https://arm.sputniknews.ru/20231017/67357770.html
Լուրեր
Լուրեր
Sputnik Արմենիա
Այս ժամի լրահոսից տեղեկանում ենք՝ 17.10.2023, Sputnik Արմենիա
2023-10-17T09:00+0400
2023-10-17T09:00+0400
2023-10-17T11:13+0400
https://cdn.am.sputniknews.ru/img/07e7/0a/11/67357891_0:0:962:541_1920x0_80_0_0_edcb11a8cb03acdc78ddd1af64702d0d.jpg
Լուրեր
Sputnik Արմենիա
Լուրեր
▪️ Վարչապետ Նիկոլ Փաշինյանն աշխատանքային այցով երեկ մեկնել է Ստրասբուրգ: Եվրոպական խորհրդարանում այսօր նախատեսված է վարչապետ Փաշինյանի ելույթը և ԵԽ նախագահ Ռոբերտա Մեցոլայի հետ հանդիպումը, որի ավարտին կլինեն հայտարարություններ լրատվամիջոցների համար։ ▪️ Գործարկվել է Արցախից բռնի տեղահանված ուսուցիչների աջակցության հարթակ, որտեղ հասանելի է մարզերի հանրակրթական դպրոցներում առկա 1422 ուսուցչի թափուր աշխատատեղ, հայտնում է ԿԳՄՍՆ մամուլի ծառայությունը։ Հանրապետության բոլոր մարզերի դպրոցներում աշխատանքի անցնելիս Լեռնային Ղարաբաղից բռնի տեղահանված ուսուցիչները կստանան 30 տոկոս հավելավճար։ ▪️ Բաքվի զինվորական դատարանում այսօր կվերսկսվի Լաչինի ապօրինի անցակետից հուլիսի 29-ին առևանգված արցախցի Վագիֆ Խաչատրյանի գործով դատական նիստը։ Ըստ ադրբեջանական լրատվամիջոցների` պետական մեղադրողը դատարանից պահանջել է անխափան թողնել Վագիֆ Խաչատրյանի նկատմամբ ընտրված խափանման միջոցը՝ կալանքը։ ▪️ ԱԺ «Հայաստան» խմբակցության պատգամավոր Լիլիթ Գալստյանն Արցախի ԱԽ նախկին քարտուղար Սամվել Բաբայանի վերաբերյալ հանցագործության մասին հաղորդում է ներկայացրել գլխավոր դատախազություն։ Հիմք ընդունելով նաև Սամվել Բաբայանի` Հանրային հեռուստաընկերության եթերում հնչեցրած հայտարարությունները, Գալստյանը հաղորդում է ներկայացրել 2 դրվագով։▪️ Էկոնոմիկայի նախարար Վահան Քերոբյանը Արաբական միացյալ էմիրությունների արտաքին առևտրի պետնախարար Թանի բին Ահմեդ Ալ Զայուդիին ներկայացրել է Հայաստանում «չոր նավահանգիստ» ստեղծելու նախագիծը․ Քերոբյանն առաջարկել է քննարկել այս ուղղությամբ ևս համագործակցելու հնարավորությունները։ ▪️ Կապանում Ռուսաստանի գլխավոր հյուպատոսություն բացելու Ռուսաստանի արտգործնախարարության առաջապահ խմբի ղեկավարի Անդրեյ Շանինը երեկ հանդիպել է Կապանի քաղաքապետ Գևորգ Փարսյանի հետ: Հանդիպման ընթացքում շեշտվել է, որ նոր գլխավոր հյուպատոսությունը կարևոր ներդրում կունենա հայ-ռուսական հարաբերությունների հետագա ամրապնդման ու տարածաշրջանում իրավիճակի կայունացման գործում։ Ըստ կողմերի՝ գլխավոր հյուպատոսությունը կնպաստի նաև երկու երկրների մշակութային-հումանիտար, առևտրատնտեսական ու միջտարածաշրջանային համագործակցության զարգացմանը:Sputnik Արմենիա, 106․0FM
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
аудио
Լուրեր
09:00 17.10.2023 (Թարմացված է: 11:13 17.10.2023) Այս ժամի լրահոսից տեղեկանում ենք՝
▪️ Վարչապետ Նիկոլ Փաշինյանն աշխատանքային այցով երեկ
մեկնել է Ստրասբուրգ: Եվրոպական խորհրդարանում այսօր նախատեսված է վարչապետ Փաշինյանի ելույթը և ԵԽ նախագահ Ռոբերտա Մեցոլայի հետ հանդիպումը, որի ավարտին կլինեն հայտարարություններ լրատվամիջոցների համար։
▪️ Գործարկվել է Արցախից բռնի տեղահանված ուսուցիչների աջակցության
հարթակ, որտեղ հասանելի է մարզերի հանրակրթական դպրոցներում առկա 1422 ուսուցչի թափուր աշխատատեղ, հայտնում է ԿԳՄՍՆ մամուլի ծառայությունը։ Հանրապետության բոլոր մարզերի դպրոցներում աշխատանքի անցնելիս Լեռնային Ղարաբաղից բռնի տեղահանված ուսուցիչները կստանան 30 տոկոս հավելավճար։
▪️ Բաքվի զինվորական դատարանում այսօր կվերսկսվի Լաչինի ապօրինի անցակետից հուլիսի 29-ին առևանգված արցախցի Վագիֆ Խաչատրյանի գործով
դատական նիստը։ Ըստ ադրբեջանական լրատվամիջոցների` պետական մեղադրողը դատարանից պահանջել է անխափան թողնել Վագիֆ Խաչատրյանի նկատմամբ ընտրված խափանման միջոցը՝ կալանքը։
▪️ ԱԺ «Հայաստան» խմբակցության պատգամավոր Լիլիթ Գալստյանն Արցախի ԱԽ նախկին քարտուղար Սամվել Բաբայանի վերաբերյալ հանցագործության մասին հաղորդում է ներկայացրել գլխավոր դատախազություն։ Հիմք ընդունելով նաև Սամվել Բաբայանի` Հանրային հեռուստաընկերության եթերում հնչեցրած հայտարարությունները, Գալստյանը հաղորդում է ներկայացրել
2 դրվագով։▪️ Էկոնոմիկայի նախարար Վահան Քերոբյանը Արաբական միացյալ էմիրությունների արտաքին առևտրի պետնախարար Թանի բին Ահմեդ Ալ Զայուդիին
ներկայացրել է Հայաստանում «չոր նավահանգիստ» ստեղծելու նախագիծը․ Քերոբյանն առաջարկել է քննարկել այս ուղղությամբ ևս համագործակցելու հնարավորությունները։
▪️ Կապանում Ռուսաստանի գլխավոր հյուպատոսություն բացելու Ռուսաստանի արտգործնախարարության առաջապահ խմբի ղեկավարի Անդրեյ Շանինը երեկ հանդիպել է Կապանի քաղաքապետ Գևորգ Փարսյանի հետ:
Հանդիպման ընթացքում շեշտվել է, որ նոր գլխավոր հյուպատոսությունը կարևոր ներդրում կունենա հայ-ռուսական հարաբերությունների հետագա ամրապնդման ու տարածաշրջանում իրավիճակի կայունացման գործում։ Ըստ կողմերի՝ գլխավոր հյուպատոսությունը կնպաստի նաև երկու երկրների մշակութային-հումանիտար, առևտրատնտեսական ու միջտարածաշրջանային համագործակցության զարգացմանը:
