https://arm.sputniknews.ru/20230612/vov-e-meghavvor-tsaghkadzvori-kisaqand-pvoghvocneri-hamar-marzpety-vorvosh-manramasner-e-patmum-61015362.html
Ո՞վ է մեղավոր Ծաղկաձորի կիսաքանդ փողոցների համար. մարզպետը որոշ մանրամասներ է պատմում
Ո՞վ է մեղավոր Ծաղկաձորի կիսաքանդ փողոցների համար. մարզպետը որոշ մանրամասներ է պատմում
Sputnik Արմենիա
Մեկ քրեական վարույթ արդեն հարուցված է։ Կոտայքի մարզպետը չի բացառում, որ մոտ ապագայում նաև երկրորդը կհարուցվի։ 12.06.2023, Sputnik Արմենիա
2023-06-12T22:10+0400
2023-06-12T22:10+0400
2023-06-12T22:10+0400
ռադիո
պոդկաստ
ծաղկաձոր
ճանապարհ
շինարարություն
քրեական գործ
https://cdn.am.sputniknews.ru/img/07e7/06/0c/61011825_0:157:1499:1000_1920x0_80_0_0_be4fd173485240769671c50287c09b46.jpg
Ո՞վ է մեղավոր Ծաղկաձորի կիսաքանդ փողոցների համար. Մարզպետը որոշ մանրամասներ է պատմում
Sputnik Արմենիա
Ո՞վ է մեղավոր Ծաղկաձորի կիսաքանդ փողոցների համար. Մարզպետը որոշ մանրամասներ է պատմում
2022թ–ի հոկտեմբերից Ծաղկաձորում մեկնարկած լայնածավալ ճանապարհաշինական աշխատանքները, որոնք նախատեսված էր ավարտել մինչև ամառային զբոսաշրջային սեզոնի մեկնարկը, ոչ միայն ավարտված չեն, այլև տևական ժամանակ ուղղակի դադարեցված էին։ Պատճառը շինարարության մեջ հայտնաբերված լուրջ թերացումներն են եղել, որոնք արդեն իսկ քրեական վարույթի հիմք են դարձել։ Այս մասին Sputnik Արմենիայի հետ զրույցում ասաց Կոտայքի մարզպետ Ահարոն Սահակյանը։Վեճի հիմնական առարկան քաղաքի ստորգետնյա կոյուղագծերն են։Մայրապետյանից և Շահգալդյանից ՀՀ-ին կվերադարձվեն Ծաղկաձորի անտառային հողատարածքներըՇինարարարության պատասխանատուն` «Գլավդոստրոյ» բաժնետիրական ընկերությունը, պնդում է, որ պայմանագրով նախատեսված աշխատանքը կատարվել է։ Համայնքն ու մարզպետարանն արված աշխատանքը չեն ընդունել` պնդելով, որ այն ճիշտ չի կատարվել։«Գործը կգնա դատարան, կհասկանանք` ով է ճիշտ, ով` սխալ»,– ասաց Սահակյանը։Մինչ նախաքննական մարմինները փորձում են պարզել Ծաղկաձորի կիսավեր փողոցների իրական մեղավորին, քաղաքում արդեն շուրջ մեկ շաբաթ է` վերսկսվել են շինարարական աշխատանքները։Լավ խորովածանոց կլինի. Ծաղկաձորի, Արզնիի, Լոռու անտառները վարձակալության են տրվումՇինարարական նախորդ կազմակերպության հետ պայմանագիրը խզվել է, կնքվել է երկրորդը` նոր շինարարի հետ, որն էլ շարունակում է կիսատ մնացած աշխատանքները։Մարզպետը հույս ունի, որ այս ընկերության հետ խնդիրներ չեն ծագի։ Հատկապես, որ խոսքը հայաստանյան զբոսաշրջության առաջատար բնակավայրի մասին է։Ինչ վերաբերում է զբոսաշրջային ակտիվ սեզոնի ընթացքում Ծաղկաձորի փողոցների անմխիթար վիճակի պատճառով տնտեսվարողների կրած հնարավոր վնասներին, մարզպետը պարզաբանեց, որ նրանք փոխհատուցման հարցը կարող են առաջ քաշել միայն այն բանից հետո, երբ դատարանի վերջնական վճռով հայտնի կդառնա ստեղծված վիճակի իրական պատասխանատուն։
ծաղկաձոր
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, ծաղկաձոր, ճանապարհ, շինարարություն, քրեական գործ, аудио
պոդկաստ, ծաղկաձոր, ճանապարհ, շինարարություն, քրեական գործ, аудио
Ո՞վ է մեղավոր Ծաղկաձորի կիսաքանդ փողոցների համար. մարզպետը որոշ մանրամասներ է պատմում
Մեկ քրեական վարույթ արդեն հարուցված է։ Կոտայքի մարզպետը չի բացառում, որ մոտ ապագայում նաև երկրորդը կհարուցվի։
2022թ–ի հոկտեմբերից Ծաղկաձորում մեկնարկած լայնածավալ ճանապարհաշինական աշխատանքները, որոնք նախատեսված էր ավարտել մինչև ամառային զբոսաշրջային սեզոնի մեկնարկը, ոչ միայն ավարտված չեն, այլև տևական ժամանակ ուղղակի դադարեցված էին։ Պատճառը շինարարության մեջ հայտնաբերված լուրջ թերացումներն են եղել, որոնք արդեն իսկ քրեական վարույթի հիմք են դարձել։ Այս մասին
Sputnik Արմենիայի հետ զրույցում ասաց Կոտայքի մարզպետ Ահարոն Սահակյանը։
«Նախագծում փոփոխություններ անելու կարիք էր առաջացել, ինչպես նաև շինարարի հետ խնդիրներ ունեինք։ Քրեական գործ է հարուցվել։ Ես չեմ բացառում, որ մոտ ժամանակներս երկրորդ քրեական գործը կհարուցվի։ Այդ աշխատանքներում բավական լուրջ խախտումներ ենք հայտնաբերել»,– ասաց Սահակյանը։
Վեճի հիմնական առարկան քաղաքի ստորգետնյա կոյուղագծերն են։
Շինարարարության պատասխանատուն` «Գլավդոստրոյ» բաժնետիրական ընկերությունը, պնդում է, որ պայմանագրով նախատեսված աշխատանքը կատարվել է։ Համայնքն ու մարզպետարանն արված աշխատանքը չեն ընդունել` պնդելով, որ այն ճիշտ չի կատարվել։
«Վարույթը կոնկրետ շինարարական կազմակերպության մասով չէ։ Կարող է և համայնքը մեղավոր դուրս գա։ Ես չեմ բացառում։ Վարույթը ընդհանուր շինարարական աշխատանքների հետ է կապված։ Ես չեմ ցանկանա որևէ կողմին մեղադրել»– ասաց մարզպետը` չցանկանալով մինչ քրեական վարույթի ավարտը գնահատականներ տալ կամ գործի վերաբերյալ մանրամասներ հայտնել։
«Գործը կգնա դատարան, կհասկանանք` ով է ճիշտ, ով` սխալ»,– ասաց Սահակյանը։
Մինչ նախաքննական մարմինները փորձում են պարզել Ծաղկաձորի կիսավեր փողոցների իրական մեղավորին, քաղաքում արդեն շուրջ մեկ շաբաթ է` վերսկսվել են շինարարական աշխատանքները։
Շինարարական նախորդ կազմակերպության հետ պայմանագիրը խզվել է, կնքվել է երկրորդը` նոր շինարարի հետ, որն էլ շարունակում է կիսատ մնացած աշխատանքները։
Մարզպետը հույս ունի, որ այս ընկերության հետ խնդիրներ չեն ծագի։ Հատկապես, որ խոսքը հայաստանյան զբոսաշրջության առաջատար բնակավայրի մասին է։
«Մենք գիտակցում ենք, որ այդ շինարարության հետևանքով մեր տնտեսվարողները լուրջ վնասներ են կրում։ Հիմա ամեն ինչ անում ենք, որ ինչքան հնարավոր է` արագ վերականգնվի քաղաքի բնականոն կյանքը»,– ասում է նա։
Ինչ վերաբերում է զբոսաշրջային ակտիվ սեզոնի ընթացքում Ծաղկաձորի փողոցների անմխիթար վիճակի պատճառով տնտեսվարողների կրած հնարավոր վնասներին, մարզպետը պարզաբանեց, որ նրանք փոխհատուցման հարցը կարող են առաջ քաշել միայն այն բանից հետո, երբ դատարանի վերջնական վճռով հայտնի կդառնա ստեղծված վիճակի իրական պատասխանատուն։
