Ադրբեջանի վարած ագրեսիվ քաղաքականությունն անթույլատրելի է. Փաշինյանը` Բոնոյին
14:53 20.04.2023 (Թարմացված է: 15:06 20.04.2023)
© Photo : official site of the Prime Minister of RAՆիկոլ Փաշինյանն ու Լուիս Բոնոն
![Նիկոլ Փաշինյանն ու Լուիս Բոնոն Նիկոլ Փաշինյանն ու Լուիս Բոնոն - Sputnik Արմենիա, 1920, 20.04.2023](https://cdn.am.sputniknews.ru/img/07e7/04/14/58469297_0:87:1670:1026_1920x0_80_0_0_f9ce14982485eb0a3c146c3127a0e4ad.jpg)
Բաժանորդագրվել
Նիկոլ Փաշինյանն ու Լուիս Բոնոն բազմաթիվ հարցեր են քննարկել։
ԵՐԵՎԱՆ, 20 ապրիլի – Sputnik. Լեռնային Ղարաբաղի ժողովրդի ու ՀՀ տարածքային ամբողջականության նկատմամբ Ադրբեջանի վարած ագրեսիվ քաղաքականությունն ու ռազմատենչ հռետորաբանությունն անթույլատրելի են: Այս մասին ասել է ՀՀ վարչապետ Նիկոլ Փաշինյանը` ընդունելով Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյին: Տեղեկությունը հայտնում է վարչապետի մամուլի ծառայությունը։
«Վարչապետը կարևորել է ԱՄՆ վարչակազմի՝ տարածաշրջանում կայունության և անվտանգության ապահովման ուղղությամբ ներդրվող ջանքերը և ներկայացրել առկա առանցքային խնդիրների կարգավորման հարցում հայկական կողմի մոտեցումները»,–ասվում է հաղորդագրության մեջ:
Զրուցակիցները քննարկել են Լեռնային Ղարաբաղի հակամարտությանը, Ստեփանակերտի և Բաքվի միջև երկխոսության միջազգային մեխանիզմի ձևավորմանը, Ադրբեջանի կողմից Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամին, Հայաստանի և Ադրբեջանի միջև հարաբերությունների կարգավորմանը, տարածաշրջանային տրանսպորտային ենթակառուցվածքների ապաշրջափակմանը վերաբերող հարցեր:
© Photo : official site of the Prime Minister of RAՆիկոլ Փաշինյանի հանդիպումը Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյի հետ
![Премьер-министр Никол Пашинян принял старшего советника по переговорам на Кавказе, американского сопредседателя Минской группы ОБСЕ Луиса Боно (20 апреля 2023). Еревaн Премьер-министр Никол Пашинян принял старшего советника по переговорам на Кавказе, американского сопредседателя Минской группы ОБСЕ Луиса Боно (20 апреля 2023). Еревaн - Sputnik Արմենիա, 1920, 20.04.2023](https://cdn.am.sputniknews.ru/img/07e7/04/14/58469275_0:0:1670:1113_1920x0_80_0_0_2ec14a63122f8b2e964e8b27bc4fc60c.jpg)
Նիկոլ Փաշինյանի հանդիպումը Կովկասյան բանակցությունների հարցերով ավագ խորհրդական, ԵԱՀԿ Մինսկի խմբի ամերիկացի համանախագահ Լուիս Բոնոյի հետ
Հիշեցնենք` Լուիս Բոնոն տարածաշրջանում է ապրիլի 14–ից։ Նա հանդիպել է ՀՀ ԱԽ քարտուղար Արմեն Գրիգորյանի հետ, ապրիլի 17–ին եղել Բաքվում ու հանդիպել Ադրբեջանի արտգործնախարար Ջեյհուն Բայրամովի հետ։