https://arm.sputniknews.ru/20231101/vardzvov-tnery-tank-en-kam-vat-vitshakum-kacarannerum-aprvogh-arcakhcinery-chgiten-ur-gnan-68083359.html

Վարձով տները թանկ են կամ վատ վիճակում. կացարաններում ապրող արցախցիները չգիտեն` ուր գնան

Վարձով տները թանկ են կամ վատ վիճակում. կացարաններում ապրող արցախցիները չգիտեն` ուր գնան

Sputnik Արմենիա

Արմավիրի մարզում բնակություն է հաստատել 9 135 բռնի տեղահանված արցախցի, նրանցից մոտ 200–ը շարունակում է բնակվել պետության հատկացրած ժամանակավոր կացարանում։... 01.11.2023, Sputnik Արմենիա

2023-11-01T23:27+0400

2023-11-01T23:27+0400

2023-11-02T19:44+0400

հայաստան

արմավիրի մարզ

գիշերօթիկ

արցախցի

գումար

բնակարան

աշխատանք

https://cdn.am.sputniknews.ru/img/07e7/0b/01/68066125_0:35:1601:935_1920x0_80_0_0_09743bd481cc25a0cdf296ce5c640168.jpg

Արմավիր քաղաքում գործող տարածքային մանկավարժահոգեբանական աջակցության կենտրոնի շենքն արդեն մեկ ամիս է` բաժանված է երկու մասի։ Մի կողմում հենց բուն ՏՄԱԿ–ն է գործում, մյուս կողմում ԼՂ–ից բռնի տեղահանված արցախցիններն են ապրում։ Առաջին օրերին 25 ընտանիք է եղել կացարանում, հիմա մնացել են 5-ը։Արզումանյանների 8–հոգանոց ընտանիքն ապրում է առաջին հարկում։ Փոքրիկ սենյակ է, որտեղ 7 մահճակալ է դրված։ Երեխաները միասին են քնում։ Մարտունու շրջանի Ճարտար գյուղից եկել են բարեկամի անսարք ավտոմեքենայով, որը 7 անգամ կանգնել է ճանապարհին։ Հայրենի Ճարտարում են թողել տունն ու այգին։ Ռուզաննա Արզումանյանն ամենից շատ կարոտում է իր բակի արքայանարինջների ու նռների ծառերը, որոնք անմահական համեղ բերք էին տալիս։«Ամբողջ գիշեր 5 վայրկյան չեմ քնել... Կարոտում եմ, չեմ դիմանում»,– ասում է նա։Ընտանիքը վաղուց է վարձով բնակարան փնտրում, բայց հարմար ոչինչ չի գտնում. կա՛մ պայմաններն են շատ վատը, կա՛մ վարձակալության գներն են շատ բարձր։ Հիմա էլ փաստի առաջ են կանգնել, մարզպետարանից տեղեկացրել են` պետք է նոյեմբերի 1-ից դուրս գան կացարանից ու վարձով բնակվեն, այլապես 40 000 + 10 000 դրամ օգնությունը չեն ստանա։Տիկին Ռուզաննան Ճարտարի մանկապարտեզի հիմնադիրներից է, երկար տարիներ աշխատել է այնտեղ, դուստրը դասվար է եղել Ճարտարի դպրոցում, տղան շինարարությունում է աշխատել, ամուսնու եղբայրն էլ, որն հիմա նրանց հետ է ապրում, աշխարհազորային է եղել` մինչև վերջին օրը սահմանին կանգնած։«Խոխե՛ք, սա ձեր տունը չի...». ինչպես են արցախցիները հարմարվում ժամանակավոր կացարաններում«Մի օր կապ տվեցին ու ասեցին` զենքերը թողեք, իջեք։ Իջա, հավաքեցի ընտանիքիս, որ դուրս գանք, դեռ գյուղի մեջ էինք, իրանք արդեն սարի գլխին էին»,– պատմում է Գենրի Արզումանյանը։Շենքի երկրորդ հարկում` մի փոքր ավելի մեծ սենյակում, 8 արցախցի է ապրում։ Ո՛չ բարեկամներ են, ո՛չ հարևաններ, Հայաստանում են ծանոթացել, բայց արդեն մի ընտանիքի նման են դարձել։ Այստեղ հիմնականում տարեցներ են, մարդիկ, որ աշխատունակ չեն ու չեն կարող տուն վարձակալել։«Դուրս գամ էստեղից, ի՞նչ անեմ, ո՞ւր գնամ, ո՞նց ապրեմ։ Վարձը ո՞նց պետք է տամ, անձնագիր չունեմ, թուղթ չունեմ, չեմ հասցրել վերցնել հետս...»,– ասում է կացարանի բնակիչ Ռոզա Սարգսյանը։Արմավիրի մարզպետարանից մեզ վստահեցրին, որ ոչ մի բնակչի կացարանից ստիպողաբար դուրս չեն հանի, քանի դեռ նրանք վարձով բնակարան չեն գտել։«Նման որոշում չկա, կա որոշում, որ այն մարդիկ, որոնք բնակվում են պետության տրամադրած կացարանում ու պետությունն ինքն է հոգում կոմունալ ծախսերն ու սնունդը, այդ գումարը չեն ստանում»,– մեզ հետ զրույցում ասաց Արմավիրի մարզպետի խորհրդական Սաթենիկ Թովմասյանը։Ինչ վերաբերում է մեծահասակներին, որոնք աշխատունակ չեն, ապա Թովմասյանը վստահեցրեց, որ արդեն աշխատանքներ են տարվում նրանց հատուկ խնամքի վայրեր տեղավորելու համար։Հիշեցնենք` ՀՀ վարչապետ Նիկոլ Փաշինյանը հոկտեմբերի 23-ին հայտարարեց, որ նոյեմբեր և դեկտեմբեր ամիսներին, բացի բնակության և կոմունալ ծախսերի համար նախատեսված գումարներից, պետական բյուջեից 50 հազարական դրամ կհատկացվի ԼՂ–ից բռնի տեղահանված անձանց: 40 000+10000 դրամները չեն ստանա այն անձինք և նրանց ընտանիքի անդամները, որոնք ունեն բանկային հաշիվների որոշակի շեմը գերազանցող մնացորդներ, բնակվում են պետության հատկացրած կացարաններում կամ գտնվում են պետության խնամքի ներքո։Այս ամենին զուգահեռ որոշ հյուրանոցների ու հյուրատների սեփականատերեր, որոնց տարածքներում Արցախից բռնի տեղահանվածներ են տեղավորվել, զգուշացրել են, որ քիչ– քիչ պետք է ազատեն սենյակները, քանի որ մոտենում է ձմեռային զբոսաշրջային սեզոնը։«Արցախը» իր լեռների բույրը կունենա. ինչպես է արցախցի օծանելիքագործը ստեղծելու հայտնի բրենդ

արմավիրի մարզ

2023

Լուրեր

am_HY

հայաստան, արմավիրի մարզ, գիշերօթիկ, արցախցի, գումար, բնակարան, աշխատանք