https://arm.sputniknews.ru/20230807/erbeq-mi-vitsheq-himari-het-miajn-hatshujq-kpattshareq-nran-inqnerd-el-himar-kdarnaq-64044443.html
Երբեք մի՛ վիճեք հիմարի հետ. միայն հաճույք կպատճառեք նրան, ինքներդ էլ հիմար կդառնաք
Երբեք մի՛ վիճեք հիմարի հետ. միայն հաճույք կպատճառեք նրան, ինքներդ էլ հիմար կդառնաք
Sputnik Արմենիա
Խոստովանենք՝ բոլորս էլ ժամանակին հիմարություններ ենք արել, բայց եթե ի վերջո ընդունել ենք մեր մեղքը, ուրեմն, այնուամենայնիվ, դասական, դասագրքային հիմար չենք... 07.08.2023, Sputnik Արմենիա
2023-08-07T21:20+0400
2023-08-07T21:20+0400
2023-08-07T21:20+0400
արմեն դուլյան
5 րոպե դուլյանի հետ
հիմար
վեճ
https://cdn.am.sputniknews.ru/img/1729/94/17299495_0:0:1498:844_1920x0_80_0_0_2ea9cafc5b1fa0b499f536a602bfa2f8.jpg
Երբեք մի′ վիճեք հիմարի հետ՝ միայն հաճույք կպատճառեք նրան, ինքներդ էլ հիմար կդառնաք
Sputnik Արմենիա
Երբեք մի′ վիճեք հիմարի հետ՝ միայն հաճույք կպատճառեք նրան, ինքներդ էլ հիմար կդառնաք
Բոլորիս լավ հայտնի այս իրողությունն է փաստում ֆրանսիացի հոգեբան Ժան-Ֆրանսուա Մարմիոնը «Հիմարության հոգեբանությունը» գրքում, որը լույս է տեսել 5 տարի առաջ և արդեն թարգմանվել է մի քանի լեզուներով։Հետաքրքիր է, որ ֆրանսիացի մասնագետը համակրանքով է վերաբերվում հիմարներին՝ պնդելով, որ նրանք հիվանդ մարդիկ են, պարզապես ունեն մի սևեռուն գաղափար՝ ես բոլորից լավ գիտեմ, թե ինչպես պետք է ապրել, ինչպես պետք է կառավարել երկիրը, ինչպես պետք է կարգավորել հարաբերությունները հարևան երկրի հետ։Ամենամարտունակ բանակի մասին առասպելից մինչև խաղաղության մասին առասպել. իսկ իրականությո՞ւնըՀենց դա է պատճառը, որ երբ դուք փորձում եք անվանարկել հիմարին, նա ոչ միայն շատ հանգիստ է ընդունում դա, այլև բարձրանում է սեփական աչքերում, գոտեպնդվում է, ավելի ու ավելի է համոզվում, որ ինքն այն միակն է, որը կարող է ճիշտ ուղով տանել կույրերի ամբոխը։Նկատե՞լ եք, թե ինչպես են հիմարները սիրում իշխանությունը։ Դեռ ավելի քան 100 տարի առաջ ռուս հայտնի պատմաբան Վասիլի Կլյուչևսկին արդարացիորեն փաստել է.«Հիմարներն ընդհանրապես, իսկ մեր հայրենի հիմարները՝ հատկապես, սիրում են անպայման ինչ-որ բան կառավարել»։Ու հանկարծ չփորձեք հակառակվել։ Եթե դուք համաձայն չեք, հիմարը ձեզ արհամարհելու է, վիրավորելու է, ցավ է պատճառելու. ընդ որում, ինչպես ինքն է կարծում` հենց ձեր շահերից ելնելով։Երևի ինքներդ էլ ինձ նման մի ժամանակ երկխոսության մեջ եք մտել հիմարի հետ՝ հույս ունենալով, որ եթե համոզիչ փաստարկներ բերեք, բացատրեք նրան, որ սխալվում է, ինքը կփոխվի։ Ու երևի ինձ նման հետո հասկացել են, որ թակարդն եք ընկել, որովհետև ստացվում է, որ դուք էլ իր նման համոզված եք, որ հրաշալի գիտեք, թե որն է ճիշտը, և ուզում եք, որ ինքն ընդունի ձեր ճիշտը, այսինքն` լրիվ նմանվում եք իրեն։Հո իզուր չէ՞ր ֆրանսիացի բանաստեղծ Էմանուել Էսարն ասում. «Եթե դուք վեճի մեջ եք մտնում հիմարի հետ, ուրեմն մենք արդեն ունենք երկու հիմար»։Նրանք փորձեցին սպանել Հիտլերին. հերոսնե՞ր, թե՞ հայրենիքի դավաճաններԻսկ Ժան-Ֆրանսուա Մարմիոնն ավելացնում է. «Որքան ավելի երկար եք փորձում փոխել հիմարին, այնքան ավելի մեծ ուժով եք օժտում նրան, որովհետև ամրապնւդում եք նրա համոզմունքը, որ ինքն իսկապես ոչ ստանդարտ մտածողության տեր մարդ է` հերոս, որին ոմանք դատապարտում են, ոմանք էլ չեն կարողանում թաքցնել իրենց հիացմունքը և անհամբեր սպասում հերթական ընտրություններին, որպեսզի նվիրեն իրենց ձայնը»։Իսկ ռուսաստանցի երգիծաբան Միխայիլ Ժվանեցկին մատնանշել է հիմարներին բնորոշ մեկ այլ հատկանիշ։Մեջբերեմ. «Հիմարները շատ են սիրում պատժել խելացիներին։ Նախ, դա խիստ դրական է ազդում հիմարների ինքնազգացողության վրա։ Երկրորդ՝ նստեցնելով կամ լռեցնելով խելոքներին` հիմարը, կարծես թե, զբաղեցնում է նրանց տեղը. ավելի խելոք է երևում։ Եվ վերջապես` բոլորը հասկանում են, որ տվյալ հասարակությունում հենց հիմարներն են եղանակ ստեղծում, իսկ դա նշանակում է, որ նրանք բոլորովին էլ հիմար չեն»։Այս վերջին համոզմունքն առանձնապես մտահոգիչ է, քանզի դեռ Յոհան Վոլֆգանգ Գյոթեն էր 200 տարի առաջ զգուշացրել.«Չկա ավելի վտանգավոր բան, քան այն հիմարը, որն ուզում է խելոք երևալ»։Բոլոր դեպքերում, զգուշացե′ք հիմարներից, քանզի երևի սեփական փորձով զգացել եք՝ իսկական, դասական հիմարը գրոհում է առանց նախազգուշացնելու, առանց ակնհայտ պատճառի՝ նպատակ ունենալով առավելագույնս վիրավորել նրան, ով չի կիսում իր հայացքները։Այնպես որ, միշտ հետևեք Մարկ Տվենի խորհրդին. «Երբեք մի′ վիճեք հիմարների հետ, նրանք կիջեցնեն ձեզ իրենց մակարդակին, որտեղ դուք հաղթելու շանս ընդհանրապես չունեք»։
https://arm.sputniknews.ru/20230801/sa-el-kancni-bajc-es-yntacqum-ashkhateceq-tser-mardkajin-demqy-kurcyniq-vech-63770381.html
Sputnik Արմենիա
media@sputniknews.com
+74956456601
MIA „Rossiya Segodnya“
2023
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
արմեն դուլյան, 5 րոպե դուլյանի հետ, հիմար, վեճ
արմեն դուլյան, 5 րոպե դուլյանի հետ, հիմար, վեճ
Երբեք մի՛ վիճեք հիմարի հետ. միայն հաճույք կպատճառեք նրան, ինքներդ էլ հիմար կդառնաք
Խոստովանենք՝ բոլորս էլ ժամանակին հիմարություններ ենք արել, բայց եթե ի վերջո ընդունել ենք մեր մեղքը, ուրեմն, այնուամենայնիվ, դասական, դասագրքային հիմար չենք դարձել։ Որովհետև դասական հիմարը, սպանես էլ, կյանքում երբեք չի ընդունի, որ հիմարություն է արել։
Բոլորիս լավ հայտնի այս իրողությունն է փաստում ֆրանսիացի հոգեբան Ժան-Ֆրանսուա Մարմիոնը «Հիմարության հոգեբանությունը» գրքում, որը լույս է տեսել 5 տարի առաջ և արդեն թարգմանվել է մի քանի լեզուներով։
Հետաքրքիր է, որ ֆրանսիացի մասնագետը համակրանքով է վերաբերվում հիմարներին՝ պնդելով, որ նրանք հիվանդ մարդիկ են, պարզապես ունեն մի սևեռուն գաղափար՝ ես բոլորից լավ գիտեմ, թե ինչպես պետք է ապրել, ինչպես պետք է կառավարել երկիրը, ինչպես պետք է կարգավորել հարաբերությունները հարևան երկրի հետ։
Հենց դա է պատճառը, որ երբ դուք փորձում եք անվանարկել հիմարին, նա ոչ միայն շատ հանգիստ է ընդունում դա, այլև բարձրանում է սեփական աչքերում, գոտեպնդվում է, ավելի ու ավելի է համոզվում, որ ինքն այն միակն է, որը կարող է ճիշտ ուղով տանել կույրերի ամբոխը։
Նկատե՞լ եք, թե ինչպես են հիմարները սիրում իշխանությունը։ Դեռ ավելի քան 100 տարի առաջ ռուս հայտնի պատմաբան Վասիլի Կլյուչևսկին արդարացիորեն փաստել է.
«Հիմարներն ընդհանրապես, իսկ մեր հայրենի հիմարները՝ հատկապես, սիրում են անպայման ինչ-որ բան կառավարել»։
Ժան-Ֆրանսուա Մարմիոնը բացատրում է, թե որտեղից է ամեն ինչ և բոլորին կառավարելու այդ մարմաջը։ Մեջբերեմ. «Հիմարը վստահ է, որ ինքը ճիշտ է։ Իր համոզմունքը նա համարում է անառարկելի, ոսկե տառերով մարմարի վրա հավերժ փորագրված։ Մնացածի ասածները ավազե դղյակներ են։ Հիմարն ամեն ինչ ձեզնից հազար անգամ լավ գիտի, այդ թվում՝ գիտի, թե դուք ինչպես պետք է մտածեք, ինչ անեք ձեր տասը մատներով և ինչպես պետք է քվեարկեք։ Նա ձեզ ընդհանրապես լավ գիտի ու ձեզնից լավ գիտի, թե ինչն է ձեզ համար լավ»։
Ու հանկարծ չփորձեք հակառակվել։ Եթե դուք համաձայն չեք, հիմարը ձեզ արհամարհելու է, վիրավորելու է, ցավ է պատճառելու. ընդ որում, ինչպես ինքն է կարծում` հենց ձեր շահերից ելնելով։
Երևի ինքներդ էլ ինձ նման մի ժամանակ երկխոսության մեջ եք մտել հիմարի հետ՝ հույս ունենալով, որ եթե համոզիչ փաստարկներ բերեք, բացատրեք նրան, որ սխալվում է, ինքը կփոխվի։ Ու երևի ինձ նման հետո հասկացել են, որ թակարդն եք ընկել, որովհետև ստացվում է, որ դուք էլ իր նման համոզված եք, որ հրաշալի գիտեք, թե որն է ճիշտը, և ուզում եք, որ ինքն ընդունի ձեր ճիշտը, այսինքն` լրիվ նմանվում եք իրեն։
Հո իզուր չէ՞ր ֆրանսիացի բանաստեղծ Էմանուել Էսարն ասում. «Եթե դուք վեճի մեջ եք մտնում հիմարի հետ, ուրեմն մենք արդեն ունենք երկու հիմար»։
Իսկ Ժան-Ֆրանսուա Մարմիոնն ավելացնում է. «Որքան ավելի երկար եք փորձում փոխել հիմարին, այնքան ավելի մեծ ուժով եք օժտում նրան, որովհետև ամրապնւդում եք նրա համոզմունքը, որ ինքն իսկապես ոչ ստանդարտ մտածողության տեր մարդ է` հերոս, որին ոմանք դատապարտում են, ոմանք էլ չեն կարողանում թաքցնել իրենց հիացմունքը և անհամբեր սպասում հերթական ընտրություններին, որպեսզի նվիրեն իրենց ձայնը»։
Իսկ ռուսաստանցի երգիծաբան Միխայիլ Ժվանեցկին մատնանշել է հիմարներին բնորոշ մեկ այլ հատկանիշ։
Մեջբերեմ. «Հիմարները շատ են սիրում պատժել խելացիներին։ Նախ, դա խիստ դրական է ազդում հիմարների ինքնազգացողության վրա։ Երկրորդ՝ նստեցնելով կամ լռեցնելով խելոքներին` հիմարը, կարծես թե, զբաղեցնում է նրանց տեղը. ավելի խելոք է երևում։ Եվ վերջապես` բոլորը հասկանում են, որ տվյալ հասարակությունում հենց հիմարներն են եղանակ ստեղծում, իսկ դա նշանակում է, որ նրանք բոլորովին էլ հիմար չեն»։
Այս վերջին համոզմունքն առանձնապես մտահոգիչ է, քանզի դեռ Յոհան Վոլֆգանգ Գյոթեն էր 200 տարի առաջ զգուշացրել.
«Չկա ավելի վտանգավոր բան, քան այն հիմարը, որն ուզում է խելոք երևալ»։
Բոլոր դեպքերում, զգուշացե′ք հիմարներից, քանզի երևի սեփական փորձով զգացել եք՝ իսկական, դասական հիմարը գրոհում է առանց նախազգուշացնելու, առանց ակնհայտ պատճառի՝ նպատակ ունենալով առավելագույնս վիրավորել նրան, ով չի կիսում իր հայացքները։
Այնպես որ, միշտ հետևեք Մարկ Տվենի խորհրդին. «Երբեք մի′ վիճեք հիմարների հետ, նրանք կիջեցնեն ձեզ իրենց մակարդակին, որտեղ դուք հաղթելու շանս ընդհանրապես չունեք»։
