https://arm.sputniknews.ru/20230607/harkajin-partavvorutjunnery-katarvel-en-arcakhum-ar-tvobakvon-herqum-e-pekin-60787631.html
Հարկային պարտավորությունները կատարվել են Արցախում. «Ար․ Տոբակոն» հերքում է ՊԵԿ–ին
Հարկային պարտավորությունները կատարվել են Արցախում. «Ար․ Տոբակոն» հերքում է ՊԵԿ–ին
Sputnik Արմենիա
«Ար․ Տոբակո» ՓԲԸ–ն ՊԵԿ–ին մեղադրում է ընկերության հեղինակությունը և բարի համբավն արատավորելու մեջ։ 07.06.2023, Sputnik Արմենիա
2023-06-07T16:58+0400
2023-06-07T16:58+0400
2023-06-07T17:17+0400
պետական եկամուտների կոմիտե (պեկ)
ալեքսանդր կոչուբաև
ծխախոտ
հերքում
«ար. տոբակո» փբը
https://cdn.am.sputniknews.ru/img/1258/28/12582867_0:160:3073:1888_1920x0_80_0_0_ca21f5384f38d56265c5098404764f19.jpg
ԵՐԵՎԱՆ, 7 հունիսի – Sputnik. «Ար․ Տոբակո» ՓԲ ընկերության կողմից առանց ակցիզային դրոշմանիշների ծխախոտի իրացմամբ զբաղվելու և հարկերից խուսափելու վերաբերյալ շրջանառվող լուրերն իրականությանը չեն համապատասխանում։ Նման հայտարարություն է արել ընկերության ներկայացուցիչ Ալեքսանդր Կոչուբաևը։Ավելի վաղ` հունիսի 1–ին, Հայաստանի պետական եկամուտների կոմիտեն հայտարարություն էր տարածել, որ կանխել է 1 մլն 114 հազար տուփ ծխախոտի ապօրինի իրացումը: Նշվում էր, որ խախտումը թույլ է տրվել «Ար. Տոբակո» ՓԲԸ-ն, որը առանց ակցիզային դրոշմանիշների է փորձել իրացնել ծխախոտները։ Արդյունքում պետությանը պատճառվել է շուրջ 416 միլիոն ՀՀ դրամի վնաս։ Նշված հիմքով նախաձեռնվել են քրեական վարույթներ:Կաչուբաևի խոսքով` նման հայտարարությունները նպատակ են հետապնդում արատավորել ընկերության հեղինակությունը և բարի համբավը։Նշվում է, որ «Ար․ Տոբակո» ՓԲԸ-ն գրանցված է Արցախի Հանրապետությունում, սակայն իր գործունեությունը ծավալում է Հայաստանի Հանրապետությունում։ Նման դեպքերում Հայաստանում և Արցախում հարկման վերաբերյալ հարցերը կարգավորվում են «Հայաստանի Հանրապետության կառավարության և Արցախի Հանրապետության կառավարության միջև հարկման որոշ հարցերի վերաբերյալ» հուշագրի դրոյթներին համապատասխան, ըստ որի՝ եկամուտները հարկվում են հարկային գործակալի երկրում, այդ երկրի օրենսդրությանը համապատասխան։Այնուամենայնիվ, «Ար․ Տոբակո» ՓԲ ընկերությունը դիմել է ՀՀ Պետական եկամուտների կոմիտե` հուշագրի վերաբերյալ պարզաբանումներ ստանալու նպատակով։ Ի պատասխան ՀՀ պետական եկամուտների կոմիտեի նախագահի տեղակալի կողմից 14․12․2022թ–ին ընկերությունը ստացել է առաջարկ, որ ՀՀ-ում հարկման վերաբերյալ հարցերով դիմի իրեն սպասարկող հարկային մարմնի համապատասխան ստորաբաժանում։Նա ընդգծել է, որ Արցախի Հանրապետությունում հարկային պարտավորություններն ամբողջությամբ կատարված լինելու պայմաններում ՀՀ ՊԵԿ քննչական վարչությունում ՀՀ քրեական օրենսգրքի 290-րդ հոդվածի 3-րդ մասի 2-րդ կետով (Առանձնապես խոշոր չափերով հարկերից խուսափելը) «Ար․ Տոբակո» ՓԲ ընկերության ղեկավարի նկատմամբ նախաձեռնվել է քրեական վարույթ։Մարիխուանա և 172 000 լարի. ՊԵԿ–ը փողի և թմրամիջոցի մաքսանենգության դեպք է բացահայտել««Ար․ Տոբակո» ՓԲԸ–ի կողմից կատարվել են առաջացած հարկային պարտավորություններն ամբողջությամբ, ստացվում է, որ նշված իրավաբանական անձի ղեկավարի նկատմամբ Հայաստանի Հանրապետությունում իրականացվում է անօրինական քրեական հետապնդում»,–նշել է Կոչուբաևը։Նա ՀՀ Պետական եկամուտների կոմիտեին կոչ է անում զերծ մնալ անհիմն և հուզական տպավորություններ ստեղծոլուց։Կոչուբաևը հիշեցնում է, որ նշված դեպքը նոր չէ, այն քննվում է դեռևս 2022 թվականի ապրիլից և վերաբերվում է մեկ տարի առաջ տեղի ունեցած իրադարձություններին։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պետական եկամուտների կոմիտե (պեկ), ալեքսանդր կոչուբաև, ծխախոտ, հերքում, «ար. տոբակո» փբը
պետական եկամուտների կոմիտե (պեկ), ալեքսանդր կոչուբաև, ծխախոտ, հերքում, «ար. տոբակո» փբը
Հարկային պարտավորությունները կատարվել են Արցախում. «Ար․ Տոբակոն» հերքում է ՊԵԿ–ին
16:58 07.06.2023 (Թարմացված է: 17:17 07.06.2023) «Ար․ Տոբակո» ՓԲԸ–ն ՊԵԿ–ին մեղադրում է ընկերության հեղինակությունը և բարի համբավն արատավորելու մեջ։
ԵՐԵՎԱՆ, 7 հունիսի – Sputnik. «Ար․ Տոբակո» ՓԲ ընկերության կողմից առանց ակցիզային դրոշմանիշների ծխախոտի իրացմամբ զբաղվելու և հարկերից խուսափելու վերաբերյալ շրջանառվող լուրերն իրականությանը չեն համապատասխանում։ Նման հայտարարություն է արել ընկերության ներկայացուցիչ Ալեքսանդր Կոչուբաևը։
Ավելի վաղ` հունիսի 1–ին,
Հայաստանի պետական եկամուտների կոմիտեն հայտարարություն էր տարածել, որ կանխել է 1 մլն 114 հազար տուփ ծխախոտի ապօրինի իրացումը: Նշվում էր, որ խախտումը թույլ է տրվել «Ար. Տոբակո» ՓԲԸ-ն, որը առանց ակցիզային դրոշմանիշների է փորձել իրացնել ծխախոտները։ Արդյունքում պետությանը պատճառվել է շուրջ 416 միլիոն ՀՀ դրամի վնաս։ Նշված հիմքով նախաձեռնվել են քրեական վարույթներ:
Կաչուբաևի խոսքով` նման հայտարարությունները նպատակ են հետապնդում արատավորել ընկերության հեղինակությունը և բարի համբավը։
Նշվում է, որ «Ար․ Տոբակո» ՓԲԸ-ն գրանցված է Արցախի Հանրապետությունում, սակայն իր գործունեությունը ծավալում է Հայաստանի Հանրապետությունում։ Նման դեպքերում Հայաստանում և Արցախում հարկման վերաբերյալ հարցերը կարգավորվում են «Հայաստանի Հանրապետության կառավարության և Արցախի Հանրապետության կառավարության միջև հարկման որոշ հարցերի վերաբերյալ» հուշագրի դրոյթներին համապատասխան, ըստ որի՝ եկամուտները հարկվում են հարկային գործակալի երկրում, այդ երկրի օրենսդրությանը համապատասխան։
Այնուամենայնիվ, «Ար․ Տոբակո» ՓԲ ընկերությունը դիմել է ՀՀ Պետական եկամուտների կոմիտե` հուշագրի վերաբերյալ պարզաբանումներ ստանալու նպատակով։ Ի պատասխան ՀՀ պետական եկամուտների կոմիտեի նախագահի տեղակալի կողմից 14․12․2022թ–ին ընկերությունը ստացել է առաջարկ, որ ՀՀ-ում հարկման վերաբերյալ հարցերով դիմի իրեն սպասարկող հարկային մարմնի համապատասխան ստորաբաժանում։
««Ար․ Տոբակո» ՓԲԸ-ն, հիմք ընդունելով «Հայաստանի Հանրապետության կառավարության և Արցախի Հանրապետության կառավարության միջև հարկման որոշ հարցերի վերաբերյալ» հուշագրի դրույթները, առաջացած հարկերի վճարումներն ամբողջությամբ կատարել է Արցախի Հանրապետությունում»,–նշել է ընկերության ներկայացուցիչը։
Նա ընդգծել է, որ Արցախի Հանրապետությունում հարկային պարտավորություններն ամբողջությամբ կատարված լինելու պայմաններում ՀՀ ՊԵԿ քննչական վարչությունում ՀՀ քրեական օրենսգրքի 290-րդ հոդվածի 3-րդ մասի 2-րդ կետով (Առանձնապես խոշոր չափերով հարկերից խուսափելը) «Ար․ Տոբակո» ՓԲ ընկերության ղեկավարի նկատմամբ նախաձեռնվել է քրեական վարույթ։
««Ար․ Տոբակո» ՓԲԸ–ի կողմից կատարվել են առաջացած հարկային պարտավորություններն ամբողջությամբ, ստացվում է, որ նշված իրավաբանական անձի ղեկավարի նկատմամբ Հայաստանի Հանրապետությունում իրականացվում է անօրինական քրեական հետապնդում»,–նշել է Կոչուբաևը։
Նա ՀՀ Պետական եկամուտների կոմիտեին կոչ է անում զերծ մնալ անհիմն և հուզական տպավորություններ ստեղծոլուց։
Կոչուբաևը հիշեցնում է, որ նշված դեպքը նոր չէ, այն քննվում է դեռևս 2022 թվականի ապրիլից և վերաբերվում է մեկ տարի առաջ տեղի ունեցած իրադարձություններին։
