https://arm.sputniknews.ru/20230520/gajane-hakvobjani-ajakicnery-ertvov-sharzhvum-en-depi-hanrapetutjan-hraparak-59892005.html

Գայանե Հակոբյանի աջակիցները փակել են Արշակունյաց պողոտան և երթով շարժվում են դեպի հրապարակ

Գայանե Հակոբյանի աջակիցները փակել են Արշակունյաց պողոտան և երթով շարժվում են դեպի հրապարակ

Sputnik Արմենիա

Զոհված զինծառայողների ծնողները կենդանի պատ են կազմել և առաջնորդում են երթը։ 20.05.2023, Sputnik Արմենիա

2023-05-20T15:37+0400

2023-05-20T15:37+0400

2023-05-22T12:14+0400

հայաստան

գայանե հակոբյան

երևան

դատարան

բողոքի ակցիա

տեսանյութ

տեսանյութեր

https://cdn.am.sputniknews.ru/img/07e7/05/14/59894680_0:0:1920:1080_1920x0_80_0_0_7f527c1d5d9efb010ad0cf0539392111.jpg

ԵՐԵՎԱՆ, 20 մայիսի – Sputnik. Զոհված զինծառայողների ծնողները և այլ քաղաքացիներ, որոնք հավաքվել էին Շենգավիթ վարչական շրջանի առաջին ատյանի դատարանի մոտ` աջակցելու պատերազմում զոհված Ժորա Մարտիրոսյանի մորը` Գայանե Հակոբյանին, միակողմանի փակել են Արշակունյաց պողոտան և քայլում են դեպի Հանրապետության հրապարակ։Այդպես նրանք իրենց բողոքն են հայտնում դատարանի այսօրվա որոշմանը, ըստ որի` Գայանե Հակոբյանը մեկ ամսով կալանավորվեց։Ծնողները կենդանի պատ են կազմել և քայլում են առջևից։Զոհված Մխիթար Գալեյանի հայրը ՝ Գարիկ Գալեյանը, պարբերաբար հայտարարում է, որ ակցիան խաղաղ է։ Նա հավաքվածներին կոչ է անում չարձագանքել սադրանքներին և չվիրավորել ոստիկաններին։«Սա արդեն մեր տղերքի արյան հարցն է, սրանք բոլոր չափ ու սահմանը անցել են»,-ասաց Գալեյանը։Ակցիա իրականացնող քաղաքացիները վանկարկում են. «Ազատություն հերոսի մորը»։Գալեյանը բարձրախոսով դիմում է փողոցի հանդիպակաց հատվածով երթևեկող մեքենաների վարորդներին` հորդորելով միանալ իրենց։ «Միացեք մեզ։ Ձեր անտարբերությունը ձեր տունը քանդելու է»,- ասում է նա։Հիշեցնենք` վարչապետի ընտանիքին պատկանող «Հայկական ժամանակը» մայիսի 17-ին տեղեկություն տարածեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան: Ավելի ուշ հայտնի դարձավ, որ Աշոտ Փաշինյանի կողմից ՀՀ ոստիկանությունում ներկայացված հաղորդումը փոխանցվել է ՀՀ քննչական կոմիտե, քրեական գործ է հարուցվել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։Մայիսի 18-ին Երևանի Շենգավիթ վարչական շրջանի քննչական վարչությունում Աշոտ Փաշինյանի և Գայանե Հակոբյանի միջև առերեսում է եղել։Նույն օրը հայտնի դարձավ, որ զոհված զինծառայողի մայրը հացադուլ է հայտարարել։

https://arm.sputniknews.ru/20230519/gajane-hakvobjany-karvogh-e-datapartvel-4-8-tari-azatazrkman-pastaban-59832638.html

երևան

2023

Լուրեր

am_HY

հայաստան, գայանե հակոբյան, երևան, դատարան, բողոքի ակցիա, տեսանյութ, տեսանյութեր