https://arm.sputniknews.ru/20230612/pekinum-erkrpagunery-messiin-pakel-en-hjuranvocum-61002566.html
Պեկինում երկրպագուները Մեսսիին փակել են հյուրանոցում
Պեկինում երկրպագուները Մեսսիին փակել են հյուրանոցում
Sputnik Արմենիա
Արգենտինացին աշխարհի չեմպիոն է, Ամերիկայի գավաթակիր և «Ոսկե գնդակի» 7-ակի դափնեկիր։ 12.06.2023, Sputnik Արմենիա
2023-06-12T13:24+0400
2023-06-12T13:24+0400
2023-06-12T13:24+0400
լիոնել մեսսի
երկրպագու
հյուրանոց
ֆուտբոլ
ֆուտբոլիստ
https://cdn.am.sputniknews.ru/img/07e5/08/09/28614232_0:0:1601:901_1920x0_80_0_0_1e16d1e22679cb59db5a48c9d43afc7f.jpg
ԵՐԵՎԱՆ, 12 հունիսի – Sputnik. Արգենտինայի ֆուտբոլի հավաքականի հարձակվող Լիոնել Մեսսիի շուրջ Չինաստանում ստեղծված իրարանցումն այնքան մեծ էր, որ ֆուտբոլիստը, փաստորեն, գրեթե փակված է մնացել Պեկինի հյուրանոցում։ Այս մասին գրում է Չինաստանի Global Times պետական պարբերականը։Մեսսին Պեկին է ժամանել շաբաթ օրը։ Նրա ազգային թիմը Ավստրալիայի հավաքականի հետ կհանդիպի Չինաստանի մայրաքաղաքում հունիսի 15-ի ընկերական խաղում։Պարբերականը գրում է, որ Արգենտինայի հավաքականի մարզումն ի սկզբանե նախատեսվում էր կիրակի երեկոյան Պեկինի մարզական կենտրոններից մեկում։ Սակայն «անհավանական կրքոտ» երկրպագուների պատճառով, որոնք հավաքվել էին Արգենտինայի հավաքականի հյուրանոցի մոտ, թիմը «չի կարողացել լքել հյուրանոցը, և մարզումները ստիպված են եղել չեղարկել։Պարբերականը նշում է, որ չինացի երկրպագուներից մեկը, նախքան հայտնի դառնալը, թե որտեղ է կայանելու Մեսսիին, համարներ էր ամրագրել մայրաքաղաքի 4 շքեղ հյուրանոցներում` ծախսելով ավելի քան 10 հազար յուան (շուրջ 1400 դոլար), որպեսզի հնարավորություն ունենա հանդիպելու աշխարհահռչակ ֆուտբոլիստի հետ։Ավելի վաղ La Gazzetta dello Sport–ը հայտնել էր, որ Չինաստան Մեսսիի ժամանելուց հետո համացանցում մի շարք կասկածելի առաջարկներ էին հայտնվել, այդ թվում 650 եվրոյով մարզադաշտ անցնելու, արգենտինացու ստորագրությամբ մարզաշապիկով, առաջին շարքում տեղերով և ֆուտբոլիստի հետ լուսանկարով անհատական VIP փաթեթի վերաբերյալ։ Ոստիկանության տվյալներով` վերավաճառողները համացանցում սկզբնական արժեքից 3 անգամ թանկ են վաճառում տոմսերը` չնայած նրան, որ մարզադաշտ մտնելու համար անհրաժեշտ է ներկայացնել վճարման կտրոնն ու անձը հաստատող փաստաթուղթ։Շնորհակալություն Փարիզին. Լիոնել Մեսսին հեռացավ ՊՍԺ-իցՖրանսիական «Պարի Սեն–Ժերմենն» ավելի վաղ հայտարարել էր, որ խաղաշրջանի ավարտին Մեսսին կլքի ակումբը, պայմանագրի ժամկետն ավարտվում է հունիսի 30-ին։Հունիսի 7–ին արգենտինացին Mundo Deportivo–ին տված հարցազրույցում հայտարարել էր, որ կշարունակի կարիերան «Ինտեր Մայամիում», որի սեփականատերերից մեկը Անգլիայի հավաքականի նախկին ավագ Դևիդ Բեքհեմն է։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
լիոնել մեսսի, երկրպագու, հյուրանոց, ֆուտբոլ, ֆուտբոլիստ
լիոնել մեսսի, երկրպագու, հյուրանոց, ֆուտբոլ, ֆուտբոլիստ
Պեկինում երկրպագուները Մեսսիին փակել են հյուրանոցում
Արգենտինացին աշխարհի չեմպիոն է, Ամերիկայի գավաթակիր և «Ոսկե գնդակի» 7-ակի դափնեկիր։
ԵՐԵՎԱՆ, 12 հունիսի – Sputnik. Արգենտինայի ֆուտբոլի հավաքականի հարձակվող Լիոնել Մեսսիի շուրջ Չինաստանում ստեղծված իրարանցումն այնքան մեծ էր, որ ֆուտբոլիստը, փաստորեն, գրեթե փակված է մնացել Պեկինի հյուրանոցում։ Այս մասին գրում է Չինաստանի
Global Times պետական պարբերականը։
Մեսսին Պեկին է ժամանել շաբաթ օրը։ Նրա ազգային թիմը Ավստրալիայի հավաքականի հետ կհանդիպի Չինաստանի մայրաքաղաքում հունիսի 15-ի ընկերական խաղում։
Պարբերականը գրում է, որ Արգենտինայի հավաքականի մարզումն ի սկզբանե նախատեսվում էր կիրակի երեկոյան Պեկինի մարզական կենտրոններից մեկում։ Սակայն «անհավանական կրքոտ» երկրպագուների պատճառով, որոնք հավաքվել էին Արգենտինայի հավաքականի հյուրանոցի մոտ, թիմը «չի կարողացել լքել հյուրանոցը, և մարզումները ստիպված են եղել չեղարկել։
«Երկրպագուների քանակն այնքան մեծ էր, որ, ինչպես հայտնում էին, մարզիկը փակված է մնացել հյուրանոցում», – նշվում է հաղորդագրության մեջ։
Պարբերականը նշում է, որ չինացի երկրպագուներից մեկը, նախքան հայտնի դառնալը, թե որտեղ է կայանելու Մեսսիին, համարներ էր ամրագրել մայրաքաղաքի 4 շքեղ հյուրանոցներում` ծախսելով ավելի քան 10 հազար յուան (շուրջ 1400 դոլար), որպեսզի հնարավորություն ունենա հանդիպելու աշխարհահռչակ ֆուտբոլիստի հետ։
Ավելի վաղ La Gazzetta dello Sport–ը հայտնել էր, որ Չինաստան Մեսսիի ժամանելուց հետո համացանցում մի շարք կասկածելի առաջարկներ էին հայտնվել, այդ թվում 650 եվրոյով մարզադաշտ անցնելու, արգենտինացու ստորագրությամբ մարզաշապիկով, առաջին շարքում տեղերով և ֆուտբոլիստի հետ լուսանկարով անհատական VIP փաթեթի վերաբերյալ։ Ոստիկանության տվյալներով` վերավաճառողները համացանցում սկզբնական արժեքից 3 անգամ թանկ են վաճառում տոմսերը` չնայած նրան, որ մարզադաշտ մտնելու համար անհրաժեշտ է ներկայացնել վճարման կտրոնն ու անձը հաստատող փաստաթուղթ։
Ֆրանսիական «Պարի Սեն–Ժերմենն» ավելի վաղ հայտարարել էր, որ խաղաշրջանի ավարտին Մեսսին կլքի ակումբը, պայմանագրի ժամկետն ավարտվում է հունիսի 30-ին։
Հունիսի 7–ին արգենտինացին Mundo Deportivo–ին տված հարցազրույցում հայտարարել էր, որ կշարունակի կարիերան «Ինտեր Մայամիում», որի սեփականատերերից մեկը Անգլիայի հավաքականի նախկին ավագ Դևիդ Բեքհեմն է։
