https://arm.sputniknews.ru/20230614/mph-andami-teknatsun-himnavvor-hamarec-serzh-sargsjani-mitqy-menashnvorhneri-masin-61117897.html
ՄՊՀ անդամի թեկնածուն հիմնավոր համարեց Սերժ Սարգսյանի միտքը մենաշնորհների մասին
ՄՊՀ անդամի թեկնածուն հիմնավոր համարեց Սերժ Սարգսյանի միտքը մենաշնորհների մասին
Sputnik Արմենիա
Ըստ Անահիտ Սարգսյանի` կոնկրետ ապրանքատեսակների ներկրման դեպքում կա մասշտաբի էֆեկտ։ 14.06.2023, Sputnik Արմենիա
2023-06-14T13:03+0400
2023-06-14T13:03+0400
2023-06-14T13:04+0400
մրցակցության պաշտպանության հանձնաժողով
անահիտ սարգսյան
աժ (ազգային ժողով)
https://cdn.am.sputniknews.ru/img/07e6/03/0c/39686364_0:535:960:1075_1920x0_80_0_0_99cc04cab311b5961713e6f9c8c40c32.jpg
ԵՐԵՎԱՆ, 14 հունիսի–Sputnik. ՀՀ մրցակցության պաշտպանության հանձնաժողովի անդամի` ընդդիմության թեկնածու Անահիտ Սարգսյանը կարծում է, որ Հայաստանի նման փոքր երկրի դեպքում շաքարավազ ներկրող միանգամից մի քանի խոշոր ընկերության առկայությունը խնդիր է։ԱԺ–ում այսօր «Քաղաքացիական պայմանագիր» խմբակցության պատգամավոր Արման Եղոյանը նրան հիշեցրեց 2014 թ. Սերժ Սարգսյանի խոսքերը` Չեխիայում հայ համայնքի հետ հանդիպման ժամանակ, երբ ասել էր, որ ՀՀ–ի նման փոքր երկրում 10 տնտեսվարող չի կարող շաքար ներկրի։«Այս պնդումը գիտականորեն, տնտեսագիտորեն ճի՞շտ է արդյոք»,– նկատեց պատգամավորը։Ի պատասխան Անահիտ Սարգսյանն ասաց, որ իրականում կա նման բան` կա մասշտաբի էֆեկտ։ Ինչու է աշխարհում շաքարավազը թանկանում, և ինչ սպասել ապագայում«Երբ մտանք ԵԱՏՄ, փոքր ընկերությունները սկսեցին ավելի էժան գներով շաքարավազ ներկրել, քան մինչ այդ այլ երկրներից։ Հետագայում այդ ընկերությունները չկարողացան շարունակել գործունեությունը, քանի որ չկարողացան դիմանալ մրվցակցությանը. կար խոշոր ներկրող, որի մոտ ինքնարժեքն ավելի ցածր էր, ու փոքր ընկերությունները չդիմացան այդ մրցակցությանը»,– նկատեց Անահիտ Սարգսյանը։Գերիշխող դիրք ունեցող ընկերությունների մասին իշխող խմբակցության պատգամավոր Սիսակ Գաբրիելյանի հարցին ի պատասխան էլ նա նշեց, որ գերիշխող դիրք ունենալը դա պետության կամ տնտեսության համար վնաս չէ ի տարբերություն մենաշնորհների, որոնք իսկապես վնաս են։Ըստ նրա` բնական մենաշնորհները հնարվորինս պետք է քչանան` որքանով որ դա տեխնոլոգիապես հնարավոր է։Անահիտ Սարգսյանն անդրադարձավ նաև մեկ անձից գնումներին` նշելով, որ եթե 2020 թ. դա պայմանավորված է եղել քովիդով և կազմել է 43.6 տոկոս, ապա 2021 թ. մեկ անձից գնումը կազմել է 33.6 տոկոս, 2022 թ.՝ 36.8 տոկոս։ Այս պարագայում նա կոնկրետ խնդիր է տեսնում։Նշենք, որ «Հայաստան» և «Պատիվ ունեմ» խմբակցությունները մրցակցության պաշտպանության հանձնաժողովի անդամի թեկնածու են առաջադրել Անահիտ Սարգսյանին։ Նա 2009–2019 թթ. աշխատել է ՄՊՀ–ում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մրցակցության պաշտպանության հանձնաժողով, անահիտ սարգսյան, աժ (ազգային ժողով)
մրցակցության պաշտպանության հանձնաժողով, անահիտ սարգսյան, աժ (ազգային ժողով)
ՄՊՀ անդամի թեկնածուն հիմնավոր համարեց Սերժ Սարգսյանի միտքը մենաշնորհների մասին
13:03 14.06.2023 (Թարմացված է: 13:04 14.06.2023) Ըստ Անահիտ Սարգսյանի` կոնկրետ ապրանքատեսակների ներկրման դեպքում կա մասշտաբի էֆեկտ։
ԵՐԵՎԱՆ, 14 հունիսի–Sputnik. ՀՀ մրցակցության պաշտպանության հանձնաժողովի անդամի` ընդդիմության թեկնածու Անահիտ Սարգսյանը կարծում է, որ Հայաստանի նման փոքր երկրի դեպքում շաքարավազ ներկրող միանգամից մի քանի խոշոր ընկերության առկայությունը խնդիր է։
ԱԺ–ում այսօր «Քաղաքացիական պայմանագիր» խմբակցության պատգամավոր Արման Եղոյանը նրան հիշեցրեց 2014 թ. Սերժ Սարգսյանի խոսքերը` Չեխիայում հայ համայնքի հետ հանդիպման ժամանակ, երբ ասել էր, որ ՀՀ–ի նման փոքր երկրում 10 տնտեսվարող չի կարող շաքար ներկրի։
«Այս պնդումը գիտականորեն, տնտեսագիտորեն ճի՞շտ է արդյոք»,– նկատեց պատգամավորը։
Ի պատասխան Անահիտ Սարգսյանն ասաց, որ իրականում կա նման բան` կա մասշտաբի էֆեկտ։
«Երբ մտանք ԵԱՏՄ, փոքր ընկերությունները սկսեցին ավելի էժան գներով շաքարավազ ներկրել, քան մինչ այդ այլ երկրներից։ Հետագայում այդ ընկերությունները չկարողացան շարունակել գործունեությունը, քանի որ չկարողացան դիմանալ մրվցակցությանը. կար խոշոր ներկրող, որի մոտ ինքնարժեքն ավելի ցածր էր, ու փոքր ընկերությունները չդիմացան այդ մրցակցությանը»,– նկատեց Անահիտ Սարգսյանը։
Գերիշխող դիրք ունեցող ընկերությունների մասին իշխող խմբակցության պատգամավոր Սիսակ Գաբրիելյանի հարցին ի պատասխան էլ նա նշեց, որ գերիշխող դիրք ունենալը դա պետության կամ տնտեսության համար վնաս չէ ի տարբերություն մենաշնորհների, որոնք իսկապես վնաս են։
«Օրենքն էլ չի արգելում սուբյեկտին` գերիշխող դիրք ունենալ, այլ արգելում է գերիշխող դիրքի չարաշահումները։ Հանձնաժողովի գործառույթն է, որ վերահսկի դա ու թույլ չտա այդ չարաշահումները»,– ընդգծեց ընդդիմության թեկնածուն։
Ըստ նրա` բնական մենաշնորհները հնարվորինս պետք է քչանան` որքանով որ դա տեխնոլոգիապես հնարավոր է։
Անահիտ Սարգսյանն անդրադարձավ նաև մեկ անձից գնումներին` նշելով, որ եթե 2020 թ. դա պայմանավորված է եղել քովիդով և կազմել է 43.6 տոկոս, ապա 2021 թ. մեկ անձից գնումը կազմել է 33.6 տոկոս, 2022 թ.՝ 36.8 տոկոս։ Այս պարագայում նա կոնկրետ խնդիր է տեսնում։
Նշենք, որ «Հայաստան» և «Պատիվ ունեմ» խմբակցությունները մրցակցության պաշտպանության հանձնաժողովի անդամի թեկնածու են առաջադրել Անահիտ Սարգսյանին։ Նա 2009–2019 թթ. աշխատել է ՄՊՀ–ում։
