոն ձգումից բացի, այլ ուժերի ազդեցություն էլ կա: Հարվարդի համալսարանի հայտնի աստղաֆիզիկոս պրոֆեսոր Աբրահամ Լեբը կարծում է, որ արեգակնային համակարգը հատել է «արտաարեգակնային հետախույզը»՝ այլմոլորակային բազային օբյեկտը: Ամերիկացի հետազոտողների կարծիքով՝ այլմոլորակային «զոնդերը» կարող են աստղային լույսն օգտագործել «իրենց մարտկոցները լիցքավորելու համար», իսկ երկրի ջուրը՝ որպես վառելիք:ԱՄՆ պաշտպանության նախարարության ուֆոլոգները չեն ուզում բացահայտել իրենց բոլոր գաղտնիքները, որպեսզի «պոտենցիալ հակառակորդներին, ինչպիսիք են Չինաստանն ու Ռուսաստանը, չզարմացնեն չնախատեսված նոր տեխնոլոգիաներով»: Մյուս կողմից` արժեքավոր տեղեկությունները շատ չեն: Գիտնականների քննարկումները շարունակվում են, Պենտագոնի բյուջեն աճում է, և դա արդեն հաջողություն է։Կալիֆոռնիայի համալսարանի աստղագիտության պրոֆեսոր Դեյվիդ Ջուիթը իրավացիորեն նշում է. «Ռազմաօդային ուժերը շատ լավ են ռմբակոծում, բայց ինչ վերաբերում է ՉԹՕ-ների վերաբերյալ նրանց հետազոտություններին, ապա պետք է ավելի քիչ վստահել»: Այլմոլորակայիններն ակնհայտորեն հետևում են ամերիկացի պրոֆեսորի խորհրդին:Բաժանորդագրվեք ռազմական սյունակագիր Ալեքսանդր Խրոլենկոյի Telegram–յան ալիքին։
ամն
պենտագոն
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ամն, այլմոլորակային, չբացահայտված թռչող օբյեկտ (չթօ), պենտագոն
ամն, այլմոլորակային, չբացահայտված թռչող օբյեկտ (չթօ), պենտագոն
Պենտագոնը շարունակում է պայքարել այլմոլորակայինների դեմ
21:38 09.11.2023 (Թարմացված է: 21:40 09.11.2023) Այլմոլորակայինների դեմ լուրջ պայքարը զգալի բյուջետային ֆինանսավորում է պահանջում և շարունակում է շահութաբեր «բիզնես» լինել Պենտագոնի ՉԹՕ-դեպարտամենտի աշխատակիցների համար։
Ալեքսանդր Խրոլենկո, ռազմական վերլուծաբան
Պաշտպանության նախարարի` չբացահայտված թռչող օբյեկտների հարցերով տեղակալ, ֆիզիկոս-գիտնական և ԱՄՆ հետախուզական համայնքի վետերան Շոն Քիրկպատրիկը 2023 թվականի դեկտեմբերին կլքի պաշտոնը։ Նա կհեռանա բավարարվածության զգացումով. 18 ամսվա ընթացքում նրա ղեկավարությամբ հետաքննվել է ավելի քան 800 այլմոլորակային գործ: Պենտագոնը գաղտնազերծված տեղեկատվության հիման վրա օգոստոսին ՉԹՕ-ների մասին նոր կայք է գործարկել։ Գարնանը Քիրկպատրիկը չբացահայտված օբյեկտների վերաբերյալ աղմկահարույց ուսումնասիրության համահեղինակ է դարձել։ Այդ ՉԹՕ-ները «մարտահրավեր են նետում ամբողջ ֆիզիկային» և, հնարավոր է, «Երկիրը ուսումնասիրելու համար ուղարկված նավի այլմոլորակային զոնդերն են»:
Պենտագոնն ապրիլին Սենատի զինված ուժերի կոմիտեին զեկուցել էր իր «Բոլոր ոլորտներում անոմալիաների ուսումնասիրման վարչության» աշխատանքի մասին։ Սակայն ԱՄՆ կոնգրեսականները, հասարակությունն ու էնտուզիաստները շարունակում են կառավարությանը քննադատել ՉԹՕ-ների և այլմոլորակային տեխնոլոգիաների օգտագործմամբ «երկարամյա հակադարձ նախագծման ծրագրի» վերաբերյալ թափանցիկության բացակայության համար: Հետախուզության նախկին աշխատակից Դևիդ Գրուշը Ներկայացուցիչների պալատում լսումների ժամանակ ուղղակիորեն հայտարարել է, որ Պենտագոնը թաքցնում է այլմոլորակային սարքերի և կյանքի ձևերի մասին տեղեկատվությունը:
Ինչևէ, ԱՄՆ-ում այլմոլորակայինների որոնումներն ու չեզոքացումը շարունակվում է։ NASA-ն սեպտեմբերին ամերիկյան հանրությանը կոչ էր արել օգնել ՉԹՕ-ների որսի հարցում։ Ավելի վաղ Ալյասկայի, Հարավային և Հյուսիսային Կարոլինայի ափերի մոտ՝ Հուրոն լճի վրա (Միչիգան նահանգ), ԱՄՆ ՌՕՈւ կործանիչները ութ օրվա ընթացքում չորս անհայտ օբյեկտ էին խոցել, որոնք չէին պայթել, և բեկորները չէին հայտնաբերվել։ Հյուսիսային Ամերիկայի օդատիեզերական պաշտպանության հրամանատարության (NORAD) և ԱՄՆ-ի Հյուսիսային հրամանատարության (NORTHCOM) ղեկավար, գեներալ Գլեն Վանհերկը չի բացառել փետրվարի 10-12-ին խոցված գլանաձև, մետաղական փայլով անհայտ թռչող սարքերի այլմոլորակային ծագումը:
ՉԹՕ-ի գաղտնիքները բացահայտված չեն
Ամեն դեպքում Պենտագոնը տիեզերքի դեմ պայքարելու համար ավելի քան 10 միլիարդ դոլար է խնդրել։ «Այլմոլորակային» վարչությունը գիտական և հետախուզական տեղեկատվությունը վերլուծում է «ՉԹՕ-ները ճիշտ հասկանալու և արձագանքելու համար»:
Վերադառնանք Քիրկպատրիկի գաղափարախոսությանը՝ «Լավագույնը, որ կարող է պարզվել այս աշխատանքից, այլմոլորակայինների գոյության ապացույցն է», քանի որ այլընտրանքը հավանական հակառակորդի անհավանական սարքերն են ԱՄՆ-ի «հետնաբակում», որը ազգային անվտանգության շատ ավելի լուրջ խնդիր է։
ԱՄՆ–ի պաշտպանության նախարարությունը համառորեն փորձում է բացահայտել տիեզերական գաղտնիքները և հոկտեմբերի վերջին հրապարակել է անցյալ տարվա հաշվետվությունը: Փաստաթուղթը հաստատում է ՉԹՕ-ների (UAP) լայն տարածումը և դրանց բնույթի, տեխնոլոգիայի, նպատակի ընկալման բացակայությունը: Ըստ էության, Պենտագոնը նախկինում էր արձանագրել, որ անհայտ օբյեկտները պարբերաբար հայտնվում են տիեզերքում, օդում, ցամաքում, ջրում և ջրի տակ՝ վտանգ ներկայացնելով ռազմական օբյեկտների համար: Սպառնալիքի բնույթն ու ծավալները պարզ չեն։ «Անկախ հետազոտական թիմը... չի գտել որևէ ապացույց, որ UAP-ները արտերկրյա ծագում ունեն, բայց մենք չգիտենք, թե ինչ է իրենից ներկայացնում UAP-ը»:
ԱՄՆ ազգային հետախուզական վարչության գաղտնի ուղեծրային համակարգը 2021 թվականի մայիսին ջրի մակերևույթից մոտ 10 մետր բարձրության վրա ՉԹՕ է հայտնաբերել, և այս «անոմալիան» ավելի շատ է մտահոգել հետազոտողներին: Ակնհայտ է, որ դիտարկվող օբյեկտներն ավելի բարդ և կատարյալ են, քան հետազոտողների գործիքները:
Հավայան կղզիներում գտնվող PanSTARRS աստղադիտակը 2017-ի հոկտեմբերին նկատել է Oumuamua օբյեկտը, որը այնպիսի արագությամբ է շարժվել, որ որոշ գիտնականներ ենթադրել են, թե այն առաջացել է այլ աստղային համակարգում: Օբյեկտի ուղեծիրը ցույց է տվել, որ արևի գրավիտացիոն ձգումից բացի, այլ ուժերի ազդեցություն էլ կա: Հարվարդի համալսարանի հայտնի աստղաֆիզիկոս պրոֆեսոր Աբրահամ Լեբը կարծում է, որ արեգակնային համակարգը հատել է «արտաարեգակնային հետախույզը»՝ այլմոլորակային բազային օբյեկտը: Ամերիկացի հետազոտողների կարծիքով՝ այլմոլորակային «զոնդերը» կարող են աստղային լույսն օգտագործել «իրենց մարտկոցները լիցքավորելու համար», իսկ երկրի ջուրը՝ որպես վառելիք:
ԱՄՆ պաշտպանության նախարարության ուֆոլոգները չեն ուզում բացահայտել իրենց բոլոր գաղտնիքները, որպեսզի «պոտենցիալ հակառակորդներին, ինչպիսիք են Չինաստանն ու Ռուսաստանը, չզարմացնեն չնախատեսված նոր տեխնոլոգիաներով»: Մյուս կողմից` արժեքավոր տեղեկությունները շատ չեն: Գիտնականների քննարկումները շարունակվում են, Պենտագոնի բյուջեն աճում է, և դա արդեն հաջողություն է։
Կալիֆոռնիայի համալսարանի աստղագիտության պրոֆեսոր Դեյվիդ Ջուիթը իրավացիորեն նշում է. «Ռազմաօդային ուժերը շատ լավ են ռմբակոծում, բայց ինչ վերաբերում է ՉԹՕ-ների վերաբերյալ նրանց հետազոտություններին, ապա պետք է ավելի քիչ վստահել»: Այլմոլորակայիններն ակնհայտորեն հետևում են ամերիկացի պրոֆեսորի խորհրդին:
Բաժանորդագրվեք ռազմական սյունակագիր Ալեքսանդր Խրոլենկոյի
Telegram–յան ալիքին։
