https://arm.sputniknews.ru/20230601/glvobal-gvortsyntacnery-rdin-ev-hhin-drdum-en-evrasiakan-gvortsynkerutjan-pvordzagetner-60502715.html
Գլոբալ գործընթացները ՌԴ–ին և ՀՀ–ին դրդում են եվրասիական գործընկերության․ փորձագետներ
Գլոբալ գործընթացները ՌԴ–ին և ՀՀ–ին դրդում են եվրասիական գործընկերության․ փորձագետներ
Sputnik Արմենիա
Եվրասիական մեծ գործընկերության մեջ խոսք անգամ լինել չի կարող միակողմանի պատժամիջոցների կիրառման մասին, ինքնիշխանությունը հարգելու հարցը հիմնարար է։ 01.06.2023, Sputnik Արմենիա
2023-06-01T14:45+0400
2023-06-01T14:45+0400
2023-06-01T14:47+0400
հայաստան
ռուսաստան
եվրասիական տնտեսական միություն (եատմ)
https://cdn.am.sputniknews.ru/img/07e7/06/01/60490012_0:291:1600:1191_1920x0_80_0_0_d6c7fe8c9986c521364b0cc69ceec623.jpg
ԵՐԵՎԱՆ, 1 հունիսի – Sputnik. Գլոբալ բնույթի անընդհատ առաջացող մարտահրավերները ոչ միայն ստուգում են Հայաստանի և Ռուսաստանի հարաբերությունների ամրությունը, այլև բարձրացնում են պետությունների հետագա շարժման, փոփոխվող աշխարհակարգում նրանց տեղի հարցը։ Այս հայտարարությունն արեց ԵԱՏՄ միջազգային-իրավական համագործակցության կենտրոնի տնօրեն Դմիտրի Ստասյուլիսը «Ռուս-հայկական հարաբերությունների զարգացումը եվրասիական տարածքում» խորագրով համաժողովի ժամանակ։ Միջոցառումը կազմակերպել են «Ինտեգրացիա և զարգացում» վերլուծական կենտրոնը և Եվրասիական փորձագիտական ակումբը:Ստասյուլիսի կարծիքով՝ միաբևեռ համակարգի ոչնչացման դարաշրջանում մեծ դեր է ստանում եվրասիական մեծ գործընկերությունը։ Այս գաղափարը դեռևս 2015թ․-ին արտահայտել էր Ռուսաստանի նախագահ Վլադիմիր Պուտինը։ Եվ ի շարունակություն այս գաղափարի, ելույթ ունենալով 2022 թվականին Բիշքեկում կայացած Եվրասիական տնտեսական համաժողովի նախորդ լիագումար նիստում, Ռուսաստանի ղեկավարը նշել էր, որ Մեծ Եվրասիան քաղաքակրթական խոշոր նախագիծ է, և գլխավոր գաղափարը տարածաշրջանային կազմակերպությունների համար իրավահավասար համագործակցության ընդհանուր տարածքի ստեղծումն է։Փորձագետը կարծում է, որ եվրասիական մեծ գործընկերության շրջանակում հարաբերությունները պետք է կառուցվեն ինքնիշխանության նկատմամբ հարգանքի և փոխադարձ շահերի վրա: Այս դասավորության մեջ չպետք է խոսք լինի միակողմանի, անօրինական պատժամիջոցների կիրառման մասին։ԵԱՏՄ-ն կարողացել է իրեն դրսևորել որպես ամուր միավորում. ՌԴ էկոնոմիկայի փոխնախարար«Ինտեգրացիա և զարգացում» կենտրոնի ղեկավար և Եվրասիական փորձագիտական ակումբի համակարգող Արամ Սաֆարյանն իր հերթին կարծում է, որ Արևմուտքի և Ռուսաստանի գլոբալ բախումը հետխորհրդային տարածքում փոխգործակցության նոր ձևերի որոնման անհրաժեշտություն է թելադրում:Նրա խոսքով՝ այն արժեքները, որոնցով առաջնորդվում էին քաղաքական էլիտաները ԽՍՀՄ-ի փլուզման պահին, չանցան քննությունը։ Միանգամայն ակնհայտ է, որ աշխարհն ուրիշ է դարձել և թելադրում է նոր մոտեցումներ։ Եվ այս ֆոնին հատկանշական է, որ հետխորհրդային պետությունների մեծ մասը շահագրգռված է միմյանց հետ համագործակցությամբ, ինչի մասին է վկայում Եվրասիական տնտեսական բարձրագույն խորհրդի վերջին նիստը Մոսկվայում և ԵԱՏՄ անդամ չհանդիսացող երկրների ղեկավարների մասնակցությունը:Սաֆարյանը կարծում է, որ, իհարկե, եվրասիական ինտեգրացիոն գործընթացների արագացված տեմպերին հասնելուն դեռ շատ կա, սակայն մեծ հետաքրքրություն կա, և այդ հետաքրքրությունը ցույց է տալիս միավորող արժեքների և ուղենիշների առկայությունը: Սաֆարյանը վստահ է` հենց որ Ռուսաստանն ավելի մեծ ցանկություն ցուցաբերի ընդհանուր եվրասիական տարածքում տնտեսական ինտեգրումն արագացնելու հարցում, այդ նախագծի նկատմամբ հետաքրքրությունը կմեծանա:Հիշեցնենք, որ ԵԱՏՄ-ին անդամակցում են Հայաստանը, Ռուսաստանը, Բելառուսը, Ղազախստանը և Ղրղզստանը: Կազմակերպության և ասիական ու աֆրիկյան մի շարք խոշոր պետությունների միջև բանակցություններ են ընթանում կամ արդեն ստորագրվել են ազատ առևտրի գոտու մասին համաձայնագրեր:Հայկական ապրանքների ծավալները ԵԱՏՄ-ում մեծանում են և փոխարինում եվրոպականին. Սուքիասյան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, եվրասիական տնտեսական միություն (եատմ)
հայաստան, ռուսաստան, եվրասիական տնտեսական միություն (եատմ)
Գլոբալ գործընթացները ՌԴ–ին և ՀՀ–ին դրդում են եվրասիական գործընկերության․ փորձագետներ
14:45 01.06.2023 (Թարմացված է: 14:47 01.06.2023) Եվրասիական մեծ գործընկերության մեջ խոսք անգամ լինել չի կարող միակողմանի պատժամիջոցների կիրառման մասին, ինքնիշխանությունը հարգելու հարցը հիմնարար է։
ԵՐԵՎԱՆ, 1 հունիսի – Sputnik. Գլոբալ բնույթի անընդհատ առաջացող մարտահրավերները ոչ միայն ստուգում են Հայաստանի և Ռուսաստանի հարաբերությունների ամրությունը, այլև բարձրացնում են պետությունների հետագա շարժման, փոփոխվող աշխարհակարգում նրանց տեղի հարցը։ Այս հայտարարությունն արեց ԵԱՏՄ միջազգային-իրավական համագործակցության կենտրոնի տնօրեն Դմիտրի Ստասյուլիսը «Ռուս-հայկական հարաբերությունների զարգացումը եվրասիական տարածքում» խորագրով համաժողովի ժամանակ։ Միջոցառումը կազմակերպել են «Ինտեգրացիա և զարգացում» վերլուծական կենտրոնը և Եվրասիական փորձագիտական ակումբը:
Ստասյուլիսի կարծիքով՝ միաբևեռ համակարգի ոչնչացման դարաշրջանում մեծ դեր է ստանում եվրասիական մեծ գործընկերությունը։ Այս գաղափարը դեռևս 2015թ․-ին արտահայտել էր Ռուսաստանի նախագահ Վլադիմիր Պուտինը։ Եվ ի շարունակություն այս գաղափարի, ելույթ ունենալով 2022 թվականին Բիշքեկում կայացած Եվրասիական տնտեսական համաժողովի նախորդ լիագումար նիստում, Ռուսաստանի ղեկավարը նշել էր, որ Մեծ Եվրասիան քաղաքակրթական խոշոր նախագիծ է, և գլխավոր գաղափարը տարածաշրջանային կազմակերպությունների համար իրավահավասար համագործակցության ընդհանուր տարածքի ստեղծումն է։
«Եվրասիական մեծ գործընկերության ձևավորման հայեցակարգը նախատեսում է համակեցություն «ինտեգրացիաների ինտեգրման» տեսքով, որտեղ հիմքում կլինեն այնպիսի կազմակերպություններ, ինչպիսիք են ԵԱՏՄ-ն, Շանհայի համագործակցության կազմակերպությունը (ՇՀԿ), ACEAN-ը և մի շարք այլ միավորումներ: Գաղափարը ենթադրում է նաև ապրանքների տեղափոխման համար միասնական լոգիստիկ և տրանսպորտային տարածքի ստեղծում, նոր պահուստային արժույթների օգտագործում, փոխադարձ հաշվարկներում ազգային արժույթների դերի բարձրացում և եվրասիական պետությունների միջև արդյունաբերական կոոպերացիայի դերի մեծացում»,- նշեց Ստասյուլիսը։
Փորձագետը կարծում է, որ եվրասիական մեծ գործընկերության շրջանակում հարաբերությունները պետք է կառուցվեն ինքնիշխանության նկատմամբ հարգանքի և փոխադարձ շահերի վրա: Այս դասավորության մեջ չպետք է խոսք լինի միակողմանի, անօրինական պատժամիջոցների կիրառման մասին։
«Ինտեգրացիա և զարգացում» կենտրոնի ղեկավար և Եվրասիական փորձագիտական ակումբի համակարգող Արամ Սաֆարյանն իր հերթին կարծում է, որ Արևմուտքի և Ռուսաստանի գլոբալ բախումը հետխորհրդային տարածքում փոխգործակցության նոր ձևերի որոնման անհրաժեշտություն է թելադրում:
Նրա խոսքով՝ այն արժեքները, որոնցով առաջնորդվում էին քաղաքական էլիտաները ԽՍՀՄ-ի փլուզման պահին, չանցան քննությունը։ Միանգամայն ակնհայտ է, որ աշխարհն ուրիշ է դարձել և թելադրում է նոր մոտեցումներ։ Եվ այս ֆոնին հատկանշական է, որ հետխորհրդային պետությունների մեծ մասը շահագրգռված է միմյանց հետ համագործակցությամբ, ինչի մասին է վկայում Եվրասիական տնտեսական բարձրագույն խորհրդի վերջին նիստը Մոսկվայում և ԵԱՏՄ անդամ չհանդիսացող երկրների ղեկավարների մասնակցությունը:
Սաֆարյանը կարծում է, որ, իհարկե, եվրասիական ինտեգրացիոն գործընթացների արագացված տեմպերին հասնելուն դեռ շատ կա, սակայն մեծ հետաքրքրություն կա, և այդ հետաքրքրությունը ցույց է տալիս միավորող արժեքների և ուղենիշների առկայությունը: Սաֆարյանը վստահ է` հենց որ Ռուսաստանն ավելի մեծ ցանկություն ցուցաբերի ընդհանուր եվրասիական տարածքում տնտեսական ինտեգրումն արագացնելու հարցում, այդ նախագծի նկատմամբ հետաքրքրությունը կմեծանա:
Հիշեցնենք, որ ԵԱՏՄ-ին անդամակցում են Հայաստանը, Ռուսաստանը, Բելառուսը, Ղազախստանը և Ղրղզստանը: Կազմակերպության և ասիական ու աֆրիկյան մի շարք խոշոր պետությունների միջև բանակցություններ են ընթանում կամ արդեն ստորագրվել են ազատ առևտրի գոտու մասին համաձայնագրեր:
