https://arm.sputniknews.ru/20230628/qani-ashkhatategh-e-eghel-hajastanum-2023-i-majisin-61822935.html
Քանի աշխատատեղ է եղել Հայաստանում 2023-ի մայիսին
Քանի աշխատատեղ է եղել Հայաստանում 2023-ի մայիսին
Sputnik Արմենիա
Վերջին մեկ տարվա ընթացքում ամենաշատ աշխատատեղերը բացվել են ոչ թե ՏՏ կամ ծառայությունների ոլորտում, ինչպես կարելի էր ենթադրել, այլ մշակող արդյունաբերության։ 28.06.2023, Sputnik Արմենիա
2023-06-28T11:10+0400
2023-06-28T11:10+0400
2023-06-28T11:10+0400
ինֆոգրաֆիկա
աշխատատեղ
հայաստան
արդյունաբերություն
զբոսաշրջություն
տտ
ռելոկանտ
https://cdn.am.sputniknews.ru/img/07e7/06/1b/61822325_0:0:1411:793_1920x0_80_0_0_266183aa49fa0477616a92806e7cf499.png
Հայաստանում 5 տարվա ընթացքում պաշտոնապես գրանցված աշխատատեղերի քանակն աճել է շուրջ 32%–ով կամ մոտ 173 հազարով։ Աճը դանդաղեց համավարակի և 44-օրյա պատերազմի ժամանակ, վերականգնվեց հետագայում։ Այդ 173 հազարի մեջ են մտնում ոչ միայն նոր բացված աշխատատեղերը, այլև նրանք, որոնք դուրս են բերվել ստվերից (առանձին վիճակագրություն չի հրապարակվում)։Ինչ վերաբերում է վերջին մեկ տարվա դինամիկային, ապա ամենաշատ աշխատատեղերը բացվել են ոչ թե ՏՏ ոլորտում (ինչպես կարելի էր ենթադրել ռուսաստանցիների ներհոսքը հաշվի առնելով), այլ մշակող (այսինքն ոչ հումքային) արդյունաբերության։ Մասամբ արդյունաբերության ակտիվությունը պահպանում է շինարարությունը սպասարկող ցեմենտի, ամրանների արտադրությունը և այլն, մասամբ` մեծ ծավալներով նոր սարքավորումների ձեռքբերումը։Որքա՞ն է ավելացել եկամուտ ստացող աշխատատեղերի թիվը ՀՀ–ում. ՊԵԿ–ը ցուցանիշներ է հրապարակելԻնչպես մեկը, այնպես էլ մյուսը խթանում է պետությունը։ Շինարարական բումին աջակցում է հիփոթեքային վարկերի սուբսիդավորումը, իսկ հաստոցների ձեռքբերմանը` արդյունաբերական վարկերի և լիզինգի սուբսիդավորումը։Աշխատատեղերի ավելացման հարցում արդյունաբերական ոլորտը գերազանցել է և՛ շինարարական, և՛ հյուրանոցային, և՛ զվարճանքների բիզնեսի (այն դեպքում, երբ այն բավական աշխուժացել է նույն ռուսաստանցիների ներհոսքով) ոլորտներին։ Միևնույն ժամանակ պետք է հաշվի առնել, որ վերջին երեք ոլորտներում կադրերի մեծ արտահոսք կա, չգրանցված աշխատակիցների դեպքերն էլ, որպես կանոն, ավելի շատ են։Գյուղատնտեսության մեջ զգալի ավելացումը պայմանավորված է ագրոարդյունաբերության նոր օբյեկտների ի հայտ գալով (այդ թվում` ջերմոցներ և մեծ ինտենսիվ այգիներ)։2019–ից ի վեր ՀՀ–ում աշխատատեղերին առնչվող ցուցանիշները ուռճացված են. ՄանասերյանԿոմունալ ծառայությունների բնագավառում աշխատատեղերը կրճատվել են. կոմունալ ծառայությունների օպերատորները կրճատում են հաշվիչների տվյալները հավաքագրող տեսուչներին` իրենց ցուցմունքների հավաքագրումը տեղափոխելով առցանց տիրույթ։Աղբյուրը` ՀՀ ազգային վիճակագրական կոմիտե www.armstat.am
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ինֆոգրաֆիկա, инфографика, աշխատատեղ, հայաստան, արդյունաբերություն, զբոսաշրջություն , տտ, ռելոկանտ
ինֆոգրաֆիկա, инфографика, աշխատատեղ, հայաստան, արդյունաբերություն, զբոսաշրջություն , տտ, ռելոկանտ
Քանի աշխատատեղ է եղել Հայաստանում 2023-ի մայիսին
Վերջին մեկ տարվա ընթացքում ամենաշատ աշխատատեղերը բացվել են ոչ թե ՏՏ կամ ծառայությունների ոլորտում, ինչպես կարելի էր ենթադրել, այլ մշակող արդյունաբերության։
Հայաստանում 5 տարվա ընթացքում պաշտոնապես գրանցված աշխատատեղերի քանակն աճել է շուրջ 32%–ով կամ մոտ 173 հազարով։ Աճը դանդաղեց համավարակի և 44-օրյա պատերազմի ժամանակ, վերականգնվեց հետագայում։ Այդ 173 հազարի մեջ են մտնում ոչ միայն նոր բացված աշխատատեղերը, այլև նրանք, որոնք դուրս են բերվել ստվերից (առանձին վիճակագրություն չի հրապարակվում)։
Ինչ վերաբերում է վերջին մեկ տարվա դինամիկային, ապա ամենաշատ աշխատատեղերը բացվել են ոչ թե ՏՏ ոլորտում (ինչպես կարելի էր ենթադրել ռուսաստանցիների ներհոսքը հաշվի առնելով), այլ մշակող (այսինքն ոչ հումքային) արդյունաբերության։ Մասամբ արդյունաբերության ակտիվությունը պահպանում է շինարարությունը սպասարկող ցեմենտի, ամրանների արտադրությունը և այլն, մասամբ` մեծ ծավալներով նոր սարքավորումների ձեռքբերումը։
Ինչպես մեկը, այնպես էլ մյուսը խթանում է պետությունը։ Շինարարական բումին աջակցում է հիփոթեքային վարկերի սուբսիդավորումը, իսկ հաստոցների ձեռքբերմանը` արդյունաբերական վարկերի և լիզինգի սուբսիդավորումը։
Աշխատատեղերի ավելացման հարցում արդյունաբերական ոլորտը գերազանցել է և՛ շինարարական, և՛ հյուրանոցային, և՛ զվարճանքների բիզնեսի (այն դեպքում, երբ այն բավական աշխուժացել է նույն ռուսաստանցիների ներհոսքով) ոլորտներին։ Միևնույն ժամանակ պետք է հաշվի առնել, որ վերջին երեք ոլորտներում կադրերի մեծ արտահոսք կա, չգրանցված աշխատակիցների դեպքերն էլ, որպես կանոն, ավելի շատ են։
Գյուղատնտեսության մեջ զգալի ավելացումը պայմանավորված է ագրոարդյունաբերության նոր օբյեկտների ի հայտ գալով (այդ թվում` ջերմոցներ և մեծ ինտենսիվ այգիներ)։
Կոմունալ ծառայությունների բնագավառում աշխատատեղերը կրճատվել են. կոմունալ ծառայությունների օպերատորները կրճատում են հաշվիչների տվյալները հավաքագրող տեսուչներին` իրենց ցուցմունքների հավաքագրումը տեղափոխելով առցանց տիրույթ։
Աղբյուրը` ՀՀ ազգային վիճակագրական կոմիտե
www.armstat.am
