https://arm.sputniknews.ru/20230711/ukraina-nato-hakamartutjun-dashinqi-andamnery-kpvordzen-hamvozel-zelenskun-62390944.html

Ուկրաինա-ՆԱՏՕ հակամարտություն. դաշինքի անդամները կփորձեն համոզել Զելենսկուն

Ուկրաինա-ՆԱՏՕ հակամարտություն. դաշինքի անդամները կփորձեն համոզել Զելենսկուն

Sputnik Արմենիա

​Ուկրաինան համառորեն ուզում է ՆԱՏՕ-ի լիիրավ անդամ դառնալ։ Կիևը նույնիսկ համոզում է Բրյուսելին՝ մեր անդամակցությունը ոչ թե պատերազմ, այլ իսկական խաղաղություն... 11.07.2023, Sputnik Արմենիա

2023-07-11T22:15+0400

2023-07-11T22:15+0400

2023-07-11T22:15+0400

ուկրաինա

նատօ

հայաստան

վլադիմիր զելենսկի

5 րոպե դուլյանի հետ

https://cdn.am.sputniknews.ru/img/07e7/07/0a/62354972_0:84:1600:984_1920x0_80_0_0_a630d3f8623f71c4b409d90d6a6eac39.jpg

Ուկրաինայի նախագահ Վլադիմիր Զելենսկին էլ ակնարկել է՝ եթե որոշում չեք ընդունելու մեզ ՆԱՏՕ հրավիրելու մասին, իմ գնալը Վիլնյուս, որտեղ երեքշաբթի բացվել է Հյուսիսատլանտյան դաշինքի գագաթնաժողովը, պարզապես իմաստ չունի։ Հետաքրքիր է, որ ի վերջո ոչ թե նախագահի վարչակազմը, այլ ՆԱՏՕ-ի գլխավոր քարտուղարն առաջինը հայտնեց՝ Զելենսկին կգա, բայց գագաթնաժողովի երկրորդ օրը։​Եվրոպական կառույցներն իհարկե հմտացած են ոչինչ չասող հայտարարություններ անելու գործում։ Հիշեք, թե ժամանակին հայաստանյան հերթական ընտրություններից հետո ինչպես էին եվրոպացի դիտորդները վարպետորեն շրջանցում քվեարկությունը կեղծելու և լցոնելու ակնհայտ փաստերը` հայտարարելով՝ այո՛, խախտումներ եղել են, բայց Հայաստանը ևս մի առաջընթաց քայլ կատարեց դեմոկրատական ընտրություններ անցկացնելու ճանապարհին։ Բոլորը գոհ էին՝ ընդդիմությունը պնդում էր, թե դիտորդները անօրինականության բազմաթիվ օրինակներ են արձանագրել, իշխանություններն էլ հպարտորեն ասում էին՝ մեր ջանքերի շնորհիվ Հայաստանը առաջընթաց է գրանցել ժողովրդավարության ճանապարհին։ Հարցնում էիր դիտորդներին՝ լավ, բայց այս ընտրությունները ազատ ու արդա՞ր էին, ի պատասխան նորից լսում էիր՝ առաջընթաց քայլ էր, ի՞նչն է ձեզ համար անհասկանալի։​​Իսկ Ամերիկան անչափ ծանր և անչափ վտանգավոր երկընտրանքի առջև է։ Ենթադրենք, թե կատարվեց Ուկրաինայի ղեկավարության նվիրական երազանքը և այդ երկիրը դարձավ ՆԱՏՕ-ի անդամ։ Միանգամից կսկսի գործել այդ կազմակերպության կանոնադրության 5-րդ կետը, ըստ որի՝ եթե անդամներից մեկը պատերազմում է այլ պետության հետ, փաստորեն կազմակերպության բոլոր անդամներն են այս կամ այն ձևով մասնակցում այդ պատերազմին։ Հիմա ի՞նչ՝ ամերիկյան զինվորականները պիտի կռվեն ռուսաստանցիների դե՞մ։ Իսկ եթե խուսափում ես պատերազմելուց, միանգամից գցում ես ողջ կազմակերպության վարկը՝ ցանկացած անդամ սկսում է մտածել` եթե ՆԱՏՕ-ն ինձ չի պաշտպանում, էլ ինչիս է պետք։​Դե քանի որ կոնկրետ պատասխանը, ինչպիսին էլ լինի, շատ կոնկրետ ու վտանգավոր հետևանքների է հանգեցնելու, Վիլնյուսում արդեն սկսվել է հանրահայտ փրկարար ձևակերպման՝ «առաջընթաց քայլի» փնտրտուքը։ Ամենայն հավանականությամբ, նման քայլ կլինի ՆԱՏՕ-Ուկրաինա խորհրդի ստեղծումը, որի բացման արարողությանն էլ չորեքշաբթի կմասնակցի նախագահ Զելենսկին։Տվեք ինձ 100 օր, և ես կլուծեմ բոլոր հարցերը. 100–օրյա խոստումները շարունակվում ենՆԱՏՕ-ի անդամները նաև կփորձեն համոզել նրան, որ շատ էլ չսևեռվի ՆԱՏՕ-ի պաշտոնական անդամակցության վրա, քանզի իր երկիրը հիմա էլ այնպիսի հսկայական օգնություն է ստանում, որի մասին կազմակերպության մյուս անդամները նույնիսկ երազել չեն կարող։ Դիցուք, ռազմական գործողությունների սկսվելուց ի վեր Ուկրաինան ստացել է 165 միլիարդ դոլար որպես մարդասիրական, ֆինանսական և ռազմական օգնություն։ Համեմատեք՝ Հայաստանի արտաքին պարտքը, որը ոմանք ահավոր են անվանում, անցած տարի կազմել էր 10 միլիարդ դոլար։ Ընդ որում` Վիլնյուսում վերահաստատվելու է, որ գործնականում անսահմանափակ ֆինանսական աջակցությունն Ուկրաինային շարունակվելու է, և մասնագետները համոզված են՝ պատերազմի ավարտից հետո էլ Արևմուտքը պարզապես ներելու է Կիևի պարտքը և ոչ մի կոպեկ հետ չի պահանջելու։​Հետաքրքիր է, որ ժամանակին շատ էր խոսվում այն մասին, թե Վիլնյուսում կայացվելիք որոշումները կախված են լինելու ուկրաինական հակահարձակման հաջողությունից։ Սակայն ԲիԲիՍի-ի թղթակիցը Վիլնյուսից հաղորդում է. «Գաղտնիք չէ, որ ուկրաինացիները մեծ հաջողությունների չհասան, բայց գագաթնաժողովի մասնակիցները դրա մասին շատ հանգիստ էին խոսում` ըստ երևույթին համաձայն լինելով Մեծ Բրիտանիայի արտգործնախարարի հետ, որն օրերս փաստել էր. «Սա պատերազմ է, այլ ոչ թե հոլիվուդյան կինոնկար»։​Իսկ թուրքական առաջատար լրատվամիջոցներից մեկի մեկնաբանն արմատական կարծիք է հայտնում` գրելով. «Ժամանակին Եվրամիությունը փակեց իր դռները Թուրքիայի առջև։ Եվ ոչ մի սարսափելի բան չկատարվեց։ ՆԱՏՕ-ն էլ թող փակի իր դռները ուկրաինացիների առջև։ Համոզված եմ՝ նույնպես ոչ մի սարսափելի բան չի պատահի»։Իլոն Մասկ. «Վերջացրու, մամ, ես միևնույն է՝ Ցուկերբերգի հետ կռվելու եմ»

https://arm.sputniknews.ru/20230703/fransiakan-harcy-evrvopan-petq-e-harmarvi-islamin-te-islamy-evrvopajin-62079057.html

ուկրաինա

2023

Լուրեր

am_HY

ուկրաինա, նատօ, հայաստան, վլադիմիր զելենսկի, 5 րոպե դուլյանի հետ