https://arm.sputniknews.ru/20230816/adrbejancu-kvoghmic-spanvats-zmpk-pahnvordi-iravahajvordnery-pahanjum-en-cmah-azatazrkum-64474566.html
Ադրբեջանցու կողմից սպանված ԶՄՊԿ պահնորդի իրավահաջորդները պահանջում են ցմահ ազատազրկում
Ադրբեջանցու կողմից սպանված ԶՄՊԿ պահնորդի իրավահաջորդները պահանջում են ցմահ ազատազրկում
Sputnik Արմենիա
Վերաքննիչ բողոքը մակագրված է դատավոր Գրիգոր Հովհաննիսյանին։ 16.08.2023, Sputnik Արմենիա
2023-08-16T09:22+0400
2023-08-16T09:22+0400
2023-08-16T09:23+0400
ադրբեջանցի
ազատազրկում
դատ
փաստաբան
հայաստան
սպանություն
https://cdn.am.sputniknews.ru/img/07e7/06/15/61492836_0:0:1281:720_1920x0_80_0_0_54feadf3ea963c0d3fa1bc1cd270459f.jpg
ԵՐԵՎԱՆ, 16 օգոստոսի - Sputnik. ՀՀ ինքնիշխան տարածք ապօրինի ներթափանցած ադրբեջանցի զինծառայողի կողմից սպանված ԶՄՊԿ պահնորդի իրավահաջորդները համաձայն չեն դատավճռին, պնդում են՝ դատարանը մեղմ պատիժ է սահմանել։ Վերջիններս բողոքարկել են դատավճիռը՝ պահանջելով ադրբեջանցուն դատապարտել ցմահ ազատազրկման, հայտնում է «Փաստինֆոն»։Հիշեցնենք՝ Սյունիքի մարզի ընդհանուր իրավասության դատարանը՝ դատավոր Նապոլեոն Օհանյանի նախագահությամբ, ՀՀ ինքնիշխան տարածք ապօրինի ներթափանցած և ՀՀ քաղաքացի, ԶՄՊԿ պահնորդ Հայրապետ Մելիքսեթյանին սպանելու մեջ մեղադրվող ադրբեջանցի զինծառայող Հուսեյին Ախունդովին մեղավոր էր ճանաչել և դատապարտել էր ազատազրկման՝ 20 տարի ժամկետով։Դատավճռի հետ, սակայն, համաձայն չէ տուժող կողմը։ Մելիքսեթյանի իրավահաջորդի ներկայացուցիչ, փաստաբան Կարեն Ալավերդյանը «Փաստինֆո»-ի հետ զրույցում հայտնել է, որ վերաքննիչ բողոք են ներկայացրել՝ պահանջելով նշանակված պատժի մասով բեկանել առաջին ատյանի դատարանի վճիռը և Ախունդովի նկատմամբ որպես պատիժ նշանակել ցմահ ազատազրկումը։ Փաստաբանն ընդգծել է, որ նշանակված պատիժը համաչափ չէ և չի նշանակվել պատժի նշանակման սկզբունքների համապատասխան, հաշվի չի առնվել ծանրացնող հանգամանքները։«Դատալեքս» դատական-տեղեկատվական համակարգի համաձայն՝ վերաքննիչ բողոքը մակագրված է դատավոր Գրիգոր Հովհաննիսյանին։Հուսեյն Ախունդովը մեկն է այն երկու ադրբեջանցի զինծառայողներից, որոնք ապրիլի 7-ին Նախիջևանի կողմից ապօրինի հատել էին Հայաստանի սահմանը։Ըստ քրեական գործի նյութերի` ապրիլի 12-ին Ախունդովը, իր մոտ եղած ինքնաձիգով կրակել է ԶՊՄԿ-ի աշխատակից Հայրապետ Մելիքսեթյանի վրա և սպանել նրան։Դեպքից հետո նա գողացել է սպանվածի հեռախոսը, տեսաուղերձ նկարել և ներբեռնել սոցիալական ցանցի իր էջում։ Ադրբեջանցին փորձել է գողանալ նաև տուժողի մեքենան և փախուստի դիմել Իրան, բայց դա նրան չի հաջողվել։ԶՊՄԿ-ի պահնորդի դին հայտնաբերվել է շարժական տնակի դիմաց. ՔԿ–ն մանրամասներ է հայտնումԴեպքի հաջորդ օրը Սյունիքի մարզի Աճանան գյուղի մոտ բնակիչները նկատել են Հուսեյն Ախունդովին, վնասազերծել ու հանձնել իրավապահներին։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ադրբեջանցի, ազատազրկում, դատ, փաստաբան, հայաստան, սպանություն
ադրբեջանցի, ազատազրկում, դատ, փաստաբան, հայաստան, սպանություն
Ադրբեջանցու կողմից սպանված ԶՄՊԿ պահնորդի իրավահաջորդները պահանջում են ցմահ ազատազրկում
09:22 16.08.2023 (Թարմացված է: 09:23 16.08.2023) Վերաքննիչ բողոքը մակագրված է դատավոր Գրիգոր Հովհաննիսյանին։
ԵՐԵՎԱՆ, 16 օգոստոսի - Sputnik. ՀՀ ինքնիշխան տարածք ապօրինի ներթափանցած ադրբեջանցի զինծառայողի կողմից սպանված ԶՄՊԿ պահնորդի իրավահաջորդները համաձայն չեն դատավճռին, պնդում են՝ դատարանը մեղմ պատիժ է սահմանել։ Վերջիններս բողոքարկել են դատավճիռը՝ պահանջելով ադրբեջանցուն դատապարտել ցմահ ազատազրկման, հայտնում է
«Փաստինֆոն»։
Հիշեցնենք՝ Սյունիքի մարզի ընդհանուր իրավասության դատարանը՝ դատավոր Նապոլեոն Օհանյանի նախագահությամբ, ՀՀ ինքնիշխան տարածք ապօրինի ներթափանցած և ՀՀ քաղաքացի, ԶՄՊԿ պահնորդ Հայրապետ Մելիքսեթյանին սպանելու մեջ մեղադրվող ադրբեջանցի զինծառայող Հուսեյին Ախունդովին մեղավոր էր ճանաչել և դատապարտել էր ազատազրկման՝ 20 տարի ժամկետով։
Դատավճռի հետ, սակայն, համաձայն չէ տուժող կողմը։ Մելիքսեթյանի իրավահաջորդի ներկայացուցիչ, փաստաբան Կարեն Ալավերդյանը
«Փաստինֆո»-ի հետ զրույցում հայտնել է, որ վերաքննիչ բողոք են ներկայացրել՝ պահանջելով նշանակված պատժի մասով բեկանել առաջին ատյանի դատարանի վճիռը և Ախունդովի նկատմամբ որպես պատիժ նշանակել ցմահ ազատազրկումը։ Փաստաբանն ընդգծել է, որ նշանակված պատիժը համաչափ չէ և չի նշանակվել պատժի նշանակման սկզբունքների համապատասխան, հաշվի չի առնվել ծանրացնող հանգամանքները։
«Միայն ցմահ ազատազրկումը կարող է ապահովել պատժի նպատակները, հատկապես՝ կանխարգելիչ նպատակը»,- նշել է Ալավերդյանը՝ հավելելով, որ բողոքը ներկայացվել է և դեռևս առկա չէ տեղեկություն՝ այն վարույթ ընդունելու վերաբերյալ։
«Դատալեքս» դատական-տեղեկատվական համակարգի համաձայն՝ վերաքննիչ բողոքը մակագրված է դատավոր Գրիգոր Հովհաննիսյանին։
Հուսեյն Ախունդովը մեկն է այն երկու ադրբեջանցի զինծառայողներից, որոնք ապրիլի 7-ին Նախիջևանի կողմից ապօրինի հատել էին Հայաստանի սահմանը։
Ըստ քրեական գործի նյութերի` ապրիլի 12-ին Ախունդովը, իր մոտ եղած ինքնաձիգով
կրակել է ԶՊՄԿ-ի աշխատակից Հայրապետ Մելիքսեթյանի վրա և սպանել նրան։
Դեպքից հետո նա գողացել է սպանվածի հեռախոսը, տեսաուղերձ նկարել և ներբեռնել սոցիալական ցանցի իր էջում։ Ադրբեջանցին փորձել է գողանալ նաև տուժողի մեքենան և փախուստի դիմել Իրան, բայց դա նրան չի հաջողվել։
Դեպքի հաջորդ օրը Սյունիքի մարզի Աճանան գյուղի մոտ բնակիչները նկատել են Հուսեյն Ախունդովին, վնասազերծել ու հանձնել իրավապահներին։
