https://arm.sputniknews.ru/20230421/arcakhum-masnakivoren-versksel-en-planajin-virahatutjunnery-58558143.html
Արցախում մասնակիորեն վերսկսել են պլանային վիրահատությունները
Արցախում մասնակիորեն վերսկսել են պլանային վիրահատությունները
Sputnik Արմենիա
Վիրահատական միջամտության են ենթարկվելու միայն առաջնահերթ և բարդացման էական ռիսկով դեպքերը։ 21.04.2023, Sputnik Արմենիա
2023-04-21T18:07+0400
2023-04-21T18:07+0400
2023-04-21T18:09+0400
արցախ
վիրահատություն
ադրբեջան
հայաստան
https://cdn.am.sputniknews.ru/img/07e6/0c/14/52875863_0:0:2048:1153_1920x0_80_0_0_bc5b6a5efc069004154679ee7a395cb2.jpg
ԵՐԵՎԱՆ, 21 ապրիլի – Sputnik. Սուր վիրահատական դեպքերի հետագա բարդություններից խուսափելու համար Արցախում մասնակիորեն վերսկսել են պլանային վիրահատությունները: Տեղեկությունը հայտնում է Արցախի առողջապահության նախարարությունը։Արցախը Հայաստանին կապող միակ ճանապարհը Ադրբեջանի կողմից արգելափակված լինելու և դեղորայքի ու բժշկական պարագաների բնականոն մատակարարման խնդիրների պատճառով Արցախում պլանային բոլոր վիրահատությունները դադարեցվել էին, ինչը հանգեցրել է շուրջ 1,130 վիրահատության չեղարկման:Պատասխանատուների կողմից լրացուցիչ ջանքեր են գործադրվել վիրահատությունների սահմանափակ քանակի համար անհրաժեշտ պարագաների որոշակի ծավալի ապահովման ուղղությամբ:Գերատեսչությունից նշում են, որ Կարմի խաչի միջազգային կոմիտեի միջնորդությամբ Հայաստանի Հանրապետություն են տեղափոխվում միայն այն բուժառուները, որոնց բժշկական օգնությունը հնարավոր չէ կազմակերպել Արցախում՝ հաշվի առնելով անհրաժեշտ բժշկական սարքավորումների և հետազոտությունների իրականացման բացակայությունը։Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արցախ, վիրահատություն, ադրբեջան, հայաստան
արցախ, վիրահատություն, ադրբեջան, հայաստան
Արցախում մասնակիորեն վերսկսել են պլանային վիրահատությունները
18:07 21.04.2023 (Թարմացված է: 18:09 21.04.2023) Վիրահատական միջամտության են ենթարկվելու միայն առաջնահերթ և բարդացման էական ռիսկով դեպքերը։
ԵՐԵՎԱՆ, 21 ապրիլի – Sputnik. Սուր վիրահատական դեպքերի հետագա բարդություններից խուսափելու համար Արցախում մասնակիորեն վերսկսել են պլանային վիրահատությունները: Տեղեկությունը հայտնում է
Արցախի առողջապահության նախարարությունը։
Արցախը Հայաստանին կապող միակ ճանապարհը Ադրբեջանի կողմից արգելափակված լինելու և դեղորայքի ու բժշկական պարագաների բնականոն մատակարարման խնդիրների պատճառով Արցախում պլանային բոլոր վիրահատությունները դադարեցվել էին, ինչը հանգեցրել է շուրջ 1,130 վիրահատության չեղարկման:
«Շրջափակման 131 օրվա ընթացքում առողջապահության նախարարության ու բուժհաստատությունների ղեկավարության կողմից որոշում է կայացվել մասնակիորեն վերականգնել պլանային վիրահատությունները: Տվյալ որոշման նպատակն է խուսափել սուր վիրահատական դեպքերի հետագա բարդություններից, և վիրահատական միջամտության են ենթարկվելու միայն առաջնահերթ և բարդացման էական ռիսկով դեպքերը»,– ասված է հաղորդագրությունում:
Պատասխանատուների կողմից լրացուցիչ ջանքեր են գործադրվել վիրահատությունների սահմանափակ քանակի համար անհրաժեշտ պարագաների որոշակի ծավալի ապահովման ուղղությամբ:
Գերատեսչությունից նշում են, որ Կարմի խաչի միջազգային կոմիտեի միջնորդությամբ Հայաստանի Հանրապետություն են տեղափոխվում միայն այն բուժառուները, որոնց բժշկական օգնությունը հնարավոր չէ կազմակերպել Արցախում՝ հաշվի առնելով անհրաժեշտ բժշկական սարքավորումների և հետազոտությունների իրականացման բացակայությունը։
Հիշեցնենք` դեկտեմբերի 12-ի առավոտյան Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։
