https://arm.sputniknews.ru/20230609/ekeghecu-heghinakutjany-sharunakabar-harvatsner-en-hascvum-garegin-erkrvord-60919244.html
Եկեղեցու հեղինակությանը շարունակաբար հարվածներ են հասցվում․ Գարեգին Երկրորդ
Եկեղեցու հեղինակությանը շարունակաբար հարվածներ են հասցվում․ Գարեգին Երկրորդ
Sputnik Արմենիա
Կաթողիկոսի կարծիքով՝ եկեղեցի-պետություն հակասությունների պատճառ են ոչ միայն իշխանությունների սխալ պատկերացումները եկեղեցու մասին, այլև եկեղեցու սկզբունքային... 09.06.2023, Sputnik Արմենիա
2023-06-09T18:52+0400
2023-06-09T18:52+0400
2023-06-09T18:54+0400
ամենայն հայոց կաթողիկոս գարեգին բ
պետություն
հայաստան
հայ առաքելական եկեղեցի
https://cdn.am.sputniknews.ru/img/07e7/05/07/59296975_0:0:1401:789_1920x0_80_0_0_161bcba7887134c518ce6496c998bb1a.jpg
ԵՐԵՎԱՆ, 9 հունիսի – Sputnik. Եկեղեցու հեղինակությանը շարունակաբար հարվածներ են հասցվում՝ փորձելով նվազեցնել հայ ժողովրդի կյանքում Առաքելական Սուրբ եկեղեցու և եկեղեցականի բարերար ազդեցությունն ու գործունեությունը և տկարացնել ժողովրդի միասնության, միաբանության ու ազգային ինքնության պահապան ավանդական կառույցը: Այսօր Մայր աթոռում միաբանական համագումարի ասել է Ամենայն հայոց կաթողիկոս Գարեգին Երկրորդը։Հայոց հայրապետը խոսել է նաև եկեղեցի-պետություն հարաբերություններում առկա տարաձայնությունների մասին։ Նրա կարծիքով՝ դրանք ոչ միայն եկեղեցու առաքելության վերաբերյալ իշխանությունների թյուր պատկերացումների հետևանք են, այլև նրա, որ հայրենիքին առնչվող տարաբնույթ մարտահրավերների ժամանակ եկեղեցին սկզբունքային դիրքորոշումներ է արտահայտում։ Նա անընդունելի է համարել «Հայոց Եկեղեցու պատմություն» առարկայի դուրս բերումը դպրոցական ծրագրերից։«Հայրենաշինության, պետության բարօրության ու զորացման առաքելության մեջ մեր Սուրբ եկեղեցին միշտ զորակից է իշխանություններին։ Սակայն մեր կոչումն է համարձակությամբ ահազանգել վտանգների մասին, դեմ կանգնել ազգային անդաստանում անարդարության դրսևորումներին, հայրենիքին, համազգային շահերին վնասող գործընթացներին»,- շեշտել է կաթողիկոսը։Նա հորդորել է կեղեցականներին լինել նախանձախնդիր իրենց խոսքի, գործի ու քայլերի մեջ, սրբագրել թերացումները՝ բարի օրինակ դառնալով մարդկանց համար, սեր և հոգատարություն դրսևորելով ժողովրդի հանդեպ։Նշենք, որ Մայր աթոռում սուրբ Էջմիածինում ընթանում է միաբանական համագումարը։ Մասնակցում են Կ․ Պոլսի Հայոց պատրիարք Տ․ Սահակ արքեպիսկոպոս Մաշալյանը, Գերագույն հոգևոր խորհրդի անդամները, թեմակալ առաջնորդներ և Մայր աթոռում պաշտոնավարող եպիսկոպոսներ։ Հավաքին մասնակցում են Հայաստանի և սփյուռքի թեմերից և եկեղեցական կառույցներից միաբան վարդապետներ ու աբեղաներ, ինչպես նաև ներկայացուցիչներ Մեծի տանն Կիլիկիո կաթողիկոսությունից, Կ․ Պոլսի և Երուսաղեմի Հայոց պատրիարքություններից: Համագումարի մասնակիցները հովվական երկօրյա այց են ունեցել դեպի Գեղարքունիքի և Տավուշի թեմեր։Հիշեցնենք, որ ՀՀ վարչապետ Նիկոլ Փաշինյանի և եկեղեցու միջև տարաձայնությունների մասին սկսել են խոսել հեղափոխությունից անմիջապես հետո։ Որոշ փորձագետներ կարծում էին, որ հենց ներկա իշխանություններն էին Գարեգին Երկրորդի դեմ շարժում սկսել, որը, սակայն, հետագայում ձախողվեց։ Խնդիրներն ավելի սրվեցին Արցախյան 44-օրյա պատերազմից հետո, երբ եկեղեցին պահանջեց վարչապետի և իր թիմի հրաժարականը։ Հոգևորականներից շատերը հաճախ մասնակցում են ընդդիմադիրների կազմակերպած նախաձեռնություններին, շարժումներին։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ամենայն հայոց կաթողիկոս գարեգին բ, պետություն, հայաստան, հայ առաքելական եկեղեցի
ամենայն հայոց կաթողիկոս գարեգին բ, պետություն, հայաստան, հայ առաքելական եկեղեցի
Եկեղեցու հեղինակությանը շարունակաբար հարվածներ են հասցվում․ Գարեգին Երկրորդ
18:52 09.06.2023 (Թարմացված է: 18:54 09.06.2023) Կաթողիկոսի կարծիքով՝ եկեղեցի-պետություն հակասությունների պատճառ են ոչ միայն իշխանությունների սխալ պատկերացումները եկեղեցու մասին, այլև եկեղեցու սկզբունքային դիրքորոշումը։
ԵՐԵՎԱՆ, 9 հունիսի – Sputnik. Եկեղեցու հեղինակությանը շարունակաբար հարվածներ են հասցվում՝ փորձելով նվազեցնել հայ ժողովրդի կյանքում Առաքելական Սուրբ եկեղեցու և եկեղեցականի բարերար ազդեցությունն ու գործունեությունը և տկարացնել ժողովրդի միասնության, միաբանության ու ազգային ինքնության պահապան ավանդական կառույցը: Այսօր Մայր աթոռում միաբանական համագումարի ասել է Ամենայն հայոց կաթողիկոս Գարեգին Երկրորդը։
Հայոց հայրապետը խոսել է նաև եկեղեցի-պետություն հարաբերություններում առկա տարաձայնությունների մասին։ Նրա կարծիքով՝ դրանք ոչ միայն եկեղեցու առաքելության վերաբերյալ իշխանությունների թյուր պատկերացումների հետևանք են, այլև նրա, որ հայրենիքին առնչվող տարաբնույթ մարտահրավերների ժամանակ եկեղեցին սկզբունքային դիրքորոշումներ է արտահայտում։ Նա անընդունելի է համարել «Հայոց Եկեղեցու պատմություն» առարկայի դուրս բերումը դպրոցական ծրագրերից։
«Հայրենաշինության, պետության բարօրության ու զորացման առաքելության մեջ մեր Սուրբ եկեղեցին միշտ զորակից է իշխանություններին։ Սակայն մեր կոչումն է համարձակությամբ ահազանգել վտանգների մասին, դեմ կանգնել ազգային անդաստանում անարդարության դրսևորումներին, հայրենիքին, համազգային շահերին վնասող գործընթացներին»,- շեշտել է կաթողիկոսը։
Նա հորդորել է կեղեցականներին լինել նախանձախնդիր իրենց խոսքի, գործի ու քայլերի մեջ, սրբագրել թերացումները՝ բարի օրինակ դառնալով մարդկանց համար, սեր և հոգատարություն դրսևորելով ժողովրդի հանդեպ։
«Մեր ժողովրդի ու հայրենիքի համար այս դժվարին պահին հրամայական է, որ սփյուռքի համայնքներում ամենքդ ավելի զորացնեք ձեր ջանքերը՝ հնարավոր բոլոր միջոցները գործադրելու պետական, դիվանագիտական, միջազգային և միջեկեղեցական կառույցների առջև բարձրաձայնելու Հայաստանի նկատմամբ Ադրբեջանի ագրեսիայի, արցախյան հիմնահարցի կարգավորման, Լաչինի միջանցքի ապաշրջափակման, Արցախում բնակվող մեր ժողովրդի ինքնորոշման իրավունքի ապահովման հիմնախնդիրները, որպեսզի ի զորու լինենք մեր երկրին պատուհասած փորձություններին դիմակայելու և հայրենաշահ լուծումներ գտնելու»,- դիմելով տարբեր երկրներից ժամանած հոգևորականներին՝ ասել է կաթողիկոսը։
Նշենք, որ Մայր աթոռում սուրբ Էջմիածինում ընթանում է միաբանական համագումարը։ Մասնակցում են Կ․ Պոլսի Հայոց պատրիարք Տ․ Սահակ արքեպիսկոպոս Մաշալյանը, Գերագույն հոգևոր խորհրդի անդամները, թեմակալ առաջնորդներ և Մայր աթոռում պաշտոնավարող եպիսկոպոսներ։ Հավաքին մասնակցում են Հայաստանի և սփյուռքի թեմերից և եկեղեցական կառույցներից միաբան վարդապետներ ու աբեղաներ, ինչպես նաև ներկայացուցիչներ Մեծի տանն Կիլիկիո կաթողիկոսությունից, Կ․ Պոլսի և Երուսաղեմի Հայոց պատրիարքություններից: Համագումարի մասնակիցները հովվական երկօրյա այց են ունեցել դեպի Գեղարքունիքի և Տավուշի թեմեր։
Հիշեցնենք, որ ՀՀ վարչապետ Նիկոլ Փաշինյանի և եկեղեցու միջև տարաձայնությունների մասին սկսել են խոսել հեղափոխությունից անմիջապես հետո։ Որոշ փորձագետներ կարծում էին, որ հենց ներկա իշխանություններն էին Գարեգին Երկրորդի դեմ շարժում սկսել, որը, սակայն, հետագայում ձախողվեց։ Խնդիրներն ավելի սրվեցին Արցախյան 44-օրյա պատերազմից հետո, երբ եկեղեցին պահանջեց վարչապետի և իր թիմի հրաժարականը։ Հոգևորականներից շատերը հաճախ մասնակցում են ընդդիմադիրների կազմակերպած նախաձեռնություններին, շարժումներին։
