https://arm.sputniknews.ru/20230712/ghrimjan-universal-desantajin-navery-ka-65-minvoga-takhtakamatsajin-ughghatirner-kstanan-62454124.html

Ղրիմյան ունիվերսալ դեսանտային նավերը Ка-65 «Մինոգա» տախտակամածային ուղղաթիռներ կստանան

Ղրիմյան ունիվերսալ դեսանտային նավերը Ка-65 «Մինոգա» տախտակամածային ուղղաթիռներ կստանան

Sputnik Արմենիա

Sputnik–ի ռազմական վերլուծաբան Ալեքսանդր Խրոլենկոն նշում է, որ նախագահի` մինչև 2050 թվականը նախատեսված նավաշինության ծրագիրն իրականացվում է ըստ պլանի`... 12.07.2023, Sputnik Արմենիա

2023-07-12T23:47+0400

2023-07-12T23:47+0400

2023-07-12T23:47+0400

նավ

ուղղաթիռ

ղրիմ

սպառազինություն

https://cdn.am.sputniknews.ru/img/07e7/07/0c/62454589_0:0:1600:900_1920x0_80_0_0_cb9974845cc32e9c5fca69d360092df8.jpg

Կերչի «Զալիվ» գործարանում 23900 նախագծի («Իվան Ռոգով» և «Միտրոֆան Մոսկալենկո») երկու ունիվերսալ դեսանտային նավ (ՈւԴՆ) է կառուցվում, որոնք մինչ 2028 թվականին ծով դուրս գալը նորագույն Ка-65 «Մինոգա» տախտակամածային ուղղաթիռներ կստանան։ Փորձարկումները կմեկնարկեն ամբողջական ավիաթևերով։ՈւԴՆ–ի վրա մշտապես տեղակայված կլինեն Ка-65 «Մինոգա» հակասուզանավային ուղղաթիռները, բազմաթիրախ հարվածային Ка-52К «Կատրանները», ռադիոլոկացիոն հսկողության Ка-31–եր և որոնողափրկարարական Ка-27ПС–ներ (ընդամենը մոտ 20 մեքենա)։ՌԴ ռազմածովային նավատորմի համար Ка-65 հեռանկարային ուղղաթիռը սկսեցին ստեղծել 2016 թվականին, «Մինոգայի» տեխնիկական նախագծի մշակման պայմանագիրը ստորագրվել է «Բանակ-2020» ռազմատեխնիկական ֆորումի ժամանակ։ Նորագույն մեքենան փոխարինելու կգա հակատանկային Ка-27–երին, որոնք արդեն 4 տասնամյակ է ծառայում են նավատորմին։Արևմուտքին մտահոգում են ինքնավար ռումբերն ու Ռուսաստանի չպլանավորված հաղթանակըԱվելի վաղ «Ռուսաստանի ինքնաթիռներ» հոլդինգի գլխավոր տնօրեն Անդրեյ Բոգինսկին հայտարարել էր, որ փորձառու Ка-65–ն իր առաջին թռիչքը կկատարի 2025 թվականին։ Սերիական արտադրությունը կմեկնարկի ոչ ուշ, քան 2028 թվականին։«Մինոգա» ուղղաթիռը ստեղծվում է Կամովի սխեմայով` նույն առանցքի վրա աշխատող երկու պտուտակով։ Նախագծվում է զրոյից` նոր տեխնոլոգիաների և նյութերի կիրառմամբ։ Այդ պատճառով 3000 ձիաուժով երկու ТВ7-117ВК գազատուրբինային շարժիչով Ка-65–ը ավելի հզոր կլինի և թեթև, քան «վետերան» Ка-27–ը։ Շարժիչների կառավարումը կհեշտացնի «ԲԱՐԿ-6» թվային ավտոմատացված համակարգը։ «Մինոգայի» սպառազինության համալիրը կներառի ռուսական ռազմարդյունաբերական համալիրի ամենաժամանակակից և արդյունավետ նմուշները։ Ка-65–ի ռադիոէլեկտրոնային սարքավորումները համատեղելի կլինեն զորքերի և մարտի կառավարման ավտոմատացված համակարգերի հետ։ Նոր սերնդի կապի թվային համալիրը տեսաձայնագրությունների, ռադիոլոկացիոն համակարգի տվյալների, նավիգացիայի և ձայնային կապի փոխանցում կապահովի։Նախատեսված են հակասուզանավային, դեսանտային և տրանսպորտային մոդիֆիկացիաները, ինչպես նաև Ка-65 արկտիկական տարբերակը` բացառիկ նավիգացիոն համակարգով, բացասական ջերմաստիճանների դեպքում հիմնական շարժիչի գործարկման համար ջեռուցման լրացուցիչ համակարգով։Հնարավոր է ստեղծել նաև Ка-65–ի անօդաչու տարբերակը (ՌԴ ՊՆ–ի պատվերով)։«Մինոգան» լուծելու է հետախուզական, հակասուզանավային, դեսանտային խնդիրներ` նավից կամ առափնյա օդանավակայաններից, աշխատելու է անկախ օրվա ժամից և եղանակային պայմաններից։ Ка-27–ն ընդունելու կարողությամբ օժտված ռուսական բոլոր նավերը` հետախուզական ռազմանավից մինչև ավիակիր հածանավ, կկարողանան կրել նաև նոր «Մինոգան»։Հիմնական բնութագրերըԲաց աղբյուրներում բացակայում են Ка-65 ուղղաթիռի արագության, հեռահարության, բեռնունակության մասին տվյալները։ Սակայն նախորդի բնութագրերը քաջ հայտնի են։Ка-27 հակասուզանավային ուղղաթիռը ի զորու է հայտնաբերելու հակառակորդի սուզանավերը մինչև 500 մետր խորության և բազայից մինչև 200 կմ հեռավորության վրա (տեղեկության փոխանցման պայմաններով) ինչպես ցերեկային, այնպես էլ գիշերային ժամերին` նաև եղանակային բարդ պայմանների դեպքում։ Թռիչքի պրակտիկ հեռավորությունը 800 կմ է, առավելագույն արագությունը` 270 կմ/ժ։Ка-27–ի զինանոցը թույլ է տալիս գրոհել հակառակորդի սուզանավերը АПР-2 կամ АПР-3 հրթիռներով, УМГТ-1 փոքր տորպեդոյով, ОМАБ-25-12Д կամ ОМАБ-25-8Н ծովային ռումբերով։ Ка-27ПЛ զույգը փակում է ջրատարածքի մինչև 2000 քառ կմ–ն։Հատուկ գործողության «աստվածը»․ ռուսական հրետանու գերակայությունն ամրապնդվել է «Մստա-Ս»–ովКа-27ПС որոնողափրկարարական տարբերակը 300 կգ բեռնունակությամբ ճախարակ ունի։ Պտուտակաթև մեքենան աշխատում է ծովի մինչև 5 բալ ալեկոծության դեպքում, նշված կետը հասնելու ավտոմատացված թռիչքի հնարավորություն ունի։Տրամաբանական է ենթադրել, որ բոլոր մոդիֆիկացիաների Ка-65 «Մինոգա» նորագույն ուղղաթիռն ավելի հզոր և կատարյալ կլինի նախորդող Ка-27–ից։Հարկ է հաշվի առնել նաև հիմնական բազայի` 23900 նախագծի ունիվերսալ դեսանտային նավի հնարավորությունները։ Այդ նավը բոլոր չափանիշներով գերազանցում է ֆրանսիական Mistral ուղղաթիռակրին։ Ռուսականի վրա Ка-65 ուղղաթիռները հնարավորություն կունենան գործելու ափից 6000 մղոն հեռավորության վրա, փաստորեն` Համաշխարհային օվկիանոսի ցանկացած հատվածում։40 000 տոննա ջրատարողությամբ 23900 նախագծի ուղղաթիռակրի ունիվերսալ դեսանտային երկու նավերը սկսեցին կառուցել Կերչի «Զալիվ» նավաշինական գործարանում 2020 թվականի հուլիսի 20-ին (Ղրիմի կամրջից 8 կմ հեռավորության վրա)։Նախատեսվածի համաձայն` առաջինը ծով դուրս կգա «Իվան Ռոգով» ունիվերսալ դեսանտային նավը։ Կերչի գործարանի չոր նավանորոգարանը թույլ է տալիս կառուցել մինչև 350 մետր երկարության և մինչև 58 մետր լայնության, ինչպես նաև մինչև 300 000 տոննա ջրատարողությամբ նավեր, միաժամանակ 2-3 նավամաս։Ձեռնարկության մասնագետները 2–3 աստիճանի մարտական նավերի և միջուկային էներգատեղակայանքով նավերի կառուցման փորձ ունեն։Ղրիմը Ռուսաստան վերադառնալուց հետո «Զալիվը» 22 նավի կառուցման պատվեր ստացավ, աշխատանքը երկար տարիներ կպահանջի։Ուկրաինական ԶՈւ-ի «հակահարձակումը» հիասթափեցրեց Արևմուտքին, բայց վատթարն առջևում է«Ռոստեխը» (որի կազմում գործում է «Ռուսաստանի ուղղաթիռներ» հոլդինգը) պատրաստակամություն է հայտնել շարունակել ընդլայնել սպառազինության արտադրության ծավալները ՌԴ ՊՆ–ի համար։Պետական քաղաքականության հիմունքների համաձայն` Ռուսաստանը «թույլ չի տա, որ մյուս պետությունների ռազմածովային ուժերն էապես գերազանցեն ՌԾՆ–ն և ձգտելու է աշխարհում մարտական կարողություններով ամրապնդել իր երկրորդ տեղը»։Բաժանորդագրվե՛ք ռազմական մեկնաբան Ալեքսանդր Խրոլենկոյի Telegram ալիքին։

ղրիմ

2023

Լուրեր

am_HY

նավ, ուղղաթիռ, ղրիմ, սպառազինություն