https://arm.sputniknews.ru/20230710/ilvon-mask-verjacru-mam-es-mievnujn-e-cukerbergi-het-krvelu-em-62336061.html
Իլոն Մասկ. «Վերջացրու, մամ, ես միևնույն է՝ Ցուկերբերգի հետ կռվելու եմ»
Իլոն Մասկ. «Վերջացրու, մամ, ես միևնույն է՝ Ցուկերբերգի հետ կռվելու եմ»
Sputnik Արմենիա
Մոտ 500 տարի առաջ Ֆրանսիայի թագավորն արգելեց երկու անձանց միջև ընտրովի զենքով մենամարտերը, բայց դուելները չվերացան նույնիսկ այն ժամանակ, երբ դրանց մասնակիցների... 10.07.2023, Sputnik Արմենիա
2023-07-10T21:49+0400
2023-07-10T21:49+0400
2023-07-10T21:49+0400
արմեն դուլյան
5 րոպե դուլյանի հետ
twitter
threads
մարկ ցուկերբերգ
իլոն մասկ
https://cdn.am.sputniknews.ru/img/07e6/04/1b/41378750_0:1:1600:901_1920x0_80_0_0_46609bcfe3b7b160e62447c74b5b9145.jpg
Իլոն Մասկ. «Վերջացրու, մամ, ես միեւնույն է՝ Ցուկերբերգի հետ կռվելու եմ»
Sputnik Արմենիա
Իլոն Մասկ. «Վերջացրու, մամ, ես միեւնույն է՝ Ցուկերբերգի հետ կռվելու եմ»
Բավական է հիշել, թե ինչ կատարվեց ֆրանսիացի երկու հայտնի բանաստեղծների՝ Պոլ Վերլենի և Արթյուր Ռեմբոյի միջև ուղիղ 150 տարի առաջ։ 1873 թվականի հուլիսի 10-ին Բրյուսելում Պոլ Վերլենը կրակեց և ձեռքից վիրավորեց Արթյուր Ռեմբոյին։ Լիովին հարբած Վերլենը դրանից անմիջապես հետո միանգամից սթափվեց և մեկնելով ատրճանակը գետնին պառկած Ռեմբոյին, աղաչում էր վերցնել այն և սպանել իրեն։ Ռեմբոն չհամաձայնեց, երկուսով ուղևորվեցին հիվանդանոց, բայց ճանապարհին Վերլենը, որը քիչ առաջ ներողություն էր հայցում, կրկին փորձեց կրակել Ռեմբոյի վրա։ Արդյունքում ոստիկանները ձերբակալեցին Վերլենին, իսկ մյուս բանաստեղծին հասցրին հիվանդանոց։ Ահա այսպես են մենամարտում պոետները։Առաջիկայում միգուցե հնարավորություն կունենանք տեսնելու, թե ինչպես են ռինգում կռվում ժամանակակից տեխնոլոգիաների հսկաները՝ Իլոն Մասկը և Մարկ Ցուկերբերգը։ Համենայնդեպս բուքմեյքերական գրասենյակներն արդեն սկսել են խաղադրույքներ ընդունել։ Կյանքումս երբեք այդ գրասենյակների ծառայություններից չեմ օգտվել, բայց հիմա խաղադրույքս՝ երեք հազար դրամով ավելացած թոշակս, Մարկ Ցուկերբերգի օգտին կլիներ։ Բոլորովին ոչ այն պատճառով, որ նա է ստեղծել «Ֆեյսբուքը»։ Խոստովանեմ, որ եթե լրագրող չլինեի, ընդհանրապես երբեք չէի օգտվի այդ սոցիալական ցանցից, որը բազմաթիվ հայաստանցիներ կամ նախկին հայաստանցիներ մեծ հաճույքով օգտագործում են անձնական վիրավորանքներ և հայհոյանքներ հնչեցնելու համար։ Բայց դա ուրիշ թեմա է։Հիմա Ցուկերբերգի անձնական ցուցանիշները։ Մի անգամ մասնակցել է ֆիզիկական պատրաստության մրցումներին, վազել է մեկ մղոն, ինչից հետո կատարել է 100 ձգում, 200 հրում և 300 կքանստում, ու կրկին վազել մեկ մղոն՝ ընդ որում 10 կիլոգրամանոց մարզական բաճկոնով։ Հիշում եմ, թե ինչպես էինք ուժասպառ գետնին փռվում բանակային այսպես կոչվող մարշ-բրոսոկներից հետո, երբ վազում էինք ավտոմատով, սվինով, բահով, հակագազով և փամփշտակելներով։ Այ, հենց դրա համար էլ ողջ հարստությունս՝ այս ամսվա կենսաթոշակը, բուքմեյքերների մոտ Ցուկերբերգի անվան դիմաց կգրանցեմ։Իրականում ինձ Ցուկերբերգի գաղափարն է գայթակղել, որն էլ նպաստել է երկու մեծահարուստների մենամարտի հավանականությանը։ Այդ գաղափարի էությունը շատ պարզ է ու հասկանալի՝ ոչ թե ստեղծել ինչ-որ նոր բան, այլ վերցնել արդեն գոյություն ունեցողն ու մրցակցին պատկանողը և բարձր պրոֆեսիոնալիզմի շնորհիվ ուղղակի աշխատեցնել այն շատ ավելի լավ, քան մրցակիցն է անում՝ խլելով նրա հաճախորդներին։ Տվեք ինձ 100 օր, և ես կլուծեմ բոլոր հարցերը. 100–օրյա խոստումները շարունակվում ենԻսկ գործնականում ամեն ինչ էսպիսի տեսք ունի՝ Իլոն Մասկը հսկայական գումար ծախսեց «Թվիթեր» հայտնի սոցիալական ցանցը ձեռքբերելու համար։ Ցուկերբերգը գնաց բոլորովին այլ ուղիով՝ պարզապես ստեղծեց «Թրեդս» նոր սոցիալական ցանցը, որը փաստորեն «Թվիթերի» նմանակն է, բայց ավելի գայթակղիչ օգտատերերի համար։ Դրա վառ ապացույցն է այն, որ այդ նոր սոցիալական ցանցը ընդամենը մի քանի օրում ունեցավ մի քանի տասնյակ միլիոն նոր օգտատեր, այդ թվում նաև Հայաստանում։Իլոն Մասկը չի թաքցնում վրդովմունքը և պնդում է, որ Մարկ Ցուկերբերգը պարզապես գողություն է արել՝ աշխատանքի է ընդունել բոլոր այն մասնագետներին, որոնք հեռացել են «Թվիթերից», և նրանցից իմացել է «Թվիթերի» բոլոր գաղտնիքները։ Ցուկերբերգը հակադարձում է՝ անվանեք գեթ մեկ աշխատակցի, որին ես աշխատանքի եմ ընդունել «Թվիթերից» նրա հեռանալուց հետո։ Չկա նման մարդ։ Ուղղակի մենք շատ ավելի պրոֆեսիոնալ ենք՝ դա է գաղտնիքը։Համաձայնեք, սա հիմնարար, սկզբունքային հարց է։ Վերջին հինգ տարիների մեր փորձը ակնհայտ դարձրեց, որ հենց պրոֆեսիոնալիզմի բացակայությունն է կանխորոշում դաժան պարտությունները թե ռազմի դաշտում, թե դիվանագիտական ասպարեզում, թե դատական համակարգում։ Ինչպես ասում էր Վլադիմիր Վիսոցկին. «Ես հարգում եմ բոլոր մասնագիտությունները, եթե իհարկե, այդ մասնագիտությամբ աշխատողն իրոք մասնագետ է»։
https://arm.sputniknews.ru/20230707/tveri-mvogakan-uzhy-ajsor-ereq-7-eri-orn-e-62279511.html
Sputnik Արմենիա
media@sputniknews.com
+74956456601
MIA „Rossiya Segodnya“
2023
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
արմեն դուլյան, 5 րոպե դուլյանի հետ, twitter, threads , մարկ ցուկերբերգ, իլոն մասկ
արմեն դուլյան, 5 րոպե դուլյանի հետ, twitter, threads , մարկ ցուկերբերգ, իլոն մասկ
Իլոն Մասկ. «Վերջացրու, մամ, ես միևնույն է՝ Ցուկերբերգի հետ կռվելու եմ»
Մոտ 500 տարի առաջ Ֆրանսիայի թագավորն արգելեց երկու անձանց միջև ընտրովի զենքով մենամարտերը, բայց դուելները չվերացան նույնիսկ այն ժամանակ, երբ դրանց մասնակիցների համար մահապատիժ սահմանվեց։
Բավական է հիշել, թե ինչ կատարվեց ֆրանսիացի երկու հայտնի բանաստեղծների՝ Պոլ Վերլենի և Արթյուր Ռեմբոյի միջև ուղիղ 150 տարի առաջ։
1873 թվականի հուլիսի 10-ին Բրյուսելում Պոլ Վերլենը կրակեց և ձեռքից վիրավորեց Արթյուր Ռեմբոյին։ Լիովին հարբած Վերլենը դրանից անմիջապես հետո միանգամից սթափվեց և մեկնելով ատրճանակը գետնին պառկած Ռեմբոյին, աղաչում էր վերցնել այն և սպանել իրեն։ Ռեմբոն չհամաձայնեց, երկուսով ուղևորվեցին հիվանդանոց, բայց ճանապարհին Վերլենը, որը քիչ առաջ ներողություն էր հայցում, կրկին փորձեց կրակել Ռեմբոյի վրա։ Արդյունքում ոստիկանները ձերբակալեցին Վերլենին, իսկ մյուս բանաստեղծին հասցրին հիվանդանոց։ Ահա այսպես են մենամարտում պոետները։
Առաջիկայում միգուցե հնարավորություն կունենանք տեսնելու, թե ինչպես են ռինգում կռվում ժամանակակից տեխնոլոգիաների հսկաները՝ Իլոն Մասկը և Մարկ Ցուկերբերգը։ Համենայնդեպս բուքմեյքերական գրասենյակներն արդեն սկսել են խաղադրույքներ ընդունել։
Կյանքումս երբեք այդ գրասենյակների ծառայություններից չեմ օգտվել, բայց հիմա խաղադրույքս՝ երեք հազար դրամով ավելացած թոշակս, Մարկ Ցուկերբերգի օգտին կլիներ։ Բոլորովին ոչ այն պատճառով, որ նա է ստեղծել «Ֆեյսբուքը»։ Խոստովանեմ, որ եթե լրագրող չլինեի, ընդհանրապես երբեք չէի օգտվի այդ սոցիալական ցանցից, որը բազմաթիվ հայաստանցիներ կամ նախկին հայաստանցիներ մեծ հաճույքով օգտագործում են անձնական վիրավորանքներ և հայհոյանքներ հնչեցնելու համար։ Բայց դա ուրիշ թեմա է։
Առաջին հայացքից, թվում է, թե Մասկը ռինգում ավելի շահեկան է նայվում։ Բոյը 186 սանտիմետր՝ մրցակցից 13 սանտիմետրով ավելի, ավելի հաղթանդամ է՝ 82 կիլոգրամ, այնինչ Ցուկերբերգը 70 կիլոգրամ է կշռում։ Վերջապես՝ ավելի փորձառու է, համենայնդեպս պնդում է, թե դպրոցական տարիներին բակում կռվելու մեծ փորձ է ձեռքբերել։ Մայրը՝ Մեյ Մասկը, տեղեկանալով, որ որդին մտադիր է մենամարտել Ցուկերբերգի հետ, գրել է, թե պարզապես արգելում է տղային դա անել։ Սակայն Մասկը մոր հորդորի տակ մեկնաբանություն է թողել. «Վերջացրու, մամ, ես միևնույն է՝ նրա հետ կռվելու եմ»։
Հիմա Ցուկերբերգի անձնական ցուցանիշները։ Մի անգամ մասնակցել է ֆիզիկական պատրաստության մրցումներին, վազել է մեկ մղոն, ինչից հետո կատարել է 100 ձգում, 200 հրում և 300 կքանստում, ու կրկին վազել մեկ մղոն՝ ընդ որում 10 կիլոգրամանոց մարզական բաճկոնով։ Հիշում եմ, թե ինչպես էինք ուժասպառ գետնին փռվում բանակային այսպես կոչվող մարշ-բրոսոկներից հետո, երբ վազում էինք ավտոմատով, սվինով, բահով, հակագազով և փամփշտակելներով։ Այ, հենց դրա համար էլ ողջ հարստությունս՝ այս ամսվա կենսաթոշակը, բուքմեյքերների մոտ Ցուկերբերգի անվան դիմաց կգրանցեմ։
Իրականում ինձ Ցուկերբերգի գաղափարն է գայթակղել, որն էլ նպաստել է երկու մեծահարուստների մենամարտի հավանականությանը։ Այդ գաղափարի էությունը շատ պարզ է ու հասկանալի՝ ոչ թե ստեղծել ինչ-որ նոր բան, այլ վերցնել արդեն գոյություն ունեցողն ու մրցակցին պատկանողը և բարձր պրոֆեսիոնալիզմի շնորհիվ ուղղակի աշխատեցնել այն շատ ավելի լավ, քան մրցակիցն է անում՝ խլելով նրա հաճախորդներին։
Իսկ գործնականում ամեն ինչ էսպիսի տեսք ունի՝ Իլոն Մասկը հսկայական գումար ծախսեց «Թվիթեր» հայտնի սոցիալական ցանցը ձեռքբերելու համար։ Ցուկերբերգը գնաց բոլորովին այլ ուղիով՝ պարզապես ստեղծեց «Թրեդս» նոր սոցիալական ցանցը, որը փաստորեն «Թվիթերի» նմանակն է, բայց ավելի գայթակղիչ օգտատերերի համար։ Դրա վառ ապացույցն է այն, որ այդ նոր սոցիալական ցանցը ընդամենը մի քանի օրում ունեցավ մի քանի տասնյակ միլիոն նոր օգտատեր, այդ թվում նաև Հայաստանում։
Իլոն Մասկը չի թաքցնում վրդովմունքը և պնդում է, որ Մարկ Ցուկերբերգը պարզապես գողություն է արել՝ աշխատանքի է ընդունել բոլոր այն մասնագետներին, որոնք հեռացել են «Թվիթերից», և նրանցից իմացել է «Թվիթերի» բոլոր գաղտնիքները։ Ցուկերբերգը հակադարձում է՝ անվանեք գեթ մեկ աշխատակցի, որին ես աշխատանքի եմ ընդունել «Թվիթերից» նրա հեռանալուց հետո։ Չկա նման մարդ։ Ուղղակի մենք շատ ավելի պրոֆեսիոնալ ենք՝ դա է գաղտնիքը։
Համաձայնեք, սա հիմնարար, սկզբունքային հարց է։ Վերջին հինգ տարիների մեր փորձը ակնհայտ դարձրեց, որ հենց պրոֆեսիոնալիզմի բացակայությունն է կանխորոշում դաժան պարտությունները թե ռազմի դաշտում, թե դիվանագիտական ասպարեզում, թե դատական համակարգում։ Ինչպես ասում էր Վլադիմիր Վիսոցկին. «Ես հարգում եմ բոլոր մասնագիտությունները, եթե իհարկե, այդ մասնագիտությամբ աշխատողն իրոք մասնագետ է»։
