https://arm.sputniknews.ru/20230719/njarderi-pajqar-lracucich-zhamanakumurartun-haghtec-zrinskiin-bajc-durs-mnac-chlic-63053809.html
Նյարդերի կռիվ լրացուցիչ ժամանակում. «Ուրարտուն» հաղթեց «Զրինսկիին», բայց դուրս մնաց ՉԼ–ից
Նյարդերի կռիվ լրացուցիչ ժամանակում. «Ուրարտուն» հաղթեց «Զրինսկիին», բայց դուրս մնաց ՉԼ–ից
Sputnik Արմենիա
ֆուտբոլի Հայաստանի չեմպիոն «Ուրարտուն» ՉԼ–ի 2023/24 մրցաշրջանի որակավորման առաջին փուլում սեփական հարկի տակ 0։1 հաշվով պարտվեց Բոսնիա և Հերցեգովինայի չեմպիոն... 19.07.2023, Sputnik Արմենիա
2023-07-19T01:01+0400
2023-07-19T01:01+0400
2023-07-19T01:11+0400
ուրարտու
չեմպիոնների լիգա
ֆուտբոլ
հաղթանակ
գոլ
երևան
https://cdn.am.sputniknews.ru/img/07e7/07/13/63053583_0:76:915:590_1920x0_80_0_0_04bdee3355187a514d674dbc5f89b39e.jpg
ԵՐԵՎԱՆ, 19 հուլիսի – Sputnik, Խաչիկ Չախոյան. Ֆուտբոլի Հայաստանի չեմպիոն Երևանի «Ուրարտուն» 3։2 հաշվով հաղթեց Բոսնիա և Հերցեգովինայի չեմպիոն «Զրինսկիին» պատասխան խաղում, բայց 11 մետրանոցներով պարտվեց դիմակայությունում։«Ուրարտուն» խաղի 39-րդ րոպեին շատ մոտ էր պատասխան գնդակը խփելուն, բայց մոտ տարածությունից Նանա Անտվիի գլխով հարվածից հետո դաշտի տերերի դարպասապահը կարողացավ հետ մղել գնդակը։Առաջին խաղակեսում թերևս առանձնացնելու արժանի էին միայն այս երկու պահերը։ Ճիշտ է` պայքար կար, խաղացողների մոտ էլ զգացվում էր հաջողության հասնելու ցանկությունը, բայց մինչև ընդմիջում, բացառությամբ վերը նշված դրվագների, դժվար էր տեսնել ևս մեկ պահ, երբ կողմերից որևէ մեկի դարպասին լուրջ սպառնալիք կար։Չեմպիոնների լիգա. «Ուրարտուն» պարտվեց «Զրինսկիի» հետ խաղումԻսկ նվազագույն հաշիվն անգամ ապահովում էր «Զրինսկիի» հաղթանակը երկու խաղերի արդյունքում, այնպես որ, դաշտի տերերը երկրորդ կեսում կարող էին իրենց հիմնական ուշադրությունը կենտրոնացնել պաշտպանությանը` առանց ռիսկի գնալու։Իսկ ահա «Ուրարտուն» այլևս նահանջելու կամ սպասելու տեղ չուներ։Ընդ որում, այդ գնդակը կարող էր հոգեբանորեն շատ մեծ դերակատարում ունենալ այս խաղում։ Մաքսիմենկոյի վրիպումը ոչ մի կերպ չազդեց Նարեկ Գրիգորյանի վրա, որը հարձակման աջ եզրում ստանալով գնդակը` մտավ տուգանային հրապարակ ու գրավեց մրցակցի դարպասի հեռավոր անկյունը։Հաշիվը դարձավ 1։1, և սա արդեն շանս էր դիմակայությունում ընդհանուր հաշիվը հավասարեցնելու համար։Ռուս կիսապաշտպան Պավել Մագիլևեցը կխաղա «Ուրարտու» թիմումՈւ իհարկե փորձառու ֆուտբոլիստին է բնորոշ այն, ինչ որ արեց Արաս Օզբիլիսը։ Հիմնական ժամանակի վերջին րոպեին Արասը վաստակեց 11– մետրանոց հարված, իսկ Նարեկ Գրիգորյանը, առաջ մղելով «Ուրարտուին», վերականգնեց հաշվի հավասարությունը երկու խաղերի արդյունքում՝ 2։2։ Ընդ որում, Ալեքսանդր Մելիխովի հիասքանչ սեյվը վերջին վայրկյաններին ապահովեց մեր թիմի համար ցանկալի արդյունքը։Նշանակվեց լրացուցիչ ժամանակ։Լրացուցիչ ժամանակի հենց սկզբում 11– մետրանոց հարվածի իրավունք ստացավ «Զրինսկին», և Տոմիսլավ Կիշը վերականգնեց հաշվի հավասարությունը այս խաղում՝ 2։2, և միաժամանակ առաջ մղեց իր թիմին դիմակայությունում։Բայց սա էլ չկանգնեցրեց «Ուրարտուին»։ Հերթական անգամ փայլեց Արաս Օզբիլիսը, որի փոխանցումից հետո Արտյոմ Մաքսիմենկոն նորից առաջ մղեց հայկական թիմին այս խաղում՝ 3։2։ Ամեն տեղ էլ այդ պայքարը նույնն է. Դմիտրի Գունկոն նշել է «Ուրարտուի» հաջողության գաղտնիքըԼրացուցիչ ժամանակն ավարտվեց այս հաշվով, ու դիմակայությունում հաղթողին որոշելու համար նշանակվեց 11–մետրանոց հարվածաշար։ Այստեղ ավելի պինդ գտնվեցին «Զրինսկիի» ֆուտբոլիստների նյարդերը։ Մերոնք վրիպեցին 2 անգամ, մրցակիցը` մեկ։ «Ուրարտուն» եվրագավաթներում կշարունակի իր ելույթները Կոնֆերենցիաների լիգայում։
երևան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ուրարտու, չեմպիոնների լիգա, ֆուտբոլ, հաղթանակ, գոլ, երևան
ուրարտու, չեմպիոնների լիգա, ֆուտբոլ, հաղթանակ, գոլ, երևան
Նյարդերի կռիվ լրացուցիչ ժամանակում. «Ուրարտուն» հաղթեց «Զրինսկիին», բայց դուրս մնաց ՉԼ–ից
01:01 19.07.2023 (Թարմացված է: 01:11 19.07.2023) ֆուտբոլի Հայաստանի չեմպիոն «Ուրարտուն» ՉԼ–ի 2023/24 մրցաշրջանի որակավորման առաջին փուլում սեփական հարկի տակ 0։1 հաշվով պարտվեց Բոսնիա և Հերցեգովինայի չեմպիոն «Զրինսկիին»։ Մեր չեմպիոնը դիմակայությունում դեռ կարող էր հաղթել, և այդ ցանկությամբ էլ մեկնել էր պատասխան խաղին։
ԵՐԵՎԱՆ, 19 հուլիսի – Sputnik, Խաչիկ Չախոյան. Ֆուտբոլի Հայաստանի չեմպիոն Երևանի «Ուրարտուն» 3։2 հաշվով հաղթեց Բոսնիա և Հերցեգովինայի չեմպիոն «Զրինսկիին» պատասխան խաղում, բայց 11 մետրանոցներով պարտվեց դիմակայությունում։
Ինչպես և առաջին խաղում, պատասխան խաղում էլ հավասարազոր մրցակիցների խաղ էր ընթանում։ Նման իրավիճակներում որոշիչ է դառնում կողմերից մեկի թույլ տրած սխալը։ Հենց նման սխալ թույլ տվեցին «Ուրարտուի» պաշտպանները խաղի 27-րդ րոպեին, ու պաշտպանների միջև տեղ գրաված Նեմանյա Բիլբիյան գլխի հարվածով բացեց խաղի հաշիվն ու կրկնապատկեց իր թիմի առավելությունը դիմակայությունում։
«Ուրարտուն» խաղի 39-րդ րոպեին շատ մոտ էր պատասխան գնդակը խփելուն, բայց մոտ տարածությունից Նանա Անտվիի գլխով հարվածից հետո դաշտի տերերի դարպասապահը կարողացավ հետ մղել գնդակը։
Առաջին խաղակեսում թերևս առանձնացնելու արժանի էին միայն այս երկու պահերը։ Ճիշտ է` պայքար կար, խաղացողների մոտ էլ զգացվում էր հաջողության հասնելու ցանկությունը, բայց մինչև ընդմիջում, բացառությամբ վերը նշված դրվագների, դժվար էր տեսնել ևս մեկ պահ, երբ կողմերից որևէ մեկի դարպասին լուրջ սպառնալիք կար։
Իսկ նվազագույն հաշիվն անգամ ապահովում էր «Զրինսկիի» հաղթանակը երկու խաղերի արդյունքում, այնպես որ, դաշտի տերերը երկրորդ կեսում կարող էին իրենց հիմնական ուշադրությունը կենտրոնացնել պաշտպանությանը` առանց ռիսկի գնալու։
Իսկ ահա «Ուրարտուն» այլևս նահանջելու կամ սպասելու տեղ չուներ։
Երկրորդ խաղակեսում «Ուրարտուի» գործողություններում որոշակի ակտիվություն նկատվեց։ Եվ խաղի 72-րդ րոպեին հայկական թիմի նորեկ Արտյոմ Մաքսիմենկոն պարզապես պարտավոր էր խփել պատասխան գնդակը, բայց հիանալի պահը չօգտագործեց։
Ընդ որում, այդ գնդակը կարող էր հոգեբանորեն շատ մեծ դերակատարում ունենալ այս խաղում։ Մաքսիմենկոյի վրիպումը ոչ մի կերպ չազդեց Նարեկ Գրիգորյանի վրա, որը հարձակման աջ եզրում ստանալով գնդակը` մտավ տուգանային հրապարակ ու գրավեց մրցակցի դարպասի հեռավոր անկյունը։
Հաշիվը դարձավ 1։1, և սա արդեն շանս էր դիմակայությունում ընդհանուր հաշիվը հավասարեցնելու համար։
Ու իհարկե փորձառու ֆուտբոլիստին է բնորոշ այն, ինչ որ արեց Արաս Օզբիլիսը։ Հիմնական ժամանակի վերջին րոպեին Արասը վաստակեց 11– մետրանոց հարված, իսկ Նարեկ Գրիգորյանը, առաջ մղելով «Ուրարտուին», վերականգնեց հաշվի հավասարությունը երկու խաղերի արդյունքում՝ 2։2։ Ընդ որում, Ալեքսանդր Մելիխովի հիասքանչ սեյվը վերջին վայրկյաններին ապահովեց մեր թիմի համար ցանկալի արդյունքը։
Նշանակվեց լրացուցիչ ժամանակ։
Լրացուցիչ ժամանակի հենց սկզբում 11– մետրանոց հարվածի իրավունք ստացավ «Զրինսկին», և Տոմիսլավ Կիշը վերականգնեց հաշվի հավասարությունը այս խաղում՝ 2։2, և միաժամանակ առաջ մղեց իր թիմին դիմակայությունում։
Բայց սա էլ չկանգնեցրեց «Ուրարտուին»։ Հերթական անգամ փայլեց Արաս Օզբիլիսը, որի փոխանցումից հետո Արտյոմ Մաքսիմենկոն նորից առաջ մղեց հայկական թիմին այս խաղում՝ 3։2։
Լրացուցիչ ժամանակն ավարտվեց այս հաշվով, ու դիմակայությունում հաղթողին որոշելու համար նշանակվեց 11–մետրանոց հարվածաշար։ Այստեղ ավելի պինդ գտնվեցին «Զրինսկիի» ֆուտբոլիստների նյարդերը։
Մերոնք վրիպեցին 2 անգամ, մրցակիցը` մեկ։
«Ուրարտուն» եվրագավաթներում կշարունակի իր ելույթները Կոնֆերենցիաների լիգայում։
