00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
00:00
01:00
02:00
03:00
04:00
05:00
06:00
07:00
08:00
09:00
10:00
11:00
12:00
13:00
14:00
15:00
16:00
17:00
18:00
19:00
20:00
21:00
22:00
23:00
Ուղիղ եթեր
09:00
6 ր
Ուղիղ եթեր
09:26
7 ր
Ուղիղ եթեր
10:00
6 ր
Ուղիղ եթեր
12:00
6 ր
Ուղիղ եթեր
13:00
4 ր
Ուղիղ եթեր
14:00
4 ր
Осторожно, дети!
Повышение стипендий, запрет энергетиков детям, вред от редких имен
15:04
24 ր
Осторожно, дети!
Внимание президента РФ к детям, работа омбудсменов и проблемы семьи
15:33
25 ր
Ուղիղ եթեր
17:00
5 ր
Ուղիղ եթեր
18:00
4 ր
Ուղիղ եթեր
19:00
6 ր
ԵրեկԱյսօր
Եթեր
ք. Երևան106.0
ք. Երևան106.0
ք. Գյումրի90.1

Ֆերմերային վարկերի սուբսիդավորման մասով չարաշահումներ են հայտնաբերվել

© Sputnik / Asatur YesayantsԱրխիվային լուսանկար
Արխիվային լուսանկար - Sputnik Արմենիա, 1920, 18.05.2023
Արխիվային լուսանկար
Բաժանորդագրվել
Նման վարկերի նպատակային ծախսերը ստուգման հարցում խոչընդոտում է բանկային գաղտնիքը: Բանկերը պարտավոր չեն ու չեն ուզում պետության հետ կիսվել տեղեկատվությամբ։ Էկոնոմիկայի նախարարի այս դիտարկմանը առարկեցին և պատգամավորները, և Հաշվեքննիչ պալատը:
ԵՐԵՎԱՆ, 18 մայիսի – Sputnik. Էկոնոմիկայի նախարարության մի շարք ծրագրերով, այդ թվում՝ գյուղացիների և ագրոբիզնեսի վարկերի սուբսիդավորմամբ, մի շարք չարաշահումներ են հայտնաբերվել: Տեղեկությունը ԱԺ մի շարք հանձնաժողովների համատեղ նիստում հայտնեց Հաշվեքննիչ պալատի անդամ Կարեն Առուստամյանը։ Ընդհանուր առմամբ ստուգվել է նախարարության ծախսային նախահաշվի 80 տոկոսը, այսինքն՝ մոտ 41 մլրդ դրամ (մոտ 105 մլն դոլար)։
Ստուգումների արդյունքում հայտնաբերվել են այդ միջոցների մոտ 1,5 տոկոսի խախտումներ (600 մլն դրամից մի փոքր ավելի կամ մոտ 1,53 մլն դոլար)։ Մասնավորապես, դժվարություններ են ծագել պետական սուբսիդիաների վարկերի հետ կապված։
Մասնավորապես՝ ինտենսիվ այգիների և խաղողի այգիների համար հատկացված վարկերի գծով որոշ դեպքերում օգտագործվել են այնպիսի սորտեր, որոնք պետական արդյունավետության փորձաքննություն չեն անցել։
Այլ սուբսիդիաների համար (ֆերմերներին վարկեր դաշտային աշխատանքների համար, վարկեր ձեռնարկություններին` բերքի ձեռքբերման համար, ինչպես նաև սարքավորումների լիզինգ ագրոբիզնեսից), որոշ դեպքերում դրանց պարամետրերը (արտոնյալ ժամանակահատված կամ ընդհանուր ժամկետ) գերազանցել են ծրագրով սահմանված սահմանները, կամ վարկերը տրվել են այլ, գյուղատնտեսության հետ կապ չունեցող գործունեության տեսակների համար: Մի դեպքում ծրագրին մասնակցող վարկային կազմակերպությունը նման վարկ է տրամադրել իր բաժնետիրոջը և խորհրդի անդամին՝ չարաշահելով պետական աջակցությունը:
ՀՀ կառավարությունը դադարեցնում է ընդհանուր բնույթի գյուղատնտեսական վարկերի սուբսիդավորումը
Պատասխանելով պատգամավորների այն հարցերին, թե ինչպես դա կարող էր տեղի ունենալ և ինչու է պետությունն իր վրայից գցում պատասխանատվությունը, էկոնոմիկայի նախարար Վահան Քերոբյանը նշեց, որ պետության վերահսկողության միջոցները սահմանափակ են. շատ դեպքերում բանկերը նախարարությանը տվյալներ չեն փոխանցում այն մասին, թե ինչ պայմաններով են վարկավորում պետական ծրագրերի կոնկրետ շահառուներին (նույնիսկ այն դեպքում, երբ պետությունը սուբսիդավորում է նրանց վարկերի տոկոսները):
Քերոբյանն ավելացրեց, որ համապատասխան վերահսկողության անհնարինության պատճառով նախարարությունը որոշում է կայացրել դադարեցնել գյուղատնտեսական վարկերի սուբսիդիաները՝ առանց նպատակային ուղղվածության։
«Մենք պարզապես վերահսկողության բավարար միջոցներ չունենք, քանի որ բանկերը հրաժարվում են մեզ տրամադրել այդ տեղեկատվությունը։ Ուստի մենք որոշեցինք, որ այս տարվանից սկսած բանկերն ու վարկային կազմակերպությունները, որոնք վարկեր են տրամադրում պետական աջակցությամբ, պետք է իրենց աուդիտը պատվիրեն կողմնակի կազմակերպությանը և հրապարակեն այն մինչև հաջորդ տարվա հուլիսի 1-ը»,-հավելեց նախարարը։
Միևնույն ժամանակ, նախարարությունը պատրաստվում է համակարգչային ծրագրեր ներդնել, որոնք կօգնեն հետևել տոկոսների առավելագույն սուբսիդիաների գերազանցմանը: Դա թույլ կտա կանխել այն դեպքերը, երբ բանկը կամ վարկային կազմակերպությունը նախատեսվածից ավելի շատ սուբսիդիաներ են տրամադրում։
Բանկի հետ համագործակցության բացակայության մասին նախարարի դիտարկումը դիտողությունների պատճառ դարձավ թե ընդդիմադիր պատգամավորների, թե հաշվետվությունը նախապատրաստած Հաշվեքննիչ պալատի կողմից։ Պալատի նախագահ Ատոմ Ջանջուղազյանը նշեց, որ պետությունը վերահսկման մեխանիզմներ ունի, որպեսզի հետևի եթե ոչ վարկի ծախսմանը (թե արդյոք գումարները նպատակային են ծախսվում), ապա գոնե այն բանին, թե արդյոք դրանք նորմերին հակասող պայմաններով չեն տրամադրվում։
Լրահոս
0