https://arm.sputniknews.ru/20230615/bacahajtel-hivandutjuny-14-rvopeum-meghrii-bk-um-rusakan-bzhshkakan-hamalir-e-teghadrvel-61253804.html

Բացահայտել հիվանդությունը 14 րոպեում․ Մեղրիի ԲԿ-ում ռուսական բժշկական համալիր է տեղադրվել

Բացահայտել հիվանդությունը 14 րոպեում․ Մեղրիի ԲԿ-ում ռուսական բժշկական համալիր է տեղադրվել

Sputnik Արմենիա

Ծրագրային-ապարատային համալիրները թույլ են տալիս նվազեցնել սրտանոթային պատահարների ռիսկը, ինչպես նաև բացահայտել շաքարային դիաբետի ռիսկի խմբում գտնվող... 15.06.2023, Sputnik Արմենիա

2023-06-15T21:15+0400

2023-06-15T21:15+0400

2023-06-16T09:24+0400

մեղրի

հիվանդություն

հիվանդանոց

սարք

ռուսաստան

https://cdn.am.sputniknews.ru/img/07e7/06/0f/61245259_0:50:1600:951_1920x0_80_0_0_72f8c36021ea94411b263cc7a488cc2e.jpg

ԵՐԵՎԱՆ, 15 հունիսի - Sputnik. Սյունիքի մարզում հիվանդությունների ախտորոշման առաջին բժշկական ծրագրային-ապարատային համալիրն է բերվել: Այսօր «Մեղրիի տարածաշրջանային բժշկական կենտրոնում» տեղադրվել է Մոսկվայի Լոմոնոսովի անվան պետական ​​համալսարանի բժշկական գիտահետազոտական ​​և կրթական կենտրոնի տրամադրած համակարգը։Համակարգը ձեռք է բերվել Զանգեզուրի պղնձամոլիբդենային կոմբինատի ֆինանսական աջակցությամբ և տեղադրվել «Ժառանգություն և առաջընթաց» հիմնադրամի նախաձեռնությամբ ու ՌԴ նախագահի և Սյունիքի մարզի վարչակազմերի աջակցությամբ։Ինչպես Sputnik Արմենիային պատմեց Մոսկվայի Մ․Վ Լոմոնոսովի անվան պետական համալսարանի հեռաբժշկության կենտրոնի ղեկավար Արտաշես Արմագանովը, համալիրը բժիշկներին թույլ է տալիս 14 րոպեում ընդհանուր պատկերացում կազմել հիվանդի վիճակի մասին, ինչպես նաև տեղեկացնում է այն հիվանդությունների մասին, որոնք կարող են ծագել ապագայում:Բժշկական համալիրը նախատեսված է պրոֆիլակտիկ, ախտորոշիչ հետազոտությունների համար: Այն ընտանեկան բժշկի, բուժկետի յուրատեսակ օգնականն է։«Շարքն ընդարձակ է, և բժշկական համալիրը կարող է վերազինվել տարբեր սարքերով։ Մեր համակարգում բոլոր արդյունքները հրապարակվում են՝ հաշվի առնելով հարցաթերթիկների պահանջները, որոնք հիվանդը պետք է անցնի, հիմնվելով մեր վերցրած ֆիզիոլոգիական ցուցանիշների վրա: Արհեստական ինտելեկտն իր հերթին բժշկին ցույց է տալիս ռիսկի գործոնները»,-ասաց Արմագանովը։Նրա խոսքով՝ ներկայումս կարելի է կանխատեսել շաքարախտի, սրտային հիվանդությունների զարգացումը։ Ուռուցքաբանությունը ցուցակում չկա, քանի որ այն խորը հետազոտություն է պահանջում: Համալիրը կարող է նաև հաշվարկել երեք ցուցանիշ՝ հեմոգլոբինը, խոլեստերինն ու գլյուկոզան:Արմագանովը նշեց, որ համալիրը լայնորեն օգտագործվում է Ռուսաստանի բազմաթիվ շրջաններում։ Այն թույլ է տալիս նվազեցնել սրտանոթային հիվանդություններ ունեցող բուժառուներին մահացությունը։Ապագայում հնարավոր է հետազոտված հիվանդների տվյալների ներմուծումը «Արմեդ» ազգային էլեկտրոնային հավելված:Բժշկական համալիր է տեղադրվել նաև Քաջարանում, վաղը նման բան կներդրվի Կապանի բժշկական կենտրոնում։ Ընդհանուր առմամբ, տարածաշրջանում 13 այդպիսի ծրագրային-ապարատային համալիր կլինի։«Մեղրիի տարածաշրջանային բժշկական կենտրոնի» տնօրեն Լուսինե Վարդանյանն իր հերթին նախաձեռնությունը կարևոր և անհրաժեշտ է համարում տարածաշրջանի համար: Նա վստահ է, որ համալիրը կհեշտացնի ինչպես մարզի բնակիչների, այնպես էլ բժիշկների կյանքը։

մեղրի

2023

Լուրեր

am_HY

մեղրի, հիվանդություն, հիվանդանոց, սարք, ռուսաստան