https://arm.sputniknews.ru/20230419/pashinjann-u-papikjany-npatakaharmar-chen-hamarum-handipel-zvoheri-tsnvoghneri-het-nvorikjan-58438578.html
Փաշինյանն ու Պապիկյանը նպատակահարմար չեն համարում հանդիպել զոհերի ծնողների հետ․ Նորիկյան
Փաշինյանն ու Պապիկյանը նպատակահարմար չեն համարում հանդիպել զոհերի ծնողների հետ․ Նորիկյան
Sputnik Արմենիա
Գեղարքունիքի մարզպետը տուժողների ներկայացուցչին հայտնել է, որ հանդիպում չլինելու պատճառը այս պահի դրությամբ այլ տեղեկատվության բացակայությունն ու նախաքննության... 19.04.2023, Sputnik Արմենիա
2023-04-19T20:28+0400
2023-04-19T20:28+0400
2023-04-19T22:43+0400
կացարան
զինվոր
հրդեհ
ծնող
բողոքի ակցիա
նորիկ նորիկյան
https://cdn.am.sputniknews.ru/img/07e7/04/12/58388095_0:0:1920:1080_1920x0_80_0_0_8c92c9796f3482dc5010c22ecc4beb91.jpg
ԵՐԵՎԱՆ, 19 ապրիլի - Sputnik. ՀՀ վարչապետն ու պաշտպանության նախարարը նպատակահարմար չեն համարում և ձեռնպահ են մնում մինչև նախաքննության ավարտը հանդիպել Ազատ գյուղի զինվորական կացարանում զոհված 15 զինծառայողների ծնողների հետ։ Այս մասին իր ֆեյսբուքյան էջում հայտնել է տուժողների ներկայացուցիչ Նորայր Նորիկյանը։Փաստաբանին այդ տեղեկությունը հայտնել է ՀՀ Գեղարքունիքի մարզպետ Կարեն Սարգսյանը՝ նշելով, որ Նիկոլ Փաշինյանի և Սուրեն Պապիկյանի որոշումը պայմանավորված է այս պահի դրությամբ այլ տեղեկատվության բացակայության հիմքով, նաև նկատի ունենալով, որ ներկայումս ընթանում է նախաքաննություն։Նշենք, որ ապրիլի 18-ին զոհված 15 զինծառայողի հարազատները ապրիլի 18–ին փակել էին Երևան–Սևան ճանապարհը և պահանջում էին հանդիպում ՀՀ վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ։ Նրանք սկզբում մտադիր չէին բացել ճանապարհը, սակայն մի քանի ժամ անց, երբ Կարեն Սարգսյանը խոստացավ կատարել նրանց պահանջը (հանդիպում կազմակերպել), վերջիններս բացեցին այն։Հիշեցնենք` հունվարի 19-ին՝ ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել էին 15, վնասվածքներ ստացել` 7 զինծառայող։Դեպքից անմիջապես հետո պաշտոններից ազատվել էին 2-րդ բանակային կորպուսի հրամանատարն ու այլ բարձրաստիճան զինվորականներ։ Ազատ գյուղում մահացած զինծառայողների ծնողները մեկ շաբաթ ժամանակ են տվել կառավարությանըՔրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու կամ ավելի անձանց մահ)։ Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։Այս գործով կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար Գ.Մ.-ի նկատմամբ։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կացարան, զինվոր, հրդեհ, ծնող, բողոքի ակցիա, նորիկ նորիկյան
կացարան, զինվոր, հրդեհ, ծնող, բողոքի ակցիա, նորիկ նորիկյան
Փաշինյանն ու Պապիկյանը նպատակահարմար չեն համարում հանդիպել զոհերի ծնողների հետ․ Նորիկյան
20:28 19.04.2023 (Թարմացված է: 22:43 19.04.2023) Գեղարքունիքի մարզպետը տուժողների ներկայացուցչին հայտնել է, որ հանդիպում չլինելու պատճառը այս պահի դրությամբ այլ տեղեկատվության բացակայությունն ու նախաքննության ընթացքի մեջ լինելն է։
ԵՐԵՎԱՆ, 19 ապրիլի - Sputnik. ՀՀ վարչապետն ու պաշտպանության նախարարը նպատակահարմար չեն համարում և ձեռնպահ են մնում մինչև նախաքննության ավարտը հանդիպել Ազատ գյուղի զինվորական կացարանում զոհված 15 զինծառայողների ծնողների հետ։ Այս մասին
իր ֆեյսբուքյան էջում հայտնել է տուժողների ներկայացուցիչ Նորայր Նորիկյանը։
Փաստաբանին այդ տեղեկությունը հայտնել է ՀՀ Գեղարքունիքի մարզպետ Կարեն Սարգսյանը՝ նշելով, որ Նիկոլ Փաշինյանի և Սուրեն Պապիկյանի որոշումը պայմանավորված է այս պահի դրությամբ այլ տեղեկատվության բացակայության հիմքով, նաև նկատի ունենալով, որ ներկայումս ընթանում է նախաքաննություն։
«Մարզպետի կողմից հայտնած տեղեկատվության բովանդակությունից կարելի է հանգել հետևության, որ ՀՀ վարչապետն ու պաշտպանության նախարարն այս փուլում հերթական անգամ մերժել են հանդիպել զոհված զինծառայողների ծնողների հետ»,-գրել է Նորիկյանը։
Նշենք, որ ապրիլի 18-ին զոհված 15 զինծառայողի հարազատները ապրիլի 18–ին փակել էին Երևան–Սևան ճանապարհը և պահանջում էին հանդիպում ՀՀ վարչապետ Նիկոլ Փաշինյանի և պաշտպանության նախարար Սուրեն Պապիկյանի հետ։ Նրանք սկզբում մտադիր չէին բացել ճանապարհը, սակայն մի քանի ժամ անց, երբ Կարեն Սարգսյանը խոստացավ կատարել նրանց պահանջը (հանդիպում կազմակերպել), վերջիններս բացեցին այն։
Հիշեցնենք` հունվարի 19-ին՝ ժամը 01:30-ի սահմաններում,
հրդեհ էր բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում:
Հրդեհի հետևանքով զոհվել էին 15, վնասվածքներ ստացել` 7 զինծառայող։
Քրեական վարույթ է նախաձեռնվել ՀՀ քրեական օրենսգրքի 532-րդ հոդվածի 4-րդ մասի հատկանիշներով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը
, որն անզգուշությամբ առաջացրել է երկու կամ ավելի անձանց մահ)։
Քրեական վարույթ է նախաձեռնվել նաև պաշտոնատար անձանց կողմից հրդեհային անվտանգության սահմանված կանոնները չպահպանելու, դրա հետ կապված գործառույթները կատարելու հարցում առերևույթ անփութություն դրսևորելու փաստի առթիվ։
Այս գործով
կալանավորվել է ՀՀ ՊՆ N զորամասի թիկունքի պետ-հրամանատարի թիկունքի և կոմունալ շահագործման ծառայության գծով տեղակալ Գոռ Աղեկյանը։
Քրգործ է հարուցվել նաև հրդեհից տուժած սպայի` Ե.Հ.–ի և զորամասի ինժեներասակրավորային վաշտի հրամանատար
Գ.Մ.-ի նկատմամբ։
