Արհեստական բանականությունը կգնահատի եկամուտները, կորոշի` վարկունակ եք, թե ոչ. քննարկում
14:25 19.07.2023 (Թարմացված է: 16:34 20.07.2023)
© Sputnik / Narine IritsyanՔննարկում արհեստական բանականության շուրջ
![Քննարկում արհեստական բանականության շուրջ Քննարկում արհեստական բանականության շուրջ - Sputnik Արմենիա, 1920, 19.07.2023](https://cdn.am.sputniknews.ru/img/07e7/07/13/63064392_0:111:1600:1011_1920x0_80_0_0_406662611276f8f845bf08c1f20fb0b0.jpg)
© Sputnik / Narine Iritsyan
Բաժանորդագրվել
Բանկային ոլորտը և վարկային կազմակերպություններն արհեստական բանականության շնորհիվ կկարողանան ավելի ճշտգրիտ վերլուծություն անել և յուրաքանչյուր հաճախորդի դեպքում թիրախային որոշում կայացնել։
ԵՐԵՎԱՆ, 19 հուլիսի – Sputnik. Արհեստական բանականությունը կգնահատի ձեր եկամուտները և կորոշի` վարկունա՞կ եք, թե՞ ոչ։ Sputnik Արմենիայի հետ զրույցում այս մասին ասաց «Նորք» տեղեկատվական տեխնոլոգիաների կենտրոնի գործադիր տնօրեն Անահիտ Պարզյանը։
© Sputnik / Narine IritsyanԱնահիտ Պարզյան
![Исполнительный директор ИТ Норк Анаит Парзян на обсуждении по теме выявления потенциала оценки доходов с помощью искусственного интеллекта для предотвращения мошенничества и снижения рисков (19 июля 2023). Еревaн Исполнительный директор ИТ Норк Анаит Парзян на обсуждении по теме выявления потенциала оценки доходов с помощью искусственного интеллекта для предотвращения мошенничества и снижения рисков (19 июля 2023). Еревaн - Sputnik Արմենիա, 1920, 19.07.2023](https://cdn.am.sputniknews.ru/img/07e7/07/13/63064520_0:0:1600:1200_1920x0_80_0_0_7ddfde74371221e1979c38bbd01e7b5a.jpg)
Անահիտ Պարզյան
© Sputnik / Narine Iritsyan
Կենտրոնը ՀՀ–ում Plat.Al ընկերության հետ համատեղ արհեստական բանականության միջոցով ստեղծում էտարատեսակ վերլուծական մոդելներ, օրինակ` բանկային ոլորտում և վարկային կազմակերպություններում բացահայտելու եկամուտների գնահատման ներուժը, կանխելու խարդախությունները, նվազեցնելու ռիսկերը։
«Եթե, օրինակ, որոշում եք դիմել ինչ–որ բանկ` վարկ ստանալու կամ գնում կատարելու, ապա ձեր վարկունակությունը կախված է մի շարք գործոններից։ Երբեմն բանկի առաջարկը կարող է ձեզ չգոհացնել (վարկի չափը և այլն)։ Մեր առաջարկած մոդելը կարող է ճիշտ վերլուծել առկա իրավիճակը, նաև հնարավորություն է տալիս պրոյեկտել ձեր մասնագիտությունը, ձեր կատարած աշխատանքը, փորձը, ներկա տնտեսական իրավիճակը տվյալ երկրում, ինչպես նաև ձեր մասնագիտություննայդ սոցիալ–տնտեսական համատեքստում ինչպիսին կլինի ապագա մեկ–երկու տարվա ընթացքում։ Արդյունքում այս ամբողջ վելուծությունը վարկունակության մասով կտա կանխատեսում»,– նշեց Պարզյանը։
«Նորք» կենտրոնը համագործակցում է բոլոր վարկային կազմակերպությունների և գրեթե բոլոր բանկերի հետ, որպեսզի քաղաքացիների տվյալներն ավելի ճշտգրիտ վերլուծվեն և քաղաքացիակենտրոն ծառայություններն ավելի լավը լինեն։
© Sputnik / Narine IritsyanԼուսինե Սարգսյան
![Директор компании Plat.Al в Армении Лусине Саркисян на обсуждении по теме выявления потенциала оценки доходов с помощью искусственного интеллекта для предотвращения мошенничества и снижения рисков (19 июля 2023). Еревaн Директор компании Plat.Al в Армении Лусине Саркисян на обсуждении по теме выявления потенциала оценки доходов с помощью искусственного интеллекта для предотвращения мошенничества и снижения рисков (19 июля 2023). Еревaн - Sputnik Արմենիա, 1920, 19.07.2023](https://cdn.am.sputniknews.ru/img/07e7/07/13/63064475_0:0:1600:1200_1920x0_80_0_0_9e62f0f7edb7544d632e7b8dadb1af23.jpg)
Լուսինե Սարգսյան
© Sputnik / Narine Iritsyan
Տվյալների ճշտգրիտ վերլուծության այս մոդելի կառուցման գործում «Նորք» կենտրոնի հետ համագործակցում է ՀՀ–ում Plat.Al ընկերությունը։ Ընկերության տնօրեն Լուսինե Սարգսյանը Sputnik Արմենիայի հետ զրույցում ասաց, որ բանկերին և վարկային կազմակերպություններին առաջարկել են, որ որոշումներ կայացնելիս հիմք ընդունեն ոչ միայն եկամտի տվյալ պահի մեծությունը, այլև հաջորդ վեց կամ 12 ամսվա կանխատեսումը։
«Վերջին տարիներին ավելացել են կեղծարարության դեպքերը, այդ պատճառով կազմակերպություններին ներկայացնում ենք նաև սքորինգի (վարկային պատմության գնահատում) մոտեցում, որը դեռ զարգանալու տեղ ունի։ Այդ նպատակով փորձելու ենք համագործակցող բոլոր կազմակերպությունների ուշադրությունը գրավել, որ կոնսոլիդացված ձևով լուծենք այս խնդիրը` բանկային ոլորտում հնարավորինս կանխելու կեղծարարությունը»,– ընդգծեց Լուսինե Սարգսյանը։
Նշենք, որ հուլիսի 6–ին ՀՀ բարձր տեխնոլոգիական արդյունաբերության փոխնախարար Գևորգ Մանթաշյանն ասել էր, որ քննարկվում են նաև տնտեսության մեջ արհեստական ինտելեկտի գործիքների օգտագործման, ձեռնարկությունների արտադրության և տվյալների վերլուծության հարցերը, ինչը կբարձրացնի ձեռնարկությունների աշխատանքի մակարդակն ու որակը: