https://arm.sputniknews.ru/20230816/mak-um-fransiaji-patvirakutjan-nerkajacucichy-kvoch-e-anum-anhapagh-bacel-lachini-mijancqy-64523285.html
ՄԱԿ-ում Ֆրանսիայի պատվիրակության ներկայացուցիչը կոչ արեց անհապաղ բացել Լաչինի միջանցքը
ՄԱԿ-ում Ֆրանսիայի պատվիրակության ներկայացուցիչը կոչ արեց անհապաղ բացել Լաչինի միջանցքը
Sputnik Արմենիա
ՄԱԿ-ի ԱԽ-ում Ֆրանսիայի մշտական ներկայացուցչի տեղակալը շեշտեց, որ Ադրբեջանը, առանց որևէ իրավական պատճառի, շարունակում է մեկուսացման մեջ պահել ԼՂ բնակչությանը... 16.08.2023, Sputnik Արմենիա
2023-08-16T23:36+0400
2023-08-16T23:36+0400
2023-08-16T23:42+0400
հայաստան
ադրբեջան
ֆրանսիա
միավորված ազգերի կազմակերպություն (մակ)
https://cdn.am.sputniknews.ru/img/07e7/08/11/64527291_0:0:1485:836_1920x0_80_0_0_83559e319cc6aa00d3188f5e97e7cea5.jpg
ԵՐԵՎԱՆ, 16 օգոստոսի – Sputnik. Ֆրանսիան կոչ է անում անհապաղ վերականգնել Լաչինի միջանցքով մարդկանց, ապրանքների և պարագաների անխոչընդոտ տեղաշարժը երկու ուղղություններով, և շարունակաբար ապահովվի գազի և էլեկտրաէներգիայի մատակարարումը բնակչությանը։ Հայաստանի խնդրանքով հրավիրված ՄԱԿ-ի Անվտանգության խորհրդի արտահերթ նիստում հայտարարեց ՄԱԿ-ի ԱԽ-ում Ֆրանսիայի մշտական ներկայացուցչի տեղակալ Նատալի Բրոդհերսթը։Ավելի վաղ հայտնել էինք, որ Հայաստանը օգոստոսի 11-ին դիմել էր ՄԱԿ-ի Անվտանգության խորհրդին՝ խնդրելով, որ Լեռնային Ղարաբաղի լիակատար շրջափակման հետևանքով հումանիտար իրավիճակի վատթարացման առնչությամբ արտահերթ նիստ գումարի։ Հայաստանի հարցմամբ նիստը մեկնարկել է 23։00-ին։Նա հիշեցրեց` ՄԱԿ-ի Արդարադատության միջազգային դատարանն այս տարվա փետրվարի 22-ին հրապարակեց որոշում, ըստ որի՝ Ադրբեջանին պարտավորեցրեց իր ստանձնած պարտավորություններով ձեռնարկել բոլոր միջոցները, որպեսզի ապահովի տրանսպորտի և մարդկանց անխափան տեղաշարժը Լաչինի միջանցքի երկու ուղղություններով։«Ֆրանսիան կոչ է անում Ադրբեջանին կատարել իր միջազգային պարտավորություններն ու ի կատար ածել Արդարադատության միջազգային դատարանի մատնանշած միջոցները։ Ֆրանսիան վերահաստատում է իր աջակցությունը Կարմիր խաչի միջազգային կոմիտեին, կոչ է անում, որ անմիջապես, առանց խոչընդոտների միջազգային կազմակերպությունները, մարդասիրական և ՄԱԿ-ի կառույցները հնարավորություն ունենան աշխատել տեղի բնակչության հետ և աշխատեն Լաչինի միջանցքով»,- շեշտեց Բրոդհերսթը։Նա հավելեց, որ Ֆրանսիան հավատարիմ է տարածաշրջանում մնայուն և արդար խաղաղության օրակարգին, ուստի կոչ է անում, որ վերսկսվեն բանակցությունները՝ ուղղված բոլոր չլուծված խնդիրների լուծմանը, այդ թվում՝ Լեռնային Ղարաբաղի բնակչության իրավունքներին և անվտանգությանը վերաբերող։ Դա հնարավոր է միայն երկխոսությամբ՝ առանց ուժի կամ ուժի սպառնալիքի որևէ գործադրման։«Լիովին աջակցում ենք և մասնակցում ենք միջնորդական ջանքերին, որոնք առաջնորդում է Եվրամիությունը, մասնավորապես՝ կարգավորման գործընթացին։ Մմենք կաջակցենք, որ քննարկվող բոլոր թեմաների ուղղությամբ առաջընթաց լինի, այդ թվում՝ խաղաղության համաձայնագրի տեքստի նախագծի, սահմանագծման, մարդասիրական հարցերի և հաղորդակցության ուղիների բացման հարցերով»,- իր հայտարարության տեքստում նշեց Ֆրանսիայի ներկայացուցիչ, ՄԱԿ-ում Ֆրանսիայի մշտական ներկայացուցչի տեղակալ Նատալի Բրոդհերսթը։Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։Օգոստոսի 15-ին հայտնի դարձավ, որ Արցախում թերսնման պատճառով 40-ամյա տղամարդ է մահացել։
ադրբեջան
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, ֆրանսիա, միավորված ազգերի կազմակերպություն (մակ)
հայաստան, ադրբեջան, ֆրանսիա, միավորված ազգերի կազմակերպություն (մակ)
ՄԱԿ-ում Ֆրանսիայի պատվիրակության ներկայացուցիչը կոչ արեց անհապաղ բացել Լաչինի միջանցքը
23:36 16.08.2023 (Թարմացված է: 23:42 16.08.2023) ՄԱԿ-ի ԱԽ-ում Ֆրանսիայի մշտական ներկայացուցչի տեղակալը շեշտեց, որ Ադրբեջանը, առանց որևէ իրավական պատճառի, շարունակում է մեկուսացման մեջ պահել ԼՂ բնակչությանը, ինչը հակասում է միջազգային մարդասիրական իրավունքի սկզբունքներին։
ԵՐԵՎԱՆ, 16 օգոստոսի – Sputnik. Ֆրանսիան կոչ է անում անհապաղ վերականգնել Լաչինի միջանցքով մարդկանց, ապրանքների և պարագաների անխոչընդոտ տեղաշարժը երկու ուղղություններով, և շարունակաբար ապահովվի գազի և էլեկտրաէներգիայի մատակարարումը բնակչությանը։ Հայաստանի խնդրանքով հրավիրված ՄԱԿ-ի Անվտանգության խորհրդի արտահերթ նիստում հայտարարեց ՄԱԿ-ի ԱԽ-ում Ֆրանսիայի մշտական ներկայացուցչի տեղակալ Նատալի Բրոդհերսթը։
Ավելի վաղ հայտնել էինք, որ
Հայաստանը օգոստոսի 11-ին դիմել էր ՄԱԿ-ի Անվտանգության խորհրդին՝ խնդրելով, որ Լեռնային Ղարաբաղի լիակատար շրջափակման հետևանքով հումանիտար իրավիճակի վատթարացման առնչությամբ արտահերթ նիստ գումարի։ Հայաստանի հարցմամբ նիստը մեկնարկել է 23։00-ին։
«Ադրբեջանը շարունակում է մեկուսացման մեջ պահել Լեռնային Ղարաբաղի բնակչությանն ամբողջ աշխարհից՝ առանց որևէ իրավական պատճառի, և դա հակասում է միջազգային մարդասիրական իրավունքի սկզբունքներին։ Ֆրանսիան դատապարտում է մարդասիրական բեռի արգելափակումը, որը ՀՀ իշխանություններն ուղարկել էին հուլիսին այս իրավիճակի հետևանքները վերացնելու համար։ Նույնը վերաբերում է ԿԽՄԿ-ի գործունեությունը խոչընդոտելուն, որը խախտում է միջազգային իրավունքի սկզբունքները »,- իր ելույթում շեշտեց Ֆրանսիայի ներկայացուցիչը։
Նա հիշեցրեց` ՄԱԿ-ի Արդարադատության միջազգային դատարանն այս տարվա փետրվարի 22-ին հրապարակեց որոշում, ըստ որի՝ Ադրբեջանին պարտավորեցրեց իր ստանձնած պարտավորություններով ձեռնարկել բոլոր միջոցները, որպեսզի ապահովի տրանսպորտի և մարդկանց անխափան տեղաշարժը Լաչինի միջանցքի երկու ուղղություններով։
«Ֆրանսիան կոչ է անում Ադրբեջանին կատարել իր միջազգային պարտավորություններն ու ի կատար ածել Արդարադատության միջազգային դատարանի մատնանշած միջոցները։ Ֆրանսիան վերահաստատում է իր աջակցությունը Կարմիր խաչի միջազգային կոմիտեին, կոչ է անում, որ անմիջապես, առանց խոչընդոտների միջազգային կազմակերպությունները, մարդասիրական և ՄԱԿ-ի կառույցները հնարավորություն ունենան աշխատել տեղի բնակչության հետ և աշխատեն Լաչինի միջանցքով»,- շեշտեց Բրոդհերսթը։
Նա հավելեց, որ Ֆրանսիան հավատարիմ է տարածաշրջանում մնայուն և արդար խաղաղության օրակարգին, ուստի կոչ է անում, որ վերսկսվեն բանակցությունները՝ ուղղված բոլոր չլուծված խնդիրների լուծմանը, այդ թվում՝ Լեռնային Ղարաբաղի բնակչության իրավունքներին և անվտանգությանը վերաբերող։ Դա հնարավոր է միայն երկխոսությամբ՝ առանց ուժի կամ ուժի սպառնալիքի որևէ գործադրման։
«Լիովին աջակցում ենք և մասնակցում ենք միջնորդական ջանքերին, որոնք առաջնորդում է Եվրամիությունը, մասնավորապես՝ կարգավորման գործընթացին։ Մմենք կաջակցենք, որ քննարկվող բոլոր թեմաների ուղղությամբ առաջընթաց լինի, այդ թվում՝ խաղաղության համաձայնագրի տեքստի նախագծի, սահմանագծման, մարդասիրական հարցերի և հաղորդակցության ուղիների բացման հարցերով»,- իր հայտարարության տեքստում նշեց Ֆրանսիայի ներկայացուցիչ, ՄԱԿ-ում Ֆրանսիայի մշտական ներկայացուցչի տեղակալ Նատալի Բրոդհերսթը։
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից
հեռացան ապրիլի 28-ին, քանի որ ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։ Արցախը զրկվել է նաև Հայաստանից մատակարարվող գազից և էլեկտրաէներգիայից։
Հուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից
ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
Օգոստոսի 15-ին հայտնի դարձավ, որ Արցախում թերսնման պատճառով
40-ամյա տղամարդ է մահացել։
