https://arm.sputniknews.ru/20230810/kiprvosum-katunery-zangvatsabar-satkum-en-covid-i-bardutjunneric-64185517.html
Կիպրոսում կատուները զանգվածաբար սատկում են Covid-ի բարդություններից
Կիպրոսում կատուները զանգվածաբար սատկում են Covid-ի բարդություններից
Sputnik Արմենիա
2023 թվականի հունվար-հունիսին, ասոցիացիայի տվյալներով, FIP-ից սատկել է 8 հազար կատու։ 10.08.2023, Sputnik Արմենիա
2023-08-10T14:18+0400
2023-08-10T14:18+0400
2023-08-10T14:27+0400
կիպրոս
կատու
կորոնավիրուս
https://cdn.am.sputniknews.ru/img/07e5/05/08/27464459_0:0:3073:1728_1920x0_80_0_0_70ea736630edb00c1681f02f0d9190f2.jpg
ԵՐԵՎԱՆ, 10 օգոստոսի – Sputnik. Կիպրոսի առողջապահության նախարարությունը սկսել է Covid-19-ի դեմ դեղամիջոցներ փոխանցել անասնաբուժական ծառայություններին, որպեսզի դադարեցնի կատուների զանգվածային անկումը FIP վարակիչ պերիտոնիտից, որն առաջացել է կատվային կորոնավիրուսի հետևանքով։ Տեղեկությունը հայտնում է «Ինտերֆաքսը»՝ հղում անելով «Guardian»–ին։Պարբերականը, հղում անելով կղզու անասնաբուժական ասոցիացիային (Pancyprian Veterinary Association, PVA), նշում է, որ հիվանդության վերջին բռնկումը եղել է հունվարին Նիկոսիայում։ Մի քանի ամսվա ընթացքում fcov-23 կորոնավիրուսը (կատվային վիրուս, որը կապված չէ մարդկանց վրա ազդող Covid-19-ի հետ և դեռևս վտանգավոր չէ մարդկանց համար) տարածվել է ամբողջ կղզում:Ասոցիացիայի փորձագետները, համագործակցելով Էդինբուրգի համալսարանի գիտնականների հետ, պարզել են, որ 12 շաբաթվա ընթացքում կղզում կատուների մոտ FIP են ախտորոշել 20 անգամ ավելի հաճախ, քան 2022 թվականին։ Գիտնականները կարծում են, որ վիրուսի վարակվածության աստիճանը մեծացել է մուտացիայի հետեւանքով։Աշխարհի երկրների գրեթե 50%-ում մեկ ամսում COVID-19-ի ոչ մի դեպք չի գրանցվել. ԱՀԿՀիվանդությունը դժվար բուժվող է, 2023 թվականի հունվար-հունիսին, ասոցիացիայի տվյալներով, FIP-ից սատկել է 8 հազար կատու, տեղի կենդանիների պաշտպանները պնդում են, որ 300 հազար մահացու դեպք է եղել։Անցյալ շաբաթ Կիպրոսի կառավարությունը որոշել է օգոստոսի 8-ից՝ Կատուների միջազգային օրվանից, կենդանիների բուժման համար փոխանցել Covid-19-ի դեմ «Molnupiravir» հաբեր, որոնք մշակել է «Merck» ընկերությունը։Ենթադրվում է, որ անասնաբույժները կստանան 2 հազար տուփ, յուրաքանչյուրը` 100 եվրո արժողությամբ, կամ ընդհանուր առմամբ 40 հազար դեղահաբ։ Յուրաքանչյուր շրջանում կբաժանվի 100-ական փաթեթ, կատուների տերերը կկարողանան դեղատոմսեր ստանալ այդ դեղը ձեռք բերելու համար։Հնդկաստանում Covid-ի նոր մանրէահիմք է հայտնաբերվել․ ԶԼՄ
կիպրոս
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կիպրոս, կատու, կորոնավիրուս
կիպրոս, կատու, կորոնավիրուս
Կիպրոսում կատուները զանգվածաբար սատկում են Covid-ի բարդություններից
14:18 10.08.2023 (Թարմացված է: 14:27 10.08.2023) 2023 թվականի հունվար-հունիսին, ասոցիացիայի տվյալներով, FIP-ից սատկել է 8 հազար կատու։
ԵՐԵՎԱՆ, 10 օգոստոսի – Sputnik. Կիպրոսի առողջապահության նախարարությունը սկսել է Covid-19-ի դեմ դեղամիջոցներ փոխանցել անասնաբուժական ծառայություններին, որպեսզի դադարեցնի կատուների զանգվածային անկումը FIP վարակիչ պերիտոնիտից, որն առաջացել է կատվային կորոնավիրուսի հետևանքով։ Տեղեկությունը հայտնում է «Ինտերֆաքսը»՝ հղում անելով «Guardian»–ին։
Պարբերականը, հղում անելով կղզու անասնաբուժական ասոցիացիային (Pancyprian Veterinary Association, PVA), նշում է, որ հիվանդության վերջին բռնկումը եղել է հունվարին Նիկոսիայում։ Մի քանի ամսվա ընթացքում fcov-23 կորոնավիրուսը (կատվային վիրուս, որը կապված չէ մարդկանց վրա ազդող Covid-19-ի հետ և դեռևս վտանգավոր չէ մարդկանց համար) տարածվել է ամբողջ կղզում:
Ասոցիացիայի փորձագետները, համագործակցելով Էդինբուրգի համալսարանի գիտնականների հետ, պարզել են, որ 12 շաբաթվա ընթացքում կղզում կատուների մոտ FIP են ախտորոշել 20 անգամ ավելի հաճախ, քան 2022 թվականին։ Գիտնականները կարծում են, որ վիրուսի վարակվածության աստիճանը մեծացել է մուտացիայի հետեւանքով։
Հիվանդությունը դժվար բուժվող է, 2023 թվականի հունվար-հունիսին, ասոցիացիայի տվյալներով, FIP-ից սատկել է 8 հազար կատու, տեղի կենդանիների պաշտպանները պնդում են, որ 300 հազար մահացու դեպք է եղել։
Անցյալ շաբաթ Կիպրոսի կառավարությունը որոշել է օգոստոսի 8-ից՝ Կատուների միջազգային օրվանից, կենդանիների բուժման համար փոխանցել Covid-19-ի դեմ «Molnupiravir» հաբեր, որոնք մշակել է «Merck» ընկերությունը։
Ենթադրվում է, որ անասնաբույժները կստանան 2 հազար տուփ, յուրաքանչյուրը` 100 եվրո արժողությամբ, կամ ընդհանուր առմամբ 40 հազար դեղահաբ։ Յուրաքանչյուր շրջանում կբաժանվի 100-ական փաթեթ, կատուների տերերը կկարողանան դեղատոմսեր ստանալ այդ դեղը ձեռք բերելու համար։
