https://arm.sputniknews.ru/20231012/arcakhic-brni-teghahanvats-4600-usanvogh-krtatvoshak-kstanan-67183088.html
Արցախից բռնի տեղահանված 4600 ուսանող կրթաթոշակ կստանան
Արցախից բռնի տեղահանված 4600 ուսանող կրթաթոշակ կստանան
Sputnik Արմենիա
ՀՀ կառավարության կողմից տրամադրվող կրթաթոշակի գումարն անկանխիկ եղանակով փոխանցվելու է հենց ուսումնական հաստատությունների հաշվեհամարին։ 12.10.2023, Sputnik Արմենիա
2023-10-12T13:04+0400
2023-10-12T13:04+0400
2023-10-12T13:05+0400
հայաստան
արցախ
կրթաթոշակ
ուսանող
ժաննա անդրեասյան
տիգրան խաչատրյան
https://cdn.am.sputniknews.ru/img/07e7/09/19/66409898_0:79:1499:922_1920x0_80_0_0_90122a0e07a5edfc27ef413aaddbfd0c.jpg
ԵՐԵՎԱՆ, 12 հոկտեմբերի – Sputnik. Լեռնային Ղարաբաղից բռնի տեղահանված 4600 ուսանող կրթաթոշակ կստանան միջին և բարձրագույն ուսումնական հաստատությունների վճարովի տեղերում սովորելու դեպքում։ ՀՀ կառավարության նիստում այս մասին ասաց ՀՀ փոխվարչապետ Տիգրան Խաչատրյանը։Նրա տվյալներով` այս պահին 2100 բռնի տեղահանված ուսանող կա բարձրագույն կրթության, 2500` միջին մասնագիտական կրթության մասով։ՀՀ կառավարությունն ուսումնասիրություն է կատարել ՀՀ կրթական տարբեր հաստատությունների տարբեր մասնագիտությունների ամսական վարձավճարը պարզելու համար։ Արդյունքում այդ թիվը եղել է 400-700 հազար դրամի միջակայքում։ՀՀ կրթության, գիտության, մշակույթի և սպորտի նախարար Ժաննա Անդրեասյանն էլ հավելեց`կրթաթոշակների չափերն այնպիսին են, որ պետությունը կկարողանա ամբողջովին փոխհատուցել ուսանողների ուսման վարձերը։Նախարար նշեց, որ ՀՀ մարզերում գործում են նաև քոլեջներ ու ուսումնարաններ, ԼՂ–ից բռնի տեղահանված ուսանողները կկարողանան ընտրել իրենց առավել մոտ հաստատությունը։ Բացի այդ, ԿԳՄՍՆ–ն կրթական ծրագրերի կարգավորումներ է տվել, որպեսզի ԼՂ–ում իրենց ստացած ուսման ու ՀՀ–ում նախատեսվող կրթության մեջ տարբերություններ ու խոչընդոտներ չառաջանան։Անդրեասյանը տեղեկացրեց, որ ՀՀ կառավարության կողմից տրամադրվող կրթաթոշակի գումարն անկանխիկ եղանակով փոխանցվելու է հենց ուսումնական հաստատությունների հաշվեհամարին։«Ուսանողը կընտրի ուսումնական հաստատությունը, կկնքի պայմանագիր, ու գումարը կփոխանցվի տվյալ կրթական հաստատություն»,– ասաց նա։Անդրադառնալով դպրոցահասակներին` նախրարարն ասաց, որ ավելի քան 13 000 երեխա արդեն դպրոց են հաճախում, որը կազմում է թիրախային խմբի մոտավորապես 62 տոկոսը։«Ամեն օր մի քանի ժամով ավելանում է նրանց թիվը։ Մինչև մյուս շաբաթվա կեսին ԼՂ–ից բռնի տեղահանված բոլոր երեխաներին կկարողանանք ընդգրկել դպրոցներում»,– վստահեցրեց Անդրեասյանը։Ըստ նրա` դասագրքերի լրացուցիչ խմբաքանակներ արդեն պատվիրել են, ու դրանք անվճար են տրամադրվելու աշակերտներին։Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ըստ տեղեկությունների` ադրբեջանական ագրեսիայի զոհերի թիվը գերազանցում է 220-ը։Սեպտեմբերի 20–ին Արցախի իշխանությունն ընդունեց կրակի դադարեցման վերաբերյալ առաջարկությունը: Սեպտեմբերի 21–ին Ստեփանակերտի ու Բաքվի ներկայացուցիչները հանդիպեցին Եվլախում, սեպտեմբերի 25–ին` Իվանյանում, սեպտեմբերի 29-ին` կրկին Եվլախում։ Սեպտեմբերի 24-ին սկսվեց արցախցիների բռնի տեղահանումը։Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի` Արցախի Հանրապետությունը 2024 թվականի հունվարի 1-ից կդադարի գոյություն ունենալ։Վերջին տվյալներով՝ Արցախից ՀՀ է տեղափոխվել 100 632 մարդ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արցախ, կրթաթոշակ, ուսանող, ժաննա անդրեասյան, տիգրան խաչատրյան
հայաստան, արցախ, կրթաթոշակ, ուսանող, ժաննա անդրեասյան, տիգրան խաչատրյան
Արցախից բռնի տեղահանված 4600 ուսանող կրթաթոշակ կստանան
13:04 12.10.2023 (Թարմացված է: 13:05 12.10.2023) ՀՀ կառավարության կողմից տրամադրվող կրթաթոշակի գումարն անկանխիկ եղանակով փոխանցվելու է հենց ուսումնական հաստատությունների հաշվեհամարին։
ԵՐԵՎԱՆ, 12 հոկտեմբերի – Sputnik. Լեռնային Ղարաբաղից բռնի տեղահանված 4600 ուսանող կրթաթոշակ կստանան միջին և բարձրագույն ուսումնական հաստատությունների վճարովի տեղերում սովորելու դեպքում։ ՀՀ կառավարության նիստում այս մասին ասաց ՀՀ փոխվարչապետ Տիգրան Խաչատրյանը։
Նրա տվյալներով` այս պահին 2100 բռնի տեղահանված ուսանող կա բարձրագույն կրթության, 2500` միջին մասնագիտական կրթության մասով։
ՀՀ կառավարությունն ուսումնասիրություն է կատարել ՀՀ կրթական տարբեր հաստատությունների տարբեր մասնագիտությունների ամսական վարձավճարը պարզելու համար։ Արդյունքում այդ թիվը եղել է 400-700 հազար դրամի միջակայքում։
«Եթե ուսանողը ընտրի այնպիսի բուհ, որտեղ մեր սահմանած չափն է կամ դրանից պակաս, ապա ամբողջական հատուցում կստանա։ Եթե ընտրի այնպիսի բուհ, որտեղ մեր տված գումարից մի քիչ ավելի լինի, ապա ուսանողն ինքը պետք է ավելացնի։ Մենք հնարավորություն ենք տալիս նրան ընտրելու այնպիսի բուհ, որ պետության աջակցությունը բավարար լինի ամբողջ վճարը փակելու համար»,– ասաց Խաչատրյանը։
ՀՀ կրթության, գիտության, մշակույթի և սպորտի նախարար Ժաննա Անդրեասյանն էլ հավելեց`կրթաթոշակների չափերն այնպիսին են, որ պետությունը կկարողանա ամբողջովին փոխհատուցել ուսանողների ուսման վարձերը։
«Այսինքն` ուսանողի կողմից լրացուցիչ գումար ավելացնելու կարիք էլ չի լինի, քանի որ արդեն ընտրվել են իրատեսական կրթաթոշակի չափեր»,– հայտարարեց նա։
Նախարար նշեց, որ ՀՀ մարզերում գործում են նաև քոլեջներ ու ուսումնարաններ, ԼՂ–ից բռնի տեղահանված ուսանողները կկարողանան ընտրել իրենց առավել մոտ հաստատությունը։ Բացի այդ, ԿԳՄՍՆ–ն կրթական ծրագրերի կարգավորումներ է տվել, որպեսզի ԼՂ–ում իրենց ստացած ուսման ու ՀՀ–ում նախատեսվող կրթության մեջ տարբերություններ ու խոչընդոտներ չառաջանան։
Անդրեասյանը տեղեկացրեց, որ ՀՀ կառավարության կողմից տրամադրվող կրթաթոշակի գումարն անկանխիկ եղանակով փոխանցվելու է հենց ուսումնական հաստատությունների հաշվեհամարին։
«Ուսանողը կընտրի ուսումնական հաստատությունը, կկնքի պայմանագիր, ու գումարը կփոխանցվի տվյալ կրթական հաստատություն»,– ասաց նա։
Անդրադառնալով դպրոցահասակներին` նախրարարն ասաց, որ ավելի քան 13 000 երեխա արդեն դպրոց են հաճախում, որը կազմում է թիրախային խմբի մոտավորապես 62 տոկոսը։
«Ամեն օր մի քանի ժամով ավելանում է նրանց թիվը։ Մինչև մյուս շաբաթվա կեսին ԼՂ–ից բռնի տեղահանված բոլոր երեխաներին կկարողանանք ընդգրկել դպրոցներում»,– վստահեցրեց Անդրեասյանը։
Ըստ նրա` դասագրքերի լրացուցիչ խմբաքանակներ արդեն պատվիրել են, ու դրանք անվճար են տրամադրվելու աշակերտներին։
Սեպտեմբերի 20–ին Արցախի իշխանությունն ընդունեց
կրակի դադարեցման վերաբերյալ առաջարկությունը: Սեպտեմբերի 21–ին Ստեփանակերտի ու Բաքվի ներկայացուցիչները հանդիպեցին
Եվլախում, սեպտեմբերի 25–ին`
Իվանյանում, սեպտեմբերի 29-ին` կրկին
Եվլախում։ Սեպտեմբերի 24-ին սկսվեց արցախցիների բռնի տեղահանումը։
Սեպտեմբերի 28–ին Արցախի նախագահ Սամվել Շահրամանյանը հրամանագիր ստորագրեց, ըստ որի`
Արցախի Հանրապետությունը 2024 թվականի հունվարի 1-ից կդադարի գոյություն ունենալ։
Վերջին տվյալներով՝ Արցախից ՀՀ է տեղափոխվել
100 632 մարդ։
