https://arm.sputniknews.ru/20230917/stepanakerty-vorvoshec-yndunel-aknajvov-humanitar-berneri-teghapvokhumy-65954565.html
Ստեփանակերտը որոշեց ընդունել Ակնայով հումանիտար բեռների տեղափոխման առաջարկը
Ստեփանակերտը որոշեց ընդունել Ակնայով հումանիտար բեռների տեղափոխման առաջարկը
Sputnik Արմենիա
Միջնորդներն աշխատանք են տանում Արցախի և Ադրբեջանի պաշտոնական ներկայացուցիչների հանդիպում կազմակերպելու ուղղությամբ։ 17.09.2023, Sputnik Արմենիա
2023-09-17T15:25+0400
2023-09-17T15:25+0400
2023-09-17T15:33+0400
ստեփանակերտ
ակնա (աղդամ)
ճանապարհ
լաչինի միջանցք
ադրբեջան
հումանիտար օգնություն
https://cdn.am.sputniknews.ru/img/838/89/8388983_0:67:2000:1192_1920x0_80_0_0_5bd92f6518328cdb14697c7811699453.jpg
ԵՐԵՎԱՆ, 17 սեպտեմբերի – Sputnik. Արցախի իշխանությունները որոշում կայացրեցին թույլ տալ Ակնա-Ստեփանակերտ ճանապարհով հումանիտար բեռների տեղափոխումը։ Այս մասին պաշտոնական հաղորդագրություն է տարածել Արցախի տեղեկատվական շտաբը։Շեշտվում է, որ խոսքը Բերձորի միջանցքով՝ Գորիս-Ստեփանակերտ մայրուղով և Ակնա-Ստեփանակերտ ճանապարհով արտասահմանյան ծագում ունեցող հումանիտար բեռների համաժամանակյա տեղափոխման մասին է` Կարմիր խաչի միջազգային կոմիտեի մեքենաներով։Արցախի կառավարությունը շեշտում է, որ այս գործընթացի կազմակերպումն անհրաժեշտ է ինչպես քաղաքացիների կյանքին ու առողջությանը սպառնացող վտանգները չեզոքացնելու, այնպես էլ Բերձորի միջանցքով հումանիտար բեռների հետագա տեղափոխումն ապահովելու համար:Միջնորդներն աշխատանք են տանում Արցախի և Ադրբեջանի պաշտոնական ներկայացուցիչների հանդիպում կազմակերպելու ուղղությամբ։ Նշվում է, որ հանդիպման նպատակն է թեթևացնել Արցախի Հանրապետությունում ստեղծված լարված հումանիտար և անվտանգային իրավիճակը։Տեղեկատվական շտաբից շեշտում են, որ հումանիտար բեռների համար Ակնա–Ստեփանակերտ երթուղու բացման որոշումը կայացվել է օրեցօր խորացող ճգնաժամի պայմաններում, երբ ոչ միշտ է հաջողվում ամեն օր ապահովել կտրոնային համակարգով նախատեսված քաղաքացուն օրական հասանելիք 200 գրամ հացը:Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։
ստեփանակերտ
ակնա (աղդամ)
լաչինի միջանցք
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ստեփանակերտ, ակնա (աղդամ), ճանապարհ, լաչինի միջանցք, ադրբեջան, հումանիտար օգնություն
ստեփանակերտ, ակնա (աղդամ), ճանապարհ, լաչինի միջանցք, ադրբեջան, հումանիտար օգնություն
Ստեփանակերտը որոշեց ընդունել Ակնայով հումանիտար բեռների տեղափոխման առաջարկը
15:25 17.09.2023 (Թարմացված է: 15:33 17.09.2023) Միջնորդներն աշխատանք են տանում Արցախի և Ադրբեջանի պաշտոնական ներկայացուցիչների հանդիպում կազմակերպելու ուղղությամբ։
ԵՐԵՎԱՆ, 17 սեպտեմբերի – Sputnik. Արցախի իշխանությունները որոշում կայացրեցին թույլ տալ Ակնա-Ստեփանակերտ ճանապարհով հումանիտար բեռների տեղափոխումը։ Այս մասին պաշտոնական
հաղորդագրություն է տարածել Արցախի տեղեկատվական շտաբը։
Շեշտվում է, որ խոսքը Բերձորի միջանցքով՝ Գորիս-Ստեփանակերտ մայրուղով և Ակնա-Ստեփանակերտ ճանապարհով արտասահմանյան ծագում ունեցող հումանիտար բեռների համաժամանակյա տեղափոխման մասին է` Կարմիր խաչի միջազգային կոմիտեի մեքենաներով։
«Հաշվի առնելով երկրում խորացող աղետն ու անվտանգային իրադրությունը՝ Արցախի Հանրապետության իշխանությունները որոշում են կայացրել ընդունել Կարմիր խաչի միջազգային կոմիտեի Ստեփանակերտի գրասենյակի և խաղաղապահ առաքելություն իրականացնող ռուսական զորախմբի հրամանատարության համատեղ առաջարկը»,– նշված է հաղորդագրության մեջ։
Արցախի կառավարությունը շեշտում է, որ այս գործընթացի կազմակերպումն անհրաժեշտ է ինչպես քաղաքացիների կյանքին ու առողջությանը սպառնացող վտանգները չեզոքացնելու, այնպես էլ Բերձորի միջանցքով հումանիտար բեռների հետագա տեղափոխումն ապահովելու համար:
Միջնորդներն աշխատանք են տանում Արցախի և Ադրբեջանի պաշտոնական ներկայացուցիչների հանդիպում կազմակերպելու ուղղությամբ։ Նշվում է, որ հանդիպման նպատակն է թեթևացնել Արցախի Հանրապետությունում ստեղծված լարված հումանիտար և անվտանգային իրավիճակը։
Տեղեկատվական շտաբից շեշտում են, որ հումանիտար բեռների համար Ակնա–Ստեփանակերտ երթուղու բացման որոշումը կայացվել է օրեցօր խորացող ճգնաժամի պայմաններում, երբ ոչ միշտ է հաջողվում ամեն օր ապահովել կտրոնային համակարգով նախատեսված քաղաքացուն օրական հասանելիք 200 գրամ հացը:
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը ՀՀ–ին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև ՀՀ–ից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տ ապրանքով բեռնված 19 բեռնատար Երևանից
ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
Օգոստոսի 30–ից սահմանին կանգնած են մնացել նաև Ֆրանսիայի տարբեր քաղաքներից Արցախի համար բեռ տանող ֆրանսիական բեռնատարները։
