https://arm.sputniknews.ru/20230710/2023-t-vec-amsum-hh-e-ekel-1-mln-zbvosashrjik-zbvosashrjutjan-kvomitei-hamar-da-annakhadep-e-62329772.html
Աննախադեպ ցուցանիշներ. 2023 թ. վեց ամսում ՀՀ է եկել 1 մլն զբոսաշրջիկ
Աննախադեպ ցուցանիշներ. 2023 թ. վեց ամսում ՀՀ է եկել 1 մլն զբոսաշրջիկ
Sputnik Արմենիա
Հայաստան մեծամասամբ այցելում են Ռուսաստանից. այս տարի զբոսաշրջիկների 52 տոկոսը եկել է հենց ՌԴ–ից, ապա` Վրաստանից ու Իրանից։ 10.07.2023, Sputnik Արմենիա
2023-07-10T12:09+0400
2023-07-10T12:09+0400
2023-07-10T12:12+0400
սիսիան պօղոսեան
զբոսաշրջություն
զբոսաշրջիկ
հայաստան
https://cdn.am.sputniknews.ru/img/197/90/1979097_0:139:1600:1039_1920x0_80_0_0_64f3f3f9c441968b283bd38ffd6305fe.jpg
ԵՐԵՎԱՆ, 10 հուլիսի – Sputnik. 2023 թ. առաջին կիսամյակում Հայաստան է այցելել 1 մլն զբոսաշրջիկ։ Լրագրողների հետ հանդիպմանն այսօր ասաց ՀՀ էկոնոմիկայի նախարարության զբոսաշրջության կոմիտեի նախագահ Սիսիան Պօղոսեանը` ներկայացնելով առաջին կիսամյակի զբոսաշրջային արդյունքները։Ըստ նրա` սա մինչև այժմ ունեցած լավագույն ցուցանիշն է։Նրա խոսքով` ամեն ինչ անում են, որպեսզի ՀՀ–ն լավագույնս ներկայացնեն ամբողջ աշխարհում, այն ավելի ճանաչելի դառնա հատկապես թիրախային երկրներում։ Բացի այդ, սոցցանցերում տարբեր օգտատերեր ևս հետաքրքիր նյութեր են հրապարակում Հայաստանի մասին։Զբոսաշրջության կոմիտեի նախագահը տեղեկացրեց նաև, որ փորձում են ընդլայնել համագործակցության շրջանակները, մասնավորապես սեպտեմբերին «Էյր Ֆրանսի» հետ ունեն միջոցառումների ծրագիր, ինչպես նաև «Էյր Բալթիկի» հետ մասնակցում են տարբեր միջազգային ցուցահանդեսների։ Բացի այդ, կոմիտեն ակտիվորեն զարգացնում է կապերը Իտալիայի հետ, մանավանդ այս պահին երկկողմանի չվերթներ են գործում երեք ուղղությամբ` Հռոմ, Վենետիկ, Միլան։ Հայաստանի զբոսաշրջային ներուժը կներկայացվի Պետերբուրգում՝ «ARMWINE–2023» ցուցահանդեսումԱվանդաբար, Հայաստան մեծամասամբ այցելում են Ռուսաստանից. այս տարի զբոսաշրջիկների 52 տոկոսը եկել է հենց ՌԴ–ից, ապա` Վրաստանից ու Իրանից։«Այս երկրները վերջին 10 տարում ՀՀ–ով ամենահետաքրքրված երկրներն են։ Մենք նաև ակտիվացնում ենք եվրոպական երկները` Ֆրանսիան, Գերմանիան։ Նաև Դուբայում բավականին հետաքրքիր արշավներ ունենք. բավականին մեծ հոսքեր ենք տեսնում Դուբայից դեպի ՀՀ»,– ընդգծեց Պողոսյանը։Ինչ վերաբերում է այն երկրներին, որոնք ՀՀ–ն չեն դիտարկում որպես անվտանգ երկիր ու վիզա չեն տրամադրում իրենց քաղաքացիներին, ապա, նրա խոսքով, այս պահին կոմիտեն ակտիվորեն աշխատում է ՀՀ ԱԳՆ և նաև դեսպանությունների հետ` այդ հարցերը կարգավորելու համար։ՀՀ զբոսաշրջության կոմիտեն արդեն փոփոխություններ է տեսնում այդ հարցում, օրինակ` Գերմանիան իր կայքում արդեն փոփոխություններ է մտցրել։Ի դեպ, ինչպես ամեն տարի, այնպես էլ այս անգամ ամռան ընթացքում Երևանում հյուրանոցների պակաս կզգացվի։ Խնդիրը լուծելու համար կոմիտեն զբոսաշրջիկներին սկսել է ուղղորդել նաև մարզեր։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
սիսիան պօղոսեան, զբոսաշրջություն , զբոսաշրջիկ, հայաստան
սիսիան պօղոսեան, զբոսաշրջություն , զբոսաշրջիկ, հայաստան
Աննախադեպ ցուցանիշներ. 2023 թ. վեց ամսում ՀՀ է եկել 1 մլն զբոսաշրջիկ
12:09 10.07.2023 (Թարմացված է: 12:12 10.07.2023) Հայաստան մեծամասամբ այցելում են Ռուսաստանից. այս տարի զբոսաշրջիկների 52 տոկոսը եկել է հենց ՌԴ–ից, ապա` Վրաստանից ու Իրանից։
ԵՐԵՎԱՆ, 10 հուլիսի – Sputnik. 2023 թ. առաջին կիսամյակում Հայաստան է այցելել 1 մլն զբոսաշրջիկ։ Լրագրողների հետ հանդիպմանն այսօր ասաց ՀՀ էկոնոմիկայի նախարարության զբոսաշրջության կոմիտեի նախագահ Սիսիան Պօղոսեանը` ներկայացնելով առաջին կիսամյակի զբոսաշրջային արդյունքները։
Ըստ նրա` սա մինչև այժմ ունեցած լավագույն ցուցանիշն է։
«Եթե համեմատում ենք 2019 թ հետ, որը մինչ օրս մեր ունեցած զբոսաշրջային ամենալավ տարին է եղել, այս տարվա առաջին վեց ամսում արդեն 30 տոկոսի աճ ենք տեսնում։ Եթե 2019 թ. ավարտել ենք 1 մլն 900 հազար ցուցանիշով, ապա այս տարի այս տեմպերով կկարողանանք գերազնացել 2 մլն–ի սահմանը»,– վստահեցրեց Պօղոսեանը։
Նրա խոսքով` ամեն ինչ անում են, որպեսզի ՀՀ–ն լավագույնս ներկայացնեն ամբողջ աշխարհում, այն ավելի ճանաչելի դառնա հատկապես թիրախային երկրներում։ Բացի այդ, սոցցանցերում տարբեր օգտատերեր ևս հետաքրքիր նյութեր են հրապարակում Հայաստանի մասին։
Զբոսաշրջության կոմիտեի նախագահը տեղեկացրեց նաև, որ փորձում են ընդլայնել համագործակցության շրջանակները, մասնավորապես սեպտեմբերին «Էյր Ֆրանսի» հետ ունեն միջոցառումների ծրագիր, ինչպես նաև «Էյր Բալթիկի» հետ մասնակցում են տարբեր միջազգային ցուցահանդեսների։ Բացի այդ, կոմիտեն ակտիվորեն զարգացնում է կապերը Իտալիայի հետ, մանավանդ այս պահին երկկողմանի չվերթներ են գործում երեք ուղղությամբ` Հռոմ, Վենետիկ, Միլան։
Ավանդաբար, Հայաստան մեծամասամբ այցելում են Ռուսաստանից. այս տարի զբոսաշրջիկների 52 տոկոսը եկել է հենց ՌԴ–ից, ապա` Վրաստանից ու Իրանից։
«Այս երկրները վերջին 10 տարում ՀՀ–ով ամենահետաքրքրված երկրներն են։ Մենք նաև ակտիվացնում ենք եվրոպական երկները` Ֆրանսիան, Գերմանիան։ Նաև Դուբայում բավականին հետաքրքիր արշավներ ունենք. բավականին մեծ հոսքեր ենք տեսնում Դուբայից դեպի ՀՀ»,– ընդգծեց Պողոսյանը։
Ինչ վերաբերում է այն երկրներին, որոնք ՀՀ–ն չեն դիտարկում որպես անվտանգ երկիր ու վիզա չեն տրամադրում իրենց քաղաքացիներին, ապա, նրա խոսքով, այս պահին կոմիտեն ակտիվորեն աշխատում է ՀՀ ԱԳՆ և նաև դեսպանությունների հետ` այդ հարցերը կարգավորելու համար։
ՀՀ զբոսաշրջության կոմիտեն արդեն փոփոխություններ է տեսնում այդ հարցում, օրինակ` Գերմանիան իր կայքում արդեն փոփոխություններ է մտցրել։
Ի դեպ, ինչպես ամեն տարի, այնպես էլ այս անգամ ամռան ընթացքում Երևանում հյուրանոցների պակաս կզգացվի։ Խնդիրը լուծելու համար կոմիտեն զբոսաշրջիկներին սկսել է ուղղորդել նաև մարզեր։
