https://arm.sputniknews.ru/20230810/khvohanvocajin-divanagitutjun-sisianum-haj-iranakan-erkrvord-paratvonn-e-64206670.html

Խոհանոցային դիվանագիտություն. Սիսիանում հայ-իրանական երկրորդ փառատոնն է

Խոհանոցային դիվանագիտություն. Սիսիանում հայ-իրանական երկրորդ փառատոնն է

Sputnik Արմենիա

Օգոստոսի 10-ի լույս 11-ի գիշերը փառատոնի մասնակիցներն ու հյուրերը տեղափոխվելու են Զորաց քարերի մոտ՝ ժամը 4-ին դիտելու Հայկի համաստեղության գալուստը։ 10.08.2023, Sputnik Արմենիա

2023-08-10T18:54+0400

2023-08-10T18:54+0400

2023-08-11T19:10+0400

սիսիան

փառատոն

սյունիք

խոհարար

հայաստան–իրան գործակցություն

իրանի իսլամական հանրապետություն

https://cdn.am.sputniknews.ru/img/07e7/08/0a/64200506_0:78:1500:922_1920x0_80_0_0_5cd6f0211f167ce58febfd4c46f99b88.jpg

ԵՐԵՎԱՆ, 10 օգոստոսի – Sputnik. Արդեն երկրորդ անգամ Հայաստանում Նավասարդի տոնը հայ-իրանական բարեկամության դրսևորման հերթական հնարավորությունն է տալիս։ Հայ-իրանական «Նավասարդ» մշակութային–խոհանոցային փառատոնը մեկտեղում է ոչ միայն երկու երկրների խոհարարներին, այլև արտադրողներին։«Այս փառատոնը երկու բարեկամ ժողովուրդների մշակութային ընդհանրությունների և առանձնահատկությունների մասին է, հրաշալի հարթակ է դրանք ցուցադրելու համար։ Սա տարածաշրջանային միասնական բացառիկ ու հետաքրքիր զբոսաշրջային արդյունք է»,- լրագրողների հետ զրույցում նշեց Տուրիզմի հայկական ֆեդերացիայի նախագահ Մեխակ Ապրեսյանը։Նրա խոսքով՝ փառատոնը մի քանի նպատակ ունի։ «Հետքովիդյան» շրջանում համաշխարհային զբոսաշրջային շուկան վերաձևավորվում է, երկրները փորձում են ոչ միայն ամրապնդել ու պահպանել իրենց դիրքերը, այլև զբոսաշրջային նոր հոսքեր գրավել՝ գրավիչ ու տարբերվող առաջարկներով։Նրա խոսքով՝ այս ձևաչափը նաև մեր հարևաններին է դուր եկել։ Եթե նախորդ տարի ընդամենը 6 տաղավարով էր մասնակցում Իրանը, ապա այս տարի արդեն տաղավարների թիվը 22 է։Ընդհանուր առմամբ, փառատոնում մոտ 80 տաղավար կա։ Մեծ ակտիվություն են ցուցաբերել հատկապես մարզի տարբեր բնակավայրերը։Հայ խոհարարական ավանդույթների պահպանման և զարգացման ՀԿ–ի նախագահ Սեդրակ Մամուլյանի խոսքով՝ այս ամբողջ պատմության մեջ ամենակարևորն այն է, որ երկու հարևան ու բարեկամ ժողովուրդները կողք կողքի իրենց մշակույթը և խոհանոցային ավանդույթները ներկայացնելու հնարավորություն ունեն։«Սա նաև խոհարարական մտքի զարգացման տեսանկյունից է շատ կարևոր։ Մենք նաև խոհարարական դիվանագիտության մի գործընթաց ենք սկսել, և ցանկանում ենք օգտագործել խոհանոցը` որպես ազգային ոչ նյութական ժառանգություն, և դրանով հարաբերվել մշակութային ասպարեզում մեր հարևանների հետ»,- ասում է Մամուլյանը։Նա վստահ է, որ այստեղ համագործակցությունն ու կապերի ամրապնդումը նաև այլ ոլորտների վրա է ազդելու։ Ինչպես Մամուլյանն է նշում, խոհանոցը կարող է իր հետևից տանել նաև տնտեսությունը, գյուղատնտեսությունը, տուրիզմը և այլն։Փառատոնի շրջանակներում նաև խոհանոցային մրցույթ է անցկացվում. պրոֆեսիոնալ խոհարարներից կազմված ժյուրին գնահատում է հայկական և իրանական տաղավարներում ներկայացված կերակուրները։«Մենք աշխատել ենք մեր մասնակիցներին խորհուրդ տալ Նավասարդին բնորոշ կերակուրներ պատրաստել։ Այստեղ դա քաշիկան կամ հարիսան է, Սյունիքի դեպքում` կուրկուտը։ Այդ հարիսան տարբերվում է նրանով, որ եփելիս չեն խառնում, ու չեն խառնում նրա համար, որ գալիք տարին խառնակ չլինի, խաղաղություն լինի։ Մենք նաև ապահովել ենք մասնակիցներին Սյունիքին բնորոշ կերակրատեսակների բաղադրատոմսերով»,- նշեց Մամուլյանը։Առանձին տաղավարով ներկայանում է Սյունիքի մարզի Հացավան գյուղը։ Վարչական ղեկավար Էլզա Հայրապետյանն ասում է՝ իրենց գյուղի այցեքարտը ցորենն ու հացն են, բայց իրենք ոչ միայն տարբեր կերակրատեսակներ են բերել, այլև ներկայացնում են այն ամենը, ինչն իրենց գյուղի խոհանոցում շատ է օգտագործվում՝ սարերից խնամքով հավաքած դեղաբույսեր, ուտելի բույսեր, մոշի տերևներ և այլն։«Ուզում ենք ցույց տալ մեր գյուղի գրավչությունը, պատմել մեր մասին, սիրով պատրաստ ենք հյուրեր ընդունել։ Այս փառատոնը հրաշալի հնարավորություն է, որ մեր մասին իմանան»,- նշում է Էլզա Հայրապետյանը։ՀՀ–ում ԻԻՀ դեսպանատան մշակույթի խորհրդականի պաշտոնակատար Մոհամմադ Ալի Քիանիի խոսքով՝ Սյունիքում Իրանի հյուպատոսությունն այս տարի համագործակցել է իրանական զբոսաշրջային ընկերությունների հետ, և դա բավականին լավ արդյունք է տվել։ Այս տարի Իրանից մասնակիցների և հյուրերի թիվն անհամեմատ մեծ է, քան նախորդ տարի։ Իրանական կողմը հույս ունի, որ համանման փառատոն նաև Իրանում կկազմակերպվի։«Նպատակն այն է, որ մեր երկու ժողովուրդները մեկմեկու մասին ավելի շատ տեղեկություններ ստանան, իրար ավելի լավ ճանաչեն տարբեր ասպարեզներում»,-ասում է իրանցի դիվանագետը։Օգոստոսի 10-ի լույս 11-ի գիշերը փառատոնի մասնակիցներն ու հյուրերը տեղափոխվելու են Զորաց քարերի մոտ՝ ժամը 4-ին դիտելու Հայկի համաստեղության գալուստը։Ուստի ինչպես կազմակերպիչներն են նշում, այս ամենի նպատակը նաև Քարահունջի հանրահռչակումն է, որ օտարներն էլ իմանան այս բացառիկ հուշարձանի մասին։Հիշեցնենք, որ հայ-իրանական խոհարարական «Նավասարդ» գաստրոփառատոնն առաջին անգամ անցկացվեց 2022–ի օգոստոսի 10-11-ը ՀՀ Սյունիքի մարզի Սիսիան քաղաքում։Երկու երկրների ներկայացուցիչների միջև արիական խոհանոցի համատեղ փառատոն անցկացնելու շուրջ պայմանավորվածությունը ձեռք է բերվել 2021 թվականին։ Գաղափարը հայկական կողմինն է, նպատակը երկու երկրներում հեթանոսական ժամանակներից հայտնի տոնական ուտեստներն ու ավանդույթները հանրահռչակելն է։

սիսիան

սյունիք

իրանի իսլամական հանրապետություն

2023

Լուրեր

am_HY

սիսիան, փառատոն, սյունիք, խոհարար, հայաստան–իրան գործակցություն, իրանի իսլամական հանրապետություն