https://arm.sputniknews.ru/20231018/hh-ansharzh-gujqi-anbarekhightsh-gnern-u-100-hazaravvor-antun-arcakhcinery-vorn-e-lutsumy-67430299.html

ՀՀ անշարժ գույքի անբարեխիղճ գներն ու 100 հազար անտուն արցախցիները. ո՞րն է լուծումը

ՀՀ անշարժ գույքի անբարեխիղճ գներն ու 100 հազար անտուն արցախցիները. ո՞րն է լուծումը

Sputnik Արմենիա

ՀՀ–ում անշարժ գույքի վարձակալության շուկան շատերի համար գերշահույթ ունենալու կամ ապրուստի հիմնական միջոց է դարձել։ Գներն այստեղ ոչ միայն չեն կառավարվում ու... 18.10.2023, Sputnik Արմենիա

2023-10-18T23:50+0400

2023-10-18T23:50+0400

2023-10-19T15:17+0400

անշարժ գույք

բնակարան

վարձ

երևան

հայաստան

արցախ

լեռնային ղարաբաղ

բռնի տեղահանված

https://cdn.am.sputniknews.ru/img/07e7/09/1e/66693823_0:83:1601:983_1920x0_80_0_0_a28ba152f664e28ffb6db2f382968cc4.jpg

Ընդամենը մեկ, մեկ ու կես տարի առաջ 80-100 հազար դրամով հնարավոր էր մեկ սենյականոց բնակարան վարձակալել Երևանի ծայրամասում, իսկ այսօր այդ գումարը հազիվ կբավականացնի, ասենք՝ Կոտայքի մարզի Բյուրեղավան կամ Շիրակի մարզի Արթիկ քաղաքում բնակարան վարձակալելու համար։Երբ ռուս ռելոկանտների հոսքը դեպի Հայաստանի Հանրապետություն մեծացավ և արդյունքում անշարժ գույքի գները կտրուկ բարձրացան, շատերը դա նորմալ համարեցին ու պայմանավորեցին ազատ շուկայական հարաբերություններով։Իրավիճակը տրամագծորեն տարբեր էր 2023–ի սեպտեմբերի 19-ից հետո ԼՂ–ից բռնի տեղահանվածների դեպքում, երբ ավելի քան 100 հազար արցախցի եկավ ՀՀ ու կանգնեց փաստի առաջ։ Թվում էր` անտուն մնացած հայրենակիցների դեպքում վերաբերմունքն ավելի կարեկից պետք է լիներ, սակայն անշարժ գույքի սեփականատերերի մեծ մասը ոչ միայն չիջեցրեց տան վարձավճարները, այլև շատերն անգամ օգտվեցին իրավիճակից և ավելի բարձրացրին գները։Պետության առաջարկած ժամանակավոր կացարանների հիմնական մասը ՀՀ մարզերում են, մինչդեռ արցախցիները մեծամասամբ նախընտրում են մայրաքաղաք Երևանը, որտեղ հնարավոր է գտնել աշխատանք, ավելի ապահով է և այլն։Չեմ տաքանում, Ղարաբաղիս տաքությունն եմ ուզում. Ասկերանից բռնագաղթած ընտանիքի պատմությունըԱրդյոք պետությունը չունի՞ մեխանիզմ` վերահսկելու անշարժ գույքի շուկան և կանխելու կամայականություններն ու անբարեխիղճ գնագոյացումը։Silver REA անշարժ գույքի գործակալության ղեկավար Անդրանիկ Հարությունովը Sputnik Արմենիայի հետ զրույցում ասաց, որ ըստ ՀՀ օրենսդրության` պետությունը չի կարող սեփականություն ունեցող քաղաքացու առաջ պայման դնել, թե ինչպես պետք է նա իր գույքը տնօրինի։Հարությունովը պատմեց, որ որոշ ժամանակ առաջ ՀՀ էկոնոմիկայի նախարարությունն անշարժ գույքի գործակալներին հրավիրել էր հանդիպման` հասկանալու, թե ինչպես շտկել իրավիճակը։«Իրականում այդ հանդիպումը ոչ մի արդյունք չտվեց, ուղղակի մեր կարծիքը լսեցին ու գնացինք տներով։ Այնպիսի տպավորություն էր, որ պետությունն ինքն էր ցանկանում մեզնից խնդրի լուծումներ լսել, այլ ոչ թե առաջարկներ անել»,– նկատեց նա։Կադաստրի պետական կոմիտեի նախկին նախագահ Սարհատ Պետրոսյանն էլ Sputnik Արմենիայի հետ զրույցում մի քանի տարբերակ առաջարկեց, թե ինչպես կարելի է կարգավորել թվում է` անկառավարելի դարձած անշարժ գույքի վարձակալության շուկան։60–ամյակիս տունս «նվիրեցի» թուրքին. երկու տեղահանված ընտանիքի պատմությունՏարբերակներից մեկը, ըստ նրա, անշարժ գույքի բրոքերների լիցենզավորումն է։ «Մյուս խնդիրն այն է, որ պետք է ձևավորել հանրային ճիշտ տրամադրություններ, որ չի կարելի օգտագործել շուկայի մանիպուլյացիաները հատկապես արցախցիների դեպքում։ Սա համահայկական ողբերգություն է, ու գների բարձրացումը անբարոյականություն է։ Նաև` շուկայում պետք է ոչ ֆորմալ գործիքներով գործել, այսինքն` պետք է գտնել բոլոր այն մարդկանց, որոնք վարձակալության են տալիս տներ, սակայն հարկային դաշտում չեն ու բերել նրանց հարկային դաշտ»,– կարծում է նա։Ըստ Պետրոսյանի` այսօր ՀՀ–ում բավականին շատ չբնակեցված բնակֆոնդ կա, որտեղ պետությունը կարող է մշտական տեղավորել արցախցիներին կամ ուղղակի կառուցել նոր բնակարաններ` հատուկ հենց ԼՂ–ից բռնի տեղահանվածների համար։Ինչ վերաբերում է ՀՀ իշխանությունների քայլերին, ապա e-draft–ում օրենքի նախագիծ է դրվել շրջանառության մեջ, որով փորձում են որոշակիորեն կարգավորել անշարժ գույքի վարձակալության շուկան և ռիելթորական գործունեությունը։ Այն հեղինակել են ՀՀ վիճակագրական և կադաստրի պետական կոմիտեները։Նախագծով պետք է կարգավորվի ռիելթորական կազմակերպությունների, անշարժ գույքի կառավարումը, սահմանվի պատվիրատուի և ռիելթորի միջև պայմանագրի պարտադիր կնքումը, սահմանվեն նաև ռիելթորական ծառայությունների տեսակները, անշարժ գույքի կառավարչի իրավունքներն ու պարտականությունները, պատասխանատվությունը։«Ռիելթորական գործունեության մասին» օրենքի նախագծի հիմնավորման մեջ նշված է, որ ներկայումս ռիելթորական ոլորտը ՀՀ-ում գործում է առանց որևէ օրենսդրական կարգավորման և տարիների փորձը ցույց է տվել, որ դա բացասական է ազդել ոլորտի կայացման և զարգացման վրա։«Ռիելթորական գործունեության օրենսդրական պահանջների բացակայության պայմաններում ոլորտում գործունեություն են ծավալում անհատ միջնորդներ, որոնք գործում են ստվերում (չեն վճարում հարկեր) և իրենց գործունեությունն իրականացնում են հիմնականում համացանցի միջոցով: Ռիելթորական գործունեության ոլորտում բացակայում է կարգավորման պետական համակարգը»,- ասված է նախագծում:Պետրոսյանն այն լավ նախագիծ է համարում, սակայն կասկածներ ունի դրա իրականացման որակի և հետևողականության վրա։ Ըստ նրա` անշարժ գույքի շուկայում վարձավճարները խելամտության սահմանների բերելու կարճաժամկետ լուծումներից մեկը բոլոր սեփականատերերին հարկային դաշտ բերելն է, ինչը պետությունն ուղղակի չի անում։Մամ, էս ի՞նչ տեղ ա, որ էսքան ուտելիք կա. 9 ամսվա շրջափակումից հետո կյանք կա, բայց տուն չկա

երևան

լեռնային ղարաբաղ

2023

Լուրեր

am_HY

անշարժ գույք, բնակարան, վարձ, երևան, հայաստան, արցախ, լեռնային ղարաբաղ, բռնի տեղահանված